Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202419Tuesday

വ്യക്തിപരമായ കാര്യങ്ങൾക്ക് അവധി എടുത്ത് ജസ്പ്രീത് ബുമ്ര; ബുമ്രയുടെ സ്വദേശമായ ഗുജറാത്തിലേക്ക് യാത്ര ചെയ്ത് അനുപമ പരമേശ്വരൻ: അനുപമയുടേയും ബുമ്രയുടേയും വിവാഹ ചർച്ചകൾ ചൂടുപിടിക്കുമ്പോൾ

വ്യക്തിപരമായ കാര്യങ്ങൾക്ക് അവധി എടുത്ത് ജസ്പ്രീത് ബുമ്ര; ബുമ്രയുടെ സ്വദേശമായ ഗുജറാത്തിലേക്ക് യാത്ര ചെയ്ത് അനുപമ പരമേശ്വരൻ: അനുപമയുടേയും ബുമ്രയുടേയും വിവാഹ ചർച്ചകൾ ചൂടുപിടിക്കുമ്പോൾ

സ്വന്തം ലേഖകൻ

നുപമയുടേയും ബുമ്രയുടേയും വിവാഹ ചർച്ചകൾ ചൂടുപിടിക്കുന്നു. ഇംഗ്ലണ്ടിനെതിരെയുള്ള നാലാം ടെസ്റ്റിൽ നിന്ന് ജസ്പ്രീത് ബുമ്ര അവധിയെടുത്തതിന് പിന്നാലെ മലയാളി നടി അനുപമ പരമേശ്വൻ ഗുജറാത്തിലെത്തിയതോടെയാണ് ഇരുവരുടേയും വിവാഹ ചർച്ചകൾ സമൂഹമാധ്യമങ്ങളിൽ ചൂടുപിടിച്ചിരിക്കുന്നത്. വ്യക്തിപരമായ കാര്യങ്ങൾക്ക് അവധി അനുവദിക്കണം എന്നാണ് ബുമ്ര ബിസിസിഐയോട് ആവശ്യപ്പെട്ടിരുന്നത്. ക്രിക്കറ്റ് ബോർഡ് അതംഗീകരിക്കുകയും ചെയ്തു. എന്നാൽ താരം അവധി എടുത്തത് വിവാഹങ്ങൾക്കായുള്ള ഒരുക്കങ്ങൾക്കായാണെന്നാണ് എഎൻഐ റിപ്പോർട്ട് ചെയ്തത്.

ബുമ്ര ക്രിക്കറ്റിൽ നിന്നും അവധി എടുത്തപ്പോൾ സിനിമയിൽ നിന്ന് താൽക്കാലിക അവധിയെടുത്തിരിക്കുകയാണ് അനുപമ. ഹാപ്പി ഹോളിഡേ ടു മി എന്ന കുറിപ്പോടെയാണ് സമൂഹമാധ്യമങ്ങളിൽ നടി ഏറ്റവും പുതിയ ചിത്രങ്ങൾ പങ്കുവച്ചിട്ടുള്ളത്. മാത്രമല്ല ഇൻസ്റ്റഗ്രാം സ്റ്റോറിയിൽ ഗുജറാത്തിലേയ്ക്ക് യാത്ര ചെയ്യുന്ന ചിത്രവും പങ്കുവച്ചതോടെ ആരാധകരുടെ സംശയം കൂടി. ബുമ്രയുടെ സ്വദേശം ഗുജറാത്തിലെ രാജ്കോട്ട് ആണ്. ഇതോടെയാണ് ഇരുവരും വിവാഹിതരാകുന്നു എന്ന ചർച്ച ചൂടുപിടിച്ചത്.

അതേസമയം ഇരുവരും തമ്മിലുള്ള വിവാഹം അനുപമയുടെ അമ്മ തന്നെ നിഷേധിച്ചു. ഇതിനു മുമ്പ് ഇരുവരും പ്രണയത്തിലാണെന്ന തരത്തിലുള്ള വാർത്തകൾ പുറത്തു വന്നിരുന്നു. ആ സമയത്ത് ട്വിറ്ററിൽ പതിനൊന്ന് ഫോളോവേഴ്സുള്ള ബുമ്രയുടെ പേജിൽ താരം ഫോളോ ചെയ്യുന്ന 25 പേരിൽ ഒരാൾ അനുപമയായിരുന്നു. ഇതാണ് അഭ്യൂഹങ്ങൾക്ക് വഴി വച്ചത്. എന്നാൽ ബുംറയും താനും അടുത്ത സുഹൃത്തുക്കൾ മാത്രമാണ് എന്നും അതിൽ കൂടുതൽ ഒന്നുമില്ലെന്നും അനുപമയും പ്രതികരിച്ചിരുന്നു. വിവാദങ്ങൾക്ക് പിന്നാലെ ബുമ്ര അനുപമയെ അൺഫോളോ ചെയ്തു.

സ്റ്റാർ സ്പോർട്സിലെ അവതാരക സഞ്ജന ഗണേശിനെ ചുറ്റിപ്പറ്റിയും അഭ്യൂഹങ്ങൾ പരക്കുന്നുണ്ട്. നടി റാഷി ഖന്നയുടെ പേരും ഇതിനിടെ ഉയർന്നുകേട്ടു. എന്നാൽ തങ്ങൾ തമ്മിൽ ഒരു ബന്ധവുമില്ലെന്നും അഭ്യൂഹങ്ങൾ അടിസ്ഥാന രഹിതമാണെന്നും റാഷി ഖന്നയും വ്യക്തമാക്കിയിരുന്നു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP