Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202425Thursday
ഹോം വാർത്ത ഇന്ത്യ

യുവാവിനെ മർദ്ദിച്ച് അവശനാക്കി വാഹനത്തിൽ കെട്ടിവലിച്ചത് ഭാര്യയും ഭാര്യാസഹോദരനും ചേർന്ന്; ഇരുവരെയും കസ്റ്റഡിയിലെടുത്ത് പൊലീസും

February 28, 202112:08 PM IST Permalink
യുവാവിനെ മർദ്ദിച്ച് അവശനാക്കി വാഹനത്തിൽ കെട്ടിവലിച്ചത് ഭാര്യയും ഭാര്യാസഹോദരനും ചേർന്ന്; ഇരുവരെയും കസ്റ്റഡിയിലെടുത്ത് പൊലീസും

മറുനാടൻ മലയാളി ബ്യൂറോ

സൂറത്ത്: യുവാവിനെ മർദ്ദിച്ച് അവശനാക്കി വാഹനത്തിൽ കെട്ടിവലിച്ച ഭാര്യയും ഭാര്യാസഹോദരനും കസ്റ്റഡിയിൽ. ഗുജറാത്തിലെ സൂറത്തിലാണ് സംഭവം. സൂറത്തിലെ കഡോദാര സ്വദേശികളായ ശീതൾ റാത്തോഡ്, സഹോദരൻ അനിൽ ചൗഹാൻ എന്നിവരെയാണ് പൊലീസ് പിടികൂടിയത്. ശീതളിന്റെ ഭർത്താവ് ബാൽകൃഷ്ണ റാത്തോഡിനെയാണ് ഇരുവരും ചേർന്ന് മർദിച്ച ശേഷം ടെംപോ വാനിൽ കെട്ടിയിട്ട് റോഡിലൂടെ വലിച്ചിഴച്ചത്. സംഭവം കണ്ട നാട്ടുകാരാണ് വാഹനം തടഞ്ഞ് ഇരുവരെയും പൊലീസിന് കൈമാറിയത്.

വെള്ളിയാഴ്ച വൈകിട്ടോടെയായിരുന്നു കേസിനാസ്പദമായ സംഭവം. മദ്യപിച്ചെത്തുന്ന ബാൽകൃഷ്ണ ഭാര്യയെ മർദിക്കുന്നത് പതിവായിരുന്നുവെന്നാണ് പൊലീസ് പറയുന്നത്. വെള്ളിയാഴ്ച വൈകിട്ടും മദ്യപിച്ചെത്തിയ ഇയാൾ ഭാര്യയുമായി വഴക്കിട്ടു. ഇതോടെ ശീതൾ സഹോദരനായ അനിൽ ചൗഹാനെ വിളിച്ചുവരുത്തി. ടെംപോ ഡ്രൈവറായ അനിൽ സഹോദരിയുടെ വീട്ടിലെത്തി പ്രശ്‌നം പരിഹരിക്കാൻ ശ്രമിച്ചെങ്കിലും ഫലംകണ്ടില്ല. ബാൽകൃഷ്ണ ഭാര്യാസഹോദരനെയും ആക്രമിക്കാൻ ശ്രമിച്ചു. ഇതോടെയാണ് ശീതളും സഹോദരനും ചേർന്ന് ബാൽകൃഷ്ണയെ മർദിച്ചത്. തുടർന്ന് ടെംപോ വാനിൽ ഇയാളെ കെട്ടിയിട്ട് അരക്കിലോമീറ്ററോളം ദൂരം റോഡിലൂടെ വലിച്ചിഴക്കുകയും ചെയ്തു.

സംഭവം കണ്ട നാട്ടുകാർ വാഹനത്തെ പിന്തുടർന്നാണ് പ്രതികളെ തടഞ്ഞുവെച്ചത്. തുടർന്ന് രണ്ടുപേരെയും പൊലീസിന് കൈമാറുകയായിരുന്നു. തലയ്ക്കും മറ്റും ഗുരുതരമായി പരിക്കേറ്റ ബാലകൃഷ്ണ നിലവിൽ അബോധാവസ്ഥയിലാണെന്നും കസ്റ്റഡിയിലെടുത്ത പ്രതികളെ കോവിഡ് പരിശോധനയ്ക്ക് ശേഷം അറസ്റ്റ് രേഖപ്പെടുത്തി കോടതിയിൽ ഹാജരാക്കുമെന്നും പൊലീസ് പറഞ്ഞു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP