Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202419Tuesday

ശാന്തിനിയുടെ മരണം സംഭവിച്ചത് സ്‌കൂട്ടറിൽ നിന്നും തെറിച്ചു വീണപ്പോൾ ശരീരത്തിലൂടെ ടാങ്കർ ലോറി കയറിയിറങ്ങി; അടിമാലിയിൽ ഇന്നലെ ഉണ്ടായ അപകടത്തിൽ പൊലിഞ്ഞത് നാലു മാസം മുമ്പ് വിവാഹിതയായ 27കാരി: അപകടം ഉണ്ടായത് സ്വന്തം വീട്ടിൽ നിന്നും ഭർത്താവിനൊപ്പം ചിന്നപ്പാറയിലെ വീട്ടിലേക്ക് പോകവെ

ശാന്തിനിയുടെ മരണം സംഭവിച്ചത് സ്‌കൂട്ടറിൽ നിന്നും തെറിച്ചു വീണപ്പോൾ ശരീരത്തിലൂടെ ടാങ്കർ ലോറി കയറിയിറങ്ങി; അടിമാലിയിൽ ഇന്നലെ ഉണ്ടായ അപകടത്തിൽ പൊലിഞ്ഞത് നാലു മാസം മുമ്പ് വിവാഹിതയായ 27കാരി: അപകടം ഉണ്ടായത് സ്വന്തം വീട്ടിൽ നിന്നും ഭർത്താവിനൊപ്പം ചിന്നപ്പാറയിലെ വീട്ടിലേക്ക് പോകവെ

സ്വന്തം ലേഖകൻ

അടിമാലി: ഇന്നലെ അടിമാലിയിൽ ഉണ്ടായ ദാരുണമായ അപകടത്തിൽ പൊലിഞ്ഞത് നവവധു. ഭർത്താവിനൊപ്പം ചിന്നപ്പാറയിലെ വീട്ടിലേക്ക് പോകവെ ഇവർ സഞ്ചരിച്ചിരുന്ന സ്‌കൂട്ടർ കാറുമായി കൂട്ടിയിടിച്ച് യുവതി തെറിച്ചുവീണു. തുടർന്ന് യുവതിയുടെ ശരീരത്തിലൂടെ ടാങ്കർ ലോറി കയറിയിറങ്ങുക ആയിരുന്നു. അടിമാലി ചിന്നപ്പാറ ആദിവാസി കുടിയിൽ നിന്നുള്ള കണ്ടത്തിൻകര അനുവിന്റെ ഭാര്യ ശാന്തിനി (27) ആണ് അതിദാരുണമായി മരിച്ചത്.

അടിമാലി കുമളി ദേശീയ പാതയിലെ ആയിരമേക്കർ തെക്കേ കത്തിപ്പാറ ജംക്ഷനു സമീപം ഇന്നലെ ഉച്ചയ്ക്ക് രണ്ടരയോടെയാണ് അപകടം. കഴിഞ്ഞ ശനിയാഴ്ച കട്ടപ്പനയിൽ പിഎസ്‌സി പരീക്ഷ എഴുതിയ ശേഷം ശാന്തിനി മുരിക്കാട്ടുകുടിയിലെ സ്വന്തം വീട്ടിലായിരുന്നു ശാന്തിനി.

ഇന്നലെ ഭർത്താവ് അനുവിനൊപ്പം ചിന്നപ്പാറയിലേക്കു പോകവേയാണ് അപകടം. കാർ ശരിയായ ദിശയിൽ ആയിരുന്നില്ലെന്നു ദൃക്‌സാക്ഷികൾ പറഞ്ഞു. ശാന്തിനി അപകടസ്ഥലത്തു തന്നെ മരിച്ചു. അനുവിനു സാരമായ പരുക്കുകളുണ്ട്. 4 മാസം മുൻപായിരുന്നു ഇവരുടെ വിവാഹം. മൃതദേഹം അടിമാലി താലൂക്ക് ആശുപത്രി മോർച്ചറിയിൽ.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP