Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202425Thursday
ഹോം വാർത്ത കേരളം

സിനിമയിലെ കലാകാരന്മാരിൽ കൂടുതൽപ്പേരും വലതുപക്ഷത്ത്; ഇനിയും കൂടുതൽ കലാകാരന്മാർ കോൺഗ്രസിലേക്ക് വരുമെന്നും ധർമജൻ ബോൾഗാട്ടി; പാർട്ടി ആവശ്യപ്പെട്ടാൽ മത്സരിക്കുമെന്നും താരം

February 18, 202105:50 PM IST Permalink
സിനിമയിലെ കലാകാരന്മാരിൽ കൂടുതൽപ്പേരും വലതുപക്ഷത്ത്; ഇനിയും കൂടുതൽ കലാകാരന്മാർ കോൺഗ്രസിലേക്ക് വരുമെന്നും ധർമജൻ ബോൾഗാട്ടി; പാർട്ടി ആവശ്യപ്പെട്ടാൽ മത്സരിക്കുമെന്നും താരം

മറുനാടൻ മലയാളി ബ്യൂറോ

കൊച്ചി: കോൺഗ്രസ് ആവശ്യപ്പെട്ടാൽ നിയമസഭാ തെരഞ്ഞെടുപ്പിൽ മത്സരിക്കുമെന്ന് വ്യക്തമാക്കി നടൻ ധർമജൻ ബോൾഗാട്ടി. സിനിമയിലെ കലാകാരന്മാരിൽ കൂടുതൽപ്പേരും വലതുപക്ഷത്താണെന്നും അദ്ദേഹം ചൂണ്ടിക്കാട്ടി. ഇനിയും കൂടുതൽ കലാകാരന്മാർ കോൺഗ്രസിലേക്ക് വരുമെന്നും വാർത്താസമ്മേളനത്തിൽ ധർമജൻ പറഞ്ഞു. താൻ വർഷങ്ങളായി കോൺ​ഗ്രസിന് വേണ്ടിയാണ് പ്രവർത്തിക്കുന്നതെന്നും ധർമ്മജൻ ചൂണ്ടിക്കാട്ടി.

'വർഷങ്ങളായി കോൺഗ്രസ് പ്രവർത്തകനാണ്. പോസ്റ്ററൊട്ടിക്കാനും മൈക്ക് അനൗൺസ്മെന്റിനും നടന്നിട്ടുണ്ട്. ഭാരവാഹിത്വവും വഹിച്ചിട്ടുണ്ട്. അപ്പോഴെല്ലാം മത്സരിക്കാനുള്ള അവസരം ലഭിച്ചിരുന്നതാണ്. അതെല്ലാം വേണ്ടെന്ന് വച്ചു. എന്നാൽ നിയസമഭാ തിരഞ്ഞെടുപ്പിൽ മത്സരിക്കുന്നതിൽ പ്രശ്നമില്ല' -ധർമജൻ പറഞ്ഞു. ധർമജൻ കോൺ​ഗ്രസ് ടി​ക്കറ്റി​ൽ ബാലുശേരി​യി​ൽ മത്സരി​ക്കുമെന്ന് റി​പ്പോർട്ടുണ്ടായി​രുന്നു. എന്നാൽ ഇക്കാര്യം പാർട്ടി​ സ്ഥി​രീകരി​ച്ചി​രുന്നി​ല്ല.

കഴി​ഞ്ഞദി​വസം സംവി​ധായകനും നടനുമായ​ രമേഷ് പി​ഷാരടി​ പ്രതിപക്ഷനേതാവ് രമേശ് ചെന്നി​ത്തലയുടെ ഐശ്വര്യകേരളയാത്രയി​ൽ പങ്കെടുത്തു. ഇതാേടെ പിഷാടി​യും കോൺ​ഗ്രസ് ടി​ക്കറ്റി​ൽ മത്സരി​ക്കുമെന്ന് അഭ്യൂഹം പരന്നു. അതി​നി​ടെ ധർമജനേയും പി​ഷാടി​യെയും എറണാകുളത്തെ കുന്നത്തുനാട്ടിലും തൃപ്പൂണിത്തുറയിലുമായി മത്സരിപ്പിക്കണമെന്ന നി​ർദ്ദേശം പാർട്ടി​യി​ലെ ഒരു വി​ഭാഗം മുന്നോട്ടുവച്ചി​ട്ടുണ്ട്. ട്വന്റി ട്വന്റിക്ക് നിർണായക സ്വാധീനമുള്ള കുന്നത്തുനാട് ഇത്തവണ നിലനിർത്തണമെങ്കിൽ ധർമ്മജനെപ്പോലൊരാൾ വേണമെന്നാണ് അവർ പറയുന്നത്. തൊട്ടടുത്ത തൃപ്പൂണിത്തുറയിൽ പിഷാരടിയെ സ്ഥാനാർത്ഥിയാക്കിയാൽ ഈ മേഖലയൊന്നാകെ കൂടുതൽ ശ്രദ്ധിക്കപ്പെടുമെന്നും അത് പാർട്ടിക്ക് ഗുണംചെയ്യുമെന്നാണ് ഇവരുടെ അവകാശവാദം. മത്സരി​ക്കാനി​ല്ലെന്ന് നി​ലപാടെടുത്തു നി​ൽക്കുന്ന പിഷാരടിയുടെ മനസുമാറ്റാനുള്ള ശ്രമങ്ങളും അവർ തുടങ്ങിയിട്ടുണ്ട്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP