Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

ടിക് ടോക്ക് താരം പൂജ ചവാന്റെ ആത്മഹത്യ: ഓഡിയോ ക്ലിപ്പുകൾ പുറത്തുവന്നതോടെ മഹാരാഷ്ട്ര മന്ത്രി രാജി നൽകി; സ്വീകരിക്കാതെ മുഖ്യമന്ത്രി ഉദ്ധവ് താക്കറെ

ടിക് ടോക്ക് താരം പൂജ ചവാന്റെ ആത്മഹത്യ: ഓഡിയോ ക്ലിപ്പുകൾ പുറത്തുവന്നതോടെ മഹാരാഷ്ട്ര മന്ത്രി രാജി നൽകി; സ്വീകരിക്കാതെ മുഖ്യമന്ത്രി ഉദ്ധവ് താക്കറെ

മറുനാടൻ ഡെസ്‌ക്‌

മുംബൈ: 'ടിക് ടോക്' താരം പൂജ ചവാന്റെ (22) ആത്മഹത്യയുമായി ബന്ധപ്പെട്ട ആരോപണത്തെ തുടർന്ന് മഹാരാഷ്ട്ര വനംമന്ത്രി സഞ്ജയ് റാത്തോഡ് രാജിക്കത്ത് നൽകി. ചൊവ്വാഴ്ച രാവിലെ ബാന്ദ്രയിലെ താക്കറെ വസതിയായ 'മാതൊശ്രീ'യിലെത്തിയാണ് മുഖ്യമന്ത്രി ഉദ്ധവ് താക്കറെക്ക് രാജിക്കത്ത് നൽകിയത്. അതേസമയം രാജി ഇതുവരെ മുഖ്യമന്ത്രി സ്വീകരിച്ചിട്ടില്ല.

സഞ്ജയ് ചവാൻ നടത്തിയതായി ആരോപിക്കുന്ന ഫോൺസംഭാഷണങ്ങളുടെ 11 ഓഡിയോ ക്‌ളിപ്പുകൾ സമൂഹ മാധ്യമങ്ങളിൽ പ്രചരിച്ചിരുന്നു. ഇതോടെ, മന്ത്രിയുടെ രാജിയും പുജെയുടെ മരണത്തിൽ അന്വേഷണവുമാവശ്യപ്പെട്ട് പ്രതിപക്ഷ നേതാവ് ദേവേന്ദ്ര ഫഡ്‌നാവിസ് അടക്കം ബിജെപി നേതാക്കൾ രംഗത്തെത്തി.

മന്ത്രിയിൽ നിന്ന് മുഖ്യമന്ത്രി നേരിട്ട് വിശദീകരണം കേട്ടിരുന്നു. തുടർന്ന് സംഭവം അന്വേഷിക്കാൻ മുഖ്യമന്ത്രി ഉത്തരവിടുകയും ചെയ്തിരുന്നു. പുണെ പൊലിസ് കമീഷണർ അമിതാഭ് ഗുപ്ത കേസുമായി ബന്ധപ്പെട്ട പ്രാഥമിക വിവരങ്ങൾ തിങ്കളാഴ്ച മുഖ്യമന്ത്രിയെ അറിയിക്കുകയും ചെയ്തു.

മന്ത്രിക്കെതിരായ ആരോപണങ്ങൾ പൂജയുടെ ബന്ധുക്കൾ നിഷേധിച്ചിട്ടുണ്ട്. കഴിഞ്ഞ ഏഴിനാണ് പുണെയിൽ സഹോദരൻ താമസിക്കുന്ന കെട്ടിടത്തിൽ നിന്ന് വീണ് പൂജ മരിച്ചത്. ബീഡ് സ്വദേശിയായ പൂജ സ്‌പോക്കൺ ഇംഗ്‌ളീഷ് പഠിക്കാൻ പുണെയിൽ എത്തിയതായിരുന്നു. വിദർഭയിൽ നിന്നുള്ള ശിവസേന നേതാവാണ് സഞ്ജയ് റാത്തോഡ്. ബഞ്ചാര സമുദായത്തിൽ നിന്നുള്ള നേതാവാണ്.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP