Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202419Tuesday

മാസപൂജയ്ക്കായി ശബരിമല നട തുറന്നു; ഭക്തർക്ക് പ്രവേശനം ഇന്നുമുതൽ; അനുവദിക്കുക വെർച്വൽ ക്യൂവിൽ ബുക്ക് ചെയ്ത് എത്തുന്ന 5000 പേരെ മാത്രം

മാസപൂജയ്ക്കായി ശബരിമല നട തുറന്നു; ഭക്തർക്ക് പ്രവേശനം ഇന്നുമുതൽ; അനുവദിക്കുക വെർച്വൽ ക്യൂവിൽ ബുക്ക് ചെയ്ത് എത്തുന്ന 5000 പേരെ മാത്രം

സ്വന്തം ലേഖകൻ

ശബരിമല: കുംഭ മാസ പൂജയ്ക്കായി അയ്യപ്പ ക്ഷേത്രനട തുറന്നു. മേൽശാന്തി വി.കെ.ജയരാജ് പോറ്റി ക്ഷേത്രനട തുറന്ന് ശ്രീകോവിലിലെ ദീപങ്ങളും പതിനെട്ടാംപടിയിറങ്ങി ആഴിയും തെളിച്ചു. ഇന്നലെ പൂജകൾ ഇല്ലായിരുന്നു.

തന്ത്രി കണ്ഠര് രാജീവരുടെ കാർമികത്വത്തിൽ ഇന്നു രാവിലെ നടന്ന മഹാഗണപതി ഹോമത്തോടെ പൂജകൾ തുടങ്ങി. ഇന്ന് മുതലാണ് തീർത്ഥാടകർക്ക് പ്രവേശനം.
പൊലീസിന്റെ വെർച്വൽ ക്യൂവിൽ ബുക്ക് ചെയ്ത് എത്തുന്ന 5000 പേർക്കു മാത്രമാണ് പ്രവേശനം. ഇവർ ആർടിപിസിആർ, ട്രൂനാറ്റ് എന്നിവയിൽ ഏതെങ്കിലുമൊരു കോവിഡ് പരിശോധന നടത്തി നെഗറ്റീവ് സർട്ടിഫിക്കറ്റ് ഹാജരാക്കണം. നിലയ്ക്കലും പമ്പയിലും പരിശോധനാ സൗകര്യം ഉണ്ട്.

17 വരെയാണ് പൂജകൾ ഉണ്ടാകുക. നെയ്യഭിഷേകത്തിനുള്ള നെയ്യ് നേരിട്ട് ശ്രീകോവിലിൽ നൽകാൻ ഭക്തർക്ക് അനുവാദമില്ല.ഉദയാസ്തമനഃപൂജ, പടിപൂജ, കലശാഭിഷേകം തുടങ്ങിയ വിശേഷാൽ വഴിപാടുകൾ ഉണ്ട്. കളഭാഭിഷേകം, അർച്ചന, ഗണപതിഹോമം, പുഷ്പാഞ്ജലി, ഭഗവതി സേവ തുടങ്ങിയവ വഴിപാടുകളും നടത്താൻ സൗകര്യമുണ്ട്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP