Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202425Thursday
ഹോം വാർത്ത കേരളം

വാഗമണ്ണിൽ നീണ്ട ഇടവേളയ്ക്ക് ശേഷം കാട്ടുപോത്ത്; രാത്രി യാത്രയിൽ വന്യമൃഗത്തിന്റെ ദൃശ്യം പകർത്തി വഴിക്കടവുകാരൻ; യാത്രക്കാർ മുൻകരുതൽ എടുക്കണമെന്ന് വനം വകുപ്പ്

January 29, 202112:44 PM IST Permalink
വാഗമണ്ണിൽ നീണ്ട ഇടവേളയ്ക്ക് ശേഷം കാട്ടുപോത്ത്; രാത്രി യാത്രയിൽ വന്യമൃഗത്തിന്റെ ദൃശ്യം പകർത്തി വഴിക്കടവുകാരൻ; യാത്രക്കാർ മുൻകരുതൽ എടുക്കണമെന്ന് വനം വകുപ്പ്

പ്രകാശ് ചന്ദ്രശേഖർ

ഇടുക്കി; നീണ്ട ഇടവേളയ്ക്കുശേഷം വിനോദസഞ്ചാരകേന്ദ്രമായ വാഗമണ്ണിൽ കാട്ടുപോത്തിറങ്ങി. ഇന്നലെ രാത്രി 8.30 തോടടുത്ത് ഈരാറ്റുപേട്ട -വാഗമൺ റോഡിൽ വഴിക്കടവ് ഫോറസ്റ്റ് ചെക്കിങ് സ്റ്റേഷനുസമീപമാണ് കാട്ടുപോത്തിനെ കണ്ടെത്തിയത്.

വഴിക്കടവ് സ്വദേശി നിതിൻ റോഡിൽക്കൂടി കാട്ടുപോത്ത് നടന്നുവരുന്ന ദൃശ്യം മൊബലിൽ പകർത്തുകയും വിവരം സുഹൃത്തുക്കളെയും വനംവകുപ്പധികൃതരെയും അറിയിക്കുകയുമായിരുന്നു. ഇതുവഴി വീട്ടിലേയ്ക്ക് വരും വഴിയാണ് കാറിന് മുന്നിൽ പൊടുന്നനെ കാട്ടുപോത്തിനെ കണ്ടതെന്നും കിട്ടിയ ചുരുങ്ങിയ സമയം കൊണ്ട് താൻ ദൃശ്യം മൊബൈലിൽ പകർത്തിയെന്നുമാണ് നിധിൻ അടുപ്പക്കാരോട് വ്യക്തമാക്കിയിട്ടുള്ളത്.

8 വർഷത്തിനുമുമ്പ് ഒരിക്കൽ ഈ മേഖലയിൽ കാട്ടുപോത്തിന്റെ സാന്നിദ്ധ്യം റിപ്പോർട്ട് ചെയ്യപ്പെട്ടിട്ടുണ്ടെന്നും ഇതിനുശേഷം ഇന്നലെയാണ് ഇക്കാര്യത്തിൽ സ്ഥിരീകരണം ഉണ്ടായിരിക്കുന്നതെന്നും വനംവകുപ്പധികൃതർ അറിയിച്ചു. വിവരമറിഞ്ഞയുടൻ സ്ഥലത്തെത്തിയ വനപാലക സംഘം പോത്തിനെ വഴിക്കടവ് കൂപ്പ് ഭാഗത്തേയ്ക്ക് ഓടിച്ചുവിടുകയായിരുന്നു. ഇതിന് താഴ്ഭാഗം റിസർവ്വ് വനഭൂമിയാണ്.

ഇവിടെ നിന്നാകാം പോത്ത് ഇവിടേയ്ക്കെത്തിയതെന്നാണ് അധികൃതരുടെ അനുമാനം. അപ്രതീക്ഷിതമായി കാട്ടുപോത്ത് മുന്നിൽപ്പെടാനിടയുണ്ടെന്നും അതിനാൽ വാഹനയാത്രക്കാർ കരുതലോടെ കടന്നുപോകണമെന്നുമാണ് നാട്ടുകാർ നൽകുന്ന മുന്നറിയിപ്പ്.കാട്ടുപോത്തിനെ കണ്ടെത്തിയതായുള്ള വിവരം പ്രചരിച്ചതോടെ മേഖലിയിൽ വാഹനയാത്രക്കാർ ഭീതിയിലാണ്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP