കാസർകോട് നഗരസഭാ ചെയർമാൻ അഡ്വ: മുനീർ ആക്ഷൻ തുടങ്ങി; വാടക നൽകാത്തവർ ഇനി നഗരസഭാ കെട്ടിട...

കാസർകോട് നഗരസഭാ ചെയർമാൻ അഡ്വ: മുനീർ ആക്ഷൻ തുടങ്ങി; വാടക നൽകാത്തവർ ഇനി നഗരസഭാ കെട്ടിടങ്ങളിൽ കച്ചവടം ചെയ്യേണ്ട; ഇന്നലെ മാത്രം അടച്ചു പൂട്ടിയത് 13 കടകൾ; ശക്തമായ പിന്തുണയുമായി മുൻസിപ്പൽ സെക്രട്ടറി; നടപടി മറുനാടൻ മലയാളിയുടെ ശക്തമായ ഇടപെടലിൽ

January 13, 202107:40 PM IST Permalink

ബുർഹാൻ തളങ്കര

കാസർകോട്: നഗരസഭയുടെ കെട്ടിടങ്ങളിൽ ഒരു വർഷമായി വാടക നൽകാതെയും എഗ്രിമെന്റ് പുതുക്കാതെയും പ്രവർത്തിച്ചുവരുന്ന കട മുറികൾ ഒഴിപ്പിച്ചു തുടങ്ങി. കഴിഞ്ഞ ദിവസം വൈകുന്നേരത്തോടെയാണ് റവന്യൂ ഓഫീസറും റവന്യൂ ഇൻസ്പെക്ടറും അടങ്ങുന്ന സംഘം പുതിയ ബസ് സ്റ്റാൻഡ് ഷോപ്പിങ് കോംപ്ലക്സ് മിനി മാർക്കറ്റ്, പഴയ ബസ് സ്റ്റാൻഡ് നഗരസഭാ ഷോപ്പിങ് സെന്റർ എന്നിവിടങ്ങളിലായി പതിമൂന്നോളം കടകൾ അടച്ചുപൂട്ടിയത്. പല കടകളും പ്രവർത്തനം നടന്നുകൊണ്ടിരിക്കെയാണ് കച്ചവടം അവസാനിപ്പിച്ചു നഗരസഭ നടപടിയെടുത്തത്. ചില കട ഉടമകൾ സഹായത്തിനായി മുൻസിപ്പൽ ചെയർമാൻ അഡ്വക്കേറ്റ് മുനീറിനെ വിളിച്ചെങ്കിലും വഴിവിട്ട കാര്യങ്ങൾക്ക് തന്നെ വിളിക്കുകയോ നിർബന്ധിക്കുകയോ ചെയ്യരുതെന്ന സന്ദേശമാണ് തിരിച്ചു നൽകിയത്.

മാത്രമല്ല പല കടമുറികളും ഉയർന്ന വാടകക്ക് മറിച്ചു നൽകിയതായും കണ്ടെത്തിയിട്ടുണ്ട് . ഇത്തരക്കാർക്കെതിരെയും ശക്തമായ നടപടിയെടുക്കാൻ നിർദ്ദേശം നൽകിയതായും അറിയുന്നു. നേരത്തെ വ്യാപാരി വ്യവസായ സമിതിയുമായി ഇതുമായി ബന്ധപ്പെട്ട മുൻസിപ്പൽ ചെയർമാൻ ചർച്ച ചെയ്ത് വ്യക്തമായ സന്ദേശം നൽകിയിരുന്നു. മൂന്നു ദിവസം കൊണ്ട് പണം അടച്ചില്ലെങ്കിൽ അടച്ചുപൂട്ടാൻ നിർബന്ധിതമാക്കുമെന്ന കണിശമായ നിർദേശമാണ് നൽകിയിരുന്നുത്

വാടകയിനത്തിൽ കിട്ടാക്കടമായി കിടക്കുന്ന അരക്കോടിയോളം രൂപ ഏത് വിധേനയും തിരിച്ചു പിടിച്ചു ഈ വരുന്ന മൂന്നുവർഷംകൊണ്ട് നഗരസഭയുടെ ആസ്തി ഫണ്ട് ഉയർത്തി ക്ഷേമ കാര്യങ്ങൾ വർധിപ്പിക്കാനാണ് നിലവിലെ ചെയർമാന്റെ തീരുമാനം. ഇതുമായി ബന്ധപ്പെട്ട് മറുനാടൻ മലയാളി നേരത്തെ വാർത്ത പ്രസിദ്ധീകരിച്ചിരുന്നു.

അതേസമയം തന്നെ നഗരസഭാ സെക്രട്ടറിയുടെ ഇടപെടൽ ഏറെ അംഗീകാരം നേടിക്കൊണ്ടിരിക്കുകയാണ്. തെരുവു വിളക്കുകൾ ഉടനടി പുനഃസ്ഥാപിക്കാൻ നിർദ്ദേശം നൽകി കഴിഞ്ഞു. കോവിഡ് കാരണം പൂട്ടിയിട്ട പാർക്കുകൾ ശുചീകരിച്ചു മോടികൂട്ടി കുട്ടികൾക്കായി തുറന്നുകൊടുക്കാൻ സെക്രട്ടറി കൈകൊണ്ട് നിലപാടുകൾ ഏറെ പ്രശംസനീയമാണ്. സെക്രട്ടറിയുടെ സത്യസന്ധമായ ഇടപെടൽ ചില തൽപ്പരകക്ഷികൾക്ക് ദഹിക്കുന്നില്ലെങ്കിലും അഴിമതിയും കെടുകാര്യസ്ഥതയും വെച്ചുപൊറുപ്പിക്കില്ല കർക്കശ നിലപാടിൽ അയവ് വരുത്തില്ലെന്നും ശമ്പളം വാങ്ങിക്കുന്നണ്ടെങ്കിൽ അതിനൊത്ത ജോലി ചെയ്തേ മതിയാകൂ എന്നുമാണ് നിലപാട്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

ബുർഹാൻ തളങ്കര

Stories you may Like

Readers Comments+

More News in this category+

MNM Recommends +