രണ്ടു പകലും ഒരു രാത്രിയും നീണ്ട ദുരിതയാത്ര; അമ്മയുടെ അന്ത്യകർമ്മം ചെയ്യാൻ പുറപ്പെട്ട കുടുംബം അടക്കം ഡൽഹിയിൽ കുടുങ്ങി; തോന്നിയ പോലെ കോവിഡ് പ്രോട്ടോകോൾ വന്നപ്പോൾ കൈക്കുഞ്ഞുങ്ങൾ അടക്കം വിഷമത്തിലായത് നൂറോളം യാത്രക്കാർ; ആരും തിരിഞ്ഞു നോക്കിയില്ല, പിടിച്ചു നിർത്തിയത് മലയാളികളെ മാത്രം; ഇന്നലെ ഡൽഹി വിമാനത്താവളത്തിൽ സംഭവിച്ചത്
കെ ആർ ഷൈജുമോൻ
ലണ്ടൻ: മിനിഞ്ഞാന്ന് രാത്രി എയർ ഇന്ത്യ 112 വിമാനം പുറപ്പെട്ടത് തന്നെ ശകുനപ്പിഴയോടെ. ഒരു മണിക്കൂറോളം വൈകി പുറപ്പെട്ട വിമാനം ഡൽഹി ഇന്ദിരാഗാന്ധി വിമാനത്താവളത്തിൽ എത്തിയത് ഇന്നലെ രാവിലെ പതിനൊന്നു മണിക്ക്. കുട്ടികളും സ്ത്രീകളും അടക്കം ഉള്ള നൂറോളം പേരുള്ള മലയാളി യാത്രക്കാർ ഇമിേ്രഗഷൻ നടപടിക്കായി എത്തിയപ്പോൾ തന്നെ എന്തോ പന്തികേട് തോന്നി. കൊച്ചി വിമാനത്തിൽ പോകാനുള്ളവർ മാറിനിൽക്കണമെന്നു ഉഗ്രശാസന. വിമാനം വൈകിയതിനാൽ 11.10 നല്ല കണക്ഷൻ ഫ്ളൈറ്റ് നഷ്ടമായി എന്നുറപ്പായി. അതുകാരണം ഉള്ള എന്തെകിലും ക്രമീകരണം ആയിരിക്കും എന്നാണ് യാത്രക്കാർ കരുതിയത്. എന്നാൽ അവരുടെ തലയിലേക്ക് ഇടിത്തീ പോലെ ഒരു വാർത്ത ആണെത്തിയത് . ''യുകെ വിമാനത്തിൽ വന്നവർ മുഴുവൻ ഏഴു ദിവസം ഡൽഹിയിൽ ക്വറന്റീനിൽ കഴിയണം. ഓരോ യാത്രക്കാരും വീണ്ടും പിസിആർ ടെസ്റ്റ് ചെയ്യണം. റിസൾട് വരാൻ പത്തുമണിക്കൂർ വരെ സമയം എടുത്തേക്കാം, അതിനായി ലോഞ്ചിൽ ഇരിക്കുന്ന സമയത്തിനുള്ള യൂസേഴ്സ് ഫീ അടക്കം 3400 രൂപയും അടക്കണം''. ഇത്തരത്തിൽ ഉഗ്രശാസനകൾ ഒന്നൊന്നായി വന്നുകൊണ്ടിരുന്നു. എന്നാൽ പണം അടച്ചാലും ഏതാനും ദിവസത്തെ അത്യാവശ്യ കാര്യങ്ങളാക്കായി പുറപ്പെട്ട തങ്ങൾ ഏഴു ദിവസം ഡൽഹിയിൽ കഴിയണം എന്ന് പറയുന്നത് ഒരു തരത്തിലും യാത്രക്കാർക്ക് അംഗീകരിക്കാൻ കഴിയുന്ന കാര്യം ആയിരുന്നില്ല.
മർക്കട മുഷ്ടിയുമായി എയർപോർട്ട് പൊലീസ്, ഒന്നും ചെയ്യാനില്ലെന്നു കേരളത്തിലെ രാഷ്ട്രീയക്കാർ
തങ്ങൾ കുടുങ്ങി എന്നുറപ്പായ യാത്രക്കാർ ബഹളം വയ്ക്കാൻ ആരംഭിച്ചു. സ്ഥിതിഗതികൾ വഷളാകുന്നു എന്ന് കണ്ടതോടെ പലരും നാട്ടിലേക്കും യുകെയിലേക്കും വിളി തുടങ്ങി. യുകെയിൽ ഉള്ളവർ വെപ്രാളപ്പെട്ട് തലങ്ങും വിലങ്ങും മന്ത്രിമാരെയും എംപിമാരെയും ഡൽഹി ഭരണകൂടത്തിൽ പിടിപാടുള്ളവരെയും ഒക്കെ വിളിക്കാൻ തുടങ്ങി. കഴിഞ്ഞ ദിവസം ലണ്ടൻ - കൊച്ചി വിമാനത്തിനായി രൂപമെടുത്ത ജനകീയ സമിതിയുടെ വാട്സാപ്പ് ഗ്രൂപ് ഒരു ഹെല്പ് ലൈൻ ഡെസ്ക് പോലെ പ്രവർത്തനം ആരംഭിച്ചു. ഡൽഹിൽ ഉള്ള മാധ്യമപ്രവർത്തകർ വഴിയാണ് പ്രധാനമായും ഈ ഹെൽപ്പ് ഡെസ്ക് വഴി യുകെ മലയാളികളിൽ വിവരമെത്തിയത്. ഇത്തരം സാഹചര്യങ്ങൾ ഉണർന്നു പ്രവർത്തിക്കാൻ ബാധ്യതയുള്ള യുകെ മലയാളികൾക്ക് വേണ്ടി കേരള സർക്കാരിന്റെ മുഖമായി പ്രത്യക്ഷപ്പെടുന്ന ലോക് കേരള സഭ അംഗങ്ങളെയൊന്നും വിഷയത്തിൽ ഇടപെട്ട് കണ്ടതുമില്ല.
പക്ഷെ പ്രതീക്ഷ കളയാതെ യുകെയിൽ നിന്നുള്ള സാമൂഹ്യ പ്രവർത്തകരുടെ ഓരോ ഫോൺകോളും പതിവ് പോലെ കേരളത്തിലെ ഏതെങ്കിലും ഒരു രാഷ്ട്രീയക്കാരനിൽ ചെന്നെത്തി നിന്നു. പതിവ് പോലെ ഇത്തരം അത്യാവശ്യ സന്ദർഭങ്ങളിൽ പറയാനുള്ള റെക്കോർഡ് ശബ്ദം പോലെയുള്ള ന്യായീകരണങ്ങൾ സർക്കാരിൽ നിന്നും പ്രതിപക്ഷ നേതാക്കളിൽ നിന്നും മുറപോലെ എത്തി തുടങ്ങി. എന്തെങ്കിലും സാങ്കേതിക ന്യായം പറയാൻ അറിയുന്നവർ അതിലും മിടുക്കു കാട്ടി. എന്നാൽ ഭരണകേന്ദ്രത്തിലെ ഒരു മിടുക്കൻ കേരളത്തിൽ രാത്രിയായപ്പോഴും യുകെയിൽ നിന്നും വിളിച്ച പാർട്ടി അനുഭാവിയോട് ചോദിച്ചത് ഡൽഹിയിൽ കുടുങ്ങിയിരിക്കുന്ന ആരുടെയെങ്കിലും നമ്പർ നൽകണമെന്ന്. അതിനർത്ഥം മുഴുവൻ വാർത്ത ചാനലുകളും ലൈവ് ആയി എയർപോർട്ടിൽ നിന്നും വിഷയം റിപ്പോർട്ട് ചെയ്തിട്ടും ഉത്തരവാദപ്പെട്ടവർ അതൊന്നും അറിഞ്ഞതേയില്ല.
യാത്രക്കാരും പറയുന്നു, ആരും സഹായത്തിനെത്തിയില്ല
ഭരണ സിരാകേന്ദ്രത്തിലെ ഉദ്യോഗസ്ഥന്റെ വാക്കുകൾ അക്ഷരം പ്രതി ശരിവയ്ക്കുന്നതാണ് ഡൽഹി എയർപോർട്ടിൽ നിന്നും പുലർച്ചെയും ലഭിക്കുന്ന വിവരം. അതായതു തൊട്ടരികെ കേരള ഹൗസ് എന്ന പേരിൽ കേരളത്തിന് വേണ്ടി പ്രവർത്തിക്കുന്ന സ്ഥാപനം ഉണ്ടായിട്ടും വിളിപ്പാടകലെ നിന്നും ഒരാൾ പോലും എത്തിനോക്കിയില്ല. മലയാളി ക്ഷേമത്തിനായി ലക്ഷങ്ങൾ നൽകി മുൻ എംപിക്ക് റസിഡന്റ് കമ്മീഷണർ പദവി നൽകിയിട്ട് അദ്ദേഹവും ഇപ്പോൾ കേരളത്തിൽ താനെയാണെന്നാണ് സൂചന. എയർപോർട്ട് സംഭവം അറിയിക്കാൻ വിളിച്ചവർക്ക് അദ്ദേഹം ഫോൺ എടുക്കുന്നില്ല എന്നും മറുപടി കിട്ടി. ഇതിനിടയിൽ അദ്ദേഹത്തെ മറ്റൊരു വിഷയത്തിൽ ചാനൽ ചർച്ചയിൽ കണ്ടതായും യുകെ മലയാളികൾ ഫേസ്ബുക്കിൽ കുറിച്ചത് പ്രവാസി സമൂഹത്തോട് ആപത് ഘട്ടത്തിൽ കാണിക്കുന്ന ഉത്തരവാദിത്തമില്ലായ്മക്കു ഒന്നാന്തരം തെളിവുമായി.
ഏതെങ്കിലും ഉത്തരവാദപ്പെട്ടവർ തങ്ങൾക്കു വേണ്ടി സംസാരിക്കാൻ എത്തിയിരുനെങ്കിൽ ഇത്രയും വിഷമം ഇല്ലായിരുന്നു എന്നാണ് മാഞ്ചസ്റ്റർ സ്വദേശിയായ യാത്രക്കാരൻ പറഞ്ഞത്. എന്നാൽ കേരളത്തിലെ കോൺഗ്രസ് എംപി ഡൽഹി ഉപമുഖ്യമന്ത്രി മനീഷ് സിസോദിയ ഇടപെട്ടാണ് ഒടുവിൽ പ്രശ്നത്തിന് പരിഹാരം ഉണ്ടായതെന്ന് പറയുമ്പോഴും ആരും തങ്ങളെ വിളിച്ചു പോലുമില്ലെന്നാണ് യാത്രക്കാർക്ക് വേണ്ടി ലെസ്റ്ററിൽ നിന്നും യാത്ര ചെയ്ത ഒരു വിദ്യാർത്ഥിനി പറഞ്ഞത്. തങ്ങളുടെ കൂട്ടത്തിൽ ആരെയെങ്കിലും വിളിച്ചു കാര്യങ്ങൾ തിരക്കണമായിരുന്നു എന്നും യാത്രക്കാർ ഒരുപോലെ പരാതി പറയുന്നു.
അമ്മയെ കാണാൻ പുറപ്പെട്ട മകൻ, അനിശ്ചിതത്വവും നീണ്ടപ്പോൾ തന്നെ കാക്കേണ്ടെന്നു മറുപടി
ഏക മകനാണ്. അമ്മയുടെ അന്ത്യകർമ്മത്തിൽ എങ്കിലും പങ്കെടുക്കണം എന്ന ആഗ്രഹത്തോടെ കിട്ടിയ വിമാനത്തിൽ പുറപ്പെട്ടതാണ്. തനിക്കു സമയത്തിന് നാട്ടിൽ എത്താൻ കഴിഞ്ഞേക്കില്ല എന്നായപ്പോൾ സഹായം തേടി നിലവിളിയുടെ ശബ്ദത്തിലാണ് അദ്ദേഹത്തിന്റെ വോയ്സ് റെക്കോർഡ് മെസേജ് യുകെ മലയാളികളെ തേടിയെത്തിയത്. അതോടെ എങ്ങനെയും ഏവരെയും നാട്ടിലെത്തിക്കാൻ കഴിയുന്നവരൊക്കെ ശ്രമം തുടങ്ങി. എന്നാൽ മണിക്കൂറുകൾ ഇഴഞ്ഞു നീങ്ങിയതല്ലാതെ ഒന്നും നടന്നില്ല. മലയാളികളോട് എന്തും ആകാം, ആരും ചോദിക്കാനും പറയാനുമില്ല എന്ന ഗോസായി ഭാവം ഉദ്യോഗസ്ഥരിലും പ്രത്യക്ഷപ്പെട്ടു തുടങ്ങി. എന്നാൽ സ്ത്രീകൾ മുൻകൈ എടുത്തു തങ്ങൾ ഒരു കാരണവശാലും ഒരടി പിന്നോട്ടില്ലെന്ന് വ്യക്തമാക്കിയതോടെ ആകെ ആശയക്കുഴപ്പമായി. ഇതിനിടയിൽ യാത്രക്കാർ , അതും യുകെയിൽ നിന്നും എത്തുന്നവർ മാത്രം അനുസരിക്കേണ്ട കോവിഡ് പ്രോട്ടോകോളുകൾ ഡൽഹി സർക്കാരും ഡൽഹി എയർപോർട്ട് അധികൃതരും മത്സരിച്ചു പ്രസിദ്ധീകരിച്ചു തുടങ്ങി.
എന്നാൽ ഇതൊക്കെ ഇവിടെ എത്തുമ്പോളാണോ പറയുന്നത് എന്ന ചോദ്യത്തിന് ഉത്തരം ഉണ്ടായില്ല. ഒടുവിൽ അമ്മയെ കാണാൻ പുറപ്പെട്ട മകനെ തേടി കോട്ടയത്ത് നിന്നും നിരന്തരം വിളികൾ വന്നതോടെ ഇനി കാക്കണ്ട , നിങ്ങൾ ചടങ്ങു നടത്തിക്കൊള്ളൂ എന്നദ്ദേഹം നിലവിളിയോടെ പറഞ്ഞത് കൂടി നിന്നവരുടെയെല്ലാം സങ്കടമായി മാറി. അവസാനം ഇന്നലെ അർധരാത്രിയോടെ നെഗറ്റീവ് സർട്ടിഫിക്കറ്റ് ലഭിച്ചവർക്ക് അടുത്ത വിമാനത്തിൽ പോകാം എന്നായതോടെ ഇന്ന് രാവിലെയുള്ള വിമാനത്തിൽ ഈ കുടുംബത്തെ അയക്കാൻ മറ്റുള്ളവരും സ്വയം ഒഴിഞ്ഞു കൊടുക്കുക ആയിരുന്നു. ഇന്ന് രാവിലെ 11.10 നു പുറപ്പെടുന്ന ഈ വിമാനം രണ്ടേകാലിനാണ് കൊച്ചിയിൽ എത്തുക. തുടർന്ന് കോവിഡ് ടെസ്റ്റും കഴിഞ്ഞു അദ്ദേഹത്തിന് വീട്ടിലെത്തി അമ്മയുടെ സംസ്കാര ചടങ്ങുകളിൽ പങ്കെടുക്കാനാകുമോ എന്ന് വ്യക്തമല്ല.
ഡൽഹിക്കാരെ രക്ഷിക്കാനെന്ന് കെജ്രിവാൾ, ഹോട്ടലുകാരെ രക്ഷിക്കാനാണോ എന്ന് യാത്രക്കാർ
കോവിഡ് പിടിവിടുന്ന യുകെയിൽ നിന്നും എത്തുന്നവർ ഡൽഹിയിൽ ഒരാഴ്ച തങ്ങണം എന്ന നിർബന്ധ ബുദ്ധി ഡൽഹി മുഖ്യമന്ത്രി അരവിന്ദ് കെജ്രിവാൾ പുറത്തു വിടുന്നത് ഡൽഹി വിമാനം എത്തുന്നതിനു തൊട്ടു മുൻപ്. ഇതെന്തു ന്യായം എന്ന് യാത്രക്കാർ ചോദിച്ചതിന് ആർക്കും ഉത്തരമില്ലായിരുന്നു. ഡൽഹിക്കാരെ രക്ഷിക്കാനാണ് ഈ നടപടിയെന്നു തുഗ്ലക്ക് ന്യായം പിന്നീട് മുഖ്യമന്ത്രി അവതരിപ്പിച്ചു. എന്നാൽ ഓരോ ദിവസവും ആയിരക്കണക്കിന് രൂപ വാടകയുള്ള മുറി കെട്ടിയേല്പിച്ചു ഹോട്ടലുകാർക്കു കച്ചവടത്തിനുള്ള കള്ളക്കളി ആയിരുന്നു ഇന്നലെ നടന്നതെന്നും യാത്രക്കാരും ആരോപിക്കുന്നു.
സമാന തരത്തിൽ ഉള്ള ആരോപണം ഡിസംബർ 23 നു പുറപ്പെട്ട ഹീത്രോ - കൊച്ചി വിമാനത്തിലെ യാത്രക്കാർക്കും ഉണ്ടായിരുന്നു. കോവിഡ് ടെസ്റ്റ് റിസൾട്ടിനായി ഹോട്ടൽ മുറിയിൽ കാത്തിരിപ്പു നടത്തിയതിനു 6000 രൂപവരെയാണ് അന്ന് യാത്ര ചെയ്തവർ നൽകേണ്ടി വന്നത്. നൂറുകണക്കിന് യാത്രക്കാർക്കായി കളമശേരി കോവിഡ് സെന്ററിൽ മാത്രമാണ് ടെസ്റ്റ് നടത്തിയത്. എന്നാൽ ഈ ടെസ്റ്റ് രണ്ടോ മൂന്നോ സ്ഥാലത് നടത്തിയിരുന്നെകിൽ സമയ ലാഭവും യാത്രക്കാർക്ക് പണലാഭവും ഉണ്ടാകുമായിരുന്നെന്നു അന്ന് യാത്ര ചെയ്തവരും മറുനാടൻ മലയാളിയോട് വ്യക്തമാക്കിയിരുന്നു. പുര കത്തുമ്പോൾ തന്നെ വാഴ വെട്ടാൻ നമ്മുടെ നാട്ടിൽ ഉള്ളവർക്ക് നന്നായി അറിയാം എന്നാണ് രസികനായ ലണ്ടനിൽ നിന്നുള്ള ഒരു യാത്രക്കാരൻ ചൂണ്ടിക്കാട്ടിയത് .
വേർതിരിവ് മലയാളികളോട് മാത്രം, കാരണം വ്യക്തമല്ല
ഇന്നലെ ലാൻഡ് ചെയ്ത വിമാനത്തിൽ ആകെ യാത്രക്കാർ 250. അതിൽ മലയാളികൾ 96. ശേഷിക്കുന്ന 154 യാത്രക്കാരും കാബിൻ ക്രൂവും പുഷ്പം പോലെ കടന്നു പോയപ്പോൾ മലയാളി സംഘം മാത്രമാണ് പ്രയാസത്തിൽ അകപ്പെട്ടത്. മറ്റുള്ളവർക്കു ഡൽഹി സർക്കാരിന്റെ നിയമം ബാധകമാകാതിരുന്നത് എന്തുകൊണ്ട്? ഈ ചോദ്യം യാത്രക്കാർ തമ്മിൽ തമ്മിൽ ചോദിച്ചതല്ലാതെ കേരളത്തിൽ നിന്നും ഒരാൾ പോലും ഡൽഹി ഭരണകൂടത്തോട് ചോദിക്കാൻ തയാറായില്ല . ഒരുപക്ഷെ കോവിഡ് അടങ്ങും വരെ യുകെ മലയാളികൾ കേരളത്തിൽ എത്താൻ നോക്കിയാൽ ഇത്തരം പ്രയാസങ്ങൾ കൂടി അനുഭവിക്കാൻ തയ്യറായിക്കോള്ളൂ എന്ന രഹസ്യ സന്ദേശമാണോ കേരള സർക്കാർ നല്കാൻ ഉദ്ദേശിക്കുന്നതെന്നു ക്ഷുഭിതനായി ചെറുപ്പക്കാരായ യാത്രക്കാർ ലൈവ് വിഡിയോകൾ വഴി ചോദിക്കുന്നുണ്ടായിരുന്നു. തങ്ങളുടെ പാസ്പോർട്ടും ലഗ്ഗേജ്ജും പിടിച്ചു വച്ചിരിക്കുന്നത് എന്തിനു എന്ന് ചോദിച്ചു പലവട്ടം യാത്രക്കാരും ഉദ്യോഗസ്ഥരും തമ്മിൽ വാക്കേറ്റം വരെയുണ്ടായി. ഈ ഘട്ടത്തിൽ എല്ലാം എയർപോർട്ട് പൊലീസ് ധിക്കാരപരമായ പെരുമാറ്റമാണ് യാത്രക്കാരോട് കാട്ടിയതു. ഒടുവിൽ ഇന്നലെ രാത്രി വൈകയാണ് യാത്രക്കാർക്ക് പാസ്പോര്ട് കൈമാറ്റം ചെയ്തത് .
വാർത്തകളോട് അമര്ഷവുമായി മലയാളികൾ
എയർപോർട്ടിൽ സമര തുല്യ സാഹചര്യം ഉടലെടുത്തതോടെ ദേശീയ മാധ്യമങ്ങളും കേരളത്തിൽ നിന്നുള്ള ചാനൽ സംഘങ്ങളും എയർപോർട്ടിൽ എത്തി ലൈവ് വാർത്തകൾ നൽകിക്കൊണ്ടിരുന്നു. ഈ വാർത്തകൾ നൽകിയ ചലനം മൂലമാണ് ഡൽഹി കുടുങ്ങിയ 96 മലയാളികളും ഇന്ന് വൈകിട്ടോടെ എങ്കിലും വീട്ടിൽ എത്തിചെരുക. അതിനിടെ ചാനലുകൾ നൽകിയ വാർത്തകളുടെ യുട്യൂബ് ലിങ്കിനു താഴെ എത്തിയ കേരളത്തിൽ നിന്നുള്ളവരുടെ കമന്റുകൾ ആയിരുന്നു ഏറെ രസകരം . പതിവ് പോലെ ഇത്തവണയും പ്രവാസികൾ അവർക്കു മുന്നിൽ കുറ്റക്കാരായി മാറി . എന്തിനു ഇങ്ങോട്ടു ഇപ്പോൾ വരുന്നു എന്നത് തുടങ്ങി തരംതാണ ഭാഷയിൽ ഉള്ള കമന്റുകൾ വരെ എയർപോർട്ടിൽ കുടുങ്ങിയ യാത്രക്കാരെ തേടിയെത്തി .
പ്രവാസി കഷ്റ്റപെടുന്ന പണത്തിന്റെ ഓഹരി പറ്റുന്നവരായാലും ഉറ്റവരെയും ഉടയവരെയും അവസാനമായി കാണാൻ എത്തുന്നവരോട് പോലും മലയാളി സമൂഹത്തിന്റെ പെരുമാറ്റം ഏതു വിധത്തിൽ ആണെന്നതിന്റെ ഏറ്റവും ഒടുവിലത്തെ ഉദാഹരണമായി മാറുകയാണ് ഡൽഹി എയർപോർട്ട് സംഭവ വികാസങ്ങൾ . പ്രളയവും ദുഃഖവും ദുരിതവും ഉണ്ടാകുമ്പോൾ ഒക്കെ നാട്ടിലുള്ളവരെ സ്വന്തവും ബന്ധവും ഒന്നും നോക്കാതെ നെഞ്ചോട് ചേർത്ത് പിടിക്കുന്നവരോടാണ് ഒരവസരം കിട്ടുമ്പോൾ വാക്കുകൾ കൊണ്ട് ആഴമുള്ള മുറിവുകൾ തീർക്കാൻ മലയാളികളിൽ ഒരു വിഭാഗം ശ്രമിക്കുന്നതെന്നത് ഇത്തവണയും ആവർത്തിക്കപ്പെട്ടു.
@HardeepSPuri Just came from London AI112, it’s absolutely maniac at Delhi Airport.
— Harprit Takkar (@HarpritTakkar) January 8, 2021
Asking us to go for institutional quarantine even with Negative PCR test.
Didn’t mention this on your SOP.@airindiain pic.twitter.com/B13HcbgVaG
- TODAY
- LAST WEEK
- LAST MONTH
- രജനിയെ തല്ലിയതുകണ്ട് മദ്യപാനം നിർത്തി; അടിക്കടി സിനിമകൾ ഹിറ്റായതോടെ അഹങ്കാരം തലക്ക് പിടിച്ചു; മണിരത്നത്തിന് ഗെറ്റൗട്ട് അടിച്ചത് വിനയായി; റഹ്മാൻ തരംഗത്തിൽ അപ്രസക്തൻ; ഇപ്പോൾ കോപ്പിറൈറ്റ് വിവാദത്തിൽ കോടതിയിൽനിന്നും തിരിച്ചടി; ഇളയരാജ വീണ്ടും വിവാദത്തിൽ
- പ്രകാശ് ജാവദേക്കർ തന്നെയും ഇ പി ജയരാജനെയും കണ്ടിരുന്നു; ഒരേ ഒരു സീറ്റിൽ വിട്ടുവീഴ്ച ചെയ്താൽ ലാവ്ലിൻ കേസും സ്വർണക്കടത്ത് കേസും സെറ്റിൽ ചെയ്യാം എന്ന്ഉറപ്പുകൊടുത്തു; പക്ഷേ ആ ഡീൽ നടക്കാത്തത് ഇക്കാരണം കൊണ്ട്; വെളിപ്പെടുത്തലുമായി ടി ജി നന്ദകുമാർ
- ബിജെപിയിൽ ചേരാൻ ചർച്ച നടത്തിയത് ഇ.പി ജയരാജൻ; മകന്റെ നമ്പറിലൂടെയാണ് ആദ്യം ബന്ധപ്പെട്ടത്; തൊണ്ണൂറ് ശതമാനം ചർച്ചകളും പൂർത്തിയായപ്പോൾ പിന്മാറി; എന്തുകൊണ്ട് പിന്മാറിയെന്നു ജയരാജൻ പറയട്ടെയെന്നും ശോഭ സുരേന്ദ്രൻ; തെളിവുകളും ഹാജരാക്കി ആരോപണം വോട്ടെടുപ്പിന്റെ തലേന്നാൾ
- വോട്ടെടുപ്പിന്റെ തലേന്നാൾ ഇടിത്തീയായി ആരോപണങ്ങൾ; കെ സുധാകരന്റെ തുറന്നടിക്കൽ ശരിവച്ച് ശോഭ സുരേന്ദ്രൻ; ഇപിയെ പിന്തുണയ്ക്കാൻ രംഗത്ത് വരാതെ സിപിഎം ഉന്നത നേതാക്കൾ; കാസർകോഡ്, കണ്ണൂർ, വടകര മണ്ഡലങ്ങളിൽ വിവാദം ബാധിക്കുമോ എന്ന ആശങ്കയും
- ബിജെപിയിലേക്ക് പോകാൻ ചർച്ച നടത്തി സിപിഎം നേതാവ് ഇ പി ജയരാജനാണ്; ശോഭസുരേന്ദ്രൻ മുഖാന്തരം ചർച്ച നടന്നു; പാർട്ടിയിൽ നിന്ന് ഭീഷണി വപ്പോൾ ജയരാജൻ പിന്മാറി; ശോഭയും ഇ പിയും ചർച്ച നടത്തിയത് ഗൾഫിൽ വച്ചും; രാഷ്ട്രീയാരോപണം കടുപ്പിച്ച് കെ സുധാകരൻ; ഇപിയുടെ മറുപടി നിർണ്ണായകം
- അമ്മയും മകളും തമ്മിൽ കണ്ടപ്പോൾ വികാരനിർഭര നിമിഷങ്ങൾ; അൽപനേരം ഒരുമിച്ച് ചെലവഴിക്കാൻ അനുമതി നൽകി സനയിലെ ജയിൽ അധികൃതർ; നിമിഷപ്രിയയെ കണ്ടതിന്റെ ആശ്വാസത്തിലും സന്തോഷത്തിലും പ്രേമകുമാരി; തൊടുപുഴയിലെ വീട്ടിൽ പ്രാർത്ഥനയോടെ നിമിഷയുടെ മകൾ
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ആലത്തൂരിലെ ഇടത് സ്ഥാനാർത്ഥി കെ. രാധാകൃഷ്ണന്റെ അകമ്പടി വാഹനത്തിൽ നിന്ന് ആയുധം കണ്ടെത്തിയെന്ന് യു.ഡി.എഫ്; സി സി ടി വി ദൃശ്യങ്ങൾ പുറത്തുവിട്ടു; അക്രമം അഴിച്ചുവിടാനുള്ള ആസൂത്രിതമായ നീക്കത്തിന്റെ ഭാഗമെന്ന് രമ്യ ഹരിദാസ്; പ്രചാരണ ബോർഡുകൾ അഴിച്ചുമാറ്റാൻ ഉപയോഗിച്ച ആയുധങ്ങളാണെന്ന് സിപിഎം വിശദീകരണം
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- പോളിങ് ഉദ്യോഗസ്ഥരുടെ നിയമന ഉത്തരവ് ചോർന്ന സംഭവം; കോന്നി താലൂക്ക് ഓഫീസിലെ എൽഡി ക്ലാർക്ക് യദുകൃഷ്ണനെ കലക്ടർ സസ്പെൻഡ് ചെയ്തു; പ്രിന്റ് അടിക്കാൻ കൊടുത്ത കോപ്പിയാണ് പുറത്തു പോയതെന്ന് വിശദീകരണം; ആന്റോയുടെ ആരോപണം ശരിയാകുമ്പോൾ
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- സൗബിൻ സാഹിറിനെതിരെ മരട് പൊലീസ് ചുമത്തിയത് ഗൗരവതരമുള്ള വകുപ്പുകൾ; മരട് ഇൻസ്പെക്ടർ തയ്യാറാക്കിയ എഫ് ഐ ആറിലേത് അക്കൗണ്ട് വഴി പണം കൈമാറിയിട്ടും വഞ്ചിച്ചെന്ന ആരോപണം; ചുമത്തുന്നത് വഞ്ചനയും ക്രിമിനൽ ഗൂഢാലോചനയും; 'മഞ്ഞുമ്മൽ ബോയ്സ്' അറസ്റ്റിലാകാൻ സാധ്യത ഏറെ; ആ 47 കോടി തിരിച്ചു കൊടുക്കേണ്ടി വരും
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്