കോവിഡ് 19: ഡാളസിൽ ആശുപത്രിയിൽ പ്രവേശിപ്പിച്ചവരുടെ എണ്ണത്തിൽ റിക്കാർഡ്, 10 മരണം...

കോവിഡ് 19: ഡാളസിൽ ആശുപത്രിയിൽ പ്രവേശിപ്പിച്ചവരുടെ എണ്ണത്തിൽ റിക്കാർഡ്, 10 മരണം

December 20, 202004:53 PM IST Permalink

പി.പി. ചെറിയാൻ

ഡാളസ്: കൊറോണ വൈറസ് പോസിറ്റീവായി ഗുരുതര രോഗലക്ഷണങ്ങൾ കണ്ടെത്തിയതിനെ തുടർന്ന് ആശുപത്രിയിൽ പ്രവേശിപ്പിച്ച രോഗികളുടെ എണ്ണത്തിൽ റിക്കാർഡ് വർധന. ഡാളസ് കൗണ്ടിയിൽ ഡിസംബർ 18-ന് മാത്രം 2,248 പുതിയ കേസുകളും, പത്ത് മരണവും സംഭവിച്ചിട്ടുണ്ട്. ഈ ആഴ്ചയിൽ രണ്ടാം തവണയാണ് ഇത്രയും പുതിയ കേസുകൾ റിപ്പോർട്ട് ചെയ്യുന്നതെന്ന് കൗണ്ടി ഹെൽത്ത് ഒഫീഷ്യൽസ് അറിയിച്ചു.

ഡാളസ് കൗണ്ടിയിൽ മാത്രം ഇതുവരെ 1,52,447 പോസിറ്റീവ് കേസുകളും, 1,423 മരണവുമാണ് ഉണ്ടായിരിക്കുന്നത്. വെള്ളിയാഴ്ച പത്തുപേർ കോവിഡ് ബാധിച്ച് മരിച്ചു. ടെക്സസ് സംസ്ഥാനത്ത് ഹാരിസ് കൗണ്ടി കഴിഞ്ഞാൽ ഏറ്റവും കൂടുതൽ കേസുകൾ റിപ്പോർട്ട് ചെയ്യപ്പെടുന്ന രണ്ടാമത്തെ കൗണ്ടിയാണ് ഡാളസ്.

ഡിസംബർ 17 വരെ ഡാളസ് കൗണ്ടിയിൽ ആശുപത്രിയിൽ പ്രവേശിപ്പിച്ച രോഗികളുടെ എണ്ണം 867 ആണെന്ന് അധികൃതർ അറിയിച്ചു. വർധിച്ചുവരുന്ന ഹോസ്പിറ്റലൈസേഷനും, രോഗികളുടെ എണ്ണവും ആശങ്കയുളവാക്കുന്നതായി ഡാളസ് കൗണ്ടി ജഡ്ജി ക്ലെ ജങ്കിൻസ് പറഞ്ഞു.

ഡാളസിന്റെ തൊട്ടടുത്ത കൗണ്ടിയായ ടറന്റ് കൗണ്ടിയിൽ വെള്ളിയാഴ്ച പുതുതായി 2016 പോസിറ്റീവ് കേസുകളും, 16 മരണവും സംഭവിച്ചിട്ടുണ്ട്. ടെക്സസിൽ രോഗികളുടെ എണ്ണം 1.5 മില്യൻ കവിഞ്ഞു, 25000 മരണവും. 1.2 മില്യൻ രോഗികൾ വൈറസ് വിമുക്തരായിട്ടുണ്ടെന്നും ജഡ്ജി പറഞ്ഞു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: