ജിയോ വരിക്കാരുടെ കൊഴിഞ്ഞു പോക്ക്; വിഐ, എയർടെൽ എന്നിവർക്കെതിരെ കർശന നടപടിയെടുക്കണമെന്ന...

ജിയോ വരിക്കാരുടെ കൊഴിഞ്ഞു പോക്ക്; വിഐ, എയർടെൽ എന്നിവർക്കെതിരെ കർശന നടപടിയെടുക്കണമെന്ന് റിലയൻസ് ജിയോ

December 16, 202009:10 AM IST Permalink

സ്വന്തം ലേഖകൻ

കർഷക സമരത്തിന് പിന്നാലെ ജിയോയിൽ നിന്നും വരിക്കാർ കൊഴിഞ്ഞു പോകുന്നതിന് പിന്നിൽ വോഡാഫോൺ ഐഡിയ, ഭാരതി എയർടെൽ എന്നിവരെന്ന് ജിയോ. ഈ കമ്പനികൾക്കെതിരെ കർശന നടപടിയെടുക്കണമെന്ന് ആവശ്യപ്പെട്ട് റിലയൻസ് ജിയോ ട്രായിക്ക് കത്ത് നൽകി. കഴിഞ്ഞ ദിവസങ്ങളിലായി ധാരാളം വരിക്കാരാണ് ജിയോയിൽ നിന്നും മറ്റ് സേവന ദാതാക്കളിലേക്ക് പോർട്ട് ചെയ്യുന്നത്. ഇതിന് കാരണം ഉപഭോക്താക്കളെ വഴിതെറ്റിക്കുന്ന എതിരാളികളുടെ ക്യാംപെയിൻ ആണെന്നും ടെലികോം റെഗുലേറ്ററിന് അയച്ച കത്തിൽ ജിയോ കുറ്റപ്പെടുത്തി.

പോർട്ട് ചെയ്യാൻ വരുന്ന വരിക്കാർക്ക് പരാതികളോ മറ്റ് പ്രശ്‌നങ്ങളോ ഇല്ലാതെയാണ് ജിയോയിൽ നിന്ന് പുറത്തേക്ക് പോകുന്നത്. രാജ്യത്തിന്റെ വടക്കൻ ഭാഗങ്ങളിൽ നടന്നുകൊണ്ടിരിക്കുന്ന കർഷകരുടെ പ്രതിഷേധം മുതലാക്കാൻ എയർടെൽ, വി കമ്പനികൾ ഒന്നിച്ച് ജിയോക്കെതിരെ തെറ്റായ പ്രചാരണം നടത്തുന്നുണ്ടെന്നും ആരോപിക്കുന്നത്. ഇത്തരം തെറ്റായ വഴികൾ സ്വീകരിച്ചതിന് വോഡഫോൺ ഐഡിയയ്ക്കും ഭാരതി എയർടെലിനും എതിരെ കർശന നടപടിയെടുക്കണമെന്നാണ് ജിയോ ആവശ്യപ്പെട്ടത്.

ഫരീദാബാദ്, ബഹദൂർഗഡ്, ചണ്ഡിഗഢ്, ഫിറോസ്പൂർ, എൻസിആർ, പഞ്ചാബ് എന്നിവിടങ്ങളിലെ ചില്ലറ വ്യാപാരികൾ റിലയൻസ് ജിയോയിൽ നിന്ന് പോർട്ട് ഔട്ട് ചെയ്യുന്നതിനു ഉപഭോക്താക്കളെ പ്രോൽസാഹിപ്പിക്കുന്നുണ്ടെന്നും ആരോപണമുണ്ട്. ജിയോ സിം കാർഡുകളും ഫോണുകളും ഉൾപ്പെടെ റിലയൻസ് ഉൽപന്നങ്ങൾ ബഹിഷ്‌കരിക്കണമെന്ന് ആവശ്യപ്പെടുന്ന 50,000 ഓളം കർഷകരുടെ പിൻബലത്തിലാണ് ഇത്.

ജിയോ മൊബൈൽ നമ്പറുകൾ അവരുടെ നെറ്റ്‌വർക്കിലേക്ക് മൈഗ്രേറ്റ് ചെയ്യുന്നത് കർഷകരുടെ പ്രതിഷേധത്തെ പിന്തുണയ്ക്കുന്ന ഒരു നടപടിയാകുമെന്ന് മുൻകൂട്ടി അവകാശവാദം ഉന്നയിച്ച് അവർ പൊതുജനങ്ങളെ തെറ്റിദ്ധരിപ്പിക്കുന്നു എന്നും ട്രായ് സെക്രട്ടറി എസ്.കെ. ഗുപ്തയ്ക്ക് അയച്ച കത്തിൽ ജിയോ പറഞ്ഞു. അതേസമയം, ഭാരതി എയർടെൽ ആരോപണങ്ങൾ നിരാകരിച്ചു. ട്രായിക്ക് നൽകിയ ജിയോയുടെ പരാതി മാധ്യമങ്ങളിലൂടെയാണ് അറിഞ്ഞതെന്ന് കമ്പനി വക്താവ് പറഞ്ഞു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: