Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

കോൺ​ഗ്രസ് സ്ഥാനാർത്ഥിക്ക് വോട്ട് തേടി നടി അനുശ്രീ; സെൽഫിയെടുക്കാൻ ഒപ്പം കൂടി നാട്ടുകാരും

കോൺ​ഗ്രസ് സ്ഥാനാർത്ഥിക്ക് വോട്ട് തേടി നടി അനുശ്രീ; സെൽഫിയെടുക്കാൻ ഒപ്പം കൂടി നാട്ടുകാരും

മറുനാടൻ ഡെസ്‌ക്‌

പത്തനംതിട്ട: തദ്ദേശ തെരഞ്ഞെടുപ്പ് പ്രചാരണത്തിന് നടി അനുശ്രീ എത്തിയതോടെ നാട്ടുകാരും ആവേശത്തിൽ. ചെന്നീർക്കര പഞ്ചായത്തിലെ 12-ാം വാർഡിലെ യു.ഡി.എഫ്. സ്ഥാനാർത്ഥി റിനോയ് വർഗീസിന് വേണ്ടിയാണ് അനുശ്രീ പരസ്യപ്രചരണത്തിനിറങ്ങിയത്. വാർഡിലെ കോൺഗ്രസ് കുടുംബസംഗമത്തിൽ പങ്കെടുത്താണ് അനുശ്രീ വോട്ട് തേടിയത്. കുടുംബ സം​ഗമത്തിലെ പ്രസം​ഗത്തിന് ശേഷം ആരാധകർക്കൊപ്പം സെൽഫിയുമെടുത്താണ് താരം മടങ്ങിയത്.

അനുശ്രീയുടെ ​വളരെക്കാലമായുള്ള സുഹൃത്താണ് റിനോയ് വർഗീസ്. കോൺ​ഗ്രസ് സ്ഥാനാർത്ഥിയായി റിനോയ് വർഗീസ് എത്തിയതോടെ വോട്ട് തേടി താരവും നാട്ടിലേക്കിറങ്ങി. റിനോയ് വിജയിച്ചുകഴിഞ്ഞാൽ നാട്ടുകാർക്ക് ചെയ്തുകൊടുക്കേണ്ടതെല്ലാം ചെയ്യുമെന്ന് തനിക്ക് പൂർണവിശ്വാസമുണ്ടെന്നും അതിനാലാണ് അദ്ദേഹത്തെ പിന്തുണച്ച് പ്രചാരണത്തിനിറങ്ങിയതെന്നും അനുശ്രീ പറഞ്ഞു.

കുടുംബസംഗമത്തിന് ശേഷം നാട്ടുകാരെല്ലാം നടിയോടൊപ്പമുള്ള സെൽഫിക്കായി തിരക്കുകൂട്ടി. ആരെയും നിരാശപ്പെടുത്താതിരുന്ന അനുശ്രീ എല്ലാവർക്കുമൊപ്പം സെൽഫിയെടുക്കുകയും ചെയ്തു. ഡി.സി.സി, കെപിസിസി. നേതാക്കളും ചടങ്ങിൽ പങ്കെടുത്തിരുന്നു.

നേരത്തെ ബാലഗോകുലത്തിന്റെ ശോഭയാത്രയിൽ പങ്കെടുത്ത അനുശ്രീയെ ബിജെപി.യുമായി ബന്ധിപ്പിച്ച് സാമൂഹിക മാധ്യമങ്ങളിലടക്കം പ്രചാരണങ്ങളുണ്ടായിരുന്നു. എന്നാൽ അത് അവരുടെ വ്യക്തിപരമായ ഇഷ്ടമാണെന്നും ഇത് തന്റെ വ്യക്തിപരമായ ഇഷ്ടമാണെന്നുമായിരുന്നു ഇക്കാര്യത്തിൽ നടിയുടെ പ്രതികരണം. എന്തായാലും അനുശ്രീയുടെ സെൽഫികളും പ്രസംഗവുമെല്ലാം ചെന്നീർക്കരയിൽ വോട്ടായി മാറുമെന്നാണ് കോൺഗ്രസിന്റെ പ്രതീക്ഷ.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP