Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202419Tuesday

പതിനാറുകാരിയെ തട്ടിക്കൊണ്ടുപോയി പീഡിപ്പിച്ച കേസിൽ പ്രതിക്ക് ജാമ്യമില്ല; മലപ്പുറത്ത് 28 കാരൻ അതിക്രമം കാട്ടിയത് ബസ് കാത്ത് നിന്ന പെൺകുട്ടിയോട്

പതിനാറുകാരിയെ തട്ടിക്കൊണ്ടുപോയി പീഡിപ്പിച്ച കേസിൽ പ്രതിക്ക് ജാമ്യമില്ല; മലപ്പുറത്ത് 28 കാരൻ അതിക്രമം കാട്ടിയത് ബസ് കാത്ത് നിന്ന പെൺകുട്ടിയോട്

ജംഷാദ് മലപ്പുറം

മലപ്പുറം: 16കാരിയെ തട്ടിക്കൊണ്ടുപോയി ലൈംഗികമായി പീഡിപ്പിച്ച് ഗർഭിണിയാക്കി കേസിൽ അറസ്റ്റിലായ ബസ് ജീവനക്കാരനായ പ്രതിക്ക് ജാമ്യംനിഷേധിച്ച് മഞ്ചേരി പോക്സോ കോടതി. കേസിൽ റിമാൻഡിൽ കഴിയുന്ന മലപ്പുറം പൊന്മള പറങ്കിമൂചിക്കൽ കൊളക്കാടൻ താമരശേരി വീട്ടിലെ ഷമീമിന്റെ (28) ജാമ്യാപേക്ഷയാണ് ഇന്ന് മഞ്ചേരി പോക്സോ കോടതി ജഡ്ജി ടി പി സുരേഷ്ബാബു തള്ളിയത്. ആറുമാസം മുമ്പായിരുന്നു കേസിനാസ്പദമായ സംഭവം. പെൺകുട്ടിയെ അങ്ങാടിപ്പുറത്തുനിന്നു ബസ് കാത്തിരിക്കുകയായിരുന്ന ബൈക്കിൽ കൊണ്ടു പോയി മലപ്പുറത്തെ ക്വാർട്ടേഴ്സിൽ വച്ചു പീഡിപ്പിക്കുകയായിരുന്നു.

തുടർന്ന് ഗർഭിണിയായ പെൺകുട്ടി സെപ്റ്റംബർ 22ന് പെരിന്തൽമണ്ണ പൊലീസിൽ പരാതി നൽകുകയായിരുന്നു. പ്രതി മലപ്പുറം, പാലക്കാട് ജില്ലകളിൽ ഒളിവിൽ കഴിഞ്ഞു വരുന്നതിനിടെ പൊലീസിന് ലഭിച്ച രഹസ്യവിവരത്തെത്തുടർന്നു മലപ്പുറം ടൗണിൽ വച്ചാണ് ഒക്ടോബർ ഒന്നിന് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തിരുന്നു. പെരിന്തൽമണ്ണ സിഐ സി.കെ നാസർ, എസ്‌ഐ സി.കെ നൗഷാദ്, എഎസ്ഐ സുകുമാരൻ, ഷാജിമോൻ, സീനിയർ സി.പി.ഒ ഫൈസൽ, സി.പി.ഒമാരായ കബീർ, ഷജീർ, വിനീത്, മിഥുൻ എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP