Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

കേന്ദ്ര തീരുമാനം കേരളത്തിലും നടപ്പാക്കണം - ഇൻകാസ് ഖത്തർ

കേന്ദ്ര തീരുമാനം കേരളത്തിലും നടപ്പാക്കണം - ഇൻകാസ് ഖത്തർ

സ്വന്തം ലേഖകൻ

കോവിഡ് നെഗറ്റീവ് സർട്ടിഫിക്കറ്റുള്ള പ്രവാസികൾക്ക് ക്വാറന്റീൻ ആവശ്യമില്ലെന്ന കേന്ദ്ര തീരുമാനം കേരളം ഗവർമെന്റ് നടപ്പാക്കാത്തതിൽ പ്രവാസികൾക്ക് ആശങ്ക.പ്രവാസികൾക്ക് ഏറെ പ്രയോജനപ്പെടുന്ന ഈ നിയമം നടപ്പാക്കാൻ വിസമ്മതിക്കുന്നതിനു പിന്നിൽ രാഷ്ട്രീയ താൽപര്യങ്ങളാണെന്ന ആക്ഷേപം ശക്തമാകുന്നു. തദ്ദേശ തെരഞ്ഞെടുപ്പിൽ വോട്ട് ചെയ്യാൻ പ്രവാസികൾ എത്തുന്നത് തടയുകയാണ് ഈ നീക്കത്തിന്റെ ലക്ഷ്യമെന്നാണ് ആരോപണം. മൂന്നു ദിവസത്തിനുള്ളിൽ നടത്തിയ ആർ.ടി.പി.സി.ആർ ടെസ്റ്റ് നെഗറ്റീവ് റിസൽട്ടുമായി വരുന്ന പ്രവാസികൾക്ക് ക്വാറന്റീൻ ആവശ്യമില്ലെന്നാണ് കേന്ദ്രത്തിന്റെ പുതിയ തീരുമാനം. നവംബർ അഞ്ചിനാണ് ഇതുമായി ബന്ധപ്പെട്ട സർക്കുലർ കേന്ദ്രം പുറത്തിറക്കിയത്. എന്നാൽ 7 ദിവസത്തെ നിർബന്ധിത ക്വാറന്റീൻ തുടരുമെന്നാണ് കേരള ഗവർമെന്റ് പറയുന്നത്.

അടിയന്തിരാവശ്യത്തിന്ന് നാട്ടിൽ വരുന്ന പ്രവാസികൾക്ക് കേരളത്തിന്റെ ഈ നീക്കം പ്രയാസം സൃഷ്ടിക്കും. അടിയന്തരാവശ്യങ്ങൾക്ക് ചുരുക്കം ദിവസങ്ങളിലേക്കായി നാട്ടിലെത്താനുള്ള പ്രവാസികളുടെ അവകാശം കൂടിയാണ് ഇതിലൂടെ സംസ്ഥാന സർക്കാർ ലംഘിക്കുന്നത്.

കോവിഡ് നെഗറ്റീവ് സർട്ടിഫിക്കറ്റുള്ള പ്രവാസികൾക്ക് ക്വാറന്റീൻ ആവശ്യമില്ലെന്ന കേന്ദ്ര തീരുമാനം കേരളത്തിലും നടപ്പാക്കണമെന്ന് ഇൻകാസ് ഖത്തർ പ്രസിഡന്റ് സമീർ ഏറാമല ആവശ്യപ്പെട്ടു . ഈ നിയമം നടപ്പിലാക്കാൻ വേണ്ട നടപടികൾ എത്രയും പെട്ടെന്ന് സ്വീകരിക്കണമെന്ന് ആവശ്യപ്പെട്ട് മുഖ്യ മന്ത്രി പിണറായി വിജയനും പ്രതിപക്ഷ നേതാവ് രമേശ് ചെന്നിത്തലക്കും ഇൻകാസ് ഖത്തർ നിവേദനം നൽകി.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP