Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

തീവണ്ടികളുടെ സമയമാറ്റം ഇന്നു മുതൽ പ്രാബല്യത്തിൽ; മംഗള, ലോക്മാന്യതിലക് എക്സ്‌പ്രസുകൾ ഇനി നേരത്തെ എത്തും

തീവണ്ടികളുടെ സമയമാറ്റം ഇന്നു മുതൽ പ്രാബല്യത്തിൽ; മംഗള, ലോക്മാന്യതിലക് എക്സ്‌പ്രസുകൾ ഇനി നേരത്തെ എത്തും

സ്വന്തം ലേഖകൻ

തിരുവനന്തപുരം: തീവണ്ടികളുടെ സമയമാറ്റം ഇന്നു മുതൽ പ്രാബല്യത്തിൽ. മംഗള, ലോക്മാന്യതിലക് എക്സ്‌പ്രസുകളുടെ സമയമാറ്റം തിങ്കളാഴ്ച പ്രാബല്യത്തിൽ വരുന്നതോടെ തീവണ്ടികൾ സ്റ്റേഷനുകളിൽ നേരത്തേ എത്തും. തിരുവനന്തപുരം-ലോക്മാന്യതിലക് എക്സ്‌പ്രസ് (06346) രാവിലെ 9.30-ന് പുറപ്പെട്ട് രാത്രി 8.12-ന് കണ്ണൂർ, 9.43-ന് കാസർകോട് എന്നിങ്ങനെയാണ് എത്തിയിരുന്നത്. തിങ്കളാഴ്ച മുതൽ തിരുവനന്തപുരത്തുനിന്ന് 9.15-ന് വണ്ടി പുറപ്പെടും. കണ്ണൂരിൽ വൈകുന്നേരം 5.32-നും കാസർകോട് രാത്രി 9.08-നും എത്തും.

ലോക്മാന്യതിലക്-തിരുവനന്തപുരം(06345) തീവണ്ടി പുറപ്പെട്ട് രണ്ടാം ദിനം പുലർച്ചെ 5.24-ന് കാസർകോടും 6.57-ന് കണ്ണൂരും എത്തിയിരുന്നു. പുതിയ സമയക്രമമനുസരിച്ച് ചൊവ്വാഴ്ച മുതൽ പുലർച്ചെ 5.03-ന് കാസർകോട്ടും 6.32-ന് കണ്ണൂരിലുമെത്തും. എറണാകുളം-നിസാമുദ്ദീൻ (02617) എക്സ്‌പ്രസ് നിലവിൽ ഉച്ചയ്ക്ക് 1.15 എറണാകുളത്തുനിന്നും പുറപ്പെട്ട് വൈകുന്നേരം 6.42-ന് കണ്ണൂർ, 8.14-ന് കാസർകോട് എന്നിങ്ങനെയായിരുന്നു എത്തിയിരുന്നത്. തിങ്കളാഴ്ച മുതൽ എറണാകുളത്തുനിന്ന് ഉച്ചയ്ക്ക് 1.25-ന് പുറപ്പെടുന്ന വണ്ടി 6.42-ന് കണ്ണൂരും 8.08-ന് കാസർകോട്ടും എത്തും. നിസാമുദ്ദീൻ-എറണാകുളം (02618) വണ്ടി പുറപ്പെട്ട് മൂന്നാം ദിനം പുലർച്ചെ 1.33-നാണ് കാസർകോട് സ്റ്റേഷനിലെത്തിയിരുന്നത്. ഇനിമുതൽ വണ്ടി രണ്ടാംദിനം രാത്രി 11.28-ന് കാസർകോട്ടെത്തും. 11.30-ന് ഇവിടെനിന്നും പുറപ്പെടും. 12.03-ന് പയ്യന്നൂരും 12.37-ന് കണ്ണൂർ സ്റ്റേഷനിലും എത്തും.

കേരളത്തിലേക്കുള്ള മംഗളയുടെ കാഞ്ഞങ്ങാട്, നീലേശ്വരം, പഴയങ്ങാടി, വടകര, കൊയിലാണ്ടി, ഫറോക്ക്, പരപ്പനങ്ങാടി, കുറ്റിപ്പുറം എന്നീ സ്റ്റോപ്പുകളും ഇനിയുണ്ടാകില്ല.  വിഷയം ശ്രദ്ധയിൽപ്പെട്ടതോടെ മുൻ കേന്ദ്രമന്ത്രിയും രാജ്യസഭാംഗവുമായ അൽഫോൻസ് കണ്ണന്താനം റെയിൽവേ മന്ത്രിക്ക് കത്തയച്ചിരുന്നു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP