Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202416Tuesday
ഹോം വാർത്ത ഇന്ത്യ

കർണാടക മുഖ്യമന്ത്രി യെദ്യുരപ്പയുടെ പൊളിറ്റിക്കൽ സെക്രട്ടറി ആത്മഹത്യയ്ക്ക് ശ്രമിച്ചു; അബോധാവസ്ഥയിൽ കണ്ട സന്തോഷിനെ ആശുപത്രിയിലേക്ക് മാറ്റി

November 28, 202003:56 PM IST Permalink

മറുനാടൻ ഡെസ്‌ക്‌

ബംഗളുരു: കർണാടക മുഖ്യമന്ത്രി ബി.എസ് യെദ്യുരപ്പയുടെ പൊളിറ്റിക്കൽ സെക്രട്ടറിയും ബന്ധുവുമായ എൻ.ആർ സന്തോഷ് ആത്മഹത്യയ്ക്ക് ശ്രമിച്ചു. വെള്ളിയാഴ്ച രാത്രി അബോധാവസ്ഥയിൽ കണ്ട സന്തോഷിനെ ആശുപത്രിയിൽ പ്രവേശിപ്പിക്കുകയായിരുന്നെന്ന് കർണാടക പൊലീസ് വ്യക്തമാക്കി.

അമിതമായി ഗുളിക കഴിച്ചാണ് സന്തോഷ് ആത്മഹത്യയ്ക്ക് ശ്രമിച്ചത്. ഉടൻ തന്നെ ആശുപത്രിയിൽ പ്രവേശിപ്പിച്ചു. ബംഗളുരുവിലെ സ്വകാര്യ ആശുപത്രിയിലെ ഐ.സി.യുവിലാണ് സന്തോഷ് ചികിത്സയിൽ കഴിയുന്നത്.

സന്തോഷ് ആത്മഹത്യയ്ക്ക് ശ്രമിച്ചതിൻെ്റ കാരണം വ്യക്തമല്ലെന്ന് യെദ്യൂരപ്പ പറഞ്ഞു. സന്തോഷിന് കാര്യമായ പ്രശ്നങ്ങളൊന്നും ഉണ്ടായിരുന്നില്ല. രാവിലെ ഞങ്ങൾ 45 മിനിറ്റോളം ഒരുമിച്ച് നടന്നിരുന്നു. വ്യാഴാഴ്ച പോലും സന്തോഷ് സന്തോഷവാനായിരുന്നു. എന്തുകൊണ്ടാണ് ഇത് സംഭവിച്ചതെന്ന് എനിക്കറിയില്ല. കുടുംബവുമായി സംസാരിച്ച ശേഷമേ കൂടുതൽ കാര്യങ്ങൾ പറയാനാകൂ എന്നും യെദ്യൂരപ്പ പറഞ്ഞു.

പന്ത്രണ്ടോളം ഉറക്കഗുളികൾ കഴിച്ച നിലയിലാണ് സന്തോഷിനെ ആശുപത്രിയിൽ പ്രവേശിപ്പിച്ചത്. യെദ്യുരപ്പയുടെ സഹോദരിയുടെ ചെറുമകനാണ് 32കാരനായ സന്തോഷ്. ഈ വർഷം മെയ് മാസത്തിലാണ് ഇയാളെ യെദ്യൂരപ്പയുടെ പൊളിറ്റിക്കൽ സെക്രട്ടറിയായി നിയമിച്ചത്.

 

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP