Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

കിടങ്ങൂരിൽ വീട് കുത്തിത്തുറന്ന് കവർച്ച: പ്രതി പിടിയിൽ; പൂട്ടിക്കിടക്കുന്ന വീടുകളിൽ മോഷണം പതിവാക്കിയ യുവാവിനെ അറസ്റ്റ് ചെയ്തത് വിരലടയാളം പരിശോധിച്ച്

കിടങ്ങൂരിൽ വീട് കുത്തിത്തുറന്ന് കവർച്ച: പ്രതി പിടിയിൽ; പൂട്ടിക്കിടക്കുന്ന വീടുകളിൽ മോഷണം പതിവാക്കിയ യുവാവിനെ അറസ്റ്റ് ചെയ്തത് വിരലടയാളം പരിശോധിച്ച്

പ്രകാശ് ചന്ദ്രശേഖർ

അങ്കമാലി: കിടങ്ങൂരിൽ വീട് കുത്തിതുറന്ന് സ്വർണ്ണവും പണവും വജ്രാഭരണങ്ങളും ആഡംബര വാച്ചുകളും കവർച്ച ചെയ്ത യുവാവ് പിടിയിൽ. പാലക്കാട്, ആലത്തൂർ, അമ്പലക്കാട് പുത്തംകുളം വീട്ടിൽ രഞ്ജിത്ത്കുമാറാ(32)ണ് പിടിയിലായത്. 2017 ജൂണിലാണ് മലേക്കുടി ബെസ്റ്റോയുടെ വീട്ടീൽ കവർച്ച നടന്നത്.

മോഷണം നടത്തിയ സ്വർണ്ണാഭരണങ്ങൾ തൃപ്പൂണിത്തുറയിലെ ഒരു ജൂവലറിയിലാണ് വിറ്റത്. 2014 മുതൽ കേരളത്തിൽ ടാക്സി ഡ്രൈവറായി ജോലിനോക്കി വരികയായിരുന്നു രഞ്ജിത്. പൂട്ടികിടക്കുന്ന വീടുകളിൽ മോഷണം നടത്തുകയാണ് ഇയാളുടെ രീതി. കഴിഞ്ഞ മാസം ചാലക്കുടിയിൽ എ.ടി.എം കവർച്ച യ്ക്കിടെ രഞ്ജിത് പൊലീസ് പിടിയിലായിരുന്നു. തുടർന്ന് ഇയാളുടെ വിരലടയാളം പരിശോധിച്ചതിൽ നിന്നുമാണ് കവർച്ച നടത്തിയത് ഇയാളാണെന്ന് സ്ഥിരീകരിച്ചത്.

പ്രതിയെ വീട്ടിൽ എത്തിച്ച് തെളിവെടുപ്പ് നടത്തി. ആലുവ ഡി,വൈ.എസ്‌പി ജി.വേണു, അങ്കമാലി ഇൻസ്പെക്ടർ സോണി മത്തായി എസ്‌ഐ ടി.എം.സൂഫീ, എഎസ്ഐ മാർട്ടിൻ.ജോൺ, എസ്.സി.പിഒ മാരായ റോണി അഗസ്റ്റിൻ, ജിസ്മോൻ കെ.ആർ എന്നിവർ അന്വേഷണസംഘത്തിലുണ്ടായിരുന്നു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP