Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

വീട്ടിലുണ്ടോ എന്ന് ചോദിച്ച് ബാങ്കിൽ നിന്ന് ഫോൺ; വായ്പാ തിരിച്ചടവ് വിഷയം രമ്യമായി തീർക്കാമെന്ന് പ്രതീക്ഷിരുന്നപ്പോൾ വന്നത് പൊലീസും കൂട്ടവുമായി; നോട്ടീസ് കാണിച്ച് ഒരു ദാക്ഷിണ്യവുമില്ലാതെ കാറെടുത്തുകൊണ്ട് പോയി; തന്നോട് കൊട്ടക് മഹീന്ദ്ര ബാങ്ക് കാട്ടിയതുകൊടുംചതിയെന്ന് കോട്ടയം കൂരാളി സ്വദേശി നാരായണൻ; ബാങ്കിന്റെ 'സൂപ്പർ ആക്ഷൻ' കോവിഡ് കാലത്തെ മൊറട്ടോറിയം ഇളവുകൾ നൽകാതെ

വീട്ടിലുണ്ടോ എന്ന് ചോദിച്ച് ബാങ്കിൽ നിന്ന് ഫോൺ; വായ്പാ തിരിച്ചടവ് വിഷയം രമ്യമായി തീർക്കാമെന്ന് പ്രതീക്ഷിരുന്നപ്പോൾ വന്നത് പൊലീസും കൂട്ടവുമായി; നോട്ടീസ് കാണിച്ച് ഒരു ദാക്ഷിണ്യവുമില്ലാതെ കാറെടുത്തുകൊണ്ട് പോയി; തന്നോട് കൊട്ടക് മഹീന്ദ്ര ബാങ്ക് കാട്ടിയതുകൊടുംചതിയെന്ന് കോട്ടയം കൂരാളി സ്വദേശി നാരായണൻ; ബാങ്കിന്റെ 'സൂപ്പർ ആക്ഷൻ' കോവിഡ് കാലത്തെ മൊറട്ടോറിയം ഇളവുകൾ നൽകാതെ

കെ ആർ ധന്യ

കോട്ടയം: കോവിഡ് കാലത്തെ മൊറട്ടോറിയം ഇളവുകൾ നൽകാതെ, വാഹന വായ്പ തിരിച്ചടച്ചില്ലെന്ന് കാണിച്ച് വാഹനം പിടിച്ചെടുത്തുകൊട്ടക് മഹീന്ദ്ര ബാങ്ക്. കോട്ടയം കൂരാളി സ്വദേശി സി എസ് നാരായണന്റേയും ഭാര്യ എം എസ് ഓമന അമ്മാളിന്റേയും പേരിലുള്ള വാഹനമാണ് വീട്ടിലെത്തി പിടിച്ചെടുത്തത്. കോവിഡിന്റെ പശ്ചാത്തലത്തിൽ മോറട്ടോറിയം ഇളവുകൾ നൽകണമെന്ന ആർബിഐ നിർദ്ദേശം വക വക്കാതെ വാഹനം പിടിച്ചെടുക്കുകയായിരുന്നു എന്നാണ് ആരോപണം. കോടതി ഉത്തരവുമായെത്തിയ സംഘം വാഹനം പിടിച്ചെടുക്കുകയായിരുന്നു. ബാങ്കിന്റെ നടപടിക്കെതിരെ നിയമനടപടി സ്വീകരിക്കാനൊരുങ്ങുകയാണ് പരാതിക്കാരൻ.

വായ്പ തിരിച്ചടവ് മുടങ്ങിയെന്ന് കാണിച്ചാണ് ബാങ്ക് കോടതിയിൽ നിന്ന് വാഹനം പിടിച്ചെടുക്കാനുള്ള ഉത്തരവ് സ്വന്തമാക്കിയത്. എന്നാൽ ഇതിൽ ആറ് മാസം മോറട്ടോറിയം ഇളവുകളുടെ പരിധിയിൽ വരുന്നതാണ്. ഇളവുകൾ നീങ്ങിയ സെപ്റ്റംബർ മാസം ഉടമ വായ്പ അടക്കുകയും ചെയ്തു. എന്നാൽ പിന്നീടുള്ള മാസത്തിൽ വായ്പ തിരിച്ചടക്കാതിരുന്നത് ബാങ്ക് അധികൃതർ ആവശ്യപ്പെട്ടിട്ടാണെന്ന് നാരായണൻ പറയുന്നു. വായ്പാ തിരിച്ചടവ് സംബന്ധിച്ച കാര്യങ്ങൾ സംസാരിക്കാൻ വീട്ടിലേക്കെത്താമെന്ന് പറഞ്ഞ ബാങ്ക് അധികൃതർ വീട്ടിലെത്തി വാഹനം പിടിച്ചുകൊണ്ട് പോവുകയായിരുന്നു എന്നും അദ്ദേഹം പറയുന്നു.

ബാങ്ക് ചെയ്തത് ചതിയും നിയമലംഘനവും

2019 ൽ മാരുതി ബ്രീസ കാർ വാങ്ങാൻ കൊട്ടക് മഹീന്ദ്ര ബാങ്കിൽ നിന്നായിരുന്നു വായ്പ എടുത്തത്. കഴിഞ്ഞ മാർച്ച് മാസം വരെ വായ്പാ തിരിച്ചടവ് കൃത്യമായി നടന്നു. എന്നാൽ ലോക്ക് ഡൗൺ പ്രഖ്യാപിക്കുകയും പിന്നീ്ട് സാമ്പത്തിക പ്രതിസന്ധി ഉണ്ടാവുകയും ചെയ്തതോടെ നാരായണന് വായ്പ തിരിച്ചടക്കാനായില്ല. എന്നാൽ എല്ലാ വായ്പകൾക്കും ആർബിഐ മോറട്ടോറിയം പ്രഖ്യാപിച്ചതോടെ വാഹന വായ്പ അതിന്റെ പരിധിയിലാണ് എന്ന വിശ്വാസത്തിൽ നാരായണൻ ആശ്വസിച്ചു. മൂന്ന് മാസം കഴിഞ്ഞപ്പോൾ മോറട്ടോറിയം ഇളവുകൾ നീട്ടി നൽകണമെന്ന് ബാങ്കിന് മെയിൽ അയച്ചു. ആറ് മാസത്തെ മോറട്ടോറിയം കാലാവധി കഴിഞ്ഞപ്പോൾ സെപ്റ്റംബർ മാസത്തെ തിരിച്ചടവിനുള്ള തുക ബാങ്കിലേക്ക് അടക്കുകയും ചെയ്തു. എന്നാൽ അതിനിടെ ആറ് മാസത്തെ വായ്പ കുടിശികയാണെന്ന് കാണിച്ച് ബാങ്ക് നാരായണന് നോട്ടീസ് അയച്ചു. ഇതോടെ മോറട്ടോറിയം ഇളവിന് താൻ അർഹനാണെന്നും ഇളവുകൾ ലഭ്യമാക്കണമെന്നും ആവശ്യപ്പെട്ട് ബാങ്കിനോട് ആവശ്യപ്പെട്ടു. എന്നാൽ നൽകാൻ കഴിയില്ല എന്ന മറുപടിയാണ് ലഭിച്ചത്. ആറ് മാസത്തെ തുക തിരിച്ചടച്ചില്ല എന്നതിന്റെ പേരിൽ ചെക്ക് ബൗൺസ് കാണിച്ച് ബൗൺസിങ് ചാർജും നാരായണന്റെ അക്കൗണ്ടിൽ നിന്ന് ബാങ്ക് പിൻവലിച്ചു.

ബാങ്ക് അധികൃതരും നാരായണനുമായി നിരവധി തവണ ചർച്ചകൾ നടന്നു. എന്നാൽ മോറട്ടോറിയം ഇളവ് നൽകാനാവില്ല എന്ന നിലപാടിൽ ബാങ്ക് അധികൃതർ ഉറച്ച് നിൽക്കുകയായിരുന്നു. 'ഒക്ടോബർ മാസത്തിലെ പൈസ അടക്കാനിരുന്നതാണ്. അപ്പോൾ ബാങ്കിൽ നിന്ന് തന്നെയാണ് അതിപ്പോൾ അടക്കേണ്ട എന്ന് പറഞ്ഞത്. മോറട്ടോറിയം കാലത്തെ അടവ് സംബന്ധിച്ച ധാരണയായതിന് ശേഷം ബാക്കി അടവ് മതി എന്നായിരുന്നു ബാങ്കിൽ നിന്ന് പറഞ്ഞത്. ഞങ്ങൾ അവർ പറഞ്ഞത് വിശ്വസിച്ചു. ഇത് ഞങ്ങളെ ചതിച്ചതാണ്. നാല് മാസം അടവ് മുടങ്ങിയാൽ അവർക്ക് വാഹനം കൊണ്ട് പോകാം. എന്നാൽ മോറട്ടോറിയം കാലത്തെ കണക്കാണ് അവർ പറയുന്നത്. ' നാരായണൻ പറഞ്ഞു.

മോറട്ടോറിയം ഇളവുകളുടെ കാര്യത്തിൽ തീരുമാനമുണ്ടാവാനായി നാരായണനും മകനും സ്ഥിരമായി ബാങ്ക് അധികൃതരെ ബന്ധപ്പെട്ടു. 'പിന്നീട് ഒരു ദിവസം വീട്ടിലുണ്ടോ എന്ന് ചോദിച്ച് ബാങ്കിൽ നിന്ന് ഫോൺ വന്നു. മോറട്ടോറിയം കാലത്തെ അടവിന്റെ കാര്യം സംസാരിക്കാനാണ് എന്നാണ് കാര്യം പറഞ്ഞത്. പക്ഷെ അവർ പൊലീസും കോടതിയിൽ നിന്നുള്ള ഒരാളും ഉൾപ്പെടെ വീട്ടിലെത്തി നോട്ടീസ് കാണിച്ച് ഒരു ദാക്ഷണ്യവുമില്ലാതെ കാറെടുത്തുകൊണ്ട് പോയി.' നാരായണൻ തുടർന്നു.

Dear Sir, 
I have taken a car from Kotak Mahindra Prime Car Finance. 
The loan details are as follows

Agreement No : 17803186
Agreement Date : 29-11-2019
Loan Type : Irr/Reset 
Loan Amount : 8, 53,151/-

My main source of income got affected due to lock down. As per the latent announcement by RBI I wish to get the benefit of three months moratorium which will help me to reduce my financial burden in this crucial time. 
I will start paying the EMI on regular basis as per the RBI guidelines. 
Kindly do the needful and grant me the benefits of moratorium period. (July,August,September )
Thank you
Narayanan CS

നാരായണൻ ഹൃദ്രോഗിയാണ്. ശസ്ത്രക്രിയ കഴിഞ്ഞ് വിശ്രമത്തിൽ കഴിയുന്ന തന്നോട് ഒരു കരുണയും കാണിക്കാതെ, നിയമ പ്രകാരം തനിക്ക് ലഭിക്കേണ്ട ഇളവുകൾ പോലും നൽകാതെ വാഹനം കൊണ്ടു പോയത് ക്രൂരതയാണെന്ന് ഇദ്ദേഹം പറയുന്നു. ' രാജ്യത്തെ എല്ലാ ബാങ്കുകൾക്കും കിട്ടുന്ന ഇളവുകൾ കൊട്ടക് മഹീന്ദ്രയിൽ കിട്ടില്ല എന്നാണ് അവർ പറയുന്നത്. എന്നാൽ അതവർ നേരത്തെ പറഞ്ഞിരുന്നെങ്കിൽ കടം വാങ്ങിയായാലും പണം അടച്ചേനെ.' നാരായണൻ കൂട്ടിച്ചേർത്തു.

ബാങ്ക് അധികൃതർ പറയുന്നത്

എന്നാൽ നിയമ പ്രകാരം ലഭിക്കേണ്ട മോറട്ടോറിയം ഇളവുകൾ എല്ലാവർക്കും നൽകുന്നുണ്ടെന്ന് കൊട്ടക് മഹീന്ദ്ര ബാങ്ക് കളക്ഷൻ മാനേജർ രാഹുൽ പ്രതികരിച്ചു. മൂന്ന് മാസത്തെ ഇളവുകൾ എല്ലാവർക്കും ലഭിക്കും. പിന്നീട് മോറട്ടോറിയം നീട്ടണമെന്ന് ആവശ്യപ്പെടുന്നവർക്ക് മൂന്ന് മാസത്തേക്ക് കൂടി നീട്ടി നൽകുകയും ചെയ്തു. എന്നാൽ മറ്റ് നിയമനടപടികൾ സംബന്ധിച്ച് തനിക്കറിയില്ലെന്നും അദ്ദേഹം പ്രതികരിച്ചു. നിയമ നടപടിക്കെതിരെയുള്ള പ്രതികരണം അറിയാനായി കൊട്ടക് മഹീന്ദ്ര ബാങ്ക് ഹെഡ് ഓഫീസിൽ ബന്ധപ്പെട്ടെങ്കിലും പ്രതികരണം ലഭ്യമായില്ല.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP