Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

ജോക്കുട്ടന് ഉറ്റവർ അശ്രുപൂജകളോടെ വിട നൽകി; സംസ്‌കാര ശുശ്രൂഷകൾക്ക് നേതൃത്വം നൽകിയത് കോതമംഗലം രൂപത അധ്യക്ഷൻ മാർ ജോർജ് മഠത്തിക്കണ്ടത്തിൽ; പുത്രന് കണ്ണീരോടെ വിടനൽകി പി.ജെ ജോസഫ്

മറുനാടൻ ഡെസ്‌ക്‌

തൊടുപുഴ: പി.ജെ.ജോസഫ് എംഎ‍ൽഎയുടെ മകൻ ജോക്കുട്ടന് ഉറ്റവർ അശ്രുപൂജകളോടെ വിട നൽകി.ജോക്കുട്ടനെന്ന ജോമോൻ ജോസഫിന്റെ സംസ്‌കാരച്ചടങ്ങുകൾ ഇന്നലെ രാവിലെ പത്തരയോടെ പുറപ്പുഴ പാലത്തിനാൽ വീട്ടിൽ ആരംഭിച്ചു. സംസ്‌കാര ശുശ്രൂഷകൾക്ക് കോതമംഗലം രൂപത അധ്യക്ഷൻ മാർ ജോർജ് മഠത്തിക്കണ്ടത്തിൽ, ഇടുക്കി രൂപത അധ്യക്ഷൻ മാർ ജോൺ നെല്ലിക്കുന്നേൽ എന്നിവർ നേതൃത്വം നൽകി.

മലങ്കര കത്തോലിക്കാ സഭ മൂവാറ്റുപുഴ രൂപതാധ്യക്ഷൻ യുഹാനോൻ തിയോഡേഷ്യസ്, കോതമംഗലം രൂപത വികാരി ജനറൽ മോൺ. ചെറിയാൻ കാഞ്ഞിരകൊമ്പിൽ, കോട്ടയം രൂപത വികാരി ജനറൽ മൈക്കിൾ വെട്ടിക്കാട്ട് എന്നിവർ പ്രാർത്ഥനാ ചടങ്ങുകളിൽ പങ്കെടുത്തു.

മുൻ മുഖ്യമന്ത്രി ഉമ്മൻ ചാണ്ടി, എംപിമാരായ ബെന്നി ബെഹനാൻ, ആന്റോ ആന്റണി, ഡീൻ കുര്യാക്കോസ്, ജോസ് കെ. മാണി, തോമസ് ചാഴികാടൻ, എംഎ‍ൽഎമാരായ കെ.സി. ജോസഫ്, പി.സി. ജോർജ്, അനൂപ് ജേക്കബ്, മോൻസ് ജോസഫ്,വി.പി. സജീന്ദ്രൻ, റോഷി അഗസ്റ്റിൻ, എൻ. ജയരാജ്, എൽദോ ഏബ്രഹാം, നേതാക്കളായ കെ. ഫ്രാൻസിസ് ജോർജ്, ജോണി നെല്ലൂർ, ജോസഫ് വാഴയ്ക്കൻ, ടി.യു.

കുരുവിള, റോയി കെ. പൗലോസ്, ഇബ്രാഹിം കുട്ടി കല്ലാർ, ടോമി കല്ലാനി, ലതിക സുഭാഷ്, മാത്യു കുഴൽനാടൻ, എസ്. അശോകൻ, ടി.എം. സലിം, കെ.എം.എ. ഷുക്കൂർ, എം.ജെ. ജേക്കബ്, മാത്യു സ്റ്റീഫൻ, എം.എസ്. മുഹമ്മദ്,

കെ.എസ്. അജി, കെ. സുരേഷ് ബാബു, വി.വി. മത്തായി, പി.പി. ജോയി, മുൻ ചീഫ് സെക്രട്ടറി ടോം ജോസ് ഉൾപ്പെടെയുള്ളവർ വസതിയിൽ എത്തിയിരുന്നു. മംഗളത്തിനു വേണ്ടി ജനറൽ മാനേജർ സാബു ജോൺ റീത്ത് സമർപ്പിച്ചു.മുഖ്യമന്ത്രി പിണറായി വിജയൻ, പ്രതിപക്ഷ നേതാവ് രമേശ് ചെന്നിത്തല, മന്ത്രിമാർ, കോൺഗ്രസ് പ്രവർത്തക സമിതി അംഗം എ.കെ. ആന്റണി, യു.ഡി.എഫ്. കൺവീനർ എം.എം. ഹസൻ, പി.കെ. കുഞ്ഞാലിക്കുട്ടി, എം.കെ. മുനീർ, വി എം. സുധീരൻ എന്നിവർ ഫോണിലൂടെ അനുശോചനം അറിയിച്ചു. സംസ്‌കാരം പുറപ്പുഴ സെന്റ് സെബാസ്റ്റ്യൻസ് പള്ളി സെമിത്തേരിയിൽ നടന്നു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP