Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202419Tuesday

ഫ്രാൻസിൽ അദ്ധ്യാപകന്റെ തലയറുത്ത ഭീകരന്റെ പ്രായം വെറും പതിനെട്ട്; സ്വന്തം ഗുരുനാഥന്റെ ശിരച്ഛേദം നടത്താൻ വേണ്ട സഹായങ്ങൾ ചെയ്തുകൊടുത്തത് 5 സ്‌കൂൾ കുട്ടികൾ; കുഞ്ഞുങ്ങൾ പോലും റോബോട്ടിക് കൊലയാളികളായി മാറുന്നതെങ്ങനെ? സജീവ് ആല എഴുതുന്നു

ഫ്രാൻസിൽ അദ്ധ്യാപകന്റെ തലയറുത്ത ഭീകരന്റെ പ്രായം വെറും പതിനെട്ട്; സ്വന്തം ഗുരുനാഥന്റെ ശിരച്ഛേദം നടത്താൻ വേണ്ട സഹായങ്ങൾ ചെയ്തുകൊടുത്തത് 5 സ്‌കൂൾ കുട്ടികൾ; കുഞ്ഞുങ്ങൾ പോലും റോബോട്ടിക് കൊലയാളികളായി മാറുന്നതെങ്ങനെ? സജീവ് ആല എഴുതുന്നു

സജീവ് ആല

ഫാൻസിൽ അദ്ധ്യാപകന്റെ തലയറുത്ത ഭീകരന്റെ പ്രായം വെറും പതിനെട്ട്. സ്വന്തം ഗുരുനാഥന്റെ ശിരച്ഛേദം നടത്താൻ വേണ്ട സഹായങ്ങൾ ചെയ്തുകൊടുത്തത് 5 സ്‌ക്കൂൾ കുട്ടികൾ. സ്വാതന്ത്ര്യത്തിന്റെ പറുദീസയായ ഫ്രാൻസിൽ ആഘോഷത്തിമിർപ്പോടെ ജീവിതം ആസ്വദിക്കേണ്ട ചെറുബാല്യങ്ങൾ മനുഷ്യ മനസ്സാക്ഷിയെ നടക്കുന്ന കൊടുംപാതകത്തിന്റെ ആസൂത്രകരും നടത്തിപ്പുകാരുമായി മാറുന്നു.

ഇൻബിൽറ്റ് വയലൻസുള്ള ഒരു വിശ്വാസപദ്ധതി കുരുന്നുമനസ്സിൽ സിസ്റ്റമാറ്റിക്കായി കുത്തിക്കയറ്റുമ്പോൾ കുഞ്ഞുങ്ങൾ പോലും റോബോട്ടിക് കൊലയാളികളായി മാറുന്നു.

സ്വന്തം മാതാപിതാക്കളേക്കാൾ
സ്വന്തം കൂട്ടുകാരേക്കാൾ
സ്വന്തം അദ്ധ്യാപകരേക്കാൾ
സ്വന്തം ജീവനേക്കാൾ സ്നേഹിക്കേണ്ടത് മുഹമ്മദ് നബിയെയാണന്നാണ് ഇസ്ലാമിക ശാഠ്യം.
ചോരപ്പുഴ ഒഴുക്കി നബി നേടിയ യുദ്ധവിജയങ്ങളും എതിരാളികളുടെ തലയറക്കൽ വീരഗാഥകളും ഒരു ഇടവടവില്ലാതെ മസ്തിഷ്‌കത്തിലേക്ക് പമ്പ് ചെയ്യപ്പെടുമ്പോൾ ശരാശരിക്ക് മുകളിൽ ബുദ്ധിശക്തിയുള്ള കുട്ടികളുടെ ചിന്താശേഷി പോലും കത്തിച്ചാമ്പലാകുന്നു.പ്രവാചകനെ വിമർശിച്ചതിന് സ്വന്തം പിതാവിന്റെ തലവെട്ടി ഫുട്ബോൾ പോലെ ഉരുട്ടിയ അടിമകളുടെ കഥകൾ മദ്രസ്സ പാഠാവലികൾക്ക് രക്താലങ്കാരമാകുമ്പോൾ നബിവിമർശനം ജീവനെടുക്കേണ്ട ക്രൈമായി മാറുന്നു.

തിരുവായ്ക്ക് എതിർവായില്ലാത്ത വൈകാരിക അടിമത്തതിലേക്ക് വിശ്വാസികളെ കുടുക്കിയിടുന്ന കാർക്കശ്യ മതപഠനത്തിന്റെ ഇരകൾ മാത്രമാണ് കസബും അബൂബക്കർ ബാഗ്ദാദിയും ഉൾപ്പെടെയുള്ള കൊലയാളികൾ. ഭീകരതയിലൂടെ ഭയം ഉല്പാദിപ്പിക്കുക, അതാണ് ഇസ്ലാമിന്റെ മോഡസ് ഓപ്പറണ്ടി.

വിമർശിച്ചാൽ തലപോകും അല്ലെങ്കിൽ മിനിമം കയ്യും കാലുമെങ്കിലും പോകും.
എന്തൊക്കെ പറഞ്ഞാലും കുറച്ച് സ്നേഹവും കാരുണ്യവും മനുഷ്യത്വവും ഉള്ളവർ തന്നെയാണ് അല്ലാഹു ഉൾപ്പെടെയുള്ള ദൈവങ്ങൾ. ഭൂമിയിൽ ജീവിക്കാത്തതിന്റെ ഗുണമാണത്.എന്നാൽ ഇസ്ലാമിലെ അല്ലാഹു പാർശ്വവത്ക്കരിക്കപ്പട്ടിരിക്കുന്ന ഒരു അരൂപിയാണ്. അല്ലാഹുവല്ലാതെ മറ്റൊരു ദൈവമില്ലെന്നൊക്കെ നീട്ടി ബാങ്ക് വിളിക്കുമെങ്കിലും മുഹമ്മദ് നബിയുടെ ഒറ്റയാൾ ഷോ മാത്രമാണ് ഇസ്ലാം.

മെസഞ്ചർ മഹോന്നതനാകുമ്പോൾ പാവം ദൈവത്തിന് വോയ്സ്ലെസ്സ് ആകാതെ മറ്റുമാർഗ്ഗമില്ല.
അല്ലാഹുവിനെ വിമർശിച്ചാൽ ഒരാളും നിങ്ങളുടെ ദേഹത്ത് ഒരുനുള്ള് മണ്ണ് പോലും വാരിയെറിയില്ല. പക്ഷെ നബിയുടെ ചെയ്തികൾ ഖുറാനും ഹദീസും ക്വോട്ട് ചെയ്ത് വിളിച്ചു പറഞ്ഞാൽ വിശ്വാസികൾക്ക് മാനസികാഘാതമുണ്ടാകുന്നു.

നബിവിമർശനം എന്നൊരു വിൻഡോ ഇസ്ലാമിക ഓപ്പറേറ്റിങ് സിസ്റ്റത്തിൽ ഇല്ല.വിമർശനം എന്നത് അല്പം അന്തസ്സും ആഭിജാത്യവുമുള്ള പദമാണ്. അതുകൊണ്ട് നബിനിന്ദ എന്ന ചോര തിളപ്പിക്കുന്ന പ്രയോഗമാണ് ഇസ്ലാമിസ്റ്റുകൾ സ്ഥിരമായി ഉപയോഗിക്കുന്നത്.ഇസ്ലാം വിമർശനവും നബിവിമർശനവും അപൂർവങ്ങളിൽ അപൂർവമാകുമ്പോൾ തലയറക്കാൻ എളുപ്പമാണ്.

ഒരു തലവെട്ടി മാറ്റുമ്പോൾ ഒരുകോടി തലകൾ വിമർശനവുമായി ഉയരണം.
ഇസ്ലാമിന് മാത്രമാണ് നബി മുത്തും പവിഴവുമെന്നും മറ്റുള്ളവർക്ക് അദ്ദേഹം വെറുമൊരു അറേബ്യൻ യുദ്ധപ്രഭു മാത്രമാണെന്നും വിശ്വാസികൾ തിരിച്ചറിയുമ്പോൾ സഹിഷ്ണുതയുടെ സഹവർത്തിത്വത്തിന്റെ മൊട്ടുകൾ വിടർന്ന് തുടങ്ങും.ഒരു ബഹുസ്വര സമുഹത്തിൽ ജീവിക്കുമ്പോൾ സ്വാഭാവികമായി സംഭവിക്കേണ്ട ഈ പരിണാമം ഇസ്ലാമിൽ നടക്കാത്തതിന്റെ കാരണം പിഞ്ചു പ്രായം തൊട്ട് തുടങ്ങുന്ന മസ്തിഷ്‌ക പ്രക്ഷാളനമാണ്.അവിടെയാണ് ജനാധിപത്യ ഭരണകൂടങ്ങളുടെ ശ്രദ്ധ പതിയേണ്ടത്.

എല്ലാ മതസിലബസുകളും കർശനമായ സർക്കാർ നിരീക്ഷണത്തിലാവണം കുട്ടികളിൽ വെറുപ്പും വിദ്വേഷവും പകയും സ്ത്രീവിരുദ്ധതയും അടിച്ചേല്പിക്കുന്ന ഒന്നും മതപാഠ ക്ളാസുകളിൽ പഠിപ്പിക്കുന്നില്ലെന്ന് ഉറപ്പുവരുത്തപ്പെടണം. മറ്റുമതങ്ങളെ പ്രത്യയശാസ്ത്രങ്ങളെ വിമർശിക്കുമ്പോൾ കാണിക്കുന്ന ചടുലതയും ആവേശവും ഇസ്ലാമിന്റെ കാര്യം വരുമ്പോൾ പൊതുവെ കാണാറില്ല.

ജീവഭയം അതിനേക്കാൾ വലിയൊരു ഭയമില്ല പക്ഷെ ഇനിയും പേടിച്ച് ഒതുങ്ങിക്കൊടുത്താൽ കൂടുതൽ സ്വതന്ത്ര ചിന്തകർ കൊലക്കത്തിക്ക് ഇരയാകും.ഓരോ തുള്ളിച്ചോരയിൽ നിന്നും ഒരായിരമല്ല ഒരുകോടി സാമുവേലുമാർ ഉയർത്തെഴുന്നേല്ക്കപ്പെടണം.കഴുത്തറക്കാൻ വരുന്നവർ കണ്ടം വഴി ഓടുന്ന അന്തരീക്ഷം സൃഷ്ടിക്കപ്പെടണം. സ്വയം മാറാത്തവരെ മാറ്റിയെടുക്കാൻ സാമൂഹിക മുന്നേറ്റം തന്നെ രൂപപ്പെടണം. ഫ്രാൻസിൽ അതിന്റെ ലക്ഷണങ്ങൾ കണ്ടുതുടങ്ങിയിരിക്കുന്നു.

ഇനിയും സാമൂവേലാകാൻ തയ്യാറായില്ലെങ്കിൽ നാളെകളിൽ നാം ശിരസ്സില്ലാത്തവരായി മാറും.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP