ഹാർദിക് പാണ്ഡ്യ ഭാര്യയെ ചുംബിക്കുന്ന ചിത്രം നീക്കം ചെയ്തത് ‘കമ്യൂണിറ്റി ഗൈഡ്‌ലൈൻസിന് ...

ഹാർദിക് പാണ്ഡ്യ ഭാര്യയെ ചുംബിക്കുന്ന ചിത്രം നീക്കം ചെയ്തത് ‘കമ്യൂണിറ്റി ഗൈഡ്‌ലൈൻസിന് വിരുദ്ധ’മാണെന്ന് ചൂണ്ടിക്കാട്ടി; ചോദ്യം ചെയ്തുള്ള നടാഷയുടെ പോസ്റ്റിന് പിന്നാലെ നിലപാട് തിരുത്തി ഇൻസ്റ്റഗ്രാം

August 19, 202007:15 PM IST Permalink

മറുനാടൻ ഡെസ്‌ക്‌

‘കമ്യൂണിറ്റി ഗൈഡ്‌ലൈൻസിന് വിരുദ്ധ’മാണെന്ന് ചൂണ്ടിക്കാട്ടി ഇന്ത്യൻ ക്രിക്കറ്റ് താരം ഹാർദിക് പാണ്ഡ്യ ഭാര്യയും ബോളിവുഡ് താരവുമായ നടാഷ സ്റ്റാൻകോവിച്ചിനെ ചുംബിക്കുന്ന ചിത്രം നീക്കം ചെയ്ത നടപടി തിരുത്തി ഇൻസ്റ്റഗ്രാം. പാണ്ഡ്യ നടാഷയുടെ കവിളിൽ ചുംബിക്കുന്ന ചിത്രമായിരുന്നു ഇൻസറ്റാഗ്രാം നീക്കം ചെയ്തത്. ഈ ചിത്രം നീക്കിയതായി അറിയിച്ചുകൊണ്ടുള്ള ഇൻസ്റ്റഗ്രാമിന്റെ അറിയിപ്പ് സഹിതം നടാഷ വീണ്ടും പോസ്റ്റിട്ടതോടെയാണ് ഇൻസ്റ്റാഗ്രാം നിലപാട് തിരുത്തിയത്. ഇതോടെ ഈ ഫോട്ടോ വീണ്ടും ഇൻസ്റ്റായിൽ ദൃശ്യമായി.

ഇന്ത്യൻ പ്രീമിയർ ലീഗിന്റെ പുതിയ പതിപ്പിനായി ടീമിനൊപ്പം യുഎഇയിലേക്കു പോകുന്നതിന് വീടു വിട്ടതിനു പിന്നാലെയാണ് #alreadymissyou എന്ന ഹാഷ്ടാഗ് സഹിതം ചുംബന ചിത്രം നടാഷ പോസ്റ്റ് ചെയ്തത്. ചിത്രം നിമിഷങ്ങൾക്കകം വൈറലാവുകയും ചെയ്തു. ഇതിനു പിന്നാലെയാണ് ‘കമ്യൂണിറ്റി ഗൈഡ്‌ലൈൻസിന് വിരുദ്ധ’മാണെന്ന് പറഞ്ഞ് ഇൻസ്റ്റഗ്രാം ചിത്രം നീക്കിയത്. ചിത്രം നീക്കുന്നതിനുള്ള കാരണമായി പ്രത്യക്ഷപ്പെട്ട സന്ദേശത്തിന്റെ സ്ക്രീൻഷോട്ട് സഹിതം വീണ്ടും പോസ്റ്റിട്ടതോടെ രംഗം മാറി. ‘ഇത് ശരിക്കും ഉള്ളതാണോ?’ എന്ന ചോദ്യത്തോടെയായിരുന്നു പോസ്റ്റ്. ഇതോടെ നടാഷ പോസ്റ്റ് ചെയ്ത ചിത്രം അവരുടെ പേജിൽ വീണ്ടും പ്രത്യക്ഷപ്പെടുകയും ചെയ്തു.

കഴിഞ്ഞ മാസം 30ന് പാണ്ഡ്യ–നടാഷ ദമ്പതികൾക്ക് ആൺകുഞ്ഞ് പിറന്നിരുന്നു. ‘അഗസ്ത്യ’ എന്നാണ് ഇരുവരും കുഞ്ഞിന് പേരിട്ടത്. കുഞ്ഞിനൊപ്പമുള്ള ചിത്രങ്ങൾ ഇരുവരും സമൂഹമാധ്യമങ്ങളിൽ വ്യാപകമായി പങ്കുവച്ചിരുന്നു. ഗർഭകാലത്തും അതിനു മുമ്പും ഇരുവരും ഒന്നിച്ചുള്ള നിരവധി ചിത്രങ്ങൾ നടാഷയും ഹാര‍്ദിക്കും ഇൻസ്റ്റഗ്രാമിൽ പങ്കുവെച്ചിട്ടുണ്ട്. അന്നൊന്നുമില്ലാത്ത ഗൈഡ് ലൈൻ പ്രശ്നത്തിന്റെ പേരിലാണ് ഇപ്പോൾ പുതിയ ചിത്രം നീക്കം ചെയ്തിരിക്കുന്നത്. കോവിഡ് പ്രതിസന്ധിയെ തുടർന്ന് ഈ വർഷം യുഎഇയിലേക്ക് മാറ്റിയ ഐപിഎല്ലിനായി കഴിഞ്ഞ ദിവസമാണ് പാണ്ഡ്യ മുംബൈയിലേക്ക് പോയത്. മുംബൈ ഇന്ത്യൻസ് താരമായ പാണ്ഡ്യ, അവിടെയെത്തി പരിശീലനം പുനരാരംഭിച്ചതിന്റെ ചിത്രവും സമൂഹമാധ്യമത്തിൽ പങ്കുവച്ചിട്ടുണ്ട്.

View this post on Instagram
❤️ #alreadymissyou

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

മറുനാടൻ ഡെസ്‌ക്‌

Stories you may Like

Readers Comments+

More News in this category+

MNM Recommends +

തിരഞ്ഞെടുപ്പ്: ബുധനാഴ്ച വൈകിട്ട് 6 മണി മുതൽ മദ്യവിൽപ്പന ശാലകൾക്ക് അവധി; വോട്ടെണ്ണൽ നടക്കുന്ന ജൂൺ നാലിനും അവധി