പിൻവാതിൽ നിയമനം: തന്റെ ചോദ്യങ്ങൾക്ക് മറുപടി നൽകാതെ അനധികൃത നിയമനങ്ങളെ വെള്ള പൂശാൻ ശ്രമിക്കുന്നു; സർക്കാർ ഉദ്യോഗസ്ഥരെ പരസ്യമായി തള്ളിപ്പറഞ്ഞ് കളങ്കിത കൺസൾട്ടൻസി സ്ഥാപനങ്ങൾക്ക് സെക്രട്ടറിയേറ്റിൽ ഓഫീസ് അനുവദിക്കാനാണ് നീക്കം; വികസന പദ്ധതികളെ പ്രതിപക്ഷം തുരങ്കം വയ്ക്കുന്നു എന്ന മുഖ്യമന്ത്രിയുടെ വാദം ബാലിശമെന്നും ചെന്നിത്തലയുടെ മറുപടി കത്ത്
മറുനാടൻ മലയാളി ബ്യൂറോ
തിരുവനന്തപുരം: കഴിഞ്ഞ നാല് വർഷത്തെ പിൻവാതിൽ നിയമനങ്ങളെക്കുറിച്ച് താൻ ഉന്നയിച്ച കാതലായ ചോദ്യങ്ങൾക്ക് വ്യക്തമായ ഉത്തരം നൽകാതെ പി.എസ്.സി വഴി നടക്കുന്ന പതിവ് നിയമനങ്ങളുടെ കണക്കുകൾ ഉദ്ധരിച്ച് അനധികൃത നിയമനങ്ങളെ വെള്ള പൂശാനാണ് മുഖ്യമന്ത്രി മറുപടിക്കത്തിൽ ശ്രമിച്ചതെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു. പിൻവാതിൽ നിയമനങ്ങൾ സംബന്ധിച്ച് പ്രതിപക്ഷ നേതാവിന്റെ കത്തിന് മുഖ്യമന്ത്രി നൽകിയ വിശദീകരണത്തിനുള്ള മറുപടിയിലാണ് രമേശ് ചെന്നിത്തല ഇക്കാര്യം ചൂണ്ടിക്കാട്ടിയത്.
കഴിഞ്ഞ 4 വർഷക്കാലയളവിൽ ഇടതുമുന്നണി സർക്കാർ നടത്തിയ ക്രമവിരുദ്ധ കരാർ നിയമനങ്ങൾ, എംപ്ലോയ്മെന്റ് എക്സചേഞ്ചുകളെ മറികടന്നുള്ള നിയമനങ്ങൾ, ഉമാദേവി കേസിലെ സുപ്രീം കോടതി വിധിയെ മറികടന്നുള്ള അനധികൃത സ്ഥിരപ്പെടുത്തലുകൾ, പിഎസ്സി റാങ്ക് ലിസ്റ്റുകളെ നോക്കുകുത്തിയാക്കി നടക്കുന്ന താൽക്കാലിക നിയമനങ്ങൾ എന്നിവ ഉൾപ്പെടെയുള്ള എന്റെ പല ചോദ്യങ്ങൾക്കും മുഖ്യമന്ത്രിയുടെ മറുപടിയിൽ വ്യക്തമായ ഉത്തരമില്ല.
രാജ്യസുരക്ഷയെയും, സംസ്ഥാനതാൽപര്യത്തേയും അപകടപ്പെടുത്തുന്ന വിധം സ്വർണ്ണ കള്ളക്കത്തുകേസിലെ ക്രിമിനലുകൾക്ക് വ്യാജ യോഗ്യതാ സർട്ടിഫിക്കറ്റുകളുടെ അടിസ്ഥാനത്തിൽ സംസ്ഥാനസർക്കാരിന്റെ നിർണ്ണായക സ്ഥാനങ്ങളിൽ നിയമനം ലഭിക്കാനിടയായ സാഹചര്യം, ഇതിലുള്ള സർക്കാരിന്റെ പങ്ക്, ഇത്തരം കരാർ നിയമനങ്ങൾ നമ്മുടെ ഭരണസംവിധാനത്തിൽ വരുത്തിയിട്ടുള്ള അപചയം, ഇക്കഴിഞ്ഞ നാല് വർഷക്കാലയളവിൽ സർക്കാരിന്റെ വിവിധ ലാവണങ്ങളിൽ ക്രമവിരുദ്ധമായി കയറിക്കൂടിയിട്ടുള്ള കരാർ ജീവനക്കാരുടെ യോഗ്യതയുമായി നിലനിൽക്കുന്ന സംശയങ്ങൾ എന്നിവ ഉൾപ്പെടെ താൻ ഉന്നയിച്ചിരുന്ന പല കാതലായ വിഷയങ്ങളെക്കുറിച്ചും മുഖ്യമന്ത്രിയുടെ മറുപടി കത്തിൽ പരാമർശിച്ചിട്ടില്ല. മാത്രമല്ല ഈ ക്രിമിനലുകൾ തട്ടിപ്പിനായി സർക്കാരിന്റെ ഔദ്യോഗിക വാഹനങ്ങളും, സർക്കാർ ചിഹ്നങ്ങളും, ലെറ്റർപാഡുകളും ഉൾപ്പെടെ ദുരുപയോഗപ്പെടുത്തിയതിനെതിരെ സ്വീകരിച്ച നടപടികളെ സംബന്ധിച്ചും കത്തിൽ സൂചിപ്പിച്ചിട്ടില്ല.
പിഎസ്എസി മുഖേനയുള്ള പതിവ് നിയമന പ്രക്രിയകളുടെ സ്ഥിതിവിവരണക്കണക്കുകളെ ആസ്പദമാക്കി സംസ്ഥാനത്ത് ഇപ്പോൾ നടന്നുവരുന്ന ക്രമവിരുദ്ധ കരാർ- ദിവസ വേതന നിയമനങ്ങളെ വെള്ളപൂശാനുള്ള വ്യഥാശ്രമമാണ് മുഖ്യമന്ത്രി വീണ്ടും നടത്തുന്നത്. ഈ അനധികൃത സ്ഥിരപ്പെടുത്തലുകളെ സംബന്ധിച്ച താങ്കളുടെ നിലപാടും, സർക്കാരിന്റെ സമീപനവും ഉമാദേവി കേസിന്റെ അന്തസത്തയ്ക്ക് പോലും കടകവിരുദ്ധമാണ്. പ്രസ്തുത വിധിയുടെ ഒരു ഭാഗം മാത്രം സൗകര്യപൂർവ്വം അടർത്തിയെടുത്ത് സർക്കാരിന്റെ ക്രമവിരുദ്ധ നിയമന നടപടികളെ ന്യായീകരിക്കുന്നത് ഉചിതമല്ല. മാത്രമല്ല ആ വിധി ലംഘിച്ചു കൊണ്ടുള്ള നിയമനങ്ങൾ കോടതിയലക്ഷ്യമാണ്.മുഖ്യമന്ത്രി പറഞ്ഞതുപോലെ വിവിധ വകുപ്പുകളിലായി 2020-21 ൽ 11674 താത്കാലിക ജീവനക്കാരാണ് നിലവിൽ ഉള്ളതായി കാണുന്നത്.
ഗവൺമെന്റ് സെക്രട്ടേറിയറ്റിൽ താത്ക്കാലിക ജീവനക്കാർ ആയി 341 പേരും ഉണ്ട്. എന്നാൽ, സർക്കാരിന്റെ വിവിധ വകുപ്പുകളിൽ കീഴിലുള്ള പൊതുമേഖല/അർദ്ധസർക്കാർ സ്ഥാപനങ്ങളിലെ വൻ ശമ്പളത്തിൽ നിയമനം നേടിയ കരാർ ജീവനക്കാർ ഈ ലിസ്റ്റിൽ വരുന്നില്ല. കൺസൾട്ടൻസിയുടെ മറവിലെ കരാർ നിയമനങ്ങളും ഈ ലിസ്റ്റിൽ വരില്ല. കിഫ്ബി നിയമനങ്ങൾ ഈ ലിസ്റ്റിൽ വരില്ല. ഈ സർക്കാർ നടപ്പാക്കിയ അനധികൃത നിയമനങ്ങളുടെ വിശദവിവരങ്ങൾ ഒന്നുംതന്നെ ബജറ്റിനോടൊപ്പം വയ്ക്കുന്ന സ്റ്റാഫ് ഡീറ്റെയിൽസ് ബുക്കിൽ കാണില്ല.
യാതൊരു തത്വദീക്ഷയും പുലർത്താത്താതെ, പിന്നാമ്പുറ ചർച്ചകളിലൂടെ കൺസൽട്ടസൻസികളെ കണ്ടെത്തി സംസ്ഥാന സർക്കാരിന്റെ സുപ്രധാന പ്രോജക്ടുകളുടെ ഭാഗമാക്കുന്നതും, നിയമനങ്ങൾ നടത്തുന്നതും കേരളത്തെ സംബന്ധിച്ചിടത്തോളം ആദ്യത്തെ അനുഭവമാണ്. സംസ്ഥാന സർക്കാർ ഉദ്യോഗസ്ഥരുടെ കാര്യപ്രാപ്തിയേയും, കഴിവിനേയും പരസ്യമായി തള്ളിപ്പറഞ്ഞ് ചില കളങ്കിത കൺസൾട്ടൻസി സ്ഥാപനങ്ങൾക്ക് സെക്രട്ടറിയേറ്റിൽ ഓഫീസ് അനുവദിക്കാനുള്ള നീക്കങ്ങളും ഇതോടൊപ്പം ചേർത്ത് വായിക്കേണ്ടതാണ്.
സംസ്ഥാന താൽപര്യം സംരക്ഷിച്ചുള്ള എല്ലാ വികസന പ്രവർത്തനങ്ങളേയും, പദ്ധതികളേയും സർവ്വാത്മനാ പിന്തുണയ്ക്കുന്ന നയമാണ് യുഡിഎഫ് എല്ലാ കാലത്തും പിന്തുടരുന്നത്. അനാവശ്യമായ വിവാദങ്ങളുയർത്തി സംസ്ഥാനത്തിന്റെ വികസന പദ്ധതികളെ പ്രതിപക്ഷം തുരങ്കം വയ്ക്കുന്നു എന്ന മുഖ്യമന്ത്രിയുടെ വാദം ബാലിശമാണ്. ഈ സർക്കാരിന്റെ സമീപകാലത്തെ വൻകിട പദ്ധതികളുമായി ബന്ധപ്പെട്ട് പ്രതിപക്ഷം ഉയർത്തിയ ആശങ്കൾ എല്ലാം ശരിയാണെന്ന് ഇപ്പോൾ തെളിഞ്ഞിരിക്കുകയാണ്.
കോവിഡ് പ്രതിസന്ധിയുടെ പശ്ചാത്തലത്തിൽ സംസ്ഥാനത്ത് പുതിയ നിയമനങ്ങൾ നടക്കാത്ത സാഹചര്യത്തിലാണ് പിഎസ്സി റാങ്ക് ലിസ്റ്റുകളുടെ കാലാവധി ദീർഘിപ്പിക്കണമെന്ന ആവശ്യം പ്രതിപക്ഷം ഉൾപ്പെടെയുള്ളവർ മുന്നോട്ട് വച്ചിരുന്നത്. കഴിഞ്ഞ 5 മാസത്തിനുള്ളിൽ നാമമാത്രമായ നിയമനങ്ങളാണ് വിവിധ പിഎസ്സി റാങ്ക് ലിസ്റ്റുകളിൽ നിന്നും നടന്നിട്ടുള്ളത്. അതിന് മുൻപ് തന്നെ നിയമനങ്ങൾ ഇഴഞ്ഞു നീങ്ങുകയാണെന്ന ആക്ഷേപം നിലനിൽക്കുന്നുണ്ടായിരുന്നു. കോവിഡിന്റെ പശ്ചാത്തലത്തിൽ 58 ഓളം പിഎസ്സി പരീക്ഷകളാണ് നാളിതുവരെ റദ്ദാക്കിയിട്ടുണ്ട്. ഇന്നത്തെ സാഹചര്യത്തിൽ പുതിയ പരീക്ഷകൾ നടത്തി, ഇന്റർവ്യൂ അടക്കമുള്ള നടപടിക്രമങ്ങൾ പൂർത്തിയാക്കി പുതിയ റാങ്ക് ലിസ്റ്റുകൾ പ്രസിദ്ധീകരിക്കുന്നതിന് നിരവധി പ്രായോഗികബുദ്ധിമുട്ടുകളും, അനന്തമായ കാലതാമസവും ഉണ്ടാകും. സർക്കാരിന് ഇതേക്കുറിച്ച് പൂർണ്ണ ബോധ്യമുണ്ടെങ്കിലും അനധികൃത കരാർ- താൽക്കാലിക നിയമന സാധ്യത മുന്നിൽ കണ്ട് റാങ്ക് ലിസ്റ്റുകളുടെ കാലാവധി ദീർഘിപ്പിക്കുന്നതിൽ നിന്നും പിന്തിരിഞ്ഞതായി വേണം കരുതാൻ. പിഎസ്സി പരീക്ഷ എഴുതാൻ കാത്തിരിക്കുന്ന പുതിയ ഉദ്യോഗാർത്ഥികളുടെ ഏജ് ഓവർ ഉൾപ്പെടെയുള്ള ന്യായങ്ങൾ ഇതിനായി മുന്നോട്ട് വയ്ക്കുന്നതും ഒട്ടും തന്നെ യുക്തി ഭദ്രമല്ല. ഇക്കാര്യത്തെ സംബന്ധിച്ച് ഞാൻ മുൻപ് ഉന്നയിച്ചിട്ടുള്ള പല സംശയങ്ങളും കൂടുതൽ ബലപ്പെടുന്ന സാഹചര്യമാണ് നിലവിലുള്ളത്.
ഇപ്പോഴത്തെ വിവാദത്തിന്റെ പശ്ചാത്തലത്തിൽ മുൻ ഐടി സെക്രട്ടറി നടത്തിയ എല്ലാ നിയമനങ്ങളും ധനകാര്യപരിശോധനാ വിഭാഗത്തെക്കൊണ്ട് അന്വേഷിപ്പിക്കാൻ സർക്കാർ തീരുമാനിച്ചിട്ടുണ്ടല്ലോ. ഈ പ്രത്യേക അന്വേഷണത്തിന്റെ വ്യാപ്തിയും, പരിധിയും കൂടുതൽ വർദ്ധിപ്പിച്ച് ഈ സർക്കാരിന്റെ കാലത്ത് വിവിധ വകുപ്പുകളിലും, ബോർഡ് - കോർപ്പറേഷനുകളിലും, സ്വയംഭരണ സ്ഥാപനങ്ങളിലും നടത്തിയിട്ടുള്ള എല്ലാ കരാർ- ദിവസവേതന നിയമനങ്ങളേയും, അനധികൃത സ്ഥിരപ്പെടുത്തലുകളേയും, ഇപ്രകാരം നിയമനം ലഭിച്ചവരുടെ വിദ്യാഭ്യാസ യോഗ്യത ഉൾപ്പെടെയുള്ള കാര്യങ്ങളെക്കുറിച്ച് കൂടി ധനകാര്യപരിശോധനാ വിഭാഗത്തിന്റെ അന്വേഷണത്തിൽ ഉൾപ്പെടുത്തി ശക്തമായ നടപടി സ്വീകരിക്കണമെന്നും, സർക്കാരിന്റെ നിയമന നടപടികളിൽ പൊതുജനങ്ങൾക്കുള്ള വിശ്വാസ്യത വീണ്ടെടുക്കണമെന്നും കത്തിൽ രമേശ് ചെന്നിത്തല ആവശ്യപ്പെട്ടു.
കത്തിന്റെ പൂർണ്ണരൂപം ചുവടെ:
ബഹു: മുഖ്യമന്ത്രി,
സംസ്ഥാന സർക്കാരിന്റെ നേതൃത്വത്തിൽ നടക്കുന്ന അനധികൃത നിയമനങ്ങളെ സംബന്ധിച്ചുള്ള താങ്കളുടെ മറുപടി കത്ത് കിട്ടി. കഴിഞ്ഞ 4 വർഷക്കാലയളവിൽ ഇടതുമുന്നണി സർക്കാർ നടത്തിയ ക്രമവിരുദ്ധ കരാർ നിയമനങ്ങൾ, എംപ്ലോയ്മെന്റ് എക്ച്ചേഞ്ചുകളെ മറികടന്നുള്ള നിയമനങ്ങൾ, ഉമാദേവി കേസിലെ സുപ്രീം കോടതി വിധിയെ മറികടന്നുള്ള അനധികൃത സ്ഥിരപ്പെടുത്തലുകൾ, പിഎസ്സി റാങ്ക് ലിസ്റ്റുകളെ നോക്കുകുത്തിയാക്കി നടക്കുന്ന താൽക്കാലിക നിയമനങ്ങൾ എന്നിവ ഉൾപ്പെടെയുള്ള എന്റെ പല ചോദ്യങ്ങൾക്കും ഇനിയും വ്യക്തമായ ഉത്തരം ലഭിക്കേണ്ടതുണ്ട്.
രാജ്യസുരക്ഷയെയും, സംസ്ഥാനതാൽപര്യത്തേയും അപകടപ്പെടുത്തുന്ന വിധം സ്വർണ്ണ കള്ളക്കത്തുകേസിലെ ക്രിമിനലുകൾക്ക് വ്യാജ യോഗ്യതാ സർട്ടിഫിക്കറ്റുകളുടെ അടിസ്ഥാനത്തിൽ സംസ്ഥാനസർക്കാരിന്റെ നിർണ്ണായക സ്ഥാനങ്ങളിൽ നിയമനം ലഭിക്കാനിടയായ സാഹചര്യം, ഇതിലുള്ള സർക്കാരിന്റെ പങ്ക്, ഇത്തരം കരാർ നിയമനങ്ങൾ നമ്മുടെ ഭരണസംവിധാനത്തിൽ വരുത്തിയിട്ടുള്ള അപചയം, ഇക്കഴിഞ്ഞ നാല് വർഷക്കാലയളവിൽ സർക്കാരിന്റെ വിവിധ ലാവണങ്ങളിൽ ക്രമവിരുദ്ധമായി കയറിക്കൂടിയിട്ടുള്ള കരാർ ജീവനക്കാരുടെ യോഗ്യതയുമായി നിലനിൽക്കുന്ന സംശയങ്ങൾ എന്നിവ ഉൾപ്പെടെ ഞാൻ ഉന്നയിച്ചിരുന്ന പല കാതലായ വിഷയങ്ങളെക്കുറിച്ചും താങ്കളുടെ മറുപടി കത്തിൽ പരാമർശിച്ചിട്ടില്ല. മാത്രമല്ല ഈ ക്രിമിനലുകൾ തട്ടിപ്പിനായി സർക്കാരിന്റെ ഔദ്യോഗിക വാഹനങ്ങളും, സർക്കാർ ചിഹ്നങ്ങളും, ലെറ്റർപാഡുകളും ഉൾപ്പെടെ ദുരുപയോഗപ്പെടുത്തിയതിനെതിരെ സ്വീകരിച്ച നടപടികളെ സംബന്ധിച്ചും കത്തിൽ സൂചിപ്പിച്ചിട്ടില്ല.
താത്ക്കാലിക ജീവനക്കാരുടെ എണ്ണത്തെക്കുറിച്ച് സംസ്ഥാന ബജറ്റിനോടൊപ്പം വയ്ക്കുന്ന സ്റ്റാഫ് ഡീറ്റെയിൽസ് ബുക്ക് ഞാൻ പരിശോധിച്ചപ്പോൾ, മുൻ എൽ.ഡി.എഫ്. സർക്കാരിന്റെ കാലത്ത്, 2009-2010 ൽ താത്ക്കാലിക ജീവനക്കാരുടെ എണ്ണം 34413 പേരും, യു.ഡി.എഫ്. സർക്കാരിന്റെ കാലത്ത് 2013-14, 2014-15, 2015-16 സാമ്പത്തിക വർഷങ്ങളിൽ യഥാക്രമം 19095, 18584, 13418 എന്നിങ്ങനെയാണ്. മുഖ്യമന്ത്രി പറഞ്ഞതുപോലെ വിവിധ വകുപ്പുകളിലായി 2020-21 ൽ 11674 താത്കാലിക ജീവനക്കാരാണ് നിലവിൽ ഉള്ളതായി കാണുന്നത്. ഗവൺമെന്റ് സെക്രട്ടേറിയറ്റിൽ താത്ക്കാലിക ജീവനക്കാർ ആയി 341 പേരും ഉണ്ട്. എന്നാൽ, സർക്കാരിന്റെ വിവിധ വകുപ്പുകളിൽ കീഴിലുള്ള പൊതുമേഖല/അർദ്ധസർക്കാർ സ്ഥാപനങ്ങളിലെ വൻ ശമ്പളത്തിൽ നിയമനം നേടിയ കരാർ ജീവനക്കാർ ഈ ലിസ്റ്റിൽ വരില്ല, കൺസൾട്ടൻസിയുടെ മറവിലെ കരാർ നിയമനങ്ങൾ ഈ ലിസ്റ്റിൽ വരില്ല. കിഫ്ബി നിയമനങ്ങൾ ഈ ലിസ്റ്റിൽ വരില്ല. ഈ സർക്കാർ നടപ്പാക്കിയ അനധികൃത നിയമനങ്ങളുടെ വിശദവിവരങ്ങൾ ഒന്നുംതന്നെ ബജറ്റിനോടൊപ്പം വയ്ക്കുന്ന സ്റ്റാഫ് ഡീറ്റെയിൽസ് ബുക്കിൽ കാണില്ല.
യാതൊരു തത്വദീക്ഷയും പുലർത്താത്താതെ, പിന്നാമ്പുറ ചർച്ചകളിലൂടെ കൺസൽട്ടസൻസികളെ കണ്ടെത്തി സംസ്ഥാന സർക്കാരിന്റെ സുപ്രധാന പ്രോജക്ടുകളുടെ ഭാഗമാക്കുന്നതും, നിയമനങ്ങൾ നടത്തുന്നതും കേരളത്തെ സംബന്ധിച്ചിടത്തോളം ആദ്യത്തെ അനുഭവമാണ്. സംസ്ഥാന സർക്കാർ ഉദ്യോഗസ്ഥരുടെ കാര്യപ്രാപ്തിയേയും, കഴിവിനേയും പരസ്യമായി തള്ളിപ്പറഞ്ഞ് ചില കളങ്കിത കൺസൾട്ടൻസി സ്ഥാപനങ്ങൾക്ക് സെക്രട്ടറിയേറ്റിൽ ഓഫീസ് അനുവദിക്കാനുള്ള നീക്കങ്ങളും ഇതോടൊപ്പം ചേർത്ത് വായിക്കേണ്ടതാണ്.
പിഎസ്എസി മുഖേനയുള്ള പതിവ് നിയമന പ്രക്രിയകളുടെ സ്ഥിതിവിവരണക്കണക്കുകളെ ആസ്പദമാക്കി സംസ്ഥാനത്ത് ഇപ്പോൾ നടന്നുവരുന്ന ക്രമവിരുദ്ധ കരാർ- ദിവസ വേതന നിയമനങ്ങളെ വെള്ളപൂശാനുള്ള വ്യഥാശ്രമമാണ് താങ്കൾ വീണ്ടും നടത്തുന്നത്. ഈ അനധികൃത സ്ഥിരപ്പെടുത്തലുകളെ സംബന്ധിച്ച താങ്കളുടെ നിലപാടും, സർക്കാരിന്റെ സമീപനവും ഉമാദേവി കേസിന്റെ അന്തസത്തയ്ക്ക് പോലും കടകവിരുദ്ധമാണ്. പ്രസ്തുത വിധിയുടെ ഒരു ഭാഗം മാത്രം സൗകര്യപൂർവ്വം അടർത്തിയെടുത്ത് സർക്കാരിന്റെ ക്രമവിരുദ്ധ നിയമന നടപടികളെ ന്യായീകരിക്കുന്നത് ഉചിതമല്ല.
ഉമാദേവി കേസിലുള്ള ബഹു. സുപ്രീംകോടതി വിധിയുടെ അന്തസത്ത യഥാർത്ഥത്തിൽ ചുവടെ ചേർക്കുന്നതാണ്.
'........................................... In that context, the Union of India, the State Governments and their instrumentalities should take steps to regularize as a one time measure, the services of such irregularly appointed, who have worked for ten years or more in duly sanctioned posts but not under cover of orders of courts or of tribunals and should further ensure that regular recruitments are undertaken to fill those vacant sanctioned posts that require to be filled up, in cases where temporary employees or daily wagers are being now employed. The process must be set in motion within six months from this date. We also clarify that regularization, if any already made, but not subjudice, need not be reopened based on this judgment, but there should be no further by-passing of the constitutional requirement and regularizing or making permanent, those not duly appointed as per the constitutional scheme
പ്രസ്തുത വിധിയെ ലംഘിച്ചുകൊണ്ടുള്ള സ്ഥിരപ്പെടുത്തലുകളാണ് ഇപ്പോൾ നടന്നുവരുന്നതെന്ന് വ്യക്തമാണ്. ഇത് കോടിയലക്ഷ്യമാണ്. ഇക്കാര്യത്തിൽ എന്തെങ്കിലും സംശയമുണ്ടെങ്കിൽ വ്യക്തമായ നിയമോപദേശം തേടാൻ സർക്കാർ സന്നദ്ധമാവണം.. ധനകാര്യവകുപ്പിന്റെ 13.05.2015 ലെ 48/2015/ധന നമ്പർ സർക്കുലർ പ്രകാരം സംസ്ഥാനത്തെ പൊതുമേഖലാ സ്ഥാപനങ്ങളുടേയും, സ്വയംഭരണസ്ഥാപനങ്ങളുടെയും സ്ഥിരനിയമനങ്ങൾ ഉൾപ്പെടെയുള്ള കാര്യങ്ങളെ സംബന്ധിച്ച് വ്യക്തമായ മാർഗ്ഗനിർദേശങ്ങൾ പുറപ്പെടുവിച്ചിരുന്നതാണ്. അതും ഇപ്പോൾ പാലിക്കപ്പെടുന്നില്ല.
സംസ്ഥാന താൽപര്യം സംരക്ഷിച്ചുള്ള എല്ലാ വികസന പ്രവർത്തനങ്ങളേയും, പദ്ധതികളേയും സർവ്വാത്മനാ പിന്തുണയ്ക്കുന്ന നയമാണ് യുഡിഎഫ് എല്ലാ കാലത്തും പിന്തുടരുന്നത്. അനാവശ്യമായ വിവാദങ്ങളുയർത്തി സംസ്ഥാനത്തിന്റെ വികസന പദ്ധതികളെ പ്രതിപക്ഷം തുരങ്കം വയ്ക്കുന്നു എന്ന താങ്കളുടെ വാദം ബാലിശമാണ്. ഈ സർക്കാരിന്റെ സമീപകാലത്തെ വൻകിട പദ്ധതികളുമായി ബന്ധപ്പെട്ട് പ്രതിപക്ഷം ഉയർത്തിയ ആശങ്കൾ എല്ലാം ശരിയാണെന്ന് ഇപ്പോൾ തെളിഞ്ഞിരിക്കുകയാണ്.
കോവിഡ് പ്രതിസന്ധിയുടെ പശ്ചാത്തലത്തിൽ സംസ്ഥാനത്ത് പുതിയ നിയമനങ്ങൾ നടക്കാത്ത സാഹചര്യത്തിലാണ് പിഎസ്സി റാങ്ക് ലിസ്റ്റുകളുടെ കാലാവധി ദീർഘിപ്പിക്കണമെന്ന ആവശ്യം പ്രതിപക്ഷം ഉൾപ്പെടെയുള്ളവർ മുന്നോട്ട് വച്ചിരുന്നത്. കഴിഞ്ഞ 5 മാസത്തിനുള്ളിൽ നാമമാത്രമായ നിയമനങ്ങളാണ് വിവിധ പിഎസ്സി റാങ്ക് ലിസ്റ്റുകളിൽ നിന്നും നടന്നിട്ടുള്ളത്. അതിന് മുൻപ് തന്നെ നിയമനങ്ങൾ ഇഴഞ്ഞു നീങ്ങുകയാണെന്ന ആക്ഷേപം നിലനിൽക്കുന്നുണ്ടായിരുന്നു. കോവിഡിന്റെ പശ്ചാത്തലത്തിൽ 58 ഓളം പിഎസ്സി പരീക്ഷകളാണ് നാളിതുവരെ റദ്ദാക്കിയിട്ടുണ്ട്. ഇന്നത്തെ സാഹചര്യത്തിൽ പുതിയ പരീക്ഷകൾ നടത്തി, ഇന്റർവ്യൂ അടക്കമുള്ള നടപടിക്രമങ്ങൾ പൂർത്തിയാക്കി പുതിയ റാങ്ക് ലിസ്റ്റുകൾ പ്രസിദ്ധീകരിക്കുന്നതിന് നിരവധി പ്രായോഗികബുദ്ധിമുട്ടുകളും, അനന്തമായ കാലതാമസവും ഉണ്ടാകും. സർക്കാരിന് ഇതേക്കുറിച്ച് പൂർണ്ണ ബോധ്യമുണ്ടെങ്കിലും അനധികൃത കരാർ- താൽക്കാലിക നിയമന സാധ്യത മുന്നിൽ കണ്ട് റാങ്ക് ലിസ്റ്റുകളുടെ കാലാവധി ദീർഘിപ്പിക്കുന്നതിൽ നിന്നും പിന്തിരിഞ്ഞതായി വേണം കരുതാൻ. പിഎസ്സി പരീക്ഷ എഴുതാൻ കാത്തിരിക്കുന്ന പുതിയ ഉദ്യോഗാർത്ഥികളുടെ ഏജ് ഓവർ ഉൾപ്പെടെയുള്ള ന്യായങ്ങൾ ഇതിനായി മുന്നോട്ട് വയ്ക്കുന്നതും ഒട്ടും തന്നെ യുക്തി ഭദ്രമല്ല. ഇക്കാര്യത്തെ സംബന്ധിച്ച് ഞാൻ മുൻപ് ഉന്നയിച്ചിട്ടുള്ള പല സംശയങ്ങളും കൂടുതൽ ബലപ്പെടുന്ന സാഹചര്യമാണ് നിലവിലുള്ളത്.
ഇപ്പോഴത്തെ വിവാദത്തിന്റെ പശ്ചാത്തലത്തിൽ മുൻ ഐടി സെക്രട്ടറി നടത്തിയ എല്ലാ നിയമനങ്ങളും ധനകാര്യപരിശോധനാ വിഭാഗത്തെക്കൊണ്ട് അന്വേഷിപ്പിക്കാൻ സർക്കാർ തീരുമാനിച്ചിട്ടുണ്ടല്ലോ. ഈ പ്രത്യേക അന്വേഷണത്തിന്റെ വ്യാപ്തിയും, പരിധിയും കൂടുതൽ വർദ്ധിപ്പിച്ച് ഈ സർക്കാരിന്റെ കാലത്ത് വിവിധ വകുപ്പുകളിലും, ബോർഡ് - കോർപ്പറേഷനുകളിലും, സ്വയംഭരണ സ്ഥാപനങ്ങളിലും നടത്തിയിട്ടുള്ള എല്ലാ കരാർ- ദിവസവേതന നിയമനങ്ങളേയും, അനധികൃത സ്ഥിരപ്പെടുത്തലുകളേയും, ഇപ്രകാരം നിയമനം ലഭിച്ചവരുടെ വിദ്യാഭ്യാസ യോഗ്യത ഉൾപ്പെടെയുള്ള കാര്യങ്ങളെക്കുറിച്ച് കൂടി ധനകാര്യപരിശോധനാ വിഭാഗത്തിന്റെ അന്വേഷണത്തിൽ ഉൾപ്പെടുത്തി ശക്തമായ നടപടി സ്വീകരിക്കണമെന്നും, സർക്കാരിന്റെ നിയമന നടപടികളിൽ പൊതുജനങ്ങൾക്കുള്ള വിശ്വാസ്യത വീണ്ടെടുക്കണമെന്നും താൽപര്യപ്പെടുന്നു.
വിശ്വസ്തതയോടെ,
രമേശ് ചെന്നിത്തല
ശ്രീ. പിണറായി വിജയൻ
ബഹു. മുഖ്യമന്ത്രി.
Stories you may Like
- 2011ൽ ഉമ്മൻ ചാണ്ടി തനിക്ക് ഉപമുഖ്യമന്ത്രി പദവിയും റവന്യൂ മന്ത്രി സ്ഥാനവും വാഗ്ദാനം ചെയ്തിരുന്നു
- വീണ്ടും ചെന്നിത്തലയ്ക്ക് മുമ്പിൽ പിണറായി ക്ലീൻ ബൗൾഡ്!
- 'ക്ലിഫ് ഹൗസിൽ കുളിക്കുന്നത് പട്ടിയോ കുട്ടിയോ?' പരിഹസിച്ച് ചെന്നിത്തല
- ശരി തരൂരിനെ ഒതുക്കും, ഒഴിവാക്കും എന്നെല്ലാം പറഞ്ഞിട്ട് ഇപ്പോഴോ
- കെ മുരളീധരനെയും അടൂർ പ്രകാശിനെയും ലോക്സഭയിലേക്ക് മത്സരിപ്പിച്ച തീരുമാനം തെറ്റായിപ്പോയി
- TODAY
- LAST WEEK
- LAST MONTH
- രജനിയെ തല്ലിയതുകണ്ട് മദ്യപാനം നിർത്തി; അടിക്കടി സിനിമകൾ ഹിറ്റായതോടെ അഹങ്കാരം തലക്ക് പിടിച്ചു; മണിരത്നത്തിന് ഗെറ്റൗട്ട് അടിച്ചത് വിനയായി; റഹ്മാൻ തരംഗത്തിൽ അപ്രസക്തൻ; ഇപ്പോൾ കോപ്പിറൈറ്റ് വിവാദത്തിൽ കോടതിയിൽനിന്നും തിരിച്ചടി; ഇളയരാജ വീണ്ടും വിവാദത്തിൽ
- പ്രകാശ് ജാവദേക്കർ തന്നെയും ഇ പി ജയരാജനെയും കണ്ടിരുന്നു; ഒരേ ഒരു സീറ്റിൽ വിട്ടുവീഴ്ച ചെയ്താൽ ലാവ്ലിൻ കേസും സ്വർണക്കടത്ത് കേസും സെറ്റിൽ ചെയ്യാം എന്ന്ഉറപ്പുകൊടുത്തു; പക്ഷേ ആ ഡീൽ നടക്കാത്തത് ഇക്കാരണം കൊണ്ട്; വെളിപ്പെടുത്തലുമായി ടി ജി നന്ദകുമാർ
- ബിജെപിയിൽ ചേരാൻ ചർച്ച നടത്തിയത് ഇ.പി ജയരാജൻ; മകന്റെ നമ്പറിലൂടെയാണ് ആദ്യം ബന്ധപ്പെട്ടത്; തൊണ്ണൂറ് ശതമാനം ചർച്ചകളും പൂർത്തിയായപ്പോൾ പിന്മാറി; എന്തുകൊണ്ട് പിന്മാറിയെന്നു ജയരാജൻ പറയട്ടെയെന്നും ശോഭ സുരേന്ദ്രൻ; തെളിവുകളും ഹാജരാക്കി ആരോപണം വോട്ടെടുപ്പിന്റെ തലേന്നാൾ
- വോട്ടെടുപ്പിന്റെ തലേന്നാൾ ഇടിത്തീയായി ആരോപണങ്ങൾ; കെ സുധാകരന്റെ തുറന്നടിക്കൽ ശരിവച്ച് ശോഭ സുരേന്ദ്രൻ; ഇപിയെ പിന്തുണയ്ക്കാൻ രംഗത്ത് വരാതെ സിപിഎം ഉന്നത നേതാക്കൾ; കാസർകോഡ്, കണ്ണൂർ, വടകര മണ്ഡലങ്ങളിൽ വിവാദം ബാധിക്കുമോ എന്ന ആശങ്കയും
- അമ്മയും മകളും തമ്മിൽ കണ്ടപ്പോൾ വികാരനിർഭര നിമിഷങ്ങൾ; അൽപനേരം ഒരുമിച്ച് ചെലവഴിക്കാൻ അനുമതി നൽകി സനയിലെ ജയിൽ അധികൃതർ; നിമിഷപ്രിയയെ കണ്ടതിന്റെ ആശ്വാസത്തിലും സന്തോഷത്തിലും പ്രേമകുമാരി; തൊടുപുഴയിലെ വീട്ടിൽ പ്രാർത്ഥനയോടെ നിമിഷയുടെ മകൾ
- ബിജെപിയിലേക്ക് പോകാൻ ചർച്ച നടത്തി സിപിഎം നേതാവ് ഇ പി ജയരാജനാണ്; ശോഭസുരേന്ദ്രൻ മുഖാന്തരം ചർച്ച നടന്നു; പാർട്ടിയിൽ നിന്ന് ഭീഷണി വപ്പോൾ ജയരാജൻ പിന്മാറി; ശോഭയും ഇ പിയും ചർച്ച നടത്തിയത് ഗൾഫിൽ വച്ചും; രാഷ്ട്രീയാരോപണം കടുപ്പിച്ച് കെ സുധാകരൻ; ഇപിയുടെ മറുപടി നിർണ്ണായകം
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- ആലത്തൂരിലെ ഇടത് സ്ഥാനാർത്ഥി കെ. രാധാകൃഷ്ണന്റെ അകമ്പടി വാഹനത്തിൽ നിന്ന് ആയുധം കണ്ടെത്തിയെന്ന് യു.ഡി.എഫ്; സി സി ടി വി ദൃശ്യങ്ങൾ പുറത്തുവിട്ടു; അക്രമം അഴിച്ചുവിടാനുള്ള ആസൂത്രിതമായ നീക്കത്തിന്റെ ഭാഗമെന്ന് രമ്യ ഹരിദാസ്; പ്രചാരണ ബോർഡുകൾ അഴിച്ചുമാറ്റാൻ ഉപയോഗിച്ച ആയുധങ്ങളാണെന്ന് സിപിഎം വിശദീകരണം
- പോളിങ് ഉദ്യോഗസ്ഥരുടെ നിയമന ഉത്തരവ് ചോർന്ന സംഭവം; കോന്നി താലൂക്ക് ഓഫീസിലെ എൽഡി ക്ലാർക്ക് യദുകൃഷ്ണനെ കലക്ടർ സസ്പെൻഡ് ചെയ്തു; പ്രിന്റ് അടിക്കാൻ കൊടുത്ത കോപ്പിയാണ് പുറത്തു പോയതെന്ന് വിശദീകരണം; ആന്റോയുടെ ആരോപണം ശരിയാകുമ്പോൾ
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- സൗബിൻ സാഹിറിനെതിരെ മരട് പൊലീസ് ചുമത്തിയത് ഗൗരവതരമുള്ള വകുപ്പുകൾ; മരട് ഇൻസ്പെക്ടർ തയ്യാറാക്കിയ എഫ് ഐ ആറിലേത് അക്കൗണ്ട് വഴി പണം കൈമാറിയിട്ടും വഞ്ചിച്ചെന്ന ആരോപണം; ചുമത്തുന്നത് വഞ്ചനയും ക്രിമിനൽ ഗൂഢാലോചനയും; 'മഞ്ഞുമ്മൽ ബോയ്സ്' അറസ്റ്റിലാകാൻ സാധ്യത ഏറെ; ആ 47 കോടി തിരിച്ചു കൊടുക്കേണ്ടി വരും
- ഇറാൻ പ്രകോപനത്തിന് തിരിച്ചടിയുമായി ഇസ്രയേൽ; ഇറാന്റെ വടക്കൻ നഗരമായ ഇസ്ഫഹാനിലെ വിമാനത്താവളത്തിന് മിസൈൽ ആക്രമണം നടത്തി ഇസ്രയേൽ; ആക്രമണത്തിന പിന്നാലെ ഇറാനിൽ വിമാന സർവീസുകൾ പൂർണായും നിർത്തിവെച്ചു; ഇസ്രയേൽ ആക്രമണം അമേരിക്കയെ അറിയിച്ച ശേഷം
- സംസ്ഥാന സർക്കാരിന് നാണക്കേടായി കെ എസ് ആർ ടിസി ബസിൽ സഹയാത്രികയുടെ മാറിടത്തിൽ കയറിപ്പിടിച്ച് അപമാനിച്ച് പൊതു മേഖലാ സ്ഥാപനത്തിന്റെ മാനേജിങ് ഡയറക്ടർ; ഡോ ആർ രാജീവിന് ജാമ്യം കിട്ടിത് മാത്രം ആശ്വാസമായി; ഏപ്രിൽ ഫൂൾ ദിനത്തിൽ നടന്ന ആരും അറിയാത്ത പീഡന വാർത്ത
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
- വയനാട്ടിലെ മേപ്പാടിയിൽ വനിതാ ഡോക്ടർ തൂങ്ങി മരിച്ച നിലയിൽ; കണ്ടെത്തിയത് ആശുപത്രി ക്യാംപസിലെ വീട്ടിൽ; ഡോ. ഫെലിസ് നസീർ ആത്മഹത്യ തടയുന്നതിനുള്ള അസോസിയേഷനിലെ കൗൺസിലർ
- ക്ഷേമപെൻഷൻ യഥാസമയം കൊടുക്കാൻ കഴിഞ്ഞില്ലെങ്കിൽ തിരിച്ചടിയെന്ന് വിലയിരുത്തൽ; പണം കണ്ടെത്താൻ സഹകരണ ബാങ്കുകളിൽ നിന്ന് 2000 കോടി കടമെടുക്കാൻ സർക്കാർ; 9.1 ശതമാനം പലിശയിൽ കടമെടുപ്പ്; ഒന്ന വർഷത്തിനുള്ളിൽ സഹകരണ ബാങ്കുകളെ സമീപിക്കുന്നത് ഇത് മൂന്നാം വട്ടം
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്