Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202419Friday
ഹോം വാർത്ത അന്വേഷണം

കുട്ടികളുടെ അശ്ലീല വീഡിയോകൾ ഡൗൺ ലോഡ് ചെയ്ത് വാട്ട്സാപ്പിൽ പ്രചരിപ്പിച്ചത് പ്ലാനെറ്റ് റോമിയോ എന്ന അശ്ലീല വെബ്സൈറ്റിൽ നിന്ന്; പിടിയിലായത് പ്രതിദിനം ആയിരത്തിലേറെ വീഡിയോ ഡൗൺലോഡ് ചെയ്ത് പ്രചരിപ്പിച്ചവർ; നിർണ്ണായകമായത് ഇന്റർപോളിന്റെ സഹോയത്തോടെ നടത്തിയ ഐപി കണ്ടെത്തൽ; മാനുവലും സുരേഷും കുടുങ്ങുമ്പോൾ തെളിയുന്നത് ഫ്രണ്ടസ് ഗ്രൂപ്പിന് പിന്നിലെ ഗൂഡസംഘം

June 20, 202002:00 PM IST Permalink
കുട്ടികളുടെ അശ്ലീല വീഡിയോകൾ ഡൗൺ ലോഡ് ചെയ്ത് വാട്ട്സാപ്പിൽ പ്രചരിപ്പിച്ചത് പ്ലാനെറ്റ് റോമിയോ എന്ന അശ്ലീല വെബ്സൈറ്റിൽ നിന്ന്; പിടിയിലായത് പ്രതിദിനം ആയിരത്തിലേറെ വീഡിയോ ഡൗൺലോഡ് ചെയ്ത് പ്രചരിപ്പിച്ചവർ; നിർണ്ണായകമായത് ഇന്റർപോളിന്റെ സഹോയത്തോടെ നടത്തിയ ഐപി കണ്ടെത്തൽ; മാനുവലും സുരേഷും കുടുങ്ങുമ്പോൾ തെളിയുന്നത് ഫ്രണ്ടസ് ഗ്രൂപ്പിന് പിന്നിലെ ഗൂഡസംഘം

ആർ പീയൂഷ്

കൊച്ചി: പ്ലാനെറ്റ് റോമിയോ എന്ന അശ്ലീല വെബ്സൈറ്റിൽ നിന്നാണ് കുട്ടികളുടെ അശ്ലീല വീഡിയോകൾ ഡൗൺ ലോഡ് ചെയ്ത് വാട്ട്സാപ്പിൽ പ്രചരിപ്പിക്കുന്നതെന്ന് കഴിഞ്ഞ ദിവസം തൃശൂരിൽ നിന്നും കൊച്ചി പൊലീസ് പിടികൂടിയ വാട്ട്സാപ്പ് ഗ്രൂപ്പ് അഡ്‌മിന്മാർ വെളിപ്പെടുത്തി. ഫ്രണ്ട്സ് എന്ന വാട്ട്സാപ്പ് ഗ്രൂപ്പിന്റെ അഡ്‌മിൻ ചേർത്തല അർത്തുങ്കൽ പുത്തൻപുരക്കൽ വീട്ടിൽ കിരൺ എന്ന പി.ബി. മാനുവൽ (23) ഗ്രൂപ്പ് അംഗം തൃശ്ശൂർ ദേശമംഗലം കൂട്ടുപാത സുരേഷ്നിവാസിൽ എൻ.കെ. സുരേഷ് (55) എന്നിവരാണ് ഇക്കാര്യം കൊച്ചി പൊലീസിനോട് പറഞ്ഞത്.

പ്രതിദിനം ആയിരത്തിലേറെ വീഡിയോകളാണ് പ്ലാനെറ്റ് റോമിയോ എന്ന വെബ് സൈറ്റ് പ്ലാറ്റ്‌ഫോമിൽ നിന്നും ഇവർ ഡൗൺലോഡ് ചെയ്തിരുന്നത്. ഈ വീഡിയോകൾ ഷെയർ ചെയ്യുന്നതിനു വേണ്ടി മാത്രമാണ് കിരൺ ഫ്രണ്ട്‌സ് എന്ന പേരിൽ നിരവധി വാട്‌സ്അപ്പ് ഗ്രൂപ്പുകളും ഇരുവരും ചേർന്നു സൃഷ്ടിച്ചത്. ഈ ഗ്രൂപ്പുകൾ വഴിയാണ് നിരന്തരം കുട്ടികളുടെ അശ്ലീല വീഡിയോകൾ പ്രതികൾ ഷെയർ ചെയ്തിരുന്നത്. ഇത് ശ്രദ്ധയിൽപെട്ട പൊലീസ് ഉറവിടം കണ്ടെത്താനുള്ള ശ്രമത്തിലയിരുന്നു.

ഇതിനിടയിൽ പ്ലാനെറ്റ് റോമിയോ എന്ന വെബ് സൈറ്റിൽ നിന്നാണ് വീഡിയോ വാട്ട്സാപ്പ് ഗ്രൂപ്പുകളിൽ പ്രചരിക്കുന്നതെന്ന് കണ്ടെത്തി. തുടർന്ന് ഇന്റർ പോളിന്റെ സഹായത്തോടെ പ്ലാനറ്റ് റോമിയോ ഗ്രൂപ്പിൽ നിന്നും അശ്ലീല വീഡിയോ ഡൗൺ ലോഡ് ചെയ്യുന്ന പ്രതികളുടെ ഐപി വിലാസം കഴിഞ്ഞ ദിവസങ്ങളിൽ കൊച്ചി സിറ്റി പൊലീസിനു ലഭിച്ചു. കുട്ടികളുടെ അശ്ലീല വീഡിയോകളും, കുട്ടികളെ ബലാത്സംഗം ചെയ്യുന്ന വീഡിയോകളുമാണ് പ്ലാനറ്റ് റോമിയോ എന്ന ഗ്രൂപ്പിൽ പ്രചരിപ്പിച്ചിരുന്നത്. ഇതു തന്നെയായിരുന്നു ഇന്റർപോളിന്റെ അന്വേഷണത്തിലും കണ്ടെത്തിയത്.

ഈ ഐപി വിലാസങ്ങളെ പിൻതുടർന്നു നടത്തിയ അന്വേഷണത്തിലാണ് കൊച്ചി കേന്ദ്രീകരിച്ചു പ്രവർത്തിക്കുന്ന 13 അശ്ലീല വാട്ട്‌സ് അപ്പ് ഗ്രൂപ്പുകളുടെ വിവരം ലഭിച്ചത്. ഇതോടെ കൊച്ചിയിലെ സൈബർ സെല്ലിലെ പൊലീസ് ഉദ്യോഗസ്ഥർ ഈ ഗ്രൂപ്പിലേയ്ക്കു അംഗങ്ങളായി കയറി. പ്രതികളാക്കപ്പെട്ടവരുടെ സുഹൃത്തുക്കൾ വഴിയാണ് ഈ അശ്ലീല വാട്‌സ്അപ്പ് ഗ്രൂപ്പുകളിൽ പൊലീസ് ഉദ്യോഗസ്ഥർ കയറിപ്പറ്റിയത്. തുടർന്നു കൃത്യമായ തെളിവുകൾ ശേഖരിക്കുകയും ഗ്രൂപ്പംഗങ്ങളുടെയും അഡ്‌മിന്മാരടെയും വിശദവിവരങ്ങളും കണ്ടെത്തി. തുടർന്നാണ് പൊലീസ് പ്രതികളെ അറസ്റ്റ് ചെയ്തത്.

അശ്ലീല വീഡിയോകൾ പ്രചരിപ്പിക്കുന്ന നിരവധി വാട്സ്ആപ്പ് ഗ്രൂപ്പുകളിൽ അംഗമായ സുരേഷിന്റെ നിർദേശപ്രകാരമാണ് ഫ്രണ്ട്സ് എന്ന പേരിലുള്ള വാട്സ്ആപ്പ് ഗ്രൂപ്പ് ഒന്നര വർഷം മുമ്പ് മാനുവൽ രൂപീകരിച്ചത്. ഇരുവർക്കും പുറമേയുള്ള മറ്റ് അഡ്‌മിന്മാരെയും ഗ്രൂപ്പിലെ അംഗങ്ങളെയും പൊലീസ് അന്വേഷിച്ചു വരികയാണ്.ഗ്രൂപ്പിൽ അംഗങ്ങളായ എല്ലാവരുടെയും വിവരങ്ങൾ പൊലീസ് ശേഖരിച്ചിട്ടുണ്ട്. ഈ സംഘത്തിലെ മറ്റ് അഡ്‌മിന്മാരെയും പൊലീസ് തിരയുന്നുണ്ട്. സമാനമായ പല ഗ്രൂപ്പുകളിലും ഇവർ അംഗങ്ങളായി കുട്ടികളെ ഉപദ്രവിക്കാൻ പ്രേരണ നൽകുന്ന ദൃശ്യങ്ങൾ പ്രചരിപ്പിക്കുന്നുണ്ട്.

ഇവർ അംഗങ്ങളായ മറ്റ് ഗ്രൂപ്പുകളും, സമാന രീതിയിൽ അശ്ലീല വീഡിയോകൾ പ്രചരിപ്പിക്കുന്ന മറ്റ് ഗ്രൂപ്പുകളും പൊലീസ് നിരീക്ഷിക്കുകയാണ്. പ്ലാനറ്റ് റോമിയോ എന്ന വെബ്സൈറ്റിൽ നിന്നാണ് സമാനസ്വഭാവമുള്ള വ്യക്തികളെ കണ്ടെത്തി അവരെ അംഗങ്ങളാക്കി ഗ്രൂപ്പുകൾ ഉണ്ടാക്കുന്നതെന്നാണ് വിവരം. കൊച്ചി സൈബർ ഡോമിനേയും, കൊച്ചി സിറ്റി സൈബർ സെല്ലിന്റെയും സഹായത്തോടെ കേസിൽ അന്വേഷണം പുരോഗമിക്കുകയാണ്.

കൊച്ചി സിറ്റി പൊലീസ് കമ്മിഷണർ വിജയ് സാഖറെയുടെ നിർദ്ദേശാനുസരണം എറണാകുളം എ.സി.പി. കെ. ലാൽജിയുടെ മേൽനോട്ടത്തിലാണ് അന്വേഷണം നടക്കുന്നത്. സെൻട്രൽ ഇൻസ്പെക്ടർ എസ്. വിജയശങ്കർ, എസ്‌ഐ.മാരായ വിപിൻ കുമാർ, കെ.എസ്. തോമസ്, എബി, മനോജ്, എഎസ്ഐ. ഷാജി, സീനിയർ സി.പിഓമാരായ അനീഷ്, രഞ്ജിത്ത്, ഇഗ്നേഷ്യസ് തുടങ്ങിയവരാണ് അന്വേഷണ സംഘത്തിലുള്ളത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP