Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202430Saturday

10 ലക്ഷം രൂപ കോഴ വാങ്ങിയതിന് മാണിയെ മരണത്തിലേക്ക് പറഞ്ഞു വിട്ട പിണറായിയും സംഘവും കൊറോണകാലത്ത് ബിവറേജസ് കോർപ്പറേഷനെ കുത്തുപാള എടുപ്പിക്കാൻ ബാർ മുതലാളിമാരോട് എത്ര കോടി വാങ്ങി? എൻആർഐ പണം നിലയ്ക്കുമ്പോൾ മദ്യനികുതിയും വേണ്ടെന്നുവച്ച ശേഷം ഭിക്ഷ എടുത്താണോ തോമസ് ഐസക് കേരളത്തെ മുമ്പോട്ട് കൊണ്ടുപോവുക? കേരളം കണ്ട ഏറ്റവും വലിയ ഖജനാവ് കൊള്ളയെ കുറിച്ച് ആർക്കും ഒന്നും പറയാനില്ലേ?

10 ലക്ഷം രൂപ കോഴ വാങ്ങിയതിന് മാണിയെ മരണത്തിലേക്ക് പറഞ്ഞു വിട്ട പിണറായിയും സംഘവും കൊറോണകാലത്ത് ബിവറേജസ് കോർപ്പറേഷനെ കുത്തുപാള എടുപ്പിക്കാൻ ബാർ മുതലാളിമാരോട് എത്ര കോടി വാങ്ങി? എൻആർഐ പണം നിലയ്ക്കുമ്പോൾ മദ്യനികുതിയും വേണ്ടെന്നുവച്ച ശേഷം ഭിക്ഷ എടുത്താണോ തോമസ് ഐസക് കേരളത്തെ മുമ്പോട്ട് കൊണ്ടുപോവുക? കേരളം കണ്ട ഏറ്റവും വലിയ ഖജനാവ് കൊള്ളയെ കുറിച്ച് ആർക്കും ഒന്നും പറയാനില്ലേ?

മറുനാടൻ ഡെസ്‌ക്‌

ധാർഷ്ട്യം, ധൂർത്ത്, സ്വജനപക്ഷപാതം, ന്യൂനപക്ഷ പ്രീണനം.. പിണറായി സർക്കാരിനെതിരെ എക്കാലത്തും ഞാൻ ഉയർത്തുന്ന നാല് പ്രധാനപ്പെട്ട വിമർശനങ്ങൾ ഇവയൊക്കെയാണ്. അവർ സ്വജനപക്ഷപാതികൾ ആണെങ്കിലും അഴിമതിക്കാരാണ് എന്ന് പറയാൻ പറ്റിയ സാഹചര്യങ്ങൾ ഒന്നും ഉണ്ടായിരുന്നില്ല. എന്നാൽ, ചില കാര്യങ്ങൾ വിശദമായി പരിശോധിക്കുമ്പോൾ അഴിമതിയുടെ പുകമറയിൽ നിന്നും രക്ഷപെടാൻ ഈ സർക്കാരിനും കഴിയുന്നില്ല എന്നതാണ് വാസ്തവം. ഉമ്മൻ ചാണ്ടി സർക്കാർ അധികാരത്തിൽ നിന്ന് പോകുമ്പോൾ 56 ബാറുകൾ മാത്രമുണ്ടായിരുന്ന കേരളത്തിൽ ഇന്ന് 598 ബാറുകൾ ഉണ്ട് എന്നത് മാത്രം മതി ഈ അഴിമതിയുടെ പിന്നാമ്പുറം ചികയുന്നതിനുള്ള തുടക്കം കുറിക്കാൻ.

ഓരോ ദിവസവും, അതുകൊറോണയാണെങ്കിലും ശരി പ്രളയമാണെങ്കിലും ശരി ബാറുടമകൾക്ക് പുതിയപുതിയ അവകാശങ്ങൾ കൊടുക്കുന്നതിന് ഈ സർക്കാർ കാട്ടുന്ന ധൃതിയും താത്പര്യവും പരിശോധിച്ചാൽ കോടികളുടെ സാമ്പത്തിക ഇടപാടുകൾ നടന്നിട്ടുണ്ട് എന്ന് സംശയിക്കേണ്ടിയിരിക്കും. സിനിമാക്കാരായ ഇന്നസെന്റിനെയും കെപിഎസി ലളിതയേയും ഇറക്കി ഉമ്മൻ ചാണ്ടി സർക്കാർ മദ്യനിരോധനം നടത്തി എന്ന് പറയുന്നത് കള്ളമാണെന്നും ഇടത് പക്ഷ സർക്കാർ അധികാരത്തിൽ വന്നാൽ ഘട്ടംഘട്ടമായി പൂർണമായും മദ്യം നിരോധിക്കും എന്നും നുണ പറഞ്ഞുകൊണ്ട് കയറിയ സർക്കാർ ഓരോ വർഷവും മദ്യത്തിൽ നിന്നുണ്ടാക്കിയ വരുമാനവും മദ്യ വിൽപ്പനയുടെ അളവും ഞെട്ടിക്കുന്ന തരത്തിലാണ് ഉയർത്തി എടുത്തത്. അതെന്തുമാകട്ടെ, ഈ കൊറോണയുടെ മറവിൽ വലിയ ഒരു അഴിമതിക്ക് ഈ സർക്കാർ അവസരം ഒരുക്കിയിരിക്കുന്നു.

അഴിമതി എന്നതിനേക്കാൾ കൂടുതലായി കേരളത്തിന്റെ നിലനിൽപ്പ് തന്നെ അപകടത്തിലാകുന്ന തരത്തിൽ തീറെഴുതി കൊടുത്തുകൊണ്ടുള്ള തീരുമാനമാണ് ഉണ്ടായിരിക്കുന്നത്. കൊറോണയുടെ ഇളവുകൾക്കിടയിൽ മുഖ്യമന്ത്രി അത് പ്രഖ്യാപിച്ചപ്പോൾ അതിന് ഒരു പ്രാധാന്യവും കേരളത്തിലെ മാധ്യമങ്ങൾ കൊടുക്കാതിരുന്നത് എന്തുകൊണ്ട് എന്ന് വ്യക്തമാകുന്നില്ല. പ്രതിപക്ഷ നേതാവ് രമേശ് ചെന്നിത്തല ഇതൊരു അഴിമതിയാണ് എന്ന് തുറന്ന് പറഞ്ഞപ്പോൾ ആ ശബ്ദ​ത്തിന് എന്തുകൊണ്ട് ഒരു മാറ്റൊലിയും ഉണ്ടായില്ല എന്നതും ആലോചിക്കേണ്ടതാണ്. ബിവറേജസ് കോർപ്പറേഷന്റെ ഒട്ട്ലെറ്റുകളെല്ലാം വരും ദിവസങ്ങളിൽ തുറന്ന് കൊടുക്കുന്നതിനൊപ്പം കേരളത്തിലെ സകല ബാറുകളും ബിയർ-വൈൻ പാർലറുകളും വിദേശ മദ്യം വിൽക്കുന്ന ഇടങ്ങളായി മാറ്റും എന്ന പ്രഖ്യാപനം ഞെട്ടിക്കുന്ന അഴിമതിയുടെയും ഖജനാവിനോടുള്ള കൊള്ളയുടെയും അടയാളമായി മാറുന്നു.

രണ്ട് മാസമായി ഇടച്ചിട്ടിരിക്കുന്ന ബാറുടമകൾക്ക് ലാഭമുണ്ടാക്കുന്നതിന് വേണ്ടി മാത്രമാണ് ഈ കുറുക്കുവഴിയും കൊള്ളയും എന്ന് തുറന്ന് പറയാൻ എന്തേ ആരും തയ്യാറാകുന്നില്ല? വ്യക്തമായ ഉറവിടങ്ങളിൽ നിന്നും എനിക്ക് ലഭിച്ച വിവരം അനുസരിച്ച് ഒരു ബാർ അല്ലെങ്കിൽ ഒരു ബിയർ പാർലർ ഈ സൗകര്യം ഒപ്പിക്കുന്നതിന് വേണ്ടി സിപിഎമ്മിന് കൊടുത്തിരിക്കുന്നത് ഒരു ലക്ഷം രൂപവീതമാണ്. ഈ വിഷയമാണ് ഇന്നത്തെ ഇൻസ്റ്റന്റ് റെസ്പോൺസ് ചർച്ച ചെയ്യുന്നത്. പൂർണരൂപം വീഡിയോയിൽ കാണുക...

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP