ഒരു രക്ഷകനെ കിട്ടിയിട്ടു വേണം ഒന്നാരാധിക്കാൻ എന്ന മാനസികാവസ്ഥയിൽ ഇരിക്കുന്നവർക്കെല്ലാം രക്ഷകനെ കിട്ടി; ഹിറ്റ്ലർ, സ്റ്റാലിൻ, മാവോ, ഇന്ദിര എന്നിവരുടെ ചരിത്രം കൂടി ചേർത്തു വായിച്ചാൽ രക്ഷകവേഷവും ആരാധനാ മനോഭാവവും വരുവാനിരിക്കുന്ന ഏതോ ദുരന്തത്തിന്റെ മുന്നോടിയായി മാത്രമെ കണക്കാക്കാനാകൂ; 140 കോടിയുടെ തള്ളലിന്റെ മുന്നിൽ മൂന്നരക്കോടിക്ക് പിടിച്ചു നിൽക്കാനാകുമോ? കൊവിഡിന്റെ പേരിൽ നടക്കുന്ന തറവാടിത്തപ്രഘോഷണത്തെ പറ്റി സജീവൻ അന്തിക്കാട് എഴുതുന്നു
സജീവൻ അന്തിക്കാട്
ഡിങ്കൻ എന്ന ഗോത്രം ജീവിച്ചു വരുന്നത് തെക്കേ സുഡാനിലാണ്. നിലവിൽ അമ്പതുലക്ഷം പേരുണ്ടത്രെ ആ ഗോത്രത്തിൽ. ഡിങ്കർ എന്നാണ് അവരെ വിളിക്കുന്നത്. ഡിങ്ക എന്നാൽ എന്താണ് അർത്ഥമെന്ന് ചോദിച്ചാൽ ഒരു യുക്തിവാദി ട്രോളൻ പറയുക 'മാനവരാശിയുടെ ഏക ദൈവം' എന്നായിരിക്കും. "ഒരു കാര്യവുമില്ലാതെ ഒരു പേരും ഇട്ട് നടക്കുന്ന കൂട്ടർ "എന്നായിരിക്കാം അവരെപ്പറ്റി ആഫ്രിക്കക്കാർ പറയുന്നുണ്ടാകുക.
പക്ഷെ ഡിങ്കർ ഡിങ്കരെ പറ്റി എന്താണ് പറയുന്നത്?
ഡിങ്ക എന്നാൽ യഥാർത്ഥ ജനങ്ങൾ എന്നാണത്രെ അവർ പറയുന്ന അർത്ഥം. സ്വന്തം പേര് വിമൽ കുമാർ എന്ന് പറയാൻ ഏവർക്കും അധികാരമുണ്ട് എന്ന് നമുക്കറിയാം; എന്നാൽ ഇവർ കുറെ പടി കൂടി കയറി മറ്റൊന്നുകൂടി പറയുന്നു "ഡിങ്കർ അല്ലാത്തവർ ജനങ്ങൾ അല്ല " യഥാർത്ഥ ജനങ്ങൾ അവർ മാത്രമാണ്.
ഡിങ്കർക്ക് ഇതിനാൽ ശത്രുക്കളുണ്ട്. ശത്രുക്കളുടെ ഗോത്രത്തിന്റെ പേര് നൂയെർ എന്നാണ്. ന്യൂയെർ എന്ന വാക്കിന്റെയും അർത്ഥം "യഥാർത്ഥ ജനങ്ങൾ " എന്നാണ്. അവരും പറയുന്നത് തങ്ങൾ മാത്രമാണ് യഥാർത്ഥ ജനങ്ങൾ എന്നാണ്. നമുക്ക് ആഫ്രിക്കയൊന്ന് വിട്ടു പിടിക്കാം. സൈബീരിയക്കും അപ്പുറത്ത് അലാസ്ക്കയിൽ എത്താം. അവിടെ യുപികുകൾ എന്ന ഒരു ഗോത്രം താമസിക്കുന്നുണ്ട്. യുപിക് ഭാഷയിൽ യുപിക് എന്ന വാക്കിന്റെ അർത്ഥം കേൾക്കണോ?
യഥാർത്ഥ ജനങ്ങൾ.
ഇനി നമ്മുടെ നാട്ടിലെക്ക് വരാം. കേരളത്തിലെ ഗ്രാമങ്ങളിൽ കിണർ ഇല്ലാത്ത വീട് കുറയും. അത് ഒരു അഭിമാനമാണ് നാട്ടുകാർക്ക് . അറുപതു വയസ്സായ ഒരു സംസാര പ്രിയനായ ഒരു ചേട്ടനോട് നിങ്ങൾ അദ്ദേഹത്തിന്റെ കിണറിനെ പറ്റി ചോദിച്ചു നോക്കൂ.
"എത്ര കടുത്ത വേനക്കും നാലു തൊട്ടി വെള്ളം ബാക്കിയുണ്ടാകും. ഒന്നരേടെ മോട്ടർ വെച്ചടിച്ചാലും വറ്റില്ല." ഒരു മാതിരി എല്ലാ ചേട്ടന്മാരും ഇതു തന്നെ നമ്മോട് പറയും. അവരുടെ ഭാഷയിൽ മറ്റു കിണറുകളൊക്കെ വറ്റുന്ന കിണറുകൾ മാത്രമാണ്. ഈ മനോഗതിയെ തറവാടിത്ത പ്രഘോഷണം എന്നും പറയാറുണ്ട്. കവി ഇടശ്ശേരി ഈ മനോഭാവത്തെ പദ്യത്തിൽ ഇങ്ങിനെ കുറിച്ചു.
"ഇത്തറവാടിത്ത ഘോഷണത്തെപ്പോലെ , വൃത്തികെട്ട മറ്റൊന്നുമില്ലൂഴിയിൽ " മനുഷ്യർ പരഗതിയില്ലാതെ പട്ടിണിയും പരിവട്ടവുമായി ജീവിച്ചിരുന്ന കാലത്തും തറവാടിത്തഘോഷണത്തിന് ഒരു കുറവും വരുത്തിയില്ല. ഇങ്ങിനെ പൊക്കിയടിച്ചാൽ വിശപ്പ് ഫീൽ ചെയ്യില്ലത്രെ.
ഡോ. എം.ജി.എസ് നാരായണൻ പഴയ കാല മലബാറുകാരുടെ കാര്യം ആത്മകഥയിൽഇങ്ങിനെ സൂചിപ്പിക്കുന്നു. "അധികവും പഴയ കാല പ്രതാപവും സാമൂതിരിയുടെ കാര്യസ്ഥതയും പറഞ്ഞ് തെണ്ടി നടന്ന് മുണ്ടു മുറുക്കിയുടുത്ത് നടക്കുന്നവരാണ്." മുണ്ടു മുറുക്കിയുടുക്കുക എന്നാൽ കൊടും പട്ടിണിയാണെന്നർത്ഥം. പട്ടിണി പോയി. ഉദ്യോഗമുണ്ട് ,സ്ഥാനമാനങ്ങളുണ്ട്. സ്വന്തം കാലിൽ നിൽക്കാനുള്ള ത്രാണിയുമുണ്ട്. പക്ഷെ തറവാടിത്ത ഘോഷണം ചെയ്യുമ്പോഴുള്ള ഒരു സുഖം മനുഷ്യർക്ക് മറ്റെവിടുന്നും കിട്ടില്ല.
കൊറോണയും അവകാശവാദങ്ങളും.
ഇന്ത്യയിലെ ഓരോ സംസ്ഥാനങ്ങളും കോവിഡിനെ തുരത്താനായി പരമാവധി പരിശ്രമിക്കുന്നുണ്ട്. കേരളത്തിൽ ആദ്യ കൊറോണ രോഗി പ്രത്യക്ഷപ്പെടുന്നതിന് ' മുമ്പ് തന്നെ -ജനുവരി 26 ന് -ഒരു വാർ റൂം തുറന്ന് പ്രവർത്തനമാരംഭിച്ച ചെത്തീസ്ഗഢ് പ്രത്യേകം പ്രശംസ അർഹിക്കുന്നു. ഏറ്റവും ഫലപ്രദമായി കൊറോണയെ തടഞ്ഞു നിർത്തിയിരുന്ന അവർ തബ്ലീഗിനു മുന്നിൽ അടിയറവ് പറഞ്ഞെങ്കിലും 28 പേരിൽ രോഗ വ്യാപനത്തെ തടഞ്ഞു നിർത്തി. വ്യാവസായിക നഗരമായ ഭിലായ് ഉൾപ്പെടുന്ന ദുർഗ്ഗ് ജില്ലയും നക്സൽ സ്വാധീനം നിലനിൽക്കുന്ന രാജ്നാഥ് ഗവും ഒരൊറ്റ കേസുകൾ പോലും റിപ്പോർട്ട് ചെയ്യപ്പെടാത്ത ജില്ലകളായി കേന്ദ്ര സർക്കാർ പ്രാഖ്യാപിച്ചിരുന്നു
ഭിലായ് എന്ന സ്റ്റീൽ നഗരം ആയിരക്കണക്കിന് മലയാളികളുടെ വാസസ്ഥാനമാണ് ഇന്നും. ഇന്ത്യയിലെ എല്ലാ സംസ്ഥാനങ്ങളിൽ നിന്നുള്ളവർ ഒരുമിച്ചു പാർക്കുന്ന ഇടം കൂടിയായിട്ടും കൊറോണ മുക്തമാക്കിയെടുത്തതിൽ സർക്കാർ തലബോധവൽക്കരണത്തിന്റെ പങ്ക് ചെറുതല്ല.
ഗോവ ശരിക്കും കൊറോണ ഫ്രീ ആയിക്കഴിഞ്ഞു.ഇപ്പോൾ എഴുരോഗികൾ മാത്രം !' മരണം പൂജ്യം . യാത്രികരുടെ പറുദ്ദീസയായ അവിടം കൊറോണ മുക്തമാക്കി മാറ്റാൻ ചില്ലറ പരിശ്രമം ഒന്നും പോരാ.
തമിഴ്നാട്ടിൽ കൊറോണ പെരുകി കൊണ്ടിരിക്കുമ്പോൾ ഒപ്പം ചേർന്നു കിടക്കുന്ന പുതുച്ചേരി രോഗത്തെ ഫലപ്രദമായി തടഞ്ഞു നിർത്തി. വെറും ഏഴ് രോഗികൾ. മരണം ഇല്ല. ദരിദ്ര സംസ്ഥാനമായ ബീഹാർ കൊറോണ പ്രതിരോധത്തിൽ വലിയൊരു മാതൃകയാണ് ഇപ്പോൾ കാഴ്ചവെച്ചു കൊണ്ടിരിക്കുന്നത്. അവിടത്തെ പി ആർ വർക്കുകാർ ഒരു പക്ഷെ ബീഹാർ മോഡൽ എന്നു വിളിക്കുന്നുണ്ടാകണം . 228 രോഗികൾ വെറും രണ്ട് മരണം . ഹരിയാനയിലേക്ക് വരാം.അവിടെ 272 രോഗികൾ 3 മരണം. ഒഡീഷയുടേത് പ്രശംസനീയമായ പെർഫോമൻസ് ; വെറും 94 രോഗികളും ഒരു മരണവും. ഹിമാചൽ പ്രദേശിൽ രോഗികൾ 40 മരണം 1 , ഉത്തർഖണ്ഡിൽ രോഗികൾ 48 ഉള്ളൂ മരണം പൂജ്യം.
മനുഷ്യ മനസാക്ഷിയെ ഞെട്ടിപ്പിക്കും വിധം അതിർത്തി പൂട്ടിയിട്ട കർണ്ണാടകയുടെ നടപടി രോഗ വ്യാപനം തടയുന്നതിനുള്ള കഠിനശ്രമമായിട്ടായിരിക്കും അവിടത്തുകാർ കരുതുന്നത്.
ടെസ്റ്റുകൾ നടത്തിയ സംസ്ഥാനങ്ങളുടെ നിരക്കിലും കേരളം പിന്നിലാണെന്നാണ് പുതിയ റിപ്പോർട്ടുകൾ കാണിക്കുന്നത്. പത്തുലക്ഷത്തിന് എത്ര പേർ എന്ന കണക്കിൽ നോക്കുമ്പോൾ ഡൽഹി 1567 ഉം തമിഴ്നാട് 857 ഉം രാജസ്ഥാൻ 848 ഉം മഹാരാഷ്ട്ര 714 ഉം ഗുജറാത്ത് 652 ഉം ആണെങ്കിൽ കേരളം അതിനു പിന്നിൽ 593 മാത്രമാണ്.
(26-4-ലെ പത്രറിപ്പോർട്ട് പ്രകാരം)
(ചത്തീസ്ഗഢ് കൊറോണ കൈകാര്യം ചെയ്ത രീതിയുടെ സർക്കാർ വെർഷൻ അറിയുന്നതിനായി ഈ ലിങ്കിൽ പോകുക.
https://www.thehindu.com/news/national/starting-early-gave-chhattisgarh-a-head-start-in-tackling-covid-19-outbreak-says-state-health-minister/article31279538.ece
ഇന്ത്യയുടെ കൊറോണ നിർമ്മാർജ്ജന ശ്രമങ്ങളുടെ ഏകദേശ രൂപം ലഭിക്കുന്നതിനായി ഈ ലിങ്ക് നോക്കുക.
https://en.wikipedia.org/wiki/2020_coronavirus_pandemic_in_India)
ഞങ്ങൾ ഭയങ്കര സംഭവമാണ്.
മഹാരാഷ്ട്രയും തബ്ലീഗ് സമ്മേളനം മൂലം തീവ്രമായ രീതിയിൽ വ്യാപനമുണ്ടായ ഡൽഹി , തമിഴ്നാട്, തെലുങ്കാന, രാജസ്ഥാൻ, ഗുജറാത്ത് എന്നിവടങ്ങളും ഒഴിച്ചു നിർത്തിയാൽ ബാക്കി ഓരോ സംസ്ഥാനങ്ങളും അവകാശപ്പെടുന്നത് "തങ്ങളാണ് മുന്നിൽ " എന്നാണ്.
എല്ലായിടത്തും തറവാടിത്ത പ്രഘോഷണങ്ങൾ ഉണ്ട്. പക്ഷെ തലയിൽ ചാണകമല്ലാതെ വേറെന്തോ ഉള്ളവരെന്നു മറ്റുള്ളവരെ തെറ്റിദ്ധരിപ്പിച്ചിരുന്ന ചില ഡോക്ടർമാരും അദ്ധ്യാപകരും എഴുത്തുകാരും പത്രക്കാരും തറവാടിത്ത ഘോഷണ പണിക്ക് വ്യാപകമായി ഇറങ്ങിയിട്ടുള്ളത് കേരളത്തിൽ മാത്രമാണ്. സർക്കാറിന്റെ സാദിരിക്കോയമാരും ദർബാർ ദാസന്മാരും പി ആർ വർക്കുമായി ഫേസ് ബുക്കിലും വാട്ട്സ് അപ്പിലും ഇപ്പോഴും അലഞ്ഞു തിരിഞ്ഞു നടക്കുകയാണ് .
റിയാലിറ്റി ഷോ
കൊറോണക്കേസുകളുടെ റിപ്പോർട്ട് അവതരിപ്പിക്കൽ ഒരു റിയാലിറ്റി ഷോ ആക്കി കേരളത്തിലെ സർക്കാരും മാധ്യമങ്ങളും മാറ്റിയെന്ന് പ്രതിപക്ഷം ആരോപിക്കുന്നുണ്ട്. പുതിയ സീരിയലുകളും പുതിയ പരിപാടികളും ഇല്ലാതായപ്പോൾ വ്യൂവേഴ്സിനെ നിലനിർത്താനായി മാധ്യമങ്ങളും സർക്കാരും കൂടി രൂപകൽപ്പന ചെയ്ത പരിപാടിയത്രെ ഇത്. ഇതിനായി കൊറോണ സംബന്ധിച്ച വാർത്തകളെല്ലാം മുൻകൂട്ടി റിപ്പോർട്ട് ചെയ്യുന്നത് മാധ്യമങ്ങൾ വിഴുങ്ങി.
എല്ലാം വൈകുന്നേരം 6 മണിക്കാണ് ചൈനീസ് മാതൃകയിൽ മുഖ്യമന്ത്രിക്ക് വെളിപ്പെത്തുക. കൊറോണ ഭീതിയിൽ പേടിച്ച് വിറച്ച് വീട്ടിൽ കഴിയുന്ന ജനം രോഗവിവരം അറിയാനായി ടി.വിക്കു മുമ്പിൽ കാത്തിരിക്കുമ്പോൾ വാർത്തകളെല്ലാം കടലാസിൽ എഴുതി മുഖ്യമന്ത്രി പതിയെ വായിച്ചു. കേരളം മാത്രമെ കൊറോണയെഫലപ്രദമായി തടയുന്നുള്ളൂ എന്ന് മാധ്യമങ്ങൾ പിറ്റേ ദിനം പത്രങ്ങളിൽ എഴുതി നിറക്കുകയും ചെയ്തു.
ദുരിതകാലത്തെ ഒരു പരസ്പര സഹായ സഹകരണ സംഘ പ്രവർത്തനമായി ഇതിനെ കാണാം.
ആദ്യം പത്രസമ്മേളനം നടത്തിയിരുന്നത് ആരോഗ്യ മന്ത്രിയായിരുന്നു. അതോടെ അവർക്ക് ഒരു രക്ഷക പരിവേഷം വന്നു. കൊറോണയെ പിടിച്ചു നിർത്താൻ പാടുപെടുന്ന ടീച്ചറമ്മയെ മുഖ്യമന്ത്രിയാക്കണം എന്ന് പലരും ആവശ്യപ്പെട്ടു. അപകടം മണത്ത മുഖ്യമന്ത്രി അതോടെ പത്ര സമ്മേളനം ഏറ്റെടുത്തു. അതോടെ രക്ഷകൻ അദ്ദേഹമായി. ആരാധനാലയങ്ങൾ മൊത്തം അടച്ചിട്ടിരിക്കുന്നതിനാൽ ഏതെങ്കിലും ഒരു രക്ഷകനെ കിട്ടിയിട്ടു വേണം ഒന്നാരാധിക്കാൻ എന്ന മാനസികാവസ്ഥയിൽ ഇരിക്കുന്നവർക്കെല്ലാം രക്ഷകനെ കിട്ടി. രമേശ് ചെന്നിത്തലയെ കൊറോണ റിപ്പോർട്ടവതരിപ്പിക്കാൻ സർക്കാർ നിയോഗിച്ചിരുന്നുവെങ്കിൽ ചിലപ്പോൾ അദ്ദേഹം ആകുമായിരുന്നു ഹീറോ !
ഇത് 1986 ലെ രാമായണം സീരിയൽ ഉണ്ടാക്കിയ ഇമ്പാക്ടിനു തുല്യമായി കാണാം. മറ്റ് ചാനലുകൾ ഒന്നുമില്ലാത്ത അക്കാലത്ത് എല്ലാവരും രാമായണം സീരിയൽ കാണാനിരുന്നു. ആഴ്ചകൾ കടന്നു പോകെ ടെലിവിഷനിൽ പ്രത്യക്ഷപ്പെടുന്ന ശ്രീരാമൻ യഥാർത്ഥമാണെന്നു ജനങ്ങൾക്ക് തോന്നുകയും ആളുകൾ ടെലിവിഷനു മുന്നിൽ വിളക്കു കത്തിച്ചു വെക്കുകയും രാമൻ പ്രത്യക്ഷപ്പെടുമ്പോൾ പുഷ്പാർച്ചന നടത്തുകയും ചെയ്തു.
അന്നാളുകളിൽ ഇന്ത്യയിൽ മൊത്തമായി വർദ്ധിച്ചു വന്ന . ശ്രീരാമഭക്തി പിന്നീട് ബാബറി മസ്ജിദിന്റെ തകർച്ചയിലേക്ക് നയിച്ചു. ഒട്ടനവധി മനുഷ്യജീവനുകൾ പൊലിഞ്ഞു. കുറെ പേർക്ക് കിടപ്പാടങ്ങൾ നഷ്ടപ്പെട്ടു. ഹിറ്റ്ലർ, സ്റ്റാലിൻ, മാവോ, ഇന്ദിര എന്നിവരുടെ ചരിത്രം കൂടി ഇതോടൊപ്പം ചേർത്തു വായിച്ചാൽ രക്ഷകവേഷവും ആരാധനാ മനോഭാവവും വരുവാനിരിക്കുന്ന ഏതോ ദുരന്തത്തിന്റെ മുന്നോടിയായി മാത്രമെ കണക്കാക്കാനാകൂ എന്ന് നമുക്കു നിസ്സംശയം പറയാനാകും.
ചില അപസ്വരങ്ങൾ
1) ഒരു നവജാത ശിശു കൊറോണ ബാധിച്ച് മരിച്ചത് വിവാദമായിട്ടുണ്ട്. കൊറോണ പോസറ്റീവ് ആയ വിവരം ഡോക്ടറെ അറിയിക്കാൻ മുഖ്യമന്ത്രിയുടെ പത്ര സമ്മേളനം വരെ കാത്തു നിന്നത്രെ. ഉദ്ദേശം 21 മണിക്കൂർ. പ്രതിപക്ഷ ഉപനേതാവ് എം.കെ.മുനീർ എ .എൽ .എ യാണ് ഈ ആരോപണം ഉന്നയിച്ചിരിക്കുന്നത്.
2) കമ്യൂണിസ്റ്റ് പാർട്ടികൾക്ക് എല്ലാ കൂട്ടായ്മകളിലും അംഗങ്ങൾ ഉണ്ടായിരിക്കും. ആ അംഗങ്ങൾക്ക് ആ കൂട്ടായ്മയോടല്ല കൂറ് ;മറിച്ച് പാർട്ടിയോടായിരിക്കും. ആ അംഗങ്ങളെ വെച്ച് പാർട്ടി ആ കൂട്ടായ്മയെ നിയന്ത്രിക്കാൻ ശ്രമിച്ചുകൊണ്ടിരിക്കും. ഇപ്പറഞ്ഞ സെറ്റപ്പിനെയാണ് പാർട്ടി ഫ്രാക്ഷൻ എന്ന് പറയുന്നത്.
ഇപ്രകാരം എല്ലാ മാധ്യമങ്ങളിലും സി പി എമ്മിന് പാർട്ടി'ഫ്രാക്ഷൻ ഉണ്ട്. ഇങ്ങിനെ നിയന്ത്രിക്കാൻ ശ്രമിച്ചു കിട്ടാത്തവരെയാണ് മാധ്യമ സിണ്ടിക്കേറ്റ് എന്ന് മുഖ്യമന്ത്രി പറയുന്നത്. പ്രതിദിനം നടത്തുന്ന പത്ര സമ്മേളനത്തിൽ കാക്കയുടെയും പൂച്ചയുടെയും കാര്യങ്ങൾ വരെ സൂചിപ്പിച്ചിരുന്ന മുഖ്യമന്ത്രിക്ക് സ്പ്രിങ്ങ്ളർ കമ്പനിയുമായുണ്ടാക്കിയ കരാറിനെ പറ്റി പറയാൻ രണ്ടു മിനിട്ട് കിട്ടിയിരുന്നില്ല. ആ കുറവ് പരിഹരിച്ചത് പ്രതിപക്ഷ നേതാവായിരുന്നു. മുഖ്യമന്ത്രിയിൽ നിന്ന് കേൾക്കേണ്ട കാര്യം പ്രതിപക്ഷ നേതാവ് പറഞ്ഞറിയാൻ ഇട വന്നതും പിന്നീട് കോടതി ഇടപെട്ട് ജനങ്ങളുടെ സ്വകാര്യതയും സമ്മതവും പരമപ്രധാനമാണെന്ന് ഉത്തരവിട്ടതും "പൊക്കിക്കൊണ്ടു വന്ന പിരമിഡിന്റെ " അടിത്തറയിൽ വിള്ളലുകൾ വീഴാൻ ഇടയാക്കി.
തറവാടിത്ത ഘോഷണം : ഇനി കേന്ദ്രം വക.
തറവാടിത്ത ഘോഷണത്തിന്റെ ഒരു ഭീകര വെർഷൻ കൂടി വരാനുണ്ട്. അത് കേന്ദ്ര സർക്കാരിന്റെ ഭക്തർ വകയാണ്. ഡൽഹി ദർബാർ ദാസമാർ നിറഞ്ഞാടാനാണ് സാധ്യത. മരണക്കണക്കു വെച്ചും മൊത്തം രോഗികളെ വെച്ചും ആയിരിക്കും ആ താരതമ്യം.
ഇന്ത്യയുടെ മുന്നിലൊന്ന് ജനസംഖ്യയില്ലാത്ത (33.82 കോടി) അമേരിക്കയുമായുള്ള താരതമ്യം. . വെറും നാലു കോടി 69 ലക്ഷം ജനസംഖ്യയുള്ള സ്പെയിനുമായുള്ള താരതമ്യം. വെറും 6 കോടി 60 ലക്ഷം ജനസംഖ്യയുള്ള യു.കെ യുമായുള്ള താരതമ്യം. എല്ലാം ഡൽഹി ദർബാർ ദാസന്മാർക്ക് വമ്പൻ തള്ളലിനുള്ള അവസരം തന്നെയാണ്.
രോഗ പ്രതിരോധത്തിന്റെ ഇന്ത്യൻ മോഡൽ വാഴ്ത്തുക്കൾ ഇതിനകം തന്നെ തുടങ്ങേണ്ടതായിരുന്നു. പക്ഷെ കൊറോണ ഭീതി നിലനിന്നിരുന്ന മാർച്ച് പകുതിയിൽ ഡൽഹിയിലെ നിസാമുദീനിൽ തബ്ലീഗ്കാർക്ക് സമ്മേളനം നടത്താൻ കേന്ദ്ര സർക്കാർ വഴിവിട്ട് സഹായം നൽകിയത് കൊട്ടാര ദാസമാർക്കും മോദി ഭക്തർക്കും ശരിക്കും തിരിച്ചടിയായി മാറി. പല സംസ്ഥാനങ്ങളിലും രോഗം കത്തിപ്പടർന്നു. എങ്കിലും ജൂൺ മാസത്തോടെ രോഗത്തെ നിയന്ത്രണ വിധേയമാക്കാൻ കഴിയുമെന്ന പ്രതീക്ഷയിലാണ് ചുമരെഴുത്തുകാർ. അതിൽ വിജയം വരിക്കുന്നതോടെ ഭാരതത്തറവാടിന്റെ അയ്യായിരം വർഷത്തെ തറവാടിത്ത പെരുമഴയായിരിക്കും ഇന്ത്യയിൽ ചെയ്യാൻ പോകുന്നത്.
ചൈനാ ഭക്തന്മാരും ഏകകക്ഷി സ്വേച്ഛാധിപത്യ വാദികളും തുടർ ഭരണത്തിനു വേണ്ടി കേരളത്തിൽ കെട്ടിപ്പൊക്കി കൊണ്ടുവന്ന തള്ളലുകളുടെ ബാബേൽ ഗോപുരം ആ തറവാടിത്ത ഘോഷണ വെള്ളപ്പൊക്കത്തിൽ ഒലിച്ചുപോകാവുന്നതെ ഉള്ളൂ.140 കോടിയുടെ തള്ളലിന്റെ മുന്നിൽ മൂന്നരക്കോടിക്ക് പിടിച്ചു നിൽക്കാനാകുമോ? കാത്തിരുന്നു കാണാം.
Stories you may Like
- നായകൻ മോഹൻലാൽ, പുതിയ ചിത്രം പ്രഖ്യാപിച്ച് സത്യൻ അന്തിക്കാട്
- പൊളിറ്റിക്കൽ ത്രില്ലറുമായി സജീവൻ അന്തിക്കാട് എത്തുമ്പോൾ
- 'സന്ദേശം' കണ്ടതിന്റെ പിറ്റേന്നു മുതൽ ജോലിക്കു പോയിത്തുടങ്ങി': വി.ഡി.സതീശൻ
- വരവേൽപ്പിന്റെ 35 വർഷങ്ങൾ- സഫീർ അഹമ്മദ് എഴുതുന്നു
- കാമുകിയെ തിളച്ചവെള്ളമൊഴിച്ച് കൊലപ്പെടുത്താൻ ശ്രമിച്ചു; പ്രതി അറസ്റ്റിൽ
- TODAY
- LAST WEEK
- LAST MONTH
- ഇറാൻ പ്രകോപനത്തിന് തിരിച്ചടിയുമായി ഇസ്രയേൽ; ഇറാന്റെ വടക്കൻ നഗരമായ ഇസ്ഫഹാനിലെ വിമാനത്താവളത്തിന് മിസൈൽ ആക്രമണം നടത്തി ഇസ്രയേൽ; ആക്രമണത്തിന പിന്നാലെ ഇറാനിൽ വിമാന സർവീസുകൾ പൂർണായും നിർത്തിവെച്ചു; ഇസ്രയേൽ ആക്രമണം അമേരിക്കയെ അറിയിച്ച ശേഷം
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- നേരെ വെളുക്കും മുമ്പേ ഇരുട്ടിന്റെ മറവിൽ, ഇസ്രയേൽ ലക്ഷ്യമിട്ടത് ഇറാന്റെ ആണവ കേന്ദ്രത്തെയോ? തിരിച്ചടിച്ചത് തങ്ങൾക്ക് നേരേ ഡ്രോണുകളും മിസൈലുകളും തൊടുത്തുവിടുന്ന ഇസ്ഫഹൻ നഗരത്തിലെ സൈനിക കേന്ദ്രത്തെ ലാക്കാക്കി എന്നും സംശയം
- വെച്ചൂച്ചിറയിലെ സൗമ്യയുടെ ആത്മഹത്യ: ഭർത്താവ് സുനിൽ കുമാറിനെതിരേ വീണ്ടും കേസ്; കൂട്ടുകാരന്റെ ഭാര്യ നൽകിയ പരാതിയിൽ ഭർത്താവും സുനിൽകുമാറും പ്രതികൾ; നടന്നത് ഭാര്യമാരെ വച്ചു മാറാനുള്ള നീക്കം; കൂടുതൽ അറസ്റ്റുണ്ടാകും
- പ്രമുഖ യൂടൂബർ സ്വാതി കെട്ടിടത്തിൽ നിന്ന് ചാടി ജീവനൊടുക്കി; സംഭവസമയം മുറിയിൽ ഉണ്ടായിരുന്ന സുഹൃത്തിനെ ചോദ്യം ചെയ്തു പൊലീസ്; ആത്മഹത്യയ്ക്ക് പിന്നിലെ കാരണം തേടി അന്വഷണം; സ്വാതി ഗോദര വ്ളോഗിങ് തുടങ്ങിയത് യുപിഎസ്സി പരീക്ഷാ പരിശീലനത്തിന് ഡൽഹിയിൽ എത്തിയ ശേഷം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- മോഷണക്കുറ്റം ആരോപിച്ച് പൊലീസ് കസ്റ്റഡിലെടുത്തു; താനല്ല മോഷ്ടിച്ചതെന്ന് കേണു പറഞ്ഞിട്ടും കേൾക്കാതെ ഏമാന്മാർ; കുറ്റം സമ്മതിപ്പിക്കാനായി ക്രൂരമായി തല്ലിച്ചതച്ചതോടെ ആരോഗ്യം നശിച്ചു; കോടതി മോചിപ്പിച്ചതോടെ പൊലീസിനെതിരെ നിയമപോരാട്ടം; വിധിവരാനിരിക്കെ ജീവനൊടുക്കി യുവാവ്
- ഷെയർ ചാറ്റിലൂടെ ഭാര്യമാരെ കാണിച്ച് ഇഷ്ടമായെങ്കിൽ 'ലൈംഗിക ബന്ധത്തിന്' അനുവാദം നൽകുന്നത് ആദ്യ മോഡൽ; 2021ൽ ആപ്പുമെത്തി; കായംകുളത്ത് നടത്തിയ 'പങ്കുവയ്ക്കൽ' ആദ്യ ഞെട്ടൽ; തൊടുപുഴയിൽ ഏഴു വയസ്സുകാരന്റെ കൊലയിലും ഭാര്യാ കച്ചവടം! വെച്ചൂച്ചിറയിലേത് 'ഗ്രാമീണ മോഡൽ'! വൈഫ് സ്വാപ്പിംഗിൽ കേരളം ഞെട്ടുമ്പോൾ
- വീട്ടിലെ വോട്ടിൽ ബാഹ്യ ഇടപെടൽ; കാസർകോട് മണ്ഡലത്തിലെ കല്യാശ്ശേരിയിൽ 92കാരിക്ക് വേണ്ടി വോട്ടു ചെയ്തത് സിപിഎം നേതാവ്; സിപിഎം ബൂത്ത് ഏജന്റായ ഗണേശൻ വോട്ടു ചെയ്തതിൽ പരാതി: പോളിങ് ഉദ്യോഗസ്ഥരെ സസ്പെന്റ് ചെയ്തു വരാണാധികാരി
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
- ക്ഷേമപെൻഷൻ യഥാസമയം കൊടുക്കാൻ കഴിഞ്ഞില്ലെങ്കിൽ തിരിച്ചടിയെന്ന് വിലയിരുത്തൽ; പണം കണ്ടെത്താൻ സഹകരണ ബാങ്കുകളിൽ നിന്ന് 2000 കോടി കടമെടുക്കാൻ സർക്കാർ; 9.1 ശതമാനം പലിശയിൽ കടമെടുപ്പ്; ഒന്ന വർഷത്തിനുള്ളിൽ സഹകരണ ബാങ്കുകളെ സമീപിക്കുന്നത് ഇത് മൂന്നാം വട്ടം
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- വ്യാഴാഴ്ച പ്രാർത്ഥനയ്ക്ക് പോയിരുന്ന ജെസ്നയെ കാണാതായതും വ്യാഴാഴ്ച; ആരാധനാ സ്ഥലം കണ്ടെത്തിയെന്ന് അച്ഛൻ; രഹസ്യ സുഹൃത്തിന്റെ ഫോട്ടോയും കുടുംബം കണ്ടെത്തി! സിബിഐ സഞ്ചരിക്കാത്ത വഴികളിലൂടെ പോയ അച്ഛന് കിട്ടിയത് ഞെട്ടിക്കുന്ന വിവരങ്ങളോ? ജെസ്നയ്ക്ക് സംഭവിച്ചത് എന്ത്?
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- 'എന്റെ മകൻ കെട്ടിയ താലി നീ ഇടേണ്ട'; മകന്റെ ഭാര്യയുടെ താലിമാല പൊട്ടിച്ച് കലി തുള്ളിയ 'മോഹിനി'! 35 പവനൊപ്പം 10 ലക്ഷം കൂടി വേണമെന്ന അത്യാഗ്രഹം; വീടും സ്ഥലവും മകന് എഴുതി കൊടുക്കാത്തിന് മരുമകളെ പുറത്താക്കിയ അമ്മായി അമ്മ; സത്യഭാമ വെറുമൊരു 'കലാമണ്ഡലം' അല്ല; സ്ത്രീപീഡന കേസും ചർച്ചകളിലേക്ക്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്