ആക്രി സാധനങ്ങളെന്ന വ്യാജേന കളറുമാറ്റി സ്വർണം കടത്തി; നിസാർ അലിയാരും സംഘവും ചേർന്ന് ഗൾഫിൽനിന്ന് കള്ളക്കടത്തായി എത്തിച്ചത് 4,522 കിലോ സ്വർണം; ഗുജറാത്തിലെ മുന്ദ്ര തുറമുഖം വഴി കപ്പലുകളിൽ എത്തിച്ച സ്വർണം രഹസ്യ കേന്ദ്രത്തിൽ നിന്നും കേരളത്തിലേക്ക് അടക്കം എത്തിച്ചു; എളമക്കര സ്വദേശിയും ബ്രോഡ്വേയിലെ വ്യാപാരിയുമായ വി.ഇ. സിറാജിനെയും സ്വർണ്ണക്കടത്തു കേസിൽ ഡിആർഐ പൊക്കിയതോടെ കണ്ണിപൊട്ടുന്നത് അന്താരാഷ്ട്ര ബന്ധമുള്ള വമ്പൻ സ്വർണ്ണക്കടത്തു സംഘത്തിന്റേത്; വഴിത്തിരിവെന്ന് ഡിആർഐ
മറുനാടൻ മലയാളി ബ്യൂറോ
കൊച്ചി: ഇന്ത്യകണ്ട ഏറ്റവും വലിയ സ്വർണ്ണക്കടത്തുകാരൻ പെരുമ്പാരൂവുകാരൻ നിസാർ പി അലിയാരാണെന്ന വാർത്ത പുറത്തുവന്നിട്ടു കാലം കുറച്ചായി. പെരുമ്പാവൂരിലെ സ്വർണ്ണക്കടത്തു സംഘം ഗൾഫ് കേന്ദ്രീകരിച്ചായിരുന്നു നിരന്തരമായി സ്വർണ്ണക്കടത്തു നടത്തിയത്. ഈ സംഘത്തിലെ മുഖ്യ കണ്ണിയാണ് കഴിഞ്ഞ ദിവസം മുംബൈ ഡയറക്ടറേറ്റ് ഓഫ് റവന്യൂ ഇന്റലിജൻസ് പൊക്കിയ എളമക്കര സ്വദേശിയും ബ്രോഡ്വേയിലെ വ്യാപാരിയുമായ വി.ഇ. സിറാജ് (40). കൊച്ചി ബ്രോഡ്വേയിലെ 'ക്രസന്റ്' എന്ന സ്ഥാപനം മറയാക്കിയാണ് സിറാജ് കള്ളക്കടത്തു സ്വർണ്ണത്തിന്റെ ഇടപാടുകൾ നടത്തിയത്. കൃത്യമായ തെളിവോടു കൂടി തന്നയാണ് ഇയാളെ പൊക്കിയത്.
കടത്തിക്കൊണ്ടുവന്ന സ്വർണം കേരളത്തിൽ വിതരണംചെയ്യാൻ സഹായം നൽകിയതും സിറാജാണെന്നാണ് ഡിആർഐയുടെ കണ്ടെത്തൽ. അന്വേഷണ സംഘത്തിൽനിന്ന് പല പ്രതികളെയും രക്ഷപ്പെടുത്താനുള്ള ക്രമീകരണങ്ങളൊരുക്കാൻ ചുക്കാൻപിടിച്ചതും ഇയാളാണെന്നു ഡി.ആർ.ഐ. വ്യക്തമാക്കുന്നു. ഗുജറാത്തിലെ മുന്ദ്ര തുറമുഖംവഴിയാണ് പിച്ചളപൂശി സ്വർണം കടത്തിയത്. കഴിഞ്ഞവർഷം മാർച്ച്, ഏപ്രിൽ മാസങ്ങളിലായി 170 കിലോ സ്വർണം 16 പേരിൽനിന്നു കണ്ടെത്തി. പല കടത്തുകൾക്കും ഒത്താശചെയ്ത സിറാജ് സംഘത്തിലെ പങ്കാളിയാണെന്നാണു ഡി.ആർ.ഐ.യുടെ കണ്ടെത്തൽ. പിടിയിലാകാത്ത പ്രധാന സംഘാംഗങ്ങളായ ആസിഫിന്റെയും ഫാസിലിന്റെയും കൂട്ടാളിയാണ് സിറാജെന്നും അന്വേഷണ സംഘം പറയുന്നു.
കേസിൽ മുഖ്യപ്രതികളിലൊരാളായ നിസാർ പി. അലിയാരടക്കം ഇതുവരെ 16 പേർ അറസ്റ്റിലായി. നിസാർ പിടിയിലായതോടെ, ഗൾഫിലേക്കു മുങ്ങിയ സിറാജിന്റെ നീക്കങ്ങൾ അന്വേഷണ സംഘം നിരീക്ഷിക്കുകയായിരുന്നു. ജനുവരി അവസാനം ഗൾഫിൽനിന്ന് കോയമ്പത്തൂർവഴി ഇയാൾ നാട്ടിലേക്കു വന്നു. പിന്തുടർന്നെത്തിയ ഡി.ആർ.ഐ. സംഘം ചോദ്യംചെയ്യാൻ സിറാജിനെ കസ്റ്റഡിയിലെടുത്തു. രണ്ടുദിവസത്തെ ചോദ്യംചെയ്യലിൽ, ഇയാൾക്ക് സംഘവുമായുള്ള ബന്ധത്തെപ്പറ്റി വ്യക്തമായ സൂചന ലഭിച്ചിട്ടുണ്ട്. സിറാജിന്റെ അറസ്റ്റോടെ കേസിൽ നിർണായക വഴിത്തിരിവുണ്ടാകുമെന്നാണ് അന്വേഷണ സംഘത്തിന്റെ പ്രതീക്ഷ. അന്താരാഷ്ട്ര സംഘങ്ങളുടെ പങ്കാളിത്തം വ്യക്തമായ കള്ളക്കടത്തിന്റെ പ്രധാനകേന്ദ്രം കേരളമാണെന്ന നിഗമനത്തിലാണ് ഡി.ആർ.ഐ.
പിച്ചളനുറുക്കുകളെന്ന വ്യാജേനയാണ് സംഘം സ്വർണം കടത്തിയതെന്ന് ഡി.ആർ.ഐ. കോടതിയിൽ നൽകിയ റിപ്പോർട്ടിൽ പറയുന്നു. 15 കിലോ വീതമുള്ള 10 ഡിസ്കുകളുടെ രൂപത്തിൽ 150 കിലോ സ്വർണം ഷൊയ്ബ് സരോദർവാല, അബ്ദുൾഅഹദ് സരോദർവാല, ഷെയ്ഖ് അബ്ദുൾഅഹദ് എന്നിവരിൽനിന്ന് ആദ്യംപിടിച്ചു. തുടർന്നുനടത്തിയ അന്വേഷണത്തിൽ 'ഏക്ദന്തുകൊമേഴ്സ്യൽ പ്രൈവറ്റ് ലിമിറ്റഡ്' എന്ന സ്ഥാപനത്തിൽനിന്ന് 20.4 കിലോ പിടിച്ചു. ഇവ ലോഹക്കഷണങ്ങളുടെ രൂപത്തിലായിരുന്നു. ഈ സ്വർണം നിസാർ പി. അലിയാരിൽനിന്നു കിട്ടിയതായിരുന്നു.
ഗൾഫിൽനിന്ന് കള്ളക്കടത്ത് സംഘം കടത്തിയത് 4,522 കിലോ സ്വർണമെന്ന് ഡി.ആർ.ഐ. റിപ്പോർട്ട്. കഴിഞ്ഞ വർഷം മാർച്ച് വരെയുള്ള കാലയളവിൽ പെരുമ്പാവൂർ സ്വദേശികളുടെ നേതൃത്വത്തിലുള്ള സംഘം കടത്തിയ ലോഹത്തിന്റെ മൂല്യം 1,473 കോടി രൂപ വരുമെന്നും കോടതിയിൽ സമർപ്പിച്ച റിപ്പോർട്ടിൽ വ്യക്തമാക്കുന്നു. മുഹമ്മദ് ഫാസിൽ എന്നയാൾക്കും സംഘത്തിൽ നിക്ഷേപമുണ്ട്. സഹനിക്ഷേപകൻ എന്നതിനു പുറമേ ഫാസിലിനും ആസിഫിനും വേണ്ട സഹായങ്ങൾ ചെയ്തുകൊടുത്തിരുന്നതും സിറാജാണ്. ആസിഫും ഫാസിലും പിടികിട്ടാപ്പുള്ളികളാണ്.
വിദേശനാണ്യ വിനിമയച്ചട്ട പ്രകാരം ഇരുവരുടെയുംപേരിൽ കേസുകളുണ്ട്. ആസിഫിന്റെ 'ഐമെൽറ്റ്' എന്ന സ്ഥാപനത്തിലെ ജീവനക്കാരനായിരുന്ന ടി.എം. അൻവർ നൽകിയ മൊഴിയിൽനിന്നാണ് സംഘവുമായി സിറാജിനുള്ള ബന്ധം വെളിവാകുന്നത്. അന്വേഷകരിൽനിന്ന് രക്ഷപ്പെടാൻ പാകത്തിൽ ആസിഫിന് ഗതാഗതസൗകര്യം ഒരുക്കിയത് സിറാജാണെന്നും മൊഴിയിലുണ്ട്. 'ഐമെൽറ്റ് എക്സ്ട്രൂഷൻസി'ൽ ജോലിചെയ്തിരുന്നപ്പോൾ മിക്ക ദിവസവും ബ്രോഡ്വേയിലെ ശ്രീധർ തിയേറ്ററിനു പിന്നിലുള്ള സിറാജിന്റെ സ്ഥാപനത്തിൽനിന്ന് വൻതുകകൾ ആസിഫിനുവേണ്ടി കൈപ്പറ്റിയിരുന്നെന്നും അൻവർ മൊഴിയിൽ സമ്മതിച്ചിട്ടുണ്ട്.
ആസിഫിന്റെ മറ്റൊരു സുഹൃത്തായ എ.എ. അജാസിന്റെ മൊഴിയനുസരിച്ച് ആസിഫിന്റെ കേരളത്തിലെ യാത്രകളെല്ലാം സജ്ജീകരിച്ചിരുന്നത് സിറാജാണ്. ആസിഫും സിറാജും തമ്മിലുള്ള സംഭാഷണങ്ങളിൽ പണം ദുബായിൽ കിട്ടിയാൽ നന്നായിരുന്നുവെന്നു പറയുന്നത് ശ്രദ്ധയിൽപ്പെട്ടിരുന്നതായും അജാസ് വെളിപ്പെടുത്തിയിട്ടുണ്ട്. ഇത്തരം മൊഴികളും മറ്റു തെളിവുകളുമെല്ലാം കോർത്തിണക്കിയാണ് ഡി.ആർ.ഐ. കേസ് മുന്നോട്ടുനീക്കുന്നത്.
സ്വർണ്ണക്കടത്തിന്റെ രാജാവായ നിസാർ അലിയാർ
ഇന്ത്യയിൽ സ്വർണ്ണക്കടത്തിന്റെ രാജാവായ നിസാർ അലിയാർ തുറമുഖങ്ങൾ വഴി കണ്ടെയ്നർ വഴി കടത്തിയ സ്വർണം ആർക്കാണ് വിതരണം ചെയ്തത്? സ്വർണ ഉപഭോഗത്തിൽ മുൻപന്തിയിൽ നിൽക്കുന്ന കേരളത്തിലേക്കാണ് വലിയ തോതിൽ അലിയാരുടെ കടത്ത് സ്വർണം എത്തിയതെന്നാണ് ഡിആർഐ നൽകുന്ന വിവരം. ദുബായിൽ നിന്നും അലിയാർ ചെറിയ തോതിൽ സ്വർണം കടത്തിയ ശേഷം പിന്നീട് അത് വിപുലമാക്കുകയാണ് ചെയ്തത്. ഒരിക്കൽ പ്രമുഖ ജുവല്ലറി ഉടമയായ ജോയ് ആലുക്കാസ് കണ്ടെയ്നറുകൾ വഴി സ്വർണം കടത്തുന്ന വിവരം ഒരു ചാനൽ ചർച്ചയിൽ വെളിപ്പെടുത്തിയത്. കേരളത്തിലെ പ്രമുഖ ജുവല്ലറി ഉടമകളാണ് ഈ കള്ളക്കടത്തിനെ പ്രോത്സാഹിപ്പിക്കുന്നത് എന്നതാണ് ഡിആർഐക്കും ലഭിച്ച വിവരം. നിസാർ അലിയാർക്ക് വേണ്ടി മുകൾ റോത്തഗിയെ പോലുള്ള പ്രമുഖ അഭിഭാഷകർ കളത്തിലിറങ്ങിയതിന് പിന്നിലും കേരളത്തിലെ വമ്പന്മാരാണ്.
ഇതിനിടെ ദുബായിയിൽ നിന്ന് മുംബൈയിലേക്കും കേരളത്തിലേക്കും സ്വർണം കള്ളക്കടത്ത് നടത്താൻ 22 നിക്ഷേപകരുടെ കൂട്ടായ്മ കേന്ദ്ര റവന്യു ഇന്റലിജൻസ് കണ്ടെത്തിയെന്ന റിപ്പോർട്ടു പുറത്തുവന്നിരുന്നു. നിസാർ അലിയാനാണ് സ്വർണ്ണക്കടത്തിന്റെ സൂത്രധാരൻ എങ്കിലും മറ്റു കൂട്ടാളികളും ഇയാൾക്ക് ഉണ്ടായിരുന്നതായി കേന്ദ്ര റവന്യു ഇന്റലിജൻസ് തയ്യാറാക്കിയിട്ടുള്ള അന്വേഷണ റിപ്പോർട്ടിൽ ആരോപിക്കുന്നു. നിസാർ അലിയാരെ മുംബൈയിൽനിന്ന് പിടികൂടി അതീവ രഹസ്യമായി നിസാർ സൂക്ഷിച്ചിരുന്ന രേഖകൾ കണ്ടെടുത്തതോടെയാണ് അന്വേഷണ ഉദ്യോഗസ്ഥരെ ഞെട്ടിച്ച കള്ളക്കടത്ത് നിക്ഷേപകരുടെ ശൃംഖല വെളിച്ചത്തുവന്നത്. പെൻഡ്രൈവിൽ നിസാർ സൂക്ഷിച്ച വിവരങ്ങളാണ് പുറത്തുവന്നത്.
കള്ളക്കടത്ത് സംരംഭത്തിനായി 22 പേർ ഒത്തുചേർന്ന് ലക്ഷങ്ങളും കോടികളും നിസാർ അലിയാരെ ഏൽപ്പിച്ചിരുന്നു. ഇന്ത്യയിലുള്ള നിക്ഷേപകർ നൽകിയ തുക, ഹവാല ഇടപാട് വഴി നിസാർ അലിയാർ ദുബായിയിൽ എത്തിച്ചു. തന്റെ ജോലിക്കാരനായ കൽപ്പേഷ് നന്ദയുടെ പേരിൽ നിസാർ അലിയാർ ആരംഭിച്ച 'അൽ റംസ് മെറ്റൽ', 'ഡി.പി. മെറ്റൽ സ്ക്രാപ്പ്' എന്നീ സ്ഥാപനങ്ങൾ വഴിയായിരുന്നു ഇറക്കുമതി. നിസാർ അലിയാരെ പിടികൂടി അധികൃതർ ചോദ്യം ചെയ്തപ്പോൾ, കള്ളക്കടത്തിനു പിന്നിലുണ്ടായ ആസൂത്രണവും കോടികൾ നിക്ഷേപിക്കാൻ തയ്യാറായവരുടെ പേരുകളും വെളിപ്പെടുത്തി. നിസാർ ഒളിച്ചുെവച്ചിരുന്ന ഒരു പെൻഡ്രൈവ് അന്വേഷണ സംഘം കണ്ടെത്തി. അതിൽ ഇടപാടുകളുടെ വിശദമായ കണക്കുകൾ ഉണ്ടായിരുന്നു. മുൻകാലങ്ങളിൽ കോടികളുടെ സ്വർണം കള്ളക്കടത്ത് നടത്തിയതിന്റെ വിശദാംശങ്ങൾ നിസാർ തുടർന്ന് വെളിപ്പെടുത്തുകയും ചെയ്തുവെന്ന് അധികൃതർ പറഞ്ഞു.
നിരവധി പേരെ തുടർന്ന് അധികൃതർ ചോദ്യംചെയ്തു. അവരിൽനിന്ന് സ്വർണവും പണവും കണ്ടെടുത്തു. 'പുരൻ സിങ് രജപുത്' എന്നയാളുടെ മേശയിൽ നിന്ന് മാത്രമായി 68 ലക്ഷം രൂപ കണ്ടെടുത്തു. ഒരു ഇടനിലക്കാരനായിരുന്നു അയാൾ. ഓരോ നിക്ഷേപകന്റെ പേരും നിസാറിൽനിന്ന് കണ്ടെടുത്ത പെൻഡ്രൈവിൽ ഉണ്ടായിരുന്നു. ഇത്ര തുക നിക്ഷേപിച്ചുവെന്നും തുടർന്ന് ഇടപാടിൽനിന്ന് ലഭിച്ച കോടികളുടെ ലാഭം എത്രയെന്നും അതിൽ വ്യക്തമാക്കിയിരുന്നു. നിസാറിനോടൊപ്പം ചേർന്ന് പ്രവർത്തിച്ചിരുന്നത് വിശ്വസ്തരായ അഞ്ചുപേരായിരുന്നു. പലരെയും ചോദ്യം ചെയ്തതിൽനിന്ന്, ഇനിയും കോടികളുടെ ഇടപാടുകൾ വെളിച്ചത്തുവരാനുണ്ടെന്ന് അധികൃതർ റിപ്പോർട്ടിൽ പറയുന്നു. നിയമം ലംഘിച്ച് സ്വർണം ഇറക്കുമതി ചെയ്തതിന് നിസാർ അലിയാർ നയിക്കുന്ന സംഘത്തിലെ 22 പേർക്കും കേന്ദ്ര റവന്യു ഇന്റലിജൻസ് നോട്ടീസ് നൽകിയിട്ടുണ്ട്. കേസിൽ ഉൾപ്പെട്ടവരുടെ ബാങ്ക് അക്കൗണ്ടുകൾ അധികൃതർ പരിശോധിച്ചു. പത്തോളം വാഹനങ്ങളാണ് പിടികൂടിയിട്ടുള്ളത്. അവ കണ്ടുകെട്ടുന്നതാണ്.
നിസാർ അലിയാർക്ക് ദുബായിയിലും ജാംനഗറിലും മുംബൈയിലും കൊച്ചിയിലും വലിയ സുഹൃദ് ബന്ധങ്ങളുണ്ട്. ദുബായിയിൽ വലിയ ഓഫീസ് സൗകര്യങ്ങൾ ഒരുക്കിയിട്ടുണ്ട്. ജാംനഗറിലെ 'എസ്.എം. കോർപ്പറേഷൻ' എന്ന സ്ഥാപനത്തിന്റെ ഉടമ 'വിമൽ മോഹൻഭായി നരിയ' എന്നയാളാണ് മറ്റ് പലരെയും കള്ളക്കടത്ത് സംഘത്തിൽ ഉൾപ്പെടുത്തിയത്. അന്വേഷണ സംഘത്തിന്റെ ചോദ്യങ്ങൾക്ക് വ്യക്തമായ മറുപടികൾ നൽകിയില്ല. ഈ സംഘത്തിൽപ്പെട്ട മൂന്നുപേരിൽ നിന്നുമായി 49 കോടി രൂപ വിലവരുന്ന സ്വർണം അധികൃതർ പിടിച്ചെടുത്തിട്ടുണ്ട്. അവ കണ്ടുകെട്ടുന്നതിനായി നടപടി സ്വീകരിച്ചു.
പെരുമ്പാവൂർ സ്വദേശിയാണെങ്കിലും ആലുവയ്ക്ക് സമീപമുള്ള കാഞ്ഞൂർ കിഴക്കുംഭാഗം തുറവുങ്കര പള്ളാത്തുകടവിൽ വീട്ടിലാണ് താൻ താമസിക്കുന്നതെന്ന് നിസാർ അലിയാർ അധികൃതരോട് വെളിപ്പെടുത്തിയിട്ടുണ്ട്. അതേസസമയം സ്വർണക്കടത്ത് തുടങ്ങിയ ശേഷം തൊട്ടലെത്താം പൊന്നാക്കിയാണ് നിസാർ അലിയാർ വളർന്നത്. കടത്തു തുടങ്ങി ആറ് വർഷം കഴിഞ്ഞപ്പോൾ നിസാർ അലിയാർ ശതകോടികളുടെ സ്വർണം കൈകാര്യം ചെയ്യാൻ തുടങ്ങി. ഇതോടെ കോടികൾ കൊണ്ട് അമ്മാനമാടുകയായിരുന്നു ഇയാൾ. അതിനിടയിൽ, അലുമിനിയം പാഴ്വസ്തുക്കളുടെ ബിസിനസും തുടങ്ങി. അതുകൊച്ചിയിലേക്ക് കയറ്റി അയയ്ക്കാൻ തുടങ്ങി. ഈ രംഗത്ത് നിരവധി കച്ചവടക്കാരുമായി ബന്ധപ്പെടാൻ അവസരം കിട്ടി. ബന്ധം വളർന്നപ്പോൾ സ്വർണ വ്യാപാരികളുമായി കൂടുതൽ അടുക്കാൻ കഴിഞ്ഞു. ഷാർജയിൽ ഒരു ഗോഡൗൺ വാങ്ങി. അവിടെ പാഴ്വസ്തുക്കൾ കണ്ടെയ്നറിൽ നിറച്ച് ഇന്ത്യയിലേക്ക് കയറ്റുമതി ചെയ്തു.
അപ്പോഴാണ്, സ്വർണം കള്ളക്കടത്തിന്റെ വഴി പറഞ്ഞുതന്ന സുഹൃത്തിനെ കണ്ടെത്തിയത്. പാഴ്വസ്തുക്കളായ പിച്ചളയുമായി കലർത്തി, സ്വർണം കറുത്ത ചായം തേച്ച് കള്ളക്കടത്തായി ഇന്ത്യയിൽ എത്തിക്കാൻ കഴിയുമോ എന്ന് ഒരു സുഹൃത്ത് ചോദിച്ചു. വൻ കമ്മിഷനാണ് വാഗ്ദാനം കിട്ടിയത്. അതോടെ, 'അൽറംസ് മെറ്റൽ സ്ക്രാപ്പ് കമ്പനി' തുടങ്ങി. തന്റെ ജീവനക്കാരനായ കൽപ്പേഷ് നന്ദ അതിന് കളമൊരുക്കി. ആദ്യമായി അഞ്ച് കിലോഗ്രാമിന്റെ ഒരു സ്വർണക്കട്ടി പിച്ചള പാഴ്വസ്തുക്കളോടൊപ്പം കയറ്റി അയച്ചു. സഹായിക്കാൻ സുഹൃത്തുക്കൾ ഉണ്ടായിരുന്നു. ആദ്യ സംരംഭം വിജയിച്ചു. അതാണ് പ്രചോദനമായത്. തുടർന്ന് തൊട്ടതെല്ലാം പൊന്നായ പ്രതീതി. കോടികളുടെ സ്വർണം കള്ളക്കടത്തായി ഇന്ത്യയിലേക്ക് അയച്ചു. വലിയ സുഹൃദ്ബന്ധം അതിന് വഴിയൊരുക്കുകയും ചെയ്തുവെന്ന് നിസാർ, അധികൃതർ മുമ്പാകെ മൊഴി നൽകി.
Stories you may Like
- സ്വർണ്ണക്കടത്തിന് ഒത്താശ ചെയ്ത കസ്റ്റംസ് സൂപ്രണ്ടുമാരെ പിരിച്ചുവിട്ടു
- പിഡിപി ജനറൽ സെക്രട്ടറി നിസാർ മേത്തർ കസ്റ്റഡിയിൽ
- യുവം വേദിയിലെ 'സ്വർണകള്ളകടത്ത്' പരാമർശത്തെ വിമർശിച്ച് തോമസ് ഐസക്
- കുടുംബമായി യാത്ര ചെയ്യുന്നവർക്ക് കൂടുതൽ ഡിമാൻഡ്; കരിപ്പൂരിൽ മാഫിയ പിടിമുറുക്കുമ്പോൾ
- 1.17 കോടിയുടെ സ്വർണവുമായി യുവതി അറസ്റ്റിൽ
- TODAY
- LAST WEEK
- LAST MONTH
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- അസാധ്യം ഈ ആടുജീവിതം! ആദ്യപകുതി കഴിയുമ്പോഴേക്കും പ്രേക്ഷകരുടെ തൊണ്ട വരളും; നജീബിന്റെ അനുഭവങ്ങൾ ചുട്ടുപൊള്ളിക്കുന്നു; ബ്ലെസിയുടെ ചലച്ചിത്ര തപസ്സ് പാഴായിട്ടില്ല; എല്ലും തോലുമായുള്ള മേക്കോവറിൽ ഞെട്ടിച്ച് പൃഥിരാജ്; ഇതാ, മലയാളത്തിൽ നിന്ന് ഒരു ഇന്റർനാഷണൽ സിനിമ
- കോൺഗ്രസിൽ ചേക്കേറിയ നേതാവിന് ഒരുകാരണവശാലും സീറ്റ് കിട്ടരുത്; ലാലുവിനെ നേരിട്ട കണ്ട് ബെഗുസരായി സീറ്റ് സ്വന്തമാക്കി സിപിഐ; ജെഎൻയുവിലെ മുൻ തീപ്പൊരി നേതാവിന് ജന്മനാട്ടിൽ സീറ്റില്ല; ബിഹാറിൽ മഹാസഖ്യത്തിൽ തർക്കം; കനയ്യകുമാറിന് സിപിഐ കൊടുത്തത് എട്ടിന്റെ പണി
- ഏഷ്യയിലെ ഏറ്റവും സമ്പന്നയായ വനിത കോൺഗ്രസ് വിട്ടു; 25 ബില്യൻ ഡോളർ ആസ്തിയുള്ള സാവിത്രി ജിൻഡാൽ പാർട്ടി വിട്ടത് മകൻ നവീൻ ജിൻഡാൽ എംപിക്ക് പിന്നാലെ; മണിക്കൂറുകൾക്കുള്ളിൽ തന്നെ സ്ഥാനാർത്ഥിയാക്കി ബിജെപി; ഹരിയാനയിലും കോൺഗ്രസിന് നടുവൊടിയുമ്പോൾ
- 22 ലക്ഷം രൂപ തട്ടിയെടുത്തെന്ന് കേസ്; മോൻസൺ മാവുങ്കലിന്റെ മുൻ മാനേജർ അറസ്റ്റിൽ; പുരാവസ്തു നൽകാമെന്ന് വാഗ്ദാനം ചെയ്ത് പലരിൽ നിന്നും പണം തട്ടിയതായി പൊലീസ്; നിധി കുര്യൻ സോഷ്യൽ മീഡിയ ഇൻഫ്ളുവൻസറും, യാത്രികയും; ശ്രദ്ധ നേടിയത് ഒറ്റയ്ക്ക് കാറിൽ ഇന്ത്യ മുഴുവൻ യാത്ര ചെയ്ത്
- സ്വർണ്ണ കടത്തിൽ ഇഡി എത്തിയത് ശിവശങ്കറിനെ പൊക്കാൻ സെക്രട്ടറിയേറ്റിലെ ഓഫീസിൽ; മാസപ്പടിയിൽ കേന്ദ്ര ഏജൻസി ലക്ഷ്യമിടുന്നത് മുഖ്യമന്ത്രിയുടെ മകളെ; ഈ സാഹചര്യം കേരളത്തിൽ ഒരു മുഖ്യമന്ത്രിയും അഭിമുഖീകരിച്ചിട്ടില്ല; സിപിഎം പലവിധ ആലോചനകളിൽ
- സഞ്ജു നിരാശപ്പെടുത്തിയെങ്കിലും പരാഗിന്റെ തകർപ്പൻ പ്രകടനത്തിൽ ആരാധകരെ ത്രസിപ്പിച്ച് രാജസ്ഥാൻ; ഡൽഹിക്കെതിരെ 12 റൺസ് വിജയം; സഞ്ജുവിന്റെ ടീമിന് തുടർച്ചയായ രണ്ടാം ജയവും പന്തിന്റെ ടീമിന് രണ്ടാം തോൽവിയും
- 'മറ്റു രാജ്യങ്ങളുടെ ആഭ്യന്തര വിഷയങ്ങളിൽ ഇടപെടുന്നത് അംഗീകരിക്കാനാവില്ല; ഇന്ത്യയിലെ നിയമ നടപടി നിരീക്ഷിക്കുന്നത് സ്വതന്ത്ര ജുഡീഷ്യറി'; കെജ്രിവാളിന്റെ അറസ്റ്റിലെ യു എസ് പ്രസ്താവനയിൽ നയതന്ത്ര പ്രതിനിധിയെ വിളിച്ചുവരുത്തി മറുപടി നൽകി വിദേശകാര്യ മന്ത്രാലയം
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അബ്ദുൾ നാസർ മഅദനിയുടെ നില അതീവ ഗുരുതരം.; വെന്റിലേറ്ററിലേക്ക് മാറ്റി; ഡയാലിസിസ് തുടരുന്നു; കൊച്ചിയിൽ ഒരു മാസമായി ആശുപത്രിയിൽ കഴിയുന്നത് കരൾ രോഗ ചികിത്സയ്ക്കായി
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- 'എന്റെ മകൻ കെട്ടിയ താലി നീ ഇടേണ്ട'; മകന്റെ ഭാര്യയുടെ താലിമാല പൊട്ടിച്ച് കലി തുള്ളിയ 'മോഹിനി'! 35 പവനൊപ്പം 10 ലക്ഷം കൂടി വേണമെന്ന അത്യാഗ്രഹം; വീടും സ്ഥലവും മകന് എഴുതി കൊടുക്കാത്തിന് മരുമകളെ പുറത്താക്കിയ അമ്മായി അമ്മ; സത്യഭാമ വെറുമൊരു 'കലാമണ്ഡലം' അല്ല; സ്ത്രീപീഡന കേസും ചർച്ചകളിലേക്ക്
- പെരുന്നാളിന് നാട്ടിലെത്തുന്ന പ്രവാസികൾക്ക് സന്തോഷ വാർത്ത; മസ്കറ്റിൽനിന്നുള്ള വിമാന നിരക്ക് കുത്തനെ കുറച്ച് കമ്പനികൾ
- ഇന്നലെ ഉച്ചയ്ക്കും പുഞ്ചിരി തൂകിയ മുഖവുമായി ജീവനക്കാർക്കിടയിലൂടെ നടന്നു പോയ ഡോക്ടർ; എംബിബിഎസും എംഡിയും പഠിച്ചത് എൻട്രൻസിൽ ഉന്നത റാങ്കു നേടി തിരുവനന്തപുരത്ത്; വെള്ളനാട്ടെ അച്ഛനേയും അമ്മയേയും ആശ്വസിപ്പിക്കാൻ കഴിയാതെ അടുപ്പക്കാർ; രോഗികളോട് കരുണകാട്ടിയ ഡോ അഭിരാമിക്ക് സംഭവിച്ചത് എന്ത്?
- സ്വർണ്ണ കടത്തിൽ ഇഡി എത്തിയത് ശിവശങ്കറിനെ പൊക്കാൻ സെക്രട്ടറിയേറ്റിലെ ഓഫീസിൽ; മാസപ്പടിയിൽ കേന്ദ്ര ഏജൻസി ലക്ഷ്യമിടുന്നത് മുഖ്യമന്ത്രിയുടെ മകളെ; ഈ സാഹചര്യം കേരളത്തിൽ ഒരു മുഖ്യമന്ത്രിയും അഭിമുഖീകരിച്ചിട്ടില്ല; സിപിഎം പലവിധ ആലോചനകളിൽ
- ഹമാസ് ബന്ദിയാക്കി തടവിൽ പാർപ്പിക്കുന്നതിനിടെ നടത്തിയ ക്രൂരമായ ലൈംഗികാക്രമണങ്ങൾ വിവരിച്ച് 40 കാരിയായ ഇസ്രയേൽ യുവതി; മുഹമ്മദ് എന്ന ഹമാസ് ഗാർഡ് തോക്ക് ചൂണ്ടി നടത്തിയ ഞെട്ടിക്കുന്ന ആക്രമണം വിവരിച്ച് യുവതി
- അസാധ്യം ഈ ആടുജീവിതം! ആദ്യപകുതി കഴിയുമ്പോഴേക്കും പ്രേക്ഷകരുടെ തൊണ്ട വരളും; നജീബിന്റെ അനുഭവങ്ങൾ ചുട്ടുപൊള്ളിക്കുന്നു; ബ്ലെസിയുടെ ചലച്ചിത്ര തപസ്സ് പാഴായിട്ടില്ല; എല്ലും തോലുമായുള്ള മേക്കോവറിൽ ഞെട്ടിച്ച് പൃഥിരാജ്; ഇതാ, മലയാളത്തിൽ നിന്ന് ഒരു ഇന്റർനാഷണൽ സിനിമ
- ''മഹാരാജാസ് ഗ്രൗണ്ടിൽനിന്ന് സെക്സ് വർക്കേഴ്സിനെ കിട്ടിയാൽ ഹോസ്റ്റലിൽ എത്തിച്ച് ചോദ്യം ചെയ്യലാണ്; പുലരും വരെ ഓടിച്ചിട്ട് ഇടിയാണ്; നിലവിളി കേട്ട് രാത്രി മുഴുവൻ ഇരുന്ന് കരഞ്ഞിട്ടുണ്ട്''; എസ് എഫ് ഐയുടെ ക്രൂരമായ സദാചാര സംരക്ഷണം വെളിപ്പെടുത്തി സംവിധായകൻ പ്രതാപ് ജോസഫ്
- 26ാം വയസ്സിൽ സൂപ്പർസ്റ്റാറായ മോഹൻലാൽ; 21-ാം വയസ്സിൽ ഹിറ്റുണ്ടാക്കിയ കുഞ്ചാക്കോ ബോബൻ; 24-ാം വയസ്സിൽ സ്റ്റേറ്റ് അവാർഡ് വാങ്ങിയ പൃഥിരാജ്; ഈ നിരയിലേക്ക് 23-ാം വയസ്സിൽ 100 കോടി ക്ലബിലെത്തിയ സിനിമയുടെ നായകനും; നസ്ലൻ എന്ന ന്യൂജെൻ സൂപ്പർസ്റ്റാറിന്റെ ജീവിത കഥ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- വാതിലടച്ച് എസ് എഫ് ഐയുടെ വനിതാ പ്രസിഡന്റിനെ ആട്ടിയിറക്കിയ അമ്മ! ഒരക്ഷരം പോലും മിണ്ടാത്ത പ്രതിഷേധം; എല്ലാം എണ്ണി എണ്ണി പറഞ്ഞുള്ള അച്ഛന്റെ ചോദ്യങ്ങൾക്ക് മുന്നിൽ പതറിയ കുട്ടി സഖാക്കൾ; അനുശ്രീയ്ക്ക് നേരിടേണ്ടി വന്നത് കടുത്ത പ്രതിഷേധം; ഇനി എസ് എഫ് ഐ നേതാക്കൾ സിദ്ധാർത്ഥിന്റെ വീട്ടിൽ പോകില്ല
- നഗ്നപൂജയും പീഡനക്കേസും ജയിൽ ശിക്ഷയും വിവാദത്തിലാക്കിയ കട്ടപ്പനക്കാരൻ; പത്താംക്ലാസ് പഠന ശേഷം വീടു വിട്ടിറങ്ങി അലഞ്ഞു തിരിഞ്ഞ് സന്യാസിയായി; സ്വയം പ്രഖ്യാപിത ആൾദൈവത്തെ തകർത്തത് ശിഷ്യകളുടെ പരാതി; വിവാദ നായകൻ സന്തോഷ് മാധവൻ അന്തരിച്ചു
- ഹോസ്റ്റലിലെ 130 വിദ്യാർത്ഥികളുടെ മുന്നിൽ നഗ്നനാക്കി നിർത്തി; രണ്ട് ബെൽറ്റുകൾ മുറിയുന്നതു വരെ ക്രൂരമായ മർദ്ദനം; ഇരുമ്പുകമ്പിയും വയറുകളും ഉപയോഗിച്ചും മർദ്ദനം; കൊടും ക്രൂരതയ്ക്ക് സാക്ഷിയാകേണ്ടി വന്നവരോട് പറഞ്ഞത് 'പുറത്തുപറഞ്ഞാൽ തല കാണില്ല' എന്ന്; സിദ്ധാർഥന്റേത് ആൾകൂട്ട വിചാരണ നടത്തിയുള്ള 'കൊലപാതകം'
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- 35 കോടിയോളം മുടക്കിയെടുത്ത ദിലീപ് ചിത്രം; ബാന്ദ്ര ഇറങ്ങിയ പാടേ നെഗറ്റീവ് റിവ്യു നൽകിയതോടെ ചിത്രം പരാജയപ്പെട്ടെന്ന് ആരോപണം; മോശം റിവ്യുവിന് അശ്വന്ത് കോക്കും ഉണ്ണി വ്ലോഗ്സും അടക്കം 7 വ്ലോഗർമാർക്കെതിരെ അന്വേഷണത്തിന് ഉത്തരവ്
- കുടിച്ചു കൂത്താടുന്നവനല്ല, സമ്പൂർണ്ണ മദ്യവിരോധിയും സസ്യഭുക്കും! ലോകത്തിലെ ആറാമത്തെ സമ്പന്നനിൽ നിന്ന് പാപ്പരിലേക്ക്; മുകേഷിന്റെ മകന്റെ വിവാഹത്തിനെത്തിയത് ലിനൻ ഷർട്ട് ധരിച്ച് സാധാരണക്കാരനെപ്പോലെ; ഇപ്പോഴും 5000 കോടിയുടെ ആസ്തി; അനിൽ അംബാനിയുടെ വിചിത്ര ജീവിതം
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്