Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

ആൺകുട്ടിയെ ആഗ്രഹിച്ചു, ജനിച്ചത് പെൺകുട്ടി; 7 ദിവസം മാത്രം പ്രായമുള്ള കുഞ്ഞിനെ ടെറസിൽ നിന്ന് താഴേക്ക് എറിഞ്ഞ് കൊലപ്പെടുത്തി മുത്തശ്ശിയുടെ ക്രൂരത

ആൺകുട്ടിയെ ആഗ്രഹിച്ചു, ജനിച്ചത് പെൺകുട്ടി; 7 ദിവസം മാത്രം പ്രായമുള്ള കുഞ്ഞിനെ ടെറസിൽ നിന്ന് താഴേക്ക് എറിഞ്ഞ് കൊലപ്പെടുത്തി മുത്തശ്ശിയുടെ ക്രൂരത

മറുനാടൻ മലയാളി ബ്യൂറോ

ബെംഗളൂരു: പേരക്കുട്ടി പെൺകുഞ്ഞായതിൽ കുപിതായായ മുത്തശ്ശി 7 ദിവസം മാത്രം പ്രായമുള്ള കുട്ടിയെ വീടിന്റെ ടെറസിൽ നിന്ന് താഴേക്ക് എറിഞ്ഞ് കൊലപ്പെടുത്തി. ബെംഗളൂരുവിലെ മ്യാതരഹള്ളിയിൽ വെള്ളിയാഴ്ച രാത്രിയാണ് സംഭവം. മുത്തശ്ശി പരമേശ്വരി(60) യെ കുഞ്ഞിനെ നോക്കാൻ ഏൽപ്പിച്ച് അമ്മ തമിഴ്‌ശെൽവി ബാത്ത്‌റൂമിൽ പോയി. ഈ തക്കം നോക്കി പെൺകുട്ടിയെ താഴേക്ക് എറിഞ്ഞ് പരമേശ്വരി കൊലപ്പെടുത്തുകയായിരുന്നു. തമിഴ്‌ശെൽവി തിരികെ എത്തിയപ്പോൾ കുഞ്ഞിനെ കാണാനില്ലായിരുന്നു. കുട്ടിയെപറ്റി അന്വേഷിച്ചപ്പോൽ അപരിചിതരായ ആളുകൾ വീട്ടിനകത്ത് കയറി കുഞ്ഞിനെ ബലമായി പിടിച്ചുകൊണ്ടുപോയതായി പരമേശ്വരി തെറ്റിദ്ധരിപ്പിച്ചു.

ഇതോടെ തമിൾശെൽവി ബഹളം വെച്ചു. സംഭവം അറിഞ്ഞ് സ്ഥലത്തെത്തിയ പൊലീസ് കുഞ്ഞിന് വേണ്ടിയുള്ള അന്വേഷണം ആരംഭിച്ചു. ഇതിനിടെ തലയ്ക്ക് ഗുരുതരമായ പരിക്കുകളോടെ കുട്ടിയുടെ മൃതദേഹം വീടിനു സമീപത്തുള്ള ഒഴിഞ്ഞ പറമ്പിൽ നിന്ന് പൊലീസിന് ലഭിച്ചു. ബെംഗളൂരുവിലെ സ്വകാര്യ ആശുപത്രിയിൽ മാസം തികയാതെയാണ് കുഞ്ഞ് ജനിച്ചത്. പെൺകുട്ടിയായതിനെ തുടർന്ന് കുഞ്ഞിന്റെ സമീപത്ത് ഇരിക്കാൻ പോലും പരമേശ്വരിക്ക് താത്പര്യമുണ്ടായിരുന്നില്ല. ഇതിനിടെ തമിഴ്‌ശെൽവി സമീപത്തില്ലാതിരുന്ന അവസരത്തിൽ ഇവർ കുഞ്ഞിനെ കൊലപ്പെടുത്തുകയായിരുന്നു. പൊലീസിന്റെ ചോദ്യം ചെയ്യലിൽ പരമേശ്വരി കുറ്റം സമ്മതിച്ചു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP