Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

യുകെയിലേക്ക് ജോലിക്കു പോകുന്ന മലയാളി നഴ്‌സുമാർക്കുള്ള ഇംഗ്ലീഷ് യോഗ്യതയിലെ ഇളവിന് ഔദ്യോഗിക അംഗീകാരം; കഴിഞ്ഞ രണ്ടു വർഷക്കാലമായി ഒഇടി പരീക്ഷ എഴുതുകയും റൈറ്റിങ് മൊഡ്യൂളിന് സി പ്ലസും ബാക്കി മൂന്നു വിഷയങ്ങളിൽ ബിയും ഉള്ളവർക്ക് ഇനി യുകെയിൽ നഴ്‌സായി ജോലി ചെയ്യാം: പുതിയ പരിഷ്‌കാരങ്ങൾ ജനുവരി മുതലുള്ള അപേക്ഷകർക്ക്

യുകെയിലേക്ക് ജോലിക്കു പോകുന്ന മലയാളി നഴ്‌സുമാർക്കുള്ള ഇംഗ്ലീഷ് യോഗ്യതയിലെ ഇളവിന് ഔദ്യോഗിക അംഗീകാരം; കഴിഞ്ഞ രണ്ടു വർഷക്കാലമായി ഒഇടി പരീക്ഷ എഴുതുകയും റൈറ്റിങ് മൊഡ്യൂളിന് സി പ്ലസും ബാക്കി മൂന്നു വിഷയങ്ങളിൽ ബിയും ഉള്ളവർക്ക് ഇനി യുകെയിൽ നഴ്‌സായി ജോലി ചെയ്യാം: പുതിയ പരിഷ്‌കാരങ്ങൾ ജനുവരി മുതലുള്ള അപേക്ഷകർക്ക്

മറുനാടൻ ഡെസ്‌ക്‌

ലണ്ടൻ: യുകെയിൽ നഴ്‌സായി ജോലി ചെയ്യാൻ ഐഇഎൽടിഎസിനു പുറമെ ഒഇടി (ഒക്യുപേഷണൽ ഇംഗ്ലീഷ് ടെസ്റ്റ്) ക്കും ഇളവ് നൽകിക്കൊണ്ടുള്ള ബ്രിട്ടനിലെ നഴ്‌സിങ് ആൻഡ് മിഡ് വൈഫറി കൗൺസിൽ (എൻഎംസി) തീരുമാനത്തിന് ഔദ്യോഗിക അംഗീകാരമായി. ഇന്നലെ ചേർന്ന എൻഎംസി യോഗമാണ് തീരുമാനം അംഗീകരിച്ചത്. ജനുവരി മുതലുള്ള അപേക്ഷകൾക്കു പുതിയ ഇളവ് ബാധകമാണ്. ഒഇടി പരീക്ഷ എഴുതുമ്പോൾ റൈറ്റിങ് മൊഡ്യൂളിന് മാത്രം സിപ്ലസ് മതി എന്നതാണ് ഈ ഇളവ്. സ്പീക്കിങ്, ലിസണിങ്, റീഡിങ് എന്നീ മൂന്ന് മൊഡ്യൂളുകൾക്കും ബി വേണം. ഇതുവരെ റൈറ്റിംഗിനും ഇതു ബാധകം ആയിരുന്നു. ആ സ്‌കോറിലാണ് ഇപ്പോൾ ഇളവ് വരുത്തിയിരിക്കുന്നത്.

ഏറ്റവും പ്രധാനപ്പെട്ട കാര്യം പുതിയ ഇളവ് കഴിഞ്ഞ രണ്ടു വർഷത്തിനിടയിൽ പരീക്ഷ പാസായവർക്കും ബാധകമാണ് എന്നതാണ്. ഐഇഎൽടിഎസ്, ഒഇടി പരീക്ഷ ഫലത്തിന്റെ കാലയളവ് സാധാരണ രണ്ടു വർഷമാണ്. എന്നാൽ ജനുവരിയിൽ ഇത് നിലവിൽ വരുന്നതിനാൽ ജനുവരിക്ക് മുൻപുള്ള രണ്ടു വർഷമായിരിക്കും പരിഗണിക്കുക. അതായത് 2018 ജനുവരിക്കും 2020 ജനുവരിക്കും ഇടയിൽ പരീക്ഷ എഴുതി റൈറ്റിംഗിനു മാത്രം സി പ്ലസ് ഉള്ളതിനാൽ വിഷമിച്ചിരിക്കുന്നവർക്ക് ഗുണകരമാകും.

ഒരു മാസം നീണ്ടു നിന്ന വിശദമായ പരിശോധനകൾക്കു ശേഷമാണ് ഒഇടി സ്‌കോർ കുറയ്ക്കുവാൻ തീരുമാനിച്ചത്. ചരിത്രപരമായ പുതിയ തീരുമാനം ഇന്ത്യയിലും ഗൾഫിലുമെല്ലാമായി കുറഞ്ഞ ശമ്പളത്തിന് ജോലി ചെയ്യുന്ന നഴ്‌സുമാർക്ക് പുതിയ അവസരത്തിനാണ് വഴി തുറക്കുന്നത്. നിരവധി തവണ ഒഇടി ടെസ്റ്റ് എഴുതിയിട്ടും റൈറ്റിങ് മൊഡ്യൂൾ എന്ന കടമ്പ കടക്കാനാവാതെ നിരവധി പേരാണ് പരാജയപ്പെടുന്നത്. അനേകം മലയാളി നഴ്‌സുമാരാണ് നാലും അഞ്ചും തവണ ബാക്കി എല്ലാത്തിനും ബി നേടിയിട്ടും നേടിയിട്ടും റൈറ്റിങ്ങിൽ സി പ്ലസിൽ കുടുങ്ങി കിടക്കുന്നത്. റൈറ്റിംഗിനു മാത്രം സി പ്ലസ് ആയതുകൊണ്ട് ബ്രിട്ടനിലെ നഴ്‌സിങ് ജോലി എന്ന സ്വപ്നം ഉപേക്ഷിച്ചവർ നിരവധിയാണ്.

അതുകൊണ്ട് തന്നെ എൻഎംസിയുടെ പുതിയ പരിഷ്‌കാരം ഇപ്പോൾ ഒഇടിയിക്ക് പരിശ്രമിച്ചു കൊണ്ടിരിക്കുന്ന ആയിരക്കണക്കിന് മലയാളി നഴ്‌സുമാർക്കെങ്കിലും ഒറ്റയടിക്ക് ആശ്വാസമാകും. കഴിഞ്ഞ രണ്ട് വർഷത്തിനിടയിൽ ഇവർ ഒഇടി എഴുതുകയും അതിൽ റൈറ്റിങ് സി പ്ലസും ബാക്കിയെല്ലാം ബിയും ആണെങ്കിൽ അവർക്ക് ഇനി പരീക്ഷ എഴുതേണ്ട കാര്യമില്ല. ഉടൻ തന്നെ ഇവർക്ക് ബ്രിട്ടനിൽ ജോലി ചെയ്യാനുള്ള പ്രൊസസ് തുടങ്ങാം.

ചുവടെ കൊടുത്തിരിക്കുന്ന പോയന്റുകൾ മറക്കരുത്
2018 ജനുവരി മുതൽ 2020 ജനുവരി വരെയുള്ള രണ്ടു വർഷത്തിനിടയിൽ ഒഇടി പരീക്ഷ എഴുതി റെറ്റിംഗിനു മാത്രം സി പ്ലസ് നേടിയവർക്ക് ഇനി പരീക്ഷ എഴുതാതെ തന്നെ യുകെയിൽ പോകാം.
നാലു മൊഡ്യൂളുകളിൽ റൈറ്റിങ് ഒഴികെയുള്ളവർക്ക് ബിയോ അതിൽ കൂടുതലോ റൈറ്റിങ്ങിനു സി പ്ലസോ നിർബന്ധമായും ലഭിക്കണം.
റൈറ്റിങ്ങിൽ സി പ്ലസും മറ്റ് മൂന്നു മൊഡ്യൂളുകളിൽ കുറഞ്ഞത് ബിയോ ഇല്ലെങ്കിൽ യോഗ്യത ലഭിക്കുകയില്ല.
പുതിയതായി പരീക്ഷ എഴുതുന്നവർക്കും ഇതു ബാധകമാണ്.

ലിവർപൂൾ മുതൽ യോർക്ക് വരെയുള്ള ആറ് എൻഎച്ച്എസ് ട്രസ്റ്റുകളിലെ 14 ആശുപത്രികളിലേക്കുള്ള നഴ്സുമാരുടെ അടിയന്തിര റിക്രൂട്ട്മെന്റ് ഡിസംബറിൽ നടക്കുന്നതിനാൽ ഈ അവസരം ഇപ്പോൾ തന്നെ പ്രയോജനപ്പെടുത്താവുന്നതാണ്. ഡിസംബറിൽ 3, 5, 9, 10, 13, 17, 19 ദിവസങ്ങളിലാണ് ഇന്റർവ്യൂ നടക്കുക.

യുകെയിലെ ആറ് എൻഎച്ച്എസ് ട്രസ്റ്റുകൾക്കു കീഴിൽ പ്രവർത്തിക്കുന്ന 14 എൻഎച്ച്എസ് ആശുപത്രികളിലേക്കാണ് ഇന്റർവ്യൂ. സ്‌കൈപ്പ് വഴി നടക്കുന്ന ഈ ഇന്റർവ്യൂവിൽ പങ്കെടുക്കുന്നവർക്ക് സുരക്ഷിതമായി യുകെയിലേക്ക് എത്താനുള്ള അവസരം ഒരുങ്ങുന്നത്. ലിവർപൂൾ, മാഞ്ചസ്റ്റർ, വിഗാൻ, സ്റ്റോക്ക്പോർട്ട്, ലങ്കാസ്റ്റർ, ലീഡ്സ്, സ്‌കാർബറോ, യോർക്ക് എന്നീ 14 എൻഎച്ച്എസ് ഹോസ്പിറ്റലുകളിലാണ് നഴ്സുമാരെ ആവശ്യം. അടിയന്തിര നിയമനം നടത്തുന്ന ഈ ആശുപത്രികളിലേക്ക് അപേക്ഷിക്കാൻ ഒഇടി റൈറ്റിംഗിന് സി പ്ലസും ബാക്കിയുള്ളതിന് ബിയും ഉള്ളവരോ, അല്ലെങ്കിൽ ഐഇഎൽടിഎസ് പാസായിട്ടുള്ളവരോ ആണ് നിങ്ങളെങ്കിൽ ഉടൻ തന്നെ [email protected] എന്ന ഇമെയിൽ ഐഡിയിലേക്ക് നിങ്ങളുടെ സിവി അയക്കുക. പ്രമുഖ മലയാളി ഏജൻസിയായ വോസ്ടെക് തന്നെയാണ് സൗജന്യ നഴ്സിങ് റിക്രൂട്ട്മെന്റ് ചുമതല ഏറ്റെടുത്തിരിക്കുന്നത്.

ഒഇടി പാസ്സായതു കൊണ്ട് മാത്രം യുകെയിൽ ജോലി കിട്ടുമോ?
ഒഇടി പാസ്സായി എന്നതുകൊണ്ട് മാത്രം നഴ്‌സായി യുകെയിൽ ജോലി കിട്ടുമെന്നു ആരും കരുതരുത്. അതിനു രണ്ടു കടമ്പകൾ കൂടി ഉണ്ട്. നാട്ടിൽ നിന്നും ഓൺലൈനായി ഒരു പരീക്ഷയിൽ പങ്കെടുക്കുകയും യുകെയിൽ എത്തിയ ശേഷം ഒരു പരീക്ഷ എഴുതുകയും വേണം. എന്നാൽ ഇതു രണ്ടും ഒഇടി പാസാകുന്നതിനേക്കാൾ വളരെ എളുപ്പമാണ്. ഒഇടി പാസ്സാകുന്നവരിൽ 99 ശതമാനം പേരും ഈ പരീക്ഷകൾ പാസ്സാകും. എന്നു മാത്രമല്ല ഇവർക്ക് പരീക്ഷ എഴുതാൻ പല അവസരങ്ങൾ ലഭിക്കുകയും ചെയ്യും.

നഴ്സിങ് പാസ്സാവുക എന്നതാണ് ആദ്യത്തേത്. പിന്നാലെ ഒഇടി എഴുതി മുകളിൽ പറഞ്ഞതു പോലെ യോഗ്യത നേടുക. അതിനു ശേഷം ഡിസിഷൻ ലെറ്ററിന് വേണ്ടി അപേക്ഷിക്കാം. ഡിസിഷൻ ലെറ്റർ ലഭിച്ചു കഴിഞ്ഞാൽ ഓൺലൈൻ വഴി ഒരു കമ്പ്യൂട്ടർ ബേയ്സ്ഡ് ടെസ്റ്റായ സിബിറ്റി പാസ്സാകണം. അതു പാസ്സായി കഴിഞ്ഞാൽ യുകെയിൽ എത്തി പരിശീലനം തുടങ്ങുകയും അവിടെ വച്ചു പ്രാക്ടിക്കൽ ടെസ്റ്റ് എഴുതുകയും വേണം. അതിന്റെ വിശദാംശങ്ങൾ ചുവടെ കൊടുക്കുന്നു.

ആ രണ്ട് പരീക്ഷകൾ എങ്ങനെ ജയിക്കും?
എൻഎംസി വെബ്‌സൈറ്റ് വഴി ഓൺലൈൻ കോംപിറ്റൻസി ടെസ്റ്റിൽ പങ്കെടുക്കുകയാണ് ആദ്യത്തേത്. അപേക്ഷകർ അതാത് രാജ്യത്തെ ടെസ്റ്റ് സെന്ററുകളിൽ എത്തി വേണം ഒബ്ജക്ടീവ് ടൈപ്പ് പരീക്ഷയിൽ പങ്കെടുക്കേണ്ടത്. ഇന്ത്യയിൽ എവിടെയൊക്കെയാണ് ടെസ്റ്റ് സെന്റർ എന്ന് എൻഎംസി വെബ്‌സൈറ്റിൽ ഉണ്ട്. യുകെയിൽ നഴ്‌സായി ജോലി ചെയ്യാൻ ആവശ്യമായ അക്കാഡമിക് കാര്യങ്ങൾ ഉൾക്കൊള്ളുന്നതായിരിക്കും ആർഎൻ മാതൃകയിലുള്ള ഈ ടെസ്റ്റ്. ഈ ടെസ്റ്റ് പാസ്സായാൽ യുകെയിലേക്ക് താത്ക്കാലിക വിസയ്ക്ക് അപേക്ഷിക്കാം.

യുകെയിൽ എത്തി എൻഎംസി നേരിട്ട് നടത്തുന്ന പ്രാക്ടിക്കൽ ടെസ്റ്റിൽ പങ്കെടുത്ത് അത് പാസ്സായി പിൻനമ്പർ നേടുകയാണ് അടുത്ത ഘട്ടം. പ്രാക്ടിക്കൽ ടെസ്റ്റ് നടത്താൻ ആദ്യം ഒരു യൂണിവേഴ്‌സിറ്റിക്ക് മാത്രമാണ് എൻഎംസി ആദ്യം അനുമതി നൽകിയിരുന്നത്. പിന്നീട് യുകെയിലെ ഒട്ടേറെ യൂണിവേഴ്‌സിറ്റികൾ ടെസ്റ്റ് സെന്ററുകൾ മാറ്റി. രണ്ട് ടെസ്റ്റുകളും പാസ്സാകുന്നവരെ എൻഎംസി ഓഫീസിൽ അഭിമുഖത്തിനായി വിളിക്കും. അവിടെ വച്ച് തന്നെ പിൻനമ്പർ നൽകുകയാണ് ചെയ്യുക. ഇങ്ങനെ പിൻനമ്പർ ലഭിക്കുന്നവർക്ക് യുകെയിലെ നഴ്‌സിങ്ങ് ഹോമുകളിലോ എൻഎച്ച്എസ് ആശുപത്രിയിലോ ബാൻഡ് 5 നഴ്‌സായി ജോലിയിൽ പ്രവേശിക്കാം.

ഏജൻസിക്ക് കാശു കൊടുക്കരുത്... എല്ലാം സൗജന്യം
പേപ്പർ വർക്കുകൾ തലവേദന ഏറിയതായതിനാൽ ഏജന്റുമാർ രംഗത്തിറങ്ങുമെന്നു മറക്കരുത്. വളരെ കരുതലോടെ അവരെ കൈകാര്യം ചെയ്യുക. നിങ്ങൾക്ക് നൂറു ശതമാനം ഉറപ്പില്ലാത്ത ഒരു ഏജന്റിന്റെയും ഉപദേശം സ്വീകരിക്കരുത്. തന്നെ ചെയ്തു കുളമാക്കുന്നതിലും നല്ലത് പണി അറിയാവുന്ന വിശ്വസ്ഥരോടൊപ്പം ചെയ്യുകയാണ്. വേണ്ടത്ര അന്വേഷണം നടത്തി ഞങ്ങൾ ഒരു സ്ഥാപനത്തെ നിങ്ങൾ പരിചയപ്പെടുത്താം. ഒരു പൈസ പോലും അപേക്ഷകരിൽ നിന്നും വാങ്ങുകയില്ല എന്ന ഉറപ്പിന്റെ പേരിലാണ് ഞങ്ങൾ അവരെ പരിചയപ്പെടുത്തുന്നത്.

വൊസ്റ്റെക്ക് ഇന്റർനാഷണൽ എന്ന ഈ സ്ഥാപനം ലണ്ടൻ അടിസ്ഥാനമായി പ്രവർത്തിക്കുന്ന മലയാളികൾ നടത്തുന്ന സ്ഥാപനമാണ്. ഇവർ അപേക്ഷകരിൽ നിന്നും ഫീസ് വാങ്ങുന്നില്ല എന്നു മാത്രമല്ല വർക്ക് പെർമിറ്റ്, വിസ ഫീസുകളും അവർ തന്നെ വഹിക്കും. അതുകൊണ്ട് ധൈര്യമായി ഈ സ്ഥാപനത്തെ ബന്ധപ്പെട്ട് നിങ്ങളുടെ അപേക്ഷകൾ നീക്കാം. അവരുടെ കാൽ നൂറ്റാണ്ടു പരിചയം മൂലം തെറ്റുപറ്റാതെ നിങ്ങളെ യുകെയിൽ എത്തിക്കാൻ കഴിയും എന്നു മറക്കേണ്ട. കൂടുതൽ വിവരങ്ങൾക്ക് ബന്ധപ്പെടുക [email protected].

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP