Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

ലൈംഗിക സംതൃപ്തിക്കുവേണ്ടി പ്രായപൂർത്തിയാകാത്ത കുഞ്ഞുങ്ങളെ കെട്ടിക്കാൻ ഒത്താശ ചെയ്തു ഷിയ പുരോഹിതർ; ഇറാഖിൽനിന്നും ബിബിസി പകർത്തിയ ഞെട്ടിക്കുന്ന ദൃശ്യങ്ങൾക്കെതിരേ ഷിയ മുസ്ലിം സമൂഹം; വിട്ടുവീഴ്ചയില്ലാതെ ബിബിസിയും; ഷിയ സമൂഹത്തിന്റെ ലൈംഗിക അരാജകത്വം തുറന്നുകണ്ടപ്പോൾ ലോകത്തിന് ഞെട്ടൽ

ലൈംഗിക സംതൃപ്തിക്കുവേണ്ടി പ്രായപൂർത്തിയാകാത്ത കുഞ്ഞുങ്ങളെ കെട്ടിക്കാൻ ഒത്താശ ചെയ്തു ഷിയ പുരോഹിതർ; ഇറാഖിൽനിന്നും ബിബിസി പകർത്തിയ ഞെട്ടിക്കുന്ന ദൃശ്യങ്ങൾക്കെതിരേ ഷിയ മുസ്ലിം സമൂഹം; വിട്ടുവീഴ്ചയില്ലാതെ ബിബിസിയും; ഷിയ സമൂഹത്തിന്റെ ലൈംഗിക അരാജകത്വം തുറന്നുകണ്ടപ്പോൾ ലോകത്തിന് ഞെട്ടൽ

മറുനാടൻ ഡെസ്‌ക്‌

ലണ്ടൻ: ലൈംഗിക സുഖത്തിനായി പെൺകുട്ടികളെ ഉപയോഗിക്കുന്ന ഇറാഖിലെ മതപുരോഹിതരെ തുറന്നുകാണിക്കുന്ന ബിബിസി ഡോക്യുമെന്ററി തിരികൊളുത്തിയതിന് വൻവിവാദത്തിന്.. ' അണ്ടർകവർ വിത്ത് ദ ക്ലെറിക്‌സ്-ഇറാഖ്‌സ് സീക്രട്ട് സെക്്‌സ് ട്രേഡ്' എന്ന പരിപാടിയാണ് വിവാദമായത്. ഒമ്പതുവയസ്സുള്ള കുട്ടികളെപ്പോലും ലൈംഗികാടിമകളാക്കുന്ന ഞെട്ടിപ്പിക്കുന്ന വെളിപ്പെടുത്തലുകളാണ് ഈ ഡോക്യുമെന്ററിയിലൂടെ ലോകമറിഞ്ഞത്.

എന്നാൽ, ഈ ഡോക്യുമെന്ററി നീക്കം ചെയ്യണമെന്നാവശ്യപ്പെട്ട് ഷിയ മുസ്ലീങ്ങൾ രംഗത്തെത്തി. ഷിയ വിശ്വാസം പിന്തുടരുന്ന മുസ്ലീങ്ങൾക്ക് ഡോക്യുമെന്ററിയിൽ പറഞ്ഞിരിക്കുന്ന കാര്യങ്ങൾ തീർത്തും അപമാനകരമാണെന്ന് അവർ ചൂണ്ടിക്കാട്ടി. ഇതിനകം ഡോക്യുമെന്റി പിൻവലിക്കണമെന്നാവശ്യപ്പെട്ട് 17,000 പേർ നിവേദനത്തിൽ ഒപ്പുവെച്ചു. ഒക്ടോബർ മൂന്നിനാണ് ഇറാഖിലെ ലൈംഗിക വ്യാപാരം തുറന്നുകാട്ടുന്ന ഡോക്യുമെന്ററി സംപ്രേഷണം ചെയ്തത്.

വിവാഹേതര ബന്ധങ്ങൾക്ക് ഷിയ വിശ്വാസമനുസരിച്ച് വിലക്കുണ്ട്. എന്നാൽ, ബിബിസിയിലെ വേഷപ്രച്ഛന്നരായ മാധ്യമപ്രവർത്തകർ സമീപിച്ച പത്ത് പുരോഹിതരിൽ എട്ടുപേരും ചെറിയ പ്രായത്തിലുള്ള പെൺകുട്ടികളെ വിവാഹം ചെയ്തുകൊടുക്കാൻ സന്നദ്ധരായെന്ന് ഡോക്യുമെന്ററി വെളിപ്പെടുത്തുന്നു. പ്ലെഷർ മാര്യേജ് എന്നാണിതറിയപ്പെടുന്നത്. എന്നാൽ, ഷിയ വിശ്വാസത്തിന്റെ ഭാഗമല്ലാത്തവരെയാണ് ഡോക്യുമെന്ററിയിൽ ചിത്രീകരിച്ചിരിച്ചിരിക്കുന്നതെന്നും അപകീർത്തികരമാണ് ഇതെന്നും നിവേദനം നൽകിയവർ പറയുന്നു.

എന്തുതന്നെയായാലും ഡോക്യുമെന്ററി ഡിലീറ്റ് ചെയ്യില്ലെന്ന് ബിബിസി വ്യക്തമാക്കി. പതിനൊന്ന് മാസം നീണ്ട അന്വേഷണത്തിലൂടെയാണ് ഇതിനാവശ്യമായ വിവരങ്ങളും ദൃശ്യങ്ങളും ശേഖരിച്ചത്. പെൺകുട്ടികളെയും കൗമാരക്കാരെയും ലൈംഗികമായി ദുരുപയോഗം ചെയ്യുന്നുവെന്നതിന് വ്യക്തമായ തെളിവുകളുണ്ട്. ബിബിസിയുടെ എഡിറ്റോറിയൽ മാർഗനിർദ്ദേശങ്ങൾ അപ്പാടെ പാലിച്ചുകൊണ്ടാണ് ഡോക്യുമെന്ററി ചിത്രീകരിച്ചിട്ടുള്ളത്. അത് നീക്കം ചെയ്യില്ലെന്നും വക്താവ് വ്യക്തമാക്കി.

ഇറാഖിനെയും ഷിയ മുസ്ലീങ്ങളെയും താറടിച്ചുകാണിക്കുകയാണ് ഡോക്യുമെന്ററിയുടെ ഉദ്ദേശ്യമെന്ന് നിവേദനതത്തിലൊപ്പിട്ടവർ ആരോപിക്കുന്നു. ഡോക്യുമെന്ററിയിലുള്ള കുട്ടികൾക്കും യുവതികൾക്കും അവരുടെ വാക്കുകൾ അവരുടെ വിശ്വാസത്തിനെതിരായി ഉപയോഗിക്കുമെന്ന യാതൊരു ധാരണയുമുണ്ടായിരുന്നില്ലെന്നും അവർ പറയുന്നു.

ഇറാഖിലെ യുവതികളെയും പെൺകുട്ടികളെയും കെണിയിൽപ്പെടുത്തി ലൈംഗിക അടിമകളാക്കുന്നതായി ഡോക്യുമെന്ററി വെളിപ്പെടുത്തുന്നു. ഇതിന് മതപുരോഹിതർ കൂട്ടുനിൽക്കുകയും ചെയ്യുന്നു. ഒരു പുരോഹിതൻ തന്റെ സുഹൃത്തുക്കൾക്കായി പെൺകുട്ടിയെ വിൽക്കുമ്പോൾ, മറ്റൊരു 13-കാരിയെ പുരോഹിതൻ തന്നെ പ്ലെഷർ മാര്യേജിന് വിധേയമാക്കുന്നതായും ഡോക്യുമെന്ററി വെളിപ്പെടുത്തുന്നു.

ഇറാഖിലെ ഷിയ മുസ്ലീങ്ങളുടെ പുണ്യ നഗരമായ കർബലയിൽ തന്ന സമീപിച്ച മാധ്യമപ്രവർത്തകനോട് പുരോഹിതൻ പറയുന്നത്, ഒമ്പതുവയസ്സുകഴിഞ്ഞാൽ പിന്നൊരു പ്രശ്‌നവുമില്ലെന്നാണ്. എന്താണ് അവളുമായി ചെയ്യേണ്ടതെന്ന് നിങ്ങൾക്ക് തീരുമാനിക്കാം. എന്തുചെയ്യാനും നിങ്ങൾക്ക് അനുവാദമുണ്ട്. ആഗ്രഹങ്ങളെല്ലാം പൂർത്തീകരിക്കാമെന്നും പുരോഹിതൻ പറയുന്നതായി ഡോക്യുമെന്ററിയിലുണ്ട്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP