തിരുവനന്തപുരം അടക്കം 16 ഇടങ്ങളിൽ യുഡിഎഫ് നേടുമ്പോൾ പത്തനംതിട്ടയിൽ സുരേന്ദ്രന് ഞെട്ടിക്കുന്ന മേൽകൈ; പാലക്കാടും ആലപ്പുഴയും ആറ്റിങ്ങലും ഇടതിന്; ഇഞ്ചോടിഞ്ഞ് മത്സരം തിരുവനന്തപുരത്തും പത്തനംതിട്ടയിലും മാത്രം; രാഷ്ട്രീയ ഭേദം മറന്ന് തെരഞ്ഞെടുപ്പിന് ശേഷം മലയാളികൾ വിലയിരുത്തുന്നത് ഇങ്ങനെ; മറുനാടൻ-റാവിസ് ഗ്രൂപ്പ് തെരഞ്ഞെടുപ്പ് പ്രവചന മത്സരത്തിന്റെ ട്രെൻഡ് വിലയിരുത്തുമ്പോൾ
മറുനാടൻ ഡെസ്ക്
തിരുവനന്തപുരം: കേരളത്തിൽ 16 സീറ്റുകൾ യുഡിഎഫ് നേടുമെന്ന് മറുനാടൻ-റാവിസ് ഗ്രൂപ്പ് ഓൺലൈൻ അഭിപ്രായ സർവ്വേ ഫലം. ഇടത് മുന്നണിക്ക് മൂന്ന് സീറ്റുകൾ മാത്രമാണുള്ളത്. പത്തനംതിട്ടയിൽ കെ സുരേന്ദ്രനൊപ്പമാണ് അഭിപ്രായ സർവ്വേ. അതിശക്തമായ മത്സരം നടക്കുന്നത് തിരുവനന്തപുരത്താണ്. ഇവിടെ ശശി തരൂരിന് നേരിയ മുൻതൂക്കമുണ്ട്. എന്നാൽ തൊട്ടുപിറകിൽ ബിജെപിയുടെ കുമ്മനം രാജശേഖരനും. ശബരിമല വിഷയം ബിജെപിക്ക് മുൻതൂക്കം കൊടുക്കുമെന്നാണ് സർവ്വേ ഉയർത്തുന്ന പൊതു വികാരം. കേരളത്തിൽ രാഹുൽ ഗാന്ധിയുടെ വരവിൽ മലബാർ കോൺഗ്രസ് തൂത്തുവാരും.
പത്തിടത്ത് സ്ഥാനാർത്ഥികൾക്ക് അനായാസ വിജയമാണ് സർവ്വേ പ്രവചിക്കുന്നത്. ബാക്കി ആറിടത്ത് വിജയിക്കുന്ന സ്ഥാനാർത്ഥിക്ക് നല്ല മുൻതൂക്കവും നൽകുന്നു. അഞ്ചിടത്ത് ബിജെപിക്ക് ശക്തമായ മത്സരം കാഴ്ച വയ്ക്കാനാകുന്നു. പത്തനംതിട്ടയിൽ ഒന്നാം സ്ഥാനം നൽകുമ്പോൾ തിരുവനന്തപുരത്തും തൃശൂരിലും പാലക്കാടും ബിജെപിയാണ് രണ്ടാമത്. കോട്ടയത്ത് എൻഡിഎ സഖ്യകക്ഷിയായ കേരളാ കോൺഗ്രസിന്റെ പിസി തോമസും രണ്ടാമത് എത്തുന്നു. അതുകൊണ്ട് തന്നെ മറുനാടൻ-റാവിസ് സർവ്വേ സിപിഎമ്മിന് കടുത്ത നിരാശയാകും നൽകുക. ശബരിമല വിഷയം ആളിക്കത്തിയെന്ന വികാരം ചർച്ചയാക്കുന്നതാണ് പുറത്തു വരുന്ന ഫലം.
കഴിഞ്ഞ നിയമാസഭാ തെരഞ്ഞെടുപ്പ് കാലത്തും സമാനമായ സർവ്വേ മറുനാടൻ നടത്തിയിരുന്നു. യാഥാർത്ഥ്യത്തോട് അടുത്ത് നിന്ന ഫലമായിരുന്നു അത്. ഇതിൽ കേരളത്തിൽ അധികാരത്തിൽ എത്തുന്നത് ഏത് കക്ഷി ആവുംഎന്ന ചോദ്യത്തിന് 78.8 ശതമാനം പേരും എൽഡിഎഫ് എന്നാണ് ഉത്തരം നൽകിയത്. യുഡിഎഫിന് 19.7ശതമാനം വോട്ടും കിട്ടി. മുരളീധരൻ, വീണാ ജോർജ്, പിസി ജോർജ്, രാജഗോപാൽ എന്നിവർ വിജയിക്കുന്നവരുടെ പട്ടികയിൽ ഇടം നേടുകയും ചെയ്തു. ചെങ്ങന്നൂരിലെ വിഷ്ണുനാഥിന്റെ വിജയത്തിലെ പ്രവചനം മാത്രമാണ് തെറ്റിയത്. അതുകൊണ്ട് തന്നെ 2019ലെ ഈ സർവ്വേയും യാഥാർത്ഥ്യത്തോട് ഏറെ അടുത്ത് നിൽക്കാനാണ് സാധ്യത. 2016ൽ അട്ടിമറി സാധ്യതകളിൽ സർവ്വേ പറഞ്ഞതെല്ലാം സത്യമാവുകയും ചെയ്തു. അതുകൊണ്ടാണ് ലോക്സഭയിൽ മറുനാടൻ-റവീസ് ഗ്രൂപ്പ് സർവ്വേയും ഏറെ ചർച്ചയായത്. ഇതിലെ ഫലങ്ങളും യാഥാർത്ഥ്യത്തോട് അടുത്ത് നിൽക്കുന്നതാണെന്നാണ് വിലയിരുത്തൽ.
പാലക്കാടും ആറ്റിങ്ങലിലും ആലപ്പുഴയിലും മാത്രമാണ് സർവ്വേ ഇടതുപക്ഷത്തിന് മുൻതൂക്കം നൽകുന്നത്. അതും സിപിഎമ്മിന് മാത്രം വിജയം നൽകുന്നു. സിപിഐ നാലിടത്തും തോൽക്കുമെന്നാണ് പ്രവചനം. വയനാട്ടിൽ മത്സരത്തിനെത്തിയ കോൺഗ്രസ് അധ്യക്ഷൻ രാഹുൽ ഗാന്ധിയും മലപ്പുറത്ത് മുസ്ലിംലീഗിന്റെ കുഞ്ഞാലിക്കുട്ടിയും 98 ശതമാനം വോട്ടുകളും നേടുന്നു.
ആലപ്പുഴയിൽ ആരിഫ്
ആലപ്പുഴയിൽ ഇടതുപക്ഷത്തിന് അട്ടിമറി വിജയമാണ് സർവ്വേ പ്രവചിക്കുന്നത്. സിപിഎമ്മിന്റെ എഎം ആരീഫിന് അനുകൂലമായി 53 ശതമാനം പേർ വോട്ട് ചെയ്യുമ്പോൾ കോൺഗ്രസിന്റെ ഷാനിമോൾ ഉസ്മാന് 43ശതമാനം വോട്ടാണ് കിട്ടിയത്. ഇവിടെ ബിജെപിയുടെ കെ എസ് രാധാകൃഷ്ണന് 4 ശതമാനം വോട്ടാണ് കിട്ടുന്നത്. ശതമാനക്കണക്ക് അനുസരിച്ച് അതിശക്തമായ മത്സരം ആലപ്പുഴയിൽ നടക്കുന്നുണ്ട്.
സിപിഎമ്മും ആലപ്പുഴയിൽ ജയിക്കുമെന്ന പ്രതീക്ഷയിലാണ്. കെ സി വേണുഗോപാലിനെ മാറ്റി ഷാനിമോളെ സ്ഥാനാർത്ഥിയാക്കിയത് ഏറെ ചർച്ചകൾക്കൊടുവിലാണ്. ഇത് ഷാനിമോൾക്ക് വിനയാകുമെന്ന സൂചനയാണ് സർവ്വേ പറയുന്നത്.
ആലത്തൂരിലെ പെങ്ങളൂട്ടി തന്നെ
ആലത്തൂരിൽ കോൺഗ്രസിന്റെ രമ്യാ ഹരിദാസിന് വലിയ മുൻതൂക്കമാണ് നൽകുന്നത്. കോഴിക്കോട് നിന്ന് അപ്രതീക്ഷിതമായി സിപിഎമ്മിന്റെ കോട്ടയിൽ സ്ഥാനാർത്ഥിയായ രമ്യയ്ക്ക് വിജയം പ്രവചിക്കുന്നത് 70 ശതമാനം പേരാണ്. സിറ്റിങ് എംപി കൂടിയായ സിപിഎമ്മിന്റെ പികെ ബിജുവിന് 29 ശതമാനം വോട്ടാണ് കിട്ടിയിത്. ബിജെപിയുടെ മുന്നണി സ്ഥാനാർത്ഥിയായി മത്സരിച്ച ബിഡിജെഎസ് നേതാവ് ടിവി ബാബുവിന് വെറും ഒരു ശതമാനവും വോട്ട് കിട്ടി.
ആലത്തൂരിൽ രമ്യാ ഹരിദാസിന് വലിയ പിന്തുണ സോഷ്യൽ മീഡിയയിൽ കിട്ടിയിരുന്നു. പ്രചരണത്തിൽ രമ്യയ്ക്ക് വലിയ മുൻതൂക്കവും നേടാനായി. ഇതാണ് മറുനാടൻ സർവ്വേയിലും പ്രതിഫലിക്കുന്നത്.
ആറ്റിങ്ങൽ ഇടതിനൊപ്പം
ആറ്റിങ്ങലിൽ അടൂർ പ്രകാശിന് അട്ടിമറിക്ക് കഴിയില്ലെന്നാണ് വിലയിരുത്തൽ. 55.2 ശതമാനം വോട്ടുകൾ സിപിഎം നേതാവ് സമ്പത്തിന് ലഭിച്ചു. കോൺഗ്രസിന്റെ അടൂർ പ്രകാശ് 40.3 ശതമാനം വോട്ടാണ് നേടിയത്. ശോഭാ സുരേന്ദ്രന് 4.6 ശതമാനം വോട്ടാണ് കിട്ടുന്നത്. ആറ്റിങ്ങലിൽ ജയം നേടുമെന്ന കോൺഗ്രസ് പ്രതീക്ഷയ്ക്ക് വിരുദ്ധമാണ് ഈ സർവ്വേ കണ്ടെത്തൽ. സിറ്റിങ് എംപിയായ സമ്പത്ത് മൂന്നാം തവണയും ആറ്റിങ്ങലിൽ ജയിക്കുന്നത് പാർട്ടിയുടെ സംഘടനാ കരുത്തിലാണ്.
സിപിഎമ്മിന്റെ കോട്ടയായാണ് ആറ്റിങ്ങൽ വിലയിരുത്തുന്നത്. ശബരിമല അടക്കം ചർച്ചയായ മണ്ഡലത്തിൽ കോൺഗ്രസ് വിജയം പ്രതീക്ഷിച്ചാണ് അടൂർ പ്രകാശിനെ സ്ഥാനാർത്ഥിയാക്കിയത്. എന്നാൽ പ്രചരണത്തിലെ മുൻതൂക്കം വോട്ടുകളായി മാറ്റാൻ അടൂർ പ്രകാശിന് കഴിയില്ലെന്നാണ് സർവ്വേ വെളിപ്പെടുത്തുന്നത്.
ചാലക്കുടിയിൽ ബെന്നി
ചാലക്കുടിയിൽ ബെന്നി ബെഹന്നാന് മികച്ച വിജയമാണ് സർവ്വേ പ്രവചിക്കുന്നത്. 71 ശതമാനം പേരാണ് ബെന്നിക്ക് അനുകൂലം. ഇതോടെ ചാലക്കുടി വീണ്ടും കോൺഗ്രസ് പക്ഷത്തേക്ക് മാറുമെന്നാണ് വിലയിരുത്തേണ്ടത്. ഇന്നസെന്റാണ് സിറ്റിങ് എംപി. കഴിഞ്ഞ തവണ സ്വതന്ത്രനായി മത്സരിച്ച് ജയിച്ച ഇന്നസെന്റ് ഇത്തവണ സിപിഎം പാർട്ടി ചിഹ്നത്തിലാണ് മത്സരിക്കുന്നത്. എന്നിട്ടും കിട്ടിയത് 26 ശതമാനം വോട്ടാണ്. ഇവിടെ ത്രികോണ പോര് ഒരുക്കാൻ ബിജെപിയുടെ എഎൻ രാധാകൃഷ്ണനും കഴിയുന്നില്ല. വെറും 3 ശതമാനമാണ് രാധാകൃഷ്ണന് കിട്ടിയ വോട്ട്.
എറണാകുളത്ത് ഹൈബി ബഹദൂരം മുന്നിൽ
കെ വി തോമസിനെ മത്സരിക്കാതെ മാറ്റി നിർത്തിയ കോൺഗ്രസ് തീരുമാനത്തിനൊപ്പമാണ് എറണാകുളം എന്നാണ് സർവ്വേ വ്യക്തമാക്കുന്നത്. കോൺഗ്രസിന്റെ യുവ നേതാവ് ഹൈബി ഈഡന് 89 ശതമാനം വോട്ടാണ് കിട്ടുന്നത്. സിപിഎമ്മിന്റെ ജനകീയ മുഖമായിരുന്നിട്ടും പി രാജീവിന് അനുകൂലമായി 10 ശതമാനം പേർ മാത്രമേ വോട്ട് ചെയ്യുന്നുള്ളൂ. ഇത് ഹൈബിയുടെ വിജയം ഉറപ്പെന്നതിന്റെ വ്യക്തമായ സൂചനയാണ്. കേന്ദ്ര മന്ത്രിയെന്ന ഗ്ലാമറിൽ മത്സരിച്ചിട്ടും ബിജെപിയുടെ അൽഫോൻസ് കണ്ണന്താനത്തിന് കിട്ടുന്നത് രണ്ട് ശതമാനം വോട്ടാണ്.
എറണാകുളത്ത് കോൺഗ്രസും വിജയം ഉറപ്പിച്ചിട്ടുണ്ട്. കെവി തോമസാകും സ്ഥാനാർത്ഥിയെന്ന വിലയിരുത്തലിലാണ് രാജീവ് മത്സരത്തിനിറങ്ങിയത്. ആദ്യ ഘട്ടത്തിൽ രാജീവ് മുന്നിലെത്തുകയും ചെയ്തു. എന്നാൽ ഹൈബി വന്നതോടെ ചിത്രം മാറി മറിഞ്ഞു.
ഇടുക്കിയും കോൺഗ്രസിനൊപ്പം
ഇടുക്കിയിൽ കോൺഗ്രസിന്റെ ഡീൻ കുര്യാക്കോസ് വൻ വിജയം നേടുമെന്നാണ് പ്രവചനം. ഡീനിന് 85.2 ശതമാനം വോട്ടുണ്ട്. ഇടത് സ്വതന്ത്രനായ ജോയ്സ് ജോർജിന് 13.9 ശതമാനവും. ബിഡിജെഎസ് സ്ഥാനാർത്ഥിയായ ബിജു കൃഷ്ണന് ഇവിടെ ചലനമുണ്ടാക്കാൻ കഴിയുന്നില്ല.
കണ്ണൂരിൽ സുധാകര വിജയം
കോൺഗ്രസിന് തേരോട്ടം വീണ്ടും കണ്ണൂരിൽ ഉണ്ടാകുമെന്നാണ് വിലയിരുത്തൽ. കെ സുധാകരന് 83.6 ശതമാനം പേരാണ് വിജയം പ്രവചിക്കുന്നത്. സിറ്റിങ് എംപിയായ പികെ ശ്രീമതിക്ക് അനുകൂലമായി വോട്ട് ചെയ്ത് 15.3 ശതമാനം പേരും. സികെ പത്മനാഭനാണ് ബിജെപി സ്ഥാനാർത്ഥി. എന്നാൽ മുതിർന്ന നേതാവിന് മണ്ഡലത്തിൽ നേട്ടമുണ്ടാക്കാൻ കഴിയുന്നില്ല
ശബരിമലയും അക്രമ രാഷ്ട്രീയവും ചർച്ചയാക്കിയാണ് സുധാകരൻ വോട്ട് ചോദിച്ചത്. ഇത് ഫലം കണ്ടുവെന്നാണ് കണ്ണൂരിലെ ഫലം വ്യക്തമാക്കുന്നത്. കഴിഞ്ഞ തവണ സുധാകരനെ നേരിയ മാർജിനിൽ തോൽപ്പിച്ചാണ് ശ്രീമതി ജയിച്ചു കയറിയത്.
കാസർഗോഡ് ഉണ്ണിത്താൻ
കാസർഗോഡ് രാജ്മോഹൻ ഉണ്ണിത്താൻ അട്ടിമറി വിജയം നേടുമെന്നാണ് പ്രവചനം. രാജ് മോഹൻ ഉണ്ണിത്താൻ 73 ശതമാനം വോട്ട് കിട്ടി ഒന്നാമത് എത്തുമെന്നാണ് പ്രവചനം. സിപിഎമ്മിന്റെ കെപി സതീഷ് ചന്ദ്രന് 25 ശതമാനം വോട്ടും. സിപിഎമ്മിന്റെ കുത്തക മണ്ഡലത്തിൽ ഒന്നാണ് കാസർഗോഡ്. എന്നാൽ പെരിയ കൊലപാതകം സിപിഎം സാധ്യതകളെ ബാധിക്കുന്നുവെന്നാണ് വിലയിരുത്തേണ്ടത്.
കാസർഗോഡ് മൂന്ന് ശതമാനം വോട്ടാണ് ബിജെപിയുടെ രവീശ തന്ത്രിക്ക് കിട്ടുന്നത്. ത്രികോണ പോര് ഉയർത്താൻ കാസർഗോഡ് ബിജെപിക്ക് കഴിയുന്നില്ലെന്നതാണ് ചർച്ചയാകുന്ന വസ്തുത.
കൊല്ലം പ്രേമചന്ദ്രന് തന്നെ
കൊല്ലത്ത് ആർ എസ് പിയുടെ എൻകെ പ്രേമചന്ദ്രൻ വീണ്ടും എംപിയാകുമെന്നാണ് പ്രവചനം. സിറ്റിങ് സീറ്റിൽ പ്രേമചന്ദ്രന് അനുകൂലമായി വോട്ട് ചെയ്തത് 88. 4ശതമാനം പേരാണ്. കെ എൻ ബാലഗോപാലെന്ന കരുത്തന് കിട്ടുന്നത് വെറും 11 ശതമാനവും. ബിജെപിക്ക് 1 ശതമാനം വോട്ടും.
സിപിഎം ഏറെ പ്രതീക്ഷ പുലർത്തുന്ന മണ്ഡലാണ് കൊല്ലം. എൻ എസ് എസ് വോട്ടുകളുടെ കരുത്തിൽ ബാലഗോപാൽ ജയിക്കുമെന്നാണ് സിപിഎം വിലയിരുത്തൽ. എന്നാൽ ഇതിന്റെ സൂചനകളൊന്നും സർവ്വേയിൽ ഇല്ല. വികസന നായകനായി വീണ്ടും പ്രേമചന്ദ്രൻ ജയിക്കുമെന്നാണ് പ്രവചനം.
മാണി തരംഗത്തിൽ കോട്ടയം
കെ എം മാണിയുടെ മരണമുണ്ടാക്കിയ സഹതാപ തരംഗം കേരളാ കോൺഗ്രസിന് ഉറച്ച മണ്ഡലമായ കോട്ടയത്ത് വൻ വിജയം നൽകുമെന്നാണ് പ്രവചനം. കേരളാ കോൺഗ്രസിന്റെ തോമസ് ചാഴിക്കാടിന് 83 ശതമാനം വോട്ടാണ് കിട്ടുന്നത്. ബിജെപി മുന്നണിക്കായി മത്സരിച്ച പിസി തോമസിന് 12 ശതമാനം വോട്ടും. സിപിഎമ്മിന്റെ വിഎൻ വാസവന് കിട്ടുന്നത് വെറും അഞ്ച് ശതമാനവും. അതായത് ത്രികോണ മത്സരം കോട്ടയത്ത് നടന്നുവെന്ന് വേണം വിലയിരുത്താൻ.
സിപിഎമ്മിന്റെ ജില്ലാ സെക്രട്ടറി മൂന്നാം സ്ഥാനത്ത് എത്തിയാൽ അത് കേരള രാഷ്ട്രീയത്തിൽ ഏറെ ചർച്ചകൾക്ക് വഴിവയ്ക്കും. പിസി തോമസ് രണ്ടാമത് എത്തുമെന്ന് ബിജെപിയും പറയുന്നുണ്ട്.
കോഴിക്കോട് രാഘവൻ തന്നെ
ഒളിക്യാമറാ വിവാദവും എംകെ രാഘവനെ തളർത്തുന്നില്ല. സർവ്വേയിലെ പൊതുവികാരം രാഘവന് അനുകൂലമാണ്. സിറ്റിങ് സീറ്റിൽ 66ശതമാനം പേരാണ് രാഘവന് അനുകൂലമായി വോട്ട് ചെയ്യുന്നത്. സിപിഎമ്മിന്റെ എ പ്രദീപ് കുമാറിന് 32 ശതമാനം വോട്ടും. ന്യൂനപക്ഷ വോട്ടുകളാണ് രാഘവന് കരുത്താകുന്നത്. ഇവിടെ ബിജെപിയുടെ അഡ്വക്കേറ്റ് പ്രകാശ് ബാബുവിന് കിട്ടുന്നത് 2.5 ശതമാനം വോട്ട് മാത്രമാണ്.
മലപ്പുറത്ത് കുഞ്ഞാലിക്കുട്ടി
ഓൺലൈൻ സർവ്വേയിൽ വോട്ട് ചെയ്ത 98 ശതമാനം പേരും പികെ കുഞ്ഞാലിക്കുട്ടിക്ക് അനുകൂലമാണ്. മലപ്പുറത്ത് ലക്ഷങ്ങളുടെ ഭൂരിപക്ഷം കുഞ്ഞാലിക്കുട്ടി പ്രതീക്ഷിക്കുന്നത് ഇതുകൊണ്ടാണ്. കുഞ്ഞാലിക്കുട്ടി തരംഗം ആഞ്ഞു വീശുമെന്ന് തന്നെയാണ് വിലയിരുത്തലും.
സിപിഎം സ്ഥാനാർത്ഥി വിപി സാനുവിന് ഒരു ശതമാനം വോട്ടാണ് കിട്ടുന്നത്. ബിജെപിയുടെ ഉണ്ണിക്കൃഷ്ണൻ മാസ്റ്റർക്കും ഒരു ശതമാനം വോട്ടാണുള്ളത്. അതായത് കുഞ്ഞാലിക്കുട്ടിക്ക് മലപ്പുറത്ത് എതിരാളികളേ ഇല്ലെന്നാണ് സർവ്വേയും പറയുന്നത്.
കൊടിക്കുന്നിൽ മാവേലിക്കരയിൽ
മാവേലിക്കരയിൽ കൊടിക്കുന്നിൽ സുരേഷിന് 87.1 ശതമാനം വോട്ടാണുള്ളത്. ചിറ്റയം ഗോപകുമാർ ഇടതുപക്ഷത്തിന് വേണ്ടി 12.1 ശതമാനം വോട്ടും നേടുന്നു. ഇവിടെ ബിജെപിയുടെ തഴവ സഹദേവന് ഓൺലൈൻ വോട്ടെടുപ്പിൽ ഒരു സ്വാധീനവും ചെലുത്താനാകുന്നില്ല.
പാലക്കാട് രാജേഷ്, ബിജെപി രണ്ടാമത്
ശക്തമായ ത്രികോണ മത്സരം നടക്കുന്ന മണ്ഡലമാണ് പാലക്കാട്. ഇവിടെ എംബി രാജേഷ് വീണ്ടും ജയിക്കുമെന്നാണ് പ്രതീക്ഷ. സിപിഎം കോട്ട കാക്കുന്നത് വ്യക്തിപരമായ മികവിലാണ്. 82ശതമാനാണ് കിട്ടുന്ന വോട്ട്. രണ്ടാമതുള്ള ബിജെപിയുടെ സി കൃഷ്ണകുമാറിന് 11 ശതമാനം വോട്ടും കിട്ടുന്നു. അതായത് വൻ ഭൂരിപക്ഷം സിപിഎം നേടുമെന്നാണ് വിലയിരുത്തൽ.
മൂന്നാം സ്ഥാനത്തുള്ള കോൺഗ്രസിന്റെ വികെ ശ്രീകണ്ഠന് 7 ശതമാനം പേരുടെ പിന്തുണ മാത്രമേയുള്ള. സർവ്വേ ഫലപ്രകാരം റിസൾട്ടെത്തിയാൽ കോൺഗ്രസിൽ പൊട്ടിത്തെറിയാകും ഉണ്ടാവുക.
പത്തനംതിട്ടയിൽ താമര വിരിയും
ശബരിമല സമരനായകൻ കെ സുരേന്ദ്രൻ എംപിയാകുമെന്നാണ് സർവ്വേ ഫലം. ബിജെപിക്കായി സുരേന്ദ്രൻ പത്തനംതിട്ടയെ ഇളക്കി മറിച്ചുവെന്നത് ശരിവയ്ക്കുന്നതാണ് സർവ്വേ ഫലം. സുരേന്ദ്രന് 45 ശതമാനം വോട്ടാണ് ലഭിക്കുന്നത്. കോൺഗ്രസിന്റെ ആന്റോ ആന്റണിക്ക് 39 ശതമാനവും.
ത്രികോണ പോര് ശക്തമായ പത്തനംതിട്ടയിൽ വിശ്വാസികളുടെ കരുത്ത് സുരേന്ദ്രന് തുണയാകും. ആറന്മുള എംഎൽഎ കൂടിയായ വീണാ ജോർജ് മൂന്നാം സ്ഥാനത്താകുമെന്നാണ് പ്രവചനം.
പൊന്നാനിയിൽ ഇ. ടി
പൊന്നാനിയും മുസ്ലിം ലീഗ് കോട്ടയായി തുടരും. ഇടി മുഹമ്മദ് ബഷീറിന് 93 ശതമാനം വോട്ട് കിട്ടും. സിപിഎം സ്വതന്ത്രനായ പിവി അൻവറിന് അറു ശതമാനം വോട്ട് മാത്രമേ കിട്ടൂ. ബിജെപിയുടെ വിടി രമയക്ക് ഒരു ശതമാനവും.
തിരുവനന്തപുരത്ത് തരൂർ... തൊട്ട് പിന്നിൽ കുമ്മനം
ഇഞ്ചോടിഞ്ഞ് പോരാട്ടമാണ് തിരുവനന്തപുരത്ത്. കോൺഗ്രസിന്റെ ശശി തരൂർ 49ശതമാനം വോട്ട് നേടുമ്പോൾ ബിജെപിക്കായി കുമ്മനം നേടുന്നത് 48 ശതമാനം വോട്ടാണ്. ഇഞ്ചോടിഞ്ഞ് മത്സത്തിന്റെ പ്രതീതിയുള്ള ഏക മണ്ഡലം. എങ്ങോട്ട് വേണമെങ്കിലും ഫലം മാറാമെന്ന സൂചനയാണ് ഇതിലുള്ളത്.
ശബരിമല വികാരം അളികത്തിയ തിരുവനന്തപുരത്ത് ന്യൂനപക്ഷ വോട്ടുകളാണ് തരൂരിന് ഗുണമാകുന്നത്. ഭൂരിപക്ഷ വോട്ട് ഏകീകരണം കുമ്മനത്തിനും കരുത്താകുന്നു. ഇടത് സ്ഥാനാർത്ഥിയായ സി ദിവാകരന് കിട്ടുന്നത് വെറും 3 ശതമാനം വോട്ടാണ്.
തൃശൂരിന് പ്രതാപം
കോൺഗ്രസിന്റെ ടി എൻ പ്രതാപൻ ജയിക്കുമെന്നാണ് തൃശൂരിലെ ഫലം. പ്രതാപന് 63 ശതമാനം വോട്ടി കിട്ടുമ്പോൾ സുരേഷ് ഗോപിക്ക് 26 ശതമാനം വോട്ട് കിട്ടുന്നു. അതായത് ബിജെപിക്ക് രണ്ടാം സ്ഥാനം പ്രവചിക്കുകയാണ് സർവ്വേ. ശബരിമലയുമായി കത്തികയറിയ സുരേഷ് ഗോപി തൃശൂരിൽ രണ്ടാമത് എത്തിയാൽ അത് ഇടതുപക്ഷത്തിന് വലിയ തിരിച്ചടിയാകും.
സിപിഐയുടെ സിറ്റിങ് സീറ്റാണ് തൃശൂർ. ഇവിടെ സിറ്റിങ് എംപിയെ മാറ്റിയാണ് രാജാജി മാത്യു തോമസിനെ സ്ഥാനാർത്ഥിയാക്കുന്നത്. എന്നാൽ രാജാജിക്ക് സർവ്വേ നൽകുന്നത് 11 ശതമാനം വോട്ടാണ്.
വടകരയിൽ മുരളീധരൻ
വടകരയിൽ കെ മുരളീധരൻ ജയിക്കുമെന്നാണ് സർവ്വേ ഫലം. മുരളിക്ക് 76 ശതമാനം വോട്ടാണ് കിട്ടുന്നത്. സിപിഎമ്മിന്റെ പി ജയരാജന് 23 ശതമാനം. സർവ്വേ ഫലം മുഖവിലയ്ക്കെടുത്താൽ മുരളി വില ഭൂരിപക്ഷത്തിൽ ജയിക്കും. ബിജെപിയുടെ വികെ സജീവിന് 1 ശതമാനം വോട്ട് മാത്രമാണുള്ളത്.
വയനാട്ടിൽ രാഹുൽ തരംഗം
വയനാട്ടിൽ രാഹുലിന് അനുകൂലമാണ് കാര്യങ്ങൾ. രാഹുൽ ഗാന്ധിക്ക് 98 ശതമാനം പേർ വോട്ട് ചെയ്യും. സിപിഐയുടെ പിപി സുനീറിനും ബിഡിജെഎസിന്റെ തുഷാർ വെള്ളാപ്പളിക്കും ഒരു ചലനവും ഉണ്ടാക്കാനാകുന്നില്ല.
- TODAY
- LAST WEEK
- LAST MONTH
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- ഇറാൻ പ്രകോപനത്തിന് തിരിച്ചടിയുമായി ഇസ്രയേൽ; ഇറാന്റെ വടക്കൻ നഗരമായ ഇസ്ഫഹാനിലെ വിമാനത്താവളത്തിന് മിസൈൽ ആക്രമണം നടത്തി ഇസ്രയേൽ; ആക്രമണത്തിന പിന്നാലെ ഇറാനിൽ വിമാന സർവീസുകൾ പൂർണായും നിർത്തിവെച്ചു; ഇസ്രയേൽ ആക്രമണം അമേരിക്കയെ അറിയിച്ച ശേഷം
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഷെയർ ചാറ്റിലൂടെ ഭാര്യമാരെ കാണിച്ച് ഇഷ്ടമായെങ്കിൽ 'ലൈംഗിക ബന്ധത്തിന്' അനുവാദം നൽകുന്നത് ആദ്യ മോഡൽ; 2021ൽ ആപ്പുമെത്തി; കായംകുളത്ത് നടത്തിയ 'പങ്കുവയ്ക്കൽ' ആദ്യ ഞെട്ടൽ; തൊടുപുഴയിൽ ഏഴു വയസ്സുകാരന്റെ കൊലയിലും ഭാര്യാ കച്ചവടം! വെച്ചൂച്ചിറയിലേത് 'ഗ്രാമീണ മോഡൽ'! വൈഫ് സ്വാപ്പിംഗിൽ കേരളം ഞെട്ടുമ്പോൾ
- നേരെ വെളുക്കും മുമ്പേ ഇരുട്ടിന്റെ മറവിൽ, ഇസ്രയേൽ ലക്ഷ്യമിട്ടത് ഇറാന്റെ ആണവ കേന്ദ്രത്തെയോ? തിരിച്ചടിച്ചത് തങ്ങൾക്ക് നേരേ ഡ്രോണുകളും മിസൈലുകളും തൊടുത്തുവിടുന്ന ഇസ്ഫഹൻ നഗരത്തിലെ സൈനിക കേന്ദ്രത്തെ ലാക്കാക്കി എന്നും സംശയം
- 'ഒറ്റക്ക് വഴിവെട്ടി വന്നവനെ കളിയാക്കുന്നോടോ പട്ടികളെ'; കോക്കസ്, ബെൽറ്റ്, ഗ്രൂപ്പിസം, ഫേവറേറ്റിസം, നെപ്പോട്ടിസം'; അതിഥി താരമായി എത്തി അവധിക്കാലം തൂക്കി ഈ യുവനടൻ; ഗോഡ്ഫാദർമാർ ആരുമില്ലാതെ ഒറ്റക്ക് കയറിവന്നവൻ; 'വർഷങ്ങൾക്കുശേഷം' ന്യൂജൻ സൂപ്പർസ്റ്റാർ തിരിച്ചുവരുമ്പോൾ
- വെച്ചൂച്ചിറയിലെ സൗമ്യയുടെ ആത്മഹത്യ: ഭർത്താവ് സുനിൽ കുമാറിനെതിരേ വീണ്ടും കേസ്; കൂട്ടുകാരന്റെ ഭാര്യ നൽകിയ പരാതിയിൽ ഭർത്താവും സുനിൽകുമാറും പ്രതികൾ; നടന്നത് ഭാര്യമാരെ വച്ചു മാറാനുള്ള നീക്കം; കൂടുതൽ അറസ്റ്റുണ്ടാകും
- ഷർട്ടും അടിവസ്ത്രവും മാത്രം ധരിച്ച് അവശനായി ഓടി വരുന്നത് കണ്ട് ഞെട്ടി; കാൽക്കലേക്ക് വീണ യുവാവിന്റെ മുഖത്തും ശരീരത്തിലും ചോര; വായും മുഖവും ആസിഡ് ഒഴിച്ച് പൊള്ളിച്ച നിലയിൽ; മണിമല പൊന്തൻപുഴ വനത്തിൽ വച്ച് വധശ്രമത്തിൽ നിന്ന് ഓടി രക്ഷപ്പെട്ട യുവാവിന് രക്ഷകരായി തിരഞ്ഞെടുപ്പ് നിരീക്ഷക സംഘം
- പ്രമുഖ യൂടൂബർ സ്വാതി കെട്ടിടത്തിൽ നിന്ന് ചാടി ജീവനൊടുക്കി; സംഭവസമയം മുറിയിൽ ഉണ്ടായിരുന്ന സുഹൃത്തിനെ ചോദ്യം ചെയ്തു പൊലീസ്; ആത്മഹത്യയ്ക്ക് പിന്നിലെ കാരണം തേടി അന്വഷണം; സ്വാതി ഗോദര വ്ളോഗിങ് തുടങ്ങിയത് യുപിഎസ്സി പരീക്ഷാ പരിശീലനത്തിന് ഡൽഹിയിൽ എത്തിയ ശേഷം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- വ്യാഴാഴ്ച പ്രാർത്ഥനയ്ക്ക് പോയിരുന്ന ജെസ്നയെ കാണാതായതും വ്യാഴാഴ്ച; ആരാധനാ സ്ഥലം കണ്ടെത്തിയെന്ന് അച്ഛൻ; രഹസ്യ സുഹൃത്തിന്റെ ഫോട്ടോയും കുടുംബം കണ്ടെത്തി! സിബിഐ സഞ്ചരിക്കാത്ത വഴികളിലൂടെ പോയ അച്ഛന് കിട്ടിയത് ഞെട്ടിക്കുന്ന വിവരങ്ങളോ? ജെസ്നയ്ക്ക് സംഭവിച്ചത് എന്ത്?
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- ഇനി യുദ്ധത്തിനില്ല, ആക്രമിച്ചാൽ തിരിച്ചടിക്കും, ആക്രമണ വിവരം അമേരിക്കയെ അറിയിച്ചിരുന്നു; ഇറാനെ ലക്ഷ്യം വച്ചാൽ അമേരിക്കയുടെ താവളങ്ങൾ ലക്ഷ്യമിടും; മിസൈൽ ആക്രമണത്തിനെതിരെ ലോകരാജ്യങ്ങൾ ഒരുമിച്ചതോടെ ഇറാൻ ആകെ പെട്ട അവസ്ഥയിൽ; ഇസ്രയേൽ തിരിച്ചടി എങ്ങനെയാകും എന്ന ആശങ്കയിൽ ലോകം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- 'എന്റെ മകൻ കെട്ടിയ താലി നീ ഇടേണ്ട'; മകന്റെ ഭാര്യയുടെ താലിമാല പൊട്ടിച്ച് കലി തുള്ളിയ 'മോഹിനി'! 35 പവനൊപ്പം 10 ലക്ഷം കൂടി വേണമെന്ന അത്യാഗ്രഹം; വീടും സ്ഥലവും മകന് എഴുതി കൊടുക്കാത്തിന് മരുമകളെ പുറത്താക്കിയ അമ്മായി അമ്മ; സത്യഭാമ വെറുമൊരു 'കലാമണ്ഡലം' അല്ല; സ്ത്രീപീഡന കേസും ചർച്ചകളിലേക്ക്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്