Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202020Sunday

കാമുകി എത്തിയത് രണ്ട് വേശ്യകൾക്കൊപ്പം; ജനാല തുറന്നിട്ട് നാലുപേരും ചേർന്ന് നടത്തിയ സെക്‌സ് പാർട്ടിയുടെ ശബ്ദം സഹിക്കാതെ ചെവിപൊത്തി അയൽക്കാർ; ഓസ്‌ട്രേലിയൻ ഇതിഹാസ ക്രിക്കറ്റ് താരം ഷെയ്ൻ വോണിനെതിരേ പരാതി

കാമുകി എത്തിയത് രണ്ട് വേശ്യകൾക്കൊപ്പം; ജനാല തുറന്നിട്ട് നാലുപേരും ചേർന്ന് നടത്തിയ സെക്‌സ് പാർട്ടിയുടെ ശബ്ദം സഹിക്കാതെ ചെവിപൊത്തി അയൽക്കാർ; ഓസ്‌ട്രേലിയൻ ഇതിഹാസ ക്രിക്കറ്റ് താരം ഷെയ്ൻ വോണിനെതിരേ പരാതി

മറുനാടൻ ഡെസ്‌ക്‌

ലണ്ടൻ: പലവട്ടം ലൈംഗിക അപവാദങ്ങളിൽപ്പെട്ടയാളാണ് ഷെയ്ൻ വോൺ എന്ന ഓസ്‌ട്രേലിയൻ ക്രിക്കറ്റ് ഇതിഹാസം. ലോകോത്തര ബാറ്റ്‌സ്മാന്മാരെ തന്റെ മാന്ത്രിക സ്പിന്നിൽ തളച്ചിട്ട വോൺ, കളിക്കളത്തിന് പുറത്ത് മനസ്സുകീഴടക്കിയ സുന്ദരിമാർ ഏറെയാണ്. എന്നാൽ, നോർത്ത് വെസ്റ്റ് ലണ്ടനിലെ വീട്ടിൽ കഴിഞ്ഞദിവസം വോൺ നടത്തിയ ലൈംഗിക പേക്കൂത്തുകൾ അരോചകമായെന്ന് നാട്ടുകാർ പറയുന്നു. മൂന്ന് യുവതികളുമായി ഒരേസമയം വോൺ നടത്തിയ സെക്‌സ് പാർട്ടിയുടെ ശബ്ദം അയൽക്കാരുടെ ഉറക്കം കെടുത്തുക തന്നെ ചെയ്തു.

വോണിന്റെ ലണ്ടനിലെ കാമുകിയാണ് പുറത്തുനിന്ന് രണ്ട് വേശ്യകളുമായി വീട്ടിലെത്തിയത്. തുടർന്നായിരുന്നു ജനാലകൾ തുറന്നിട്ടുകൊണ്ടുള്ള സെക്‌സ് പാർട്ടി അരങ്ങേറിയത്. നോർത്ത് വെസ്റ്റ് ലണ്ടനിലെ 2.7 ദശലക്ഷം പൗണ്ട് വിലയുള്ള മെയ്ദ വേൽ വീട്ടിനുള്ളിൽ നടന്നതൊക്കെ ശബ്ദം കൊണ്ട് ഊഹിക്കാൻ അയൽക്കാർക്കായി. അത്രയ്ക്കധികമായിരുന്നു ബഹളമെന്ന് അവർ പരാതിപ്പെട്ടു. കാമുകിയാരെന്ന് വ്യക്തമല്ലെങ്കിലും, ഡാവിന (19), പോപ്പി (27) എന്നിവരെയാണ് അവർ പുറത്തുനിന്ന് കൊണ്ടുവന്നത്.

രണ്ടുമണിക്കൂറിനുശേഷം വോണിന്റെ ജാഗ്വാറിൽ കാമുകി തന്നെയാണ് ഇരുവരെയും പുറത്തേക്ക് കൊണ്ടുപോയതും. പിന്നീട് ഗോൾഫ് ക്ലബ്ബിലേക്ക് വോൺ പോവുകയും ചെയ്തു. അകത്തുനടക്കുന്നതെന്തെന്ന് ആർക്കും മനസ്സിലാകുന്ന രീതിയിലായിരുന്നു അവരുടെ ചെയ്തികളെന്ന് അയൽക്കാരിലൊരാൾ പറഞ്ഞു. ജനാലകളെല്ലാം തുറന്നിട്ടത് മനപ്പൂർവമാണെന്ന് കരുതുന്നതായും അയാൾ പറഞ്ഞു.

49-കാരനായ വോണിനെതിരേ മുമ്പും ഒട്ടേറെ ലൈംഗിക അപവാദങ്ങൾ ഉയർന്നിരുന്നു. ഇക്കൊല്ലമാദ്യം ലവ് ഐലൻഡ് മത്സരാർഥി ലൂസി ഡോൺലാനിന്റെ ഇൻസ്റ്റഗ്രാം പോസ്റ്റിൽ ലൈംഗികച്ചുവയോടെ കമന്റ് ചെയ്തത് വിവാദമായിരുന്നു. 21-കാരിയായ ലൂസി, വോണിന്റെ മൂത്തമകളെക്കാൾ ഇളയതാണ്. 2000-ൽ ബ്രിട്ടീഷ് നഴ്‌സിന് ലൈംഗികച്ചുവയുള്ള സന്ദേശങ്ങൾ അയച്ചതിന് ഓസ്‌ട്രേലിയൻ ടീമിന്റെ ഉപനായക സ്ഥാനം വോണിന് നഷ്ടപ്പെട്ടിരുന്നു.

2006-ൽ ഇംഗ്ലണ്ടിൽ കൗണ്ടി ടീമിനായി കളിക്കുമ്പോൾ കൊറാലി എയ്‌ക്കോൾസ്, എമ്മ കീർനി എന്നി രണ്ട് യുവതികളുമായുള്ള വോണിന്റെ ബന്ധം ഗോസിപ്പ് കോളങ്ങളിൽ ഇടംപിടിച്ചിരുന്നു.കീർനി ക്ഷണിച്ചതനുസരിച്ച് വോൺ മദ്യവും വാങ്ങി അവരുടെ വീട്ടിലേക്ക് പോയെന്നും മൂന്നുപേരും ചേർന്ന് സെക്‌സ് പാർട്ടി നടത്തിയെന്നുമായിരുന്നു റിപ്പോർട്ടുകൾ. മത്സരത്തലേന്നായിരുന്നു ഈ സംഭവം. പുലർച്ചെ രണ്ടരയ്ക്ക് കീർനിയുടെ വീട്ടിൽനിന്നിറങ്ങിയ വോൺ നേരെ ക്രിക്കറ്റ് ഗ്രൗണ്ടിലെത്തുകയും കാറിനുള്ളിൽ കിടന്നുറങ്ങുകയും ചെയ്തു. പിറ്റേന്നത്തെ മത്സരത്തിൽ ഹാംഷയറിനുവേണ്ടി മിഡിൽസക്‌സിനെതിരേ ഏഴുവിക്കറ്റുകളും വോൺ നേടി.

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Loading...
Go to TOP