Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Feb / 202307Tuesday

സൂപ്പർകപ്പ് ഏപ്രിൽ എട്ടു മുതൽ കേരളത്തിൽ; കൊച്ചിയും കോഴിക്കോടും തിരുവനന്തപുരവും വേദിയാകും; ചാമ്പ്യൻഷിപ്പിൽ അണിനിരക്കുക 16 ടീമുകൾ

സൂപ്പർകപ്പ് ഏപ്രിൽ എട്ടു മുതൽ കേരളത്തിൽ; കൊച്ചിയും കോഴിക്കോടും തിരുവനന്തപുരവും വേദിയാകും; ചാമ്പ്യൻഷിപ്പിൽ അണിനിരക്കുക 16 ടീമുകൾ

സ്പോർട്സ് ഡെസ്ക്

ന്യൂഡൽഹി: രാജ്യത്തെ മുൻനിര താരങ്ങൾ അണിനിരക്കുന്ന സൂപ്പർ കപ്പ് ഫുട്ബാളിന് ഏപ്രിൽ എട്ടു മുതൽ 25 വരെ കേരളം ആതിഥേയരാകും. കൊച്ചിയിലും കോഴിക്കോട്ടും തിരുവനന്തപുരത്തുമാണ് മത്സരങ്ങളെന്ന് അഖിലേന്ത്യ ഫുട്ബാൾ ഫെഡറേഷൻ (എ.ഐ.എഫ്.എഫ്) അറിയിച്ചു.

ഐ.എസ്.എല്ലിലെ 11ഉം ഐ ലീഗിലെ അഞ്ചും ടീമുകളടക്കം 16 ടീമുകൾ സൂപ്പർ കപ്പിനെത്തും. ഐ.എസ്.എല്ലിലെ 11 ടീമുകളും ഐ ലീഗ് ജേതാക്കളും ഗ്രൂപ് ഘട്ടത്തിലേക്ക് നേരിട്ട് യോഗ്യത നേടും. ഐ ലീഗിൽ രണ്ടു മുതൽ പത്തു വരെ സ്ഥാനത്തെത്തുന്ന ടീമുകളുടെ യോഗ്യത മത്സരത്തിന് ശേഷം സൂപ്പർ കപ്പിനുള്ള ബാക്കി നാല് ടീമുകളെ തീരുമാനിക്കും. ഈ യോഗ്യത മത്സരങ്ങൾ ഏപ്രിൽ മൂന്നിന് തുടങ്ങും. സൂപ്പർ കപ്പിന്റെ ഗ്രൂപ് മത്സരങ്ങളും ഫൈനലടക്കമുള്ള പോരാട്ടങ്ങളും കേരളത്തിൽ ഏത് വേദിയിൽ നടത്തുമെന്ന് പിന്നീട് തീരുമാനിക്കും.

മുൻജേതാക്കളാകുന്ന ടീം ഈ സീസണിലെ എ.എഫ്.സി കപ്പ് യോഗ്യത നേടാൻ കഴിഞ്ഞ വർഷത്തെ ഐ ലീഗ് ജേതാക്കളായ ഗോകുലം കേരള എഫ്.സിയുമായി കളിക്കും. ഗോകുലം സൂപ്പർ കപ്പിൽ കിരീടം നേടിയാൽ എ.എഫ്.സി കപ്പിൽ കളിക്കാൻ യോഗ്യത നേടും. മൂന്നു വർഷമായി കോവിഡ് കാരണം സൂപ്പർ കപ്പ് നടന്നിരുന്നില്ല. 2019ൽ എഫ്.സി ഗോവയായിരുന്നു ജേതാക്കൾ.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP