Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202121Wednesday

പനാജിയെ ഗോൾമഴയിൽ കുളിപ്പിച്ച് ഒഡീഷ എഫ്‌സിയും ഈസ്റ്റ് ബംഗാളും; ഐഎസ്എല്ലിൽ 11 ഗോളുകൾ പിറന്ന മത്സരത്തിൽ അഞ്ചിനെതിരെ ആറ് ഗോളുകൾക്ക് ഒഡീഷയ്ക്ക് വിജയം

പനാജിയെ ഗോൾമഴയിൽ കുളിപ്പിച്ച് ഒഡീഷ എഫ്‌സിയും ഈസ്റ്റ് ബംഗാളും; ഐഎസ്എല്ലിൽ 11 ഗോളുകൾ പിറന്ന മത്സരത്തിൽ അഞ്ചിനെതിരെ ആറ് ഗോളുകൾക്ക് ഒഡീഷയ്ക്ക് വിജയം

മറുനാടൻ മലയാളി ബ്യൂറോ

പനാജി: ഐഎസ്എല്ലിൽ ശനിയാഴ്ചത്തെ മത്സരത്തിൽ ഗോൾവർഷം. 11 ഗോളുകൾ പിറന്ന മത്സരത്തിൽ അഞ്ചിനെതിരെ ആറ് ഗോളുകൾക്കായിരുന്നു ഈസ്റ്റ് ബംഗാളിനെതിരെ ഒഡീഷ എഫ്‌സിയുടെ ജയം. ഈ സീസണിലെ ഇരു ടീമുകളുടെയും അവസാന മത്സരമായിരുന്നു ഇത്.

24-ാം മിനിറ്റിൽ പിൽകിങ്ടണിലൂടെ ഈസ്റ്റ് ബംഗാളാണ് ആദ്യം മുന്നിലെത്തിയത്. പിന്നാലെ 33-ാം മിനിറ്റിൽ ലാൽറെസുവാലയിലൂടെ ഒഡീഷ ഒപ്പമെത്തി. തൊടുപിന്നാലെ രവി കുമാറിന്റെ ഓൺ ഗോളിലൂടെ ഈസ്റ്റ് ബംഗാൾ വീണ്ടും ലീഡ് നേടി.രണ്ടാം പകുതിയുടെ തുടക്കത്തിൽതന്നെ പോൾ രാംഫാംഗ്‌സുവയിലൂടെ (49) ഒഡീഷ ഒപ്പമെത്തി. വെറും രണ്ടു മിനിറ്റുകൾക്കുള്ളിൽ ജെറിയിലൂടെ ഒഡീഷ മുന്നിൽ കയറി.

60-ാം മിനിറ്റിൽ ആരോൺ ജോഷ്വയിലൂടെ മൂന്നാം ഗോൾ നേടിയ ഈസ്റ്റ് ബംഗാൾ ഒഡീഷയ്ക്ക് ഒപ്പമെത്തി. 66-ാം മിനിറ്റിൽ പോൾ രാംഫാംഗ്‌സുവയുടെ രണ്ടാം ഗോളിൽ ഒഡീഷ വീണ്ടും മുന്നിലെത്തി. തൊട്ടടുത്ത മിനിറ്റിൽ തന്നെ ജെറി ഒഡീഷയുടെ അഞ്ചാം ഗോളും നേടി. 69-ാം മിനിറ്റിൽ ഡിയഗോ മൗറീസിയോ ഒഡീഷയുടെ ഗോൾ പട്ടിക തികച്ചു. 74-ാം മിനിറ്റിൽ ജെജെയിലൂടെ ഈസ്റ്റ് ബംഗാൾ നാലാം ഗോൾ നേടി. അധികസമയത്ത് ആരോൺ ജോഷ്വയിലൂടെ ഈസ്റ്റ് ബംഗാൾ അഞ്ചാം ഗോളു കണ്ടെത്തി. ജയിച്ചെങ്കിലും അവസാന സ്ഥാനക്കാരായാണ് ഒഡീഷ സീസൺ അവസാനിപ്പിച്ചത്. ഈസ്റ്റ് ബംഗാൾ ഒൻപതാം സ്ഥാനത്താണ്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP