Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Nov / 202230Wednesday

ഡ്യൂറൻഡ് കപ്പ് ഫുട്ബോൾ: മുഹമ്മദൻസിനെ വീഴ്‌ത്തി മുംബൈ സിറ്റി ഫൈനലിൽ; ജയം ഏകപക്ഷീയമായ ഒരു ഗോളിന്; ബിപിൻ സിങ് വിജയഗോൾ നേടിയത് ഇൻജുറി ടൈമിൽ

ഡ്യൂറൻഡ് കപ്പ് ഫുട്ബോൾ: മുഹമ്മദൻസിനെ വീഴ്‌ത്തി മുംബൈ സിറ്റി ഫൈനലിൽ; ജയം ഏകപക്ഷീയമായ ഒരു ഗോളിന്; ബിപിൻ സിങ് വിജയഗോൾ നേടിയത് ഇൻജുറി ടൈമിൽ

സ്പോർട്സ് ഡെസ്ക്

മുംബൈ: മുംബൈ സിറ്റി എഫ്.സി. ഡ്യൂറൻഡ് കപ്പ് ഫുട്ബോൾ ടൂർണമെന്റിന്റെ ഫൈനലിൽ. സെമി ഫൈനലിൽ കരുത്തരായ മുഹമ്മദൻ സ്പോർട്ടിങ് ക്ലബ്ബിനെ മറികടന്ന് മുംബൈ ഫൈനലിലെത്തി. ഏകപക്ഷീയമായ ഒരു ഗോളിനാണ് മുംബൈയുടെ വിജയം.

മുംബൈയ്ക്ക് വേണ്ടി ബിപിൻ സിങ്ങാണ് വിജയഗോൾ നേടിയത്. നിശ്ചിത സമയത്തിന്റെ ഇൻജുറി ടൈമിലാണ് ഗോൾ പിറന്നത്. ശക്തരായ മുംബൈ സിറ്റിക്കെതിരേ മികച്ച പ്രകടനമാണ് മുഹമ്മദൻസ് കാഴ്ചവെച്ചത്. ആദ്യ പകുതിയിലും രണ്ടാം പകുതിയുടെ അവസാനം വരെയും മുംബൈ സിറ്റിയെ ഗോളടിക്കാൻ മുഹമ്മദൻസ് അനുവദിച്ചില്ല.

എന്നാൽ രണ്ടാം പകുതി അവസാനിക്കാൻ സെക്കൻഡുകൾ മാത്രം ബാക്കിനിൽക്കേ ഇൻജുറി ടൈമിൽ ബിപിൻ സിങ് സമനിലപ്പൂട്ട് പൊട്ടിച്ച് മുംബൈയ്ക്ക് വിജയഗോൾ സമ്മാനിച്ചു. ചങ്തെയുടെ പാസിൽ നിന്നാണ് ബിപിൻ ഗോളടിച്ചത്. ഫൈനലിൽ ബെംഗളൂരു എഫ്.സിയോ ഹൈദരാബാദ് എഫ്.സിയോ ആയിരിക്കും മുംബൈയുടെ എതിരാളി. സെപ്റ്റംബർ 18 നാണ് ഫൈനൽ.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP