Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jul / 202124Saturday

ലാ ലിഗ ഫോട്ടോഫിനിഷിലേക്ക്; കിരീട പ്രതീക്ഷയുമായി അത്ലറ്റിക്കോ മാഡ്രിഡ്; മൂന്നേറാൻ റയൽ മാഡ്രിഡും ബാഴ്‌സലോണയും; മൂന്ന് ടീമുകൾക്കും അതിനിർണായക മത്സരം ഇന്ന്; ആവേശപോരാട്ടം പത്ത് മണി മുതൽ

ലാ ലിഗ ഫോട്ടോഫിനിഷിലേക്ക്; കിരീട പ്രതീക്ഷയുമായി അത്ലറ്റിക്കോ മാഡ്രിഡ്; മൂന്നേറാൻ റയൽ മാഡ്രിഡും ബാഴ്‌സലോണയും; മൂന്ന് ടീമുകൾക്കും അതിനിർണായക മത്സരം ഇന്ന്; ആവേശപോരാട്ടം പത്ത് മണി മുതൽ

സ്പോർട്സ് ഡെസ്ക്

ബിൽബാവോ: ഫോട്ടോ ഫിനിഷിലേക്ക് മുന്നേറുന്ന സ്പാനിഷ് ലീഗ് ഫുട്‌ബോളിൽ ആദ്യ മൂന്ന് സ്ഥാനത്തുള്ള അത്ലറ്റിക്കോ മാഡ്രിഡ്, റയൽ മാഡ്രിഡ്, ബാഴ്സലോണ ടീമുകൾക്ക് ഇന്ന് നിർണായക മത്സരങ്ങൾ. എല്ലാ കളിയും രാത്രി പത്തിനാണ് തുടങ്ങുക.

ലാ ലീഗയിൽ ഇത്തവണ ആര് കിരീടം നേടുമെന്ന് ആർക്കും പ്രവചിക്കാനാവാത്ത നിലയിലാണ്. പോയിന്റ് പട്ടികയിൽ ആദ്യ മൂന്ന് സ്ഥാനത്തുള്ള അത്ലറ്റിക്കോ മാഡ്രിഡ്, റയൽ മാഡ്രിഡ്, ബാഴ്സലോണ ടീമുകൾ കിരീട പ്രതീക്ഷയിൽ. മുപ്പത്തിയാറ് മത്സരങ്ങൾ പൂർത്തിയാകുമ്പോൾ അത്ലറ്റിക്കോയ്ക്ക് 80ഉം റയലിന് 78ഉം ബാഴ്സയ്ക്ക് 76ഉം പോയിന്റാണുള്ളത്. മുപ്പത്തിയേഴാം റൗണ്ടിനിറങ്ങുമ്പോൾ തോൽക്കുന്നവരുടെ കിരീട സാധ്യത അവസാനിക്കും.

അത്ലറ്റിക്കോ മാഡ്രിഡ്, ഒസസൂനയെയും റയൽ മാഡ്രിഡ്, അത്ലറ്റിക്കോ ബിൽബാവോയെയും ബാഴ്സലോണ, സെൽറ്റാ വിഗോയെയും നേരിടും.

ഇന്ന് അത്ലറ്റിക്കോ മാഡ്രിഡും റയൽ മാഡ്രിഡും ജയിച്ചാൽ ലീഗ് ജേതാക്കൾക്കായി ഇനിയും കാത്തിരിക്കേണ്ടിവരും. അത്ലറ്റിക്കോ മാഡ്രിഡ് ജയിക്കാതെ നിൽക്കുകയും റയൽ ജയിക്കുകയും ചെയ്താൽ സിദാനും സംഘവും ലീഗിൽ ഒന്നാം സ്ഥാനത്തെത്തും.

റയൽ തോൽക്കുകയും അത്ലറ്റിക്കോ മാഡ്രിഡ് ജയിക്കുകയും ചെയ്താൽ അവസാന റൗണ്ടുവരെ കാത്തിരിക്കേണ്ടിവരില്ല. അത്ലറ്റിക്കോ മാഡ്രിഡായിരിക്കും ചാമ്പ്യന്മാർ. അത്ലറ്റിക്കോയും റയലും തോറ്റാലേ ബാഴ്ലോണയ്ക്ക് സാധ്യതയുള്ളൂ.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP