Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
May / 202229Sunday

ഇരട്ട ഗോളുമായി ഉദാന്ത സിങ്; അസിസ്റ്റുകളുമായി മത്സരം വരുതിയിലാക്കി സുനിൽ ഛേത്രി; ചെന്നൈയിനെ തകർത്ത് ബെംഗളൂരു എഫ്.സി; ജയം എതിരില്ലാത്ത മൂന്ന് ഗോളിന്

ഇരട്ട ഗോളുമായി ഉദാന്ത സിങ്; അസിസ്റ്റുകളുമായി മത്സരം വരുതിയിലാക്കി സുനിൽ ഛേത്രി; ചെന്നൈയിനെ തകർത്ത് ബെംഗളൂരു എഫ്.സി; ജയം എതിരില്ലാത്ത മൂന്ന് ഗോളിന്

സ്പോർട്സ് ഡെസ്ക്

പനാജി: ഐഎസ്എല്ലിൽ ബുധനാഴ്ച നടന്ന ദക്ഷിണേന്ത്യൻ ഡർബിയിൽ ചെന്നൈയിൻ എഫ്സിയെ കീഴടക്കി ബെംഗളൂരു എഫ്സി. ജിഎംസി അത്ലറ്റിക് സ്റ്റേഡിയത്തിൽ എതിരില്ലാത്ത മൂന്ന് ഗോളിനാണ് ബെംഗളുരു വിജയിച്ചത്. ഉദാന്ത സിങ് ഇരട്ട ഗോൾ നേടിയപ്പോൾ നായകൻ സുനിൽ ഛേത്രി അസിസ്റ്റുകൾ കൊണ്ട് മത്സരം ടീമിന് അനുകൂലമാക്കി. ഒരു ഗോൾ പെനാൽറ്റിയിലൂടെ ഇമാൻ ബസാഫ നേടി.

മത്സരത്തിൽ അവസരങ്ങൾ കൃത്യമായി മുതലെടുത്ത് തുടക്കത്തിലെ ബെംഗളൂരു ലീഡെടുത്തു. 12-ാം മിനുറ്റിൽ വീണുകിട്ടിയ പെനാൽറ്റിയിലൂടെ ഇറാനിയൻ താരം ഇമാൻ ബസാഫ ബിഎഫ്സിക്ക് ലീഡ് നൽകി. ബോക്സിൽ സുനിൽ ഛേത്രിയെ എഡ്വിൻ വീഴ്‌ത്തിയതിനാണ് പെനാൽറ്റി അനുവദിച്ചത്. പിന്നാലെ 42-ാം മിനുറ്റിൽ ഛേത്രിയുടെ അസിസ്റ്റിൽ ഉദാന്ത സിങ് ലീഡ് രണ്ടാക്കി. വീണ്ടുമൊരിക്കൽ കൂടി ഛേത്രി വഴിയൊരുക്കിയപ്പോൾ 52-ാം മിനുറ്റിൽ ഉദാന്ത ഇരട്ട ഗോൾ തികച്ചു.

ജയിച്ചെങ്കിലും 13 മത്സരങ്ങളിൽ 17 പോയിന്റുമായി ബെംഗളൂരു എഫ്സി ആറാം സ്ഥാനത്താണ്. 18 പോയിന്റുള്ള ചെന്നൈയിൻ അഞ്ചാമതും. ഇന്ന് ജയിച്ചിരുന്നെങ്കിൽ ചെന്നൈയിന് തലപ്പത്ത് എത്താമായിരുന്നു. 20 പോയിന്റ് വീതമുള്ള ഹൈദരാബാദും കേരള ബ്ലാസ്റ്റേഴ്സും യഥാക്രമം ഒന്നും രണ്ടും സ്ഥാനങ്ങളിലും ഒരു പോയിന്റ് മാത്രം പിന്നിലായി ജംഷഡ്പൂർ എഫ്സി മൂന്നാമതും തുടരുകയാണ്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP