Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

ആദ്യ മത്സരത്തിൽ ഇരട്ടഗോളുകളുമായി ആരാധകരുടെ മനം കവർന്നു; കോച്ച് ലൂയിസ് എന്റിക്വെയുടെ ഫേവറിറ്റ് താരം; പക്ഷെ മകളുമായി ഫെറാൻ ടോറസ് പ്രണയത്തിൽ; ഒരു നിബന്ധന മാത്രം; ' ബേബി സെലിബ്രേഷൻ' പാടില്ല; ലംഘിച്ചാൽ...

ആദ്യ മത്സരത്തിൽ ഇരട്ടഗോളുകളുമായി ആരാധകരുടെ മനം കവർന്നു; കോച്ച് ലൂയിസ് എന്റിക്വെയുടെ ഫേവറിറ്റ് താരം; പക്ഷെ മകളുമായി ഫെറാൻ ടോറസ് പ്രണയത്തിൽ; ഒരു നിബന്ധന മാത്രം; ' ബേബി സെലിബ്രേഷൻ' പാടില്ല; ലംഘിച്ചാൽ...

സ്പോർട്സ് ഡെസ്ക്

ദോഹ: ഖത്തർ ലോകകപ്പിലെ ആദ്യ മത്സരത്തിൽ കോസ്റ്ററിക്കയെ ഗോൾ മഴയിൽ മുക്കുകയും രണ്ടാം മത്സരത്തിൽ ജർമ്മനിയോട് സമനില വഴങ്ങുകയും ചെയ്‌തെങ്കിലും സ്‌പെയിൻ ഗ്രൂപ്പിൽ ഒന്നാം സ്ഥാനക്കാരാണ്. അടുത്ത മത്സരത്തിൽ ജപ്പാനെതിരെ സമനില നേടിയാലും സ്‌പെയിന് പ്രീക്വാർട്ടർ ഉറപ്പാക്കാം.

സ്‌പെയിൻ കോച്ച് ലൂയിസ് എന്റിക്വെയുടെ ഫേവറിറ്റ് താരങ്ങളിലൊരാളാണ് ഫെറാൻ ടോറസ് എന്ന ബാർസിലോന സ്‌ട്രൈക്കർ. സ്‌പെയിനിന്റെ ആദ്യ മത്സരത്തിൽ ഇരട്ടഗോളുകളുമായി കോച്ചിന്റെ വിശ്വാസം കാത്തുസൂക്ഷിക്കുകയും ചെയ്തു ടോറസ്.



പക്ഷേ, ടോറസിന് എന്റിക്വെയുമായി സഹതാരങ്ങൾക്കാർക്കുമില്ലാത്തൊരു ബന്ധം കൂടിയുണ്ട് കോച്ചിന്റെ മകൾ സിറ മാർട്ടിനെസുമായി പ്രണയത്തിലാണെന്നു കഴിഞ്ഞ ജനുവരിയിൽ ടോറസ് വെളിപ്പെടുത്തിയിരുന്നു. കോസ്റ്ററിക്കയ്‌ക്കെതിരെ നേടിയ 2 ഗോളുകളും താരം സമർപ്പിച്ചതും കോച്ചിന്റെ മകൾക്കു തന്നെ.

ഈ ബന്ധത്തിന് എന്റിക്വെയുടെ അനുഗ്രഹാശിസ്സുകളുണ്ടെങ്കിലും കോച്ചിന് ഒരു കാര്യത്തിൽ നിബന്ധനയുണ്ട്. ഗോൾ നേടിക്കഴിഞ്ഞാൽ, അച്ഛനാകാൻ പോവുകയാണെന്നു സൂചിപ്പിക്കുന്ന ' ബേബി സെലിബ്രേഷൻ' പാടില്ല. അങ്ങനെ സംഭവിച്ചാൽ, ആ നിമിഷം തന്നെ ടോറസിനെ പറഞ്ഞുവിടുമെന്നാണ് എന്റിക്വെയുടെ 'ഭീഷണി'.



മുൻ ബാർസ റയൽ താരമായ തന്നോട് കൂടുതൽ സാദൃശ്യം ഇപ്പോഴത്തെ സ്‌പെയിൻ ടീമിൽ ടോറസിനാണെന്നും എന്റിക്വെ പറയുന്നു. അങ്ങനെ പറഞ്ഞില്ലെങ്കിൽ മകൾ തന്റെ തല വെട്ടിക്കളയുമെന്നും എന്റിക്വെ പറയുന്നു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP