Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jun / 202423Sunday

'ആർസിബി ഇപ്പോൾ തന്നെ ട്രോഫി നേടിയത് പോലെ; ചെന്നൈ അവരുടെ ഒരു ട്രോഫി ആർസിബിക്ക് കൊടുക്കണം; ബെംഗളൂരു അതുമായി നഗരത്തിൽ പരേഡ് ചെയ്യും'; പരിഹസിച്ച് മുൻ സിഎസ്‌കെ താരം അമ്പാട്ടി റായുഡു

'ആർസിബി ഇപ്പോൾ തന്നെ ട്രോഫി നേടിയത് പോലെ; ചെന്നൈ അവരുടെ ഒരു ട്രോഫി ആർസിബിക്ക് കൊടുക്കണം; ബെംഗളൂരു അതുമായി നഗരത്തിൽ പരേഡ് ചെയ്യും'; പരിഹസിച്ച് മുൻ സിഎസ്‌കെ താരം അമ്പാട്ടി റായുഡു

സ്പോർട്സ് ഡെസ്ക്

മുംബൈ: ഐപിഎല്ലിൽ നിർണായക മത്സരത്തിൽ ചെന്നൈ സൂപ്പർ കിങ്‌സിനെ തോൽപിച്ച് പ്ലേഓഫ് ഉറപ്പിച്ച ശേഷം റോയൽ ചലഞ്ചേഴ്‌സ് ബെംഗളൂരു താരങ്ങളും ആരാധകരും നടത്തിയ ആഘോഷ പ്രകടനങ്ങൾ വലിയ വിമർശനങ്ങൾക്ക് വഴിവച്ചിരുന്നു. ബെംഗളൂരു താരങ്ങളുടെ ആഘോഷം നീണ്ടതോടെ ഷെയ്ക് ഹാൻഡ് നൽകാതെ എം.എസ്. ധോണി ഗ്രൗണ്ട് വിട്ടത് വിവാദമായിരുന്നു. തോൽവി ചെന്നൈ ആരാധകർക്ക് സഹിക്കാനാവുന്നതിലും അപ്പുറമായിരുന്നു. ഇതിനു പിന്നാലെയാണ് ചെന്നൈ സൂപ്പർ കിങ്‌സ് മുൻ താരം കൂടിയായ അംബാട്ടി റായുഡു രൂക്ഷവിമർശനം ഉന്നയിച്ച് രംഗത്ത് വന്നത്.

''ആർസിബി ഇപ്പോൾ തന്നെ ഐപിഎൽ വിജയിച്ചെന്നു തോന്നുന്നു. അങ്ങനെയായിരുന്നു അവരുടെ ആഘോഷങ്ങൾ. ബെംഗളൂരു നഗരത്തിലെ റോഡുകളിൽ മുഴുവൻ ആർസിബി ആരാധകരായിരുന്നു. ചെന്നൈ സൂപ്പർ കിങ്‌സ് അവരുടെ ട്രോഫികളിലൊന്ന് ആർസിബിക്ക് കൊടുക്കണം. ബെംഗളൂരു അതുമായി നഗരത്തിൽ പരേഡ് ചെയ്യും.'' റായുഡു ഒരു സ്പോർട്സ് മാധ്യമത്തിലെ ചർച്ചയിൽ പരിഹസിച്ചു.

അതേസമയം ചെന്നൈയുടെ തോൽവി അംഗീകരിക്കാനാകാതെയാണ് റായുഡു ഇതൊക്കെ പറയുന്നതെന്ന് ചർച്ചയിൽ പങ്കെടുത്ത വരുൺ ആരോൺ തിരിച്ചടിച്ചു. ചെന്നൈയെ ബെംഗളൂരു പുറത്താക്കിയത് അംഗീകരിക്കാൻ തയാറാകണമെന്നും വരുൺ ആരോൺ പ്രതികരിച്ചു. 27 റൺസ് വിജയമാണ് മത്സരത്തിൽ ചെന്നൈ സൂപ്പർ കിങ്‌സ് സ്വന്തമാക്കിയത്. യഷ് ദയാൽ എറിഞ്ഞ അവസാന ഓവറിൽ 17 റൺസ് എടുത്തിരുന്നെങ്കിൽ ചെന്നൈയ്ക്ക് നെറ്റ് റൺറേറ്റിന്റെ കരുത്തിൽ പ്ലേഓഫ് ഉറപ്പിക്കാമായിരുന്നു.

എന്നാൽ ഏഴു റൺസ് നേടാൻ മാത്രമാണു ചെന്നൈയ്ക്കു സാധിച്ചത്. ഇതോടെ പോയിന്റ് ടേബിളിൽ നാലാം സ്ഥാനക്കാരായി ബെംഗളൂരു പ്ലേഓഫിലെത്തി. വിജയത്തിനു ശേഷം ആർസിബി താരങ്ങളും ആരാധകരും വലിയ ആഘോഷങ്ങളാണ് നടത്തിയത്. ബെംഗളൂരു നഗരത്തിൽ പലിയടത്തും ഗതാഗതക്കുരുക്കും രൂപപ്പെട്ടു. രാത്രി ഏറെ വൈകിയിട്ടും സ്റ്റേഡിയത്തിനു ചുറ്റും ആർസിബി ആരാധകരുടെ വലിയ തിരക്കായിരുന്നു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP