Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jun / 202413Thursday

'ക്രിക്കറ്റിൽ എന്റെ റോൾ അവസാനിച്ചെന്ന് എനിക്ക് തോന്നിയാൽ ഞാൻ പോകും'; വിരമിക്കൽ പദ്ധതിയെക്കുറിച്ചുള്ള കോലിയുടെ വെളിപ്പെടുത്തലിൽ ഞെട്ടി ആരാധകർ; അനുഷ്‌ക ശർമയെ പോലെ കരിയർ ഉപേക്ഷിക്കുമോയെന്ന് ആശങ്ക

'ക്രിക്കറ്റിൽ എന്റെ റോൾ അവസാനിച്ചെന്ന് എനിക്ക് തോന്നിയാൽ ഞാൻ പോകും'; വിരമിക്കൽ പദ്ധതിയെക്കുറിച്ചുള്ള കോലിയുടെ വെളിപ്പെടുത്തലിൽ ഞെട്ടി ആരാധകർ; അനുഷ്‌ക ശർമയെ പോലെ കരിയർ ഉപേക്ഷിക്കുമോയെന്ന് ആശങ്ക

സ്പോർട്സ് ഡെസ്ക്

മുംബൈ: രാജ്യാന്തര ക്രിക്കറ്റിൽ നിന്നുള്ള വിരമിക്കലിനെക്കുറിച്ച് സൂപ്പർ താരം വിരാട് കോഹ്ലിയുടെ വെളിപ്പെടുത്തലിൽ ആശങ്ക പങ്കുവച്ച് ആരാധകർ. സോഷ്യൽ മീഡിയയിലൂടെയാണ് ആശങ്ക പങ്കുവെച്ചത്. ഭാര്യയും നടിയുമായ അനുഷ്‌ക ശർമയെ പോലെ കരിയർ ഉപേക്ഷിക്കുകയാണോ എന്നാണ് ആരാധകർ ചോദിക്കുന്നത്.

വിരാട് കോലിയുടെ വാക്കുകൾ ആരാധകരുടെ ഇടയിൽ ചർച്ചയായിരുന്നു. ബെംഗളൂരുവിൽ നടന്ന ആർ.ബി.സിയുടെ റോയൽ ഗാല ഡിന്നറിലാണ് വിരമിക്കൽ പദ്ധതിയെക്കുറിച്ച് പറഞ്ഞത്. ഒരു കായികതാരം എന്ന നിലയിൽ കരിയറിൽ ഒരു അവസാനം ഉണ്ടെന്ന് അറിയാം. ക്രിക്കറ്റിൽ തന്റെ റോൾ അവസാനിച്ചെന്ന് തനിക്ക് തോന്നിയാൽ പോകുമെന്നമായിരുന്നു കോഹ്ലി പറഞ്ഞത്. വിരമിക്കൽ ദിവസത്തെക്കുറിച്ച് ആലോചിച്ച് തന്റെ കരിയർ അവസാനിപ്പിക്കാൻ ആഗ്രഹമില്ലെന്നും താരം പറഞ്ഞിരുന്നു. വിരാട് കോഹ്ലിയുടെ വാക്കുകൾ ആരാധകരെ ഏറെ നിരാശയിലാഴ്‌ത്തിയിരുന്നു.

'ഒരു കായികതാരമെന്ന നിലയിൽ കരിയറിന് ഒരു അവസാന തീയതി ഉണ്ടെന്ന് എനിക്കറിയാം. ആ ദിവസത്തെക്കുറിച്ച് ആലോചിച്ച് കരിയർ അവസാനിപ്പിക്കാൻ എനിക്ക് ആഗ്രഹമില്ല. എപ്പോഴും ഒരുപോലെ പ്രവർത്തിക്കാൻ എനിക്ക് സാധിക്കില്ല. അതുകൊണ്ട് പൂർത്തിയാക്കാൻ കഴിയാത്ത ഒരു ജോലിയും പകുതിയിൽ അവസാനിപ്പിക്കില്ല. അതിൽ ഒരിക്കലും കുറ്റബോധം തോന്നില്ല. ക്രിക്കറ്റിൽ എന്റെ റോൾ അവസാനിച്ചെന്ന് എനിക്ക് തോന്നിയാൽ ഞാൻ പോകും. അതിനാൽ കളിക്കുന്ന കാലത്തോളം മികച്ചത് നൽകാൻ ഞാൻ ആഗ്രഹിക്കുന്നു. അത് മാത്രമാണ് എന്നെ മുന്നോട്ട് നയിക്കുന്നത്'- എന്നായിരുന്നു കോഹ്ലി പറഞ്ഞത്.

അനുഷ്‌ക ബോളിവുഡിൽ തിളങ്ങി നിൽക്കുമ്പോഴാണ് വിരാട് കോഹ്ലിയെ വിവാഹം കഴിക്കുന്നത്. തുടർന്ന് നടി അഭിനയത്തിൽ നിന്ന് ഇടവേള എടുക്കുകയായിരുന്നു. ഇത് ആരാധകരെ ഏറെ നിരാശയിലാഴ്‌ത്തിയിരുന്നു. അഭിനയത്തിൽ നിന്ന് ഇടവേള എടുത്തെങ്കിലും സിനിമ, വെബ് സീരീസ് നിർമ്മാണ മേഖലയിൽ സജീവമായിരുന്നു. സിനിമ ജീവിതം അവസാനിപ്പിക്കുന്നതിനെക്കുറിച്ച് അനുഷ്‌ക ഇതുവരെ പറഞ്ഞിട്ടില്ല. സ്‌പോർട്ട് ഡ്രാമ ചിത്രമായ ഛക്‌ദേ എക്സ്‌പ്രസാണ് അനുഷ്‌കയുടെ പുതിയ ചിത്രം. മുൻ വനിത ക്രിക്കറ്റർ ജൂലൻ ഗോസ്വാമി ആയിട്ടാണ് നടി എത്തുന്നത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP