Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jul / 202129Thursday

മത്സരത്തിൽ തോറ്റതിന് പിന്നാലെ മൈതാനത്തിൽവെച്ച് വാക്കേറ്റം നടത്തി ലങ്കൻ കോച്ചും ക്യാപ്റ്റനും; ഇരുവരും തമ്മിലുള്ള രോഷ പ്രകടനത്തിന്റെ വീഡിയോ സോഷ്യൽ മീഡിയയിൽ വൈറൽ

മത്സരത്തിൽ തോറ്റതിന് പിന്നാലെ മൈതാനത്തിൽവെച്ച് വാക്കേറ്റം നടത്തി ലങ്കൻ കോച്ചും ക്യാപ്റ്റനും; ഇരുവരും തമ്മിലുള്ള രോഷ പ്രകടനത്തിന്റെ വീഡിയോ സോഷ്യൽ മീഡിയയിൽ വൈറൽ

സ്വന്തം ലേഖകൻ

കൊളംബോ: വിജയത്തിന്റെ വക്കിൽനിന്നാണ് ഇന്ത്യയ്ക്കെതിരായ രണ്ടാം ഏകദിനത്തിൽ ശ്രീലങ്ക തോൽവിയിലേക്ക് കൂപ്പുകുത്തിയത്. പരമ്പര കൈവിട്ടു പോയതിന്റെ സങ്കടത്തിൽ മുങ്ങിയ ശ്രീലങ്കയ്ക്ക് കൂനിന്മേൽ കുരുവായി പരിശീലകൻ മിക്കി ആർതറും ക്യാപ്റ്റൻ ദസൂൺ ഷാനകയും തമ്മിലുള്ള വാക്‌പോര്. മത്സരത്തിനുശേഷം മൈതാനത്തുവച്ച് ഇരുവരും തമ്മിൽ ഉടക്കുന്നതിന്റെ വീഡിയോ സോഷ്യൽ മീഡിയകളിൽ വൈറലായിരിക്കുകയാണ്.

എന്തിന്റെ പേരിലായിരുന്നു വാക്കേറ്റമെന്ന് വ്യക്തമല്ലെങ്കിലും, ജയിച്ചെന്ന് ഉറപ്പിച്ച മത്സരം കൈവിട്ടതിന്റെ നിരാശയാണ് ഗ്രൗണ്ടിലെ വാക്കേറ്റത്തിലേക്ക് എത്തിച്ചതെന്നാണ് സൂചന. ഇരുവരും തമ്മിൽ കുപിതരായി സംസാരിക്കുന്ന വിഡിയോ സമൂഹമാധ്യമങ്ങളിൽ വൈറലാണ്. മത്സരത്തിൽ ദീപക് ചാഹർ ഭുവനേശ്വർ കുമാർ സഖ്യത്തിന്റെ മികവിൽ ഇന്ത്യ വിജയത്തോട് അടുക്കുമ്പോൾ, ഡ്രസിങ് റൂമിൽ കുപിതനായിരിക്കുന്ന മിക്കി ആർതറിന്റെ മുഖം പലതവണ ക്യാമറയിൽ പതിഞ്ഞിരുന്നു. ഇടയ്ക്ക് മിസ് ഫീൽഡിങ്ങിന്റെ പേരിൽ കസേരയിൽനിന്ന് എഴുന്നേറ്റ് താരങ്ങളെ പഴിക്കുന്ന ആർതറിന്റെ ദൃശ്യങ്ങളും ചാനലുകളിൽ കാണിച്ചു.

മത്സരശേഷം ഡ്രസിങ് റൂമിൽനിന്ന് കളത്തിലേക്കു വന്ന ശ്രീലങ്കൻ പരിശീലകൻ, തന്റെ 'കലിപ്പ്' തീർത്തത് ക്യാപ്റ്റൻ ദസൂൺ ഷാനകയ്ക്കു നേരെ. ഷാനകയും വിട്ടുകൊടുക്കാതെ തിരിച്ചടിച്ചതോടെയാണ് വാക്കേറ്റമായത്. പിന്നീട് ഷാനകയോട് എന്തോ പറഞ്ഞശേഷം നടന്നകലുന്ന ആർതറിനെയും വിഡിയോയിൽ കാണാം.

അതേസമയം, ഡ്രസിങ് റൂമിൽവച്ച് മാത്രം സംഭവിക്കേണ്ട കാര്യമാണ് ഗ്രൗണ്ടിൽവച്ച് ഉണ്ടായതെന്ന് ശ്രീലങ്കയുടെ മുൻ താരം റസ്സൽ ആർണോൾഡ് അഭിപ്രായപ്പെട്ടു. കോച്ചും ക്യാപ്റ്റനും ഗ്രൗണ്ടിൽവച്ച് വാക്കേറ്റമുണ്ടായ സാഹചര്യത്തിലായിരുന്നു ട്വിറ്ററിലൂടെ ആർണോൾഡിന്റെ അഭിപ്രായ പ്രകടനം. 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP