Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202120Tuesday

നാലാം വിജയം തേടി ഇറങ്ങിയ കേരളത്തെ അടിച്ചു പറത്തി മലയാളി താരം ദേവ്ദത്ത് പടിക്കൽ; വിജയ് ഹസാരെ ട്രോഫിയിൽ കേരളത്തിന് വൻ തോൽവി; 138 പന്തുകളിൽ നിന്നും 13 ഫോറും രണ്ട് സിക്‌സും പറത്തി കർണാടകയെ വിജയത്തിലെത്തിച്ച് ദേവ്ദത്ത്

നാലാം വിജയം തേടി ഇറങ്ങിയ കേരളത്തെ അടിച്ചു പറത്തി മലയാളി താരം ദേവ്ദത്ത് പടിക്കൽ; വിജയ് ഹസാരെ ട്രോഫിയിൽ കേരളത്തിന് വൻ തോൽവി; 138 പന്തുകളിൽ നിന്നും 13 ഫോറും രണ്ട് സിക്‌സും പറത്തി കർണാടകയെ വിജയത്തിലെത്തിച്ച് ദേവ്ദത്ത്

സ്വന്തം ലേഖകൻ

ബെംഗളൂരു: വിജയ് ഹസാരെ ട്രോഫി ക്രിക്കറ്റിൽ കേരളത്തിന് വൻ തോൽവി. കർണാടകയ്ക്ക് വേണ്ടി മലയാളി താരം ദേവ്ദത്ത് പടിക്കൽ കളം നിറഞ്ഞപ്പോൾ കേരളം വൻ തോൽവി ഏറ്റു വാങ്ങുക ആയിരുന്നു. മലയാളിതാരം ദേവ്ദത്ത് പടിക്കലിന്റെ തുടർച്ചയായ 2-ാം സെഞ്ചുറിയുടെ മികവിൽ കർണാടക 9 വിക്കറ്റിനു കേരളത്തെ തകർത്തു. സ്‌കോർ: കേരളം 50 ഓവറിൽ 8ന് 277, കർണാടക 45.3 ഓവറിൽ ഒന്നിന് 279. 138 പന്തുകളിൽ 13 ഫോറും 2 സിക്‌സും പറത്തി ദേവ്ദത്ത് പുറത്താകാതെ നേടിയ 126 റൺസാണു നിലവിലെ ജേതാക്കളായ കർണാടകയ്ക്കു കരുത്തായത്.

തുടർച്ചയായ നാലാം ജയം തേടിയിറങ്ങിയ കേരളത്തിനെ അക്ഷരാർത്ഥത്തിൽ ദേവ്ദത്ത് പടിക്കൽ പൊളിച്ചടുക്കുക ആയിരുന്നു. ഇന്നിങ്‌സിലെ ആദ്യ പന്തിൽ റോബിൻ ഉത്തപ്പയെയും (0) 2-ാം ഓവറിലെ 4-ാം പന്തിൽ സഞ്ജു സാംസണെയും (3) നഷ്ടപ്പെട്ട ഷോക്കിൽനിന്നു കരകയറാൻ കേരളത്തിനായില്ല. വൽസൽ ഗോവിന്ദ് (95), ക്യാപ്റ്റൻ സച്ചിൻ ബേബി (54), മുഹമ്മദ് അസ്ഹറുദ്ദീൻ (പുറത്താകാതെ 59) എന്നിവർ തിളങ്ങിയെങ്കിലും വൻ സ്‌കോറിലേക്കു ടീമിനെ എത്തിക്കാനായില്ല.

അഭിമന്യു മിഥുൻ 5 വിക്കറ്റെടുത്തു. മറുപടിയിൽ 2ാം വിക്കറ്റിൽ 180 റൺസ് കൂട്ടിച്ചേർത്ത് ദേവ്ദത്ത് കെ.സിദ്ധാർഥ് (86) സഖ്യം കർണാടകയെ ജയത്തിലെത്തിച്ചു. എലീറ്റ് ഗ്രൂപ്പ് സിയിൽ കർണാടകയാണ് ഒന്നാമത്. കേരളം 3ാം സ്ഥാനത്തേക്കു വീണു. അടുത്ത മത്സരം നാളെ ബിഹാറിനെതിരെ.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP