Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202230Friday

വെടിക്കെട്ട് ബാറ്റിങ്ങിലൂടെ ക്യാപ്റ്റന്റെ ഇന്നിങ്ങ്‌സുമായി രോഹിത് ശർമ്മ; സിക്‌സും ഫോറും തുടർച്ചായായി പറത്തി വിജയം കുറിച്ച് കാർത്തിക്കും; നിർണ്ണായക മത്സരത്തിൽ ഓസ്‌ട്രേലിയയെ കീഴടക്കി ഇന്ത്യ; സന്ദർശകരെ തകർത്തത് 6 വിക്കറ്റിന്; അവസാന മത്സരം ഞായറാഴ്‌ച്ച

വെടിക്കെട്ട് ബാറ്റിങ്ങിലൂടെ ക്യാപ്റ്റന്റെ ഇന്നിങ്ങ്‌സുമായി രോഹിത് ശർമ്മ; സിക്‌സും ഫോറും തുടർച്ചായായി പറത്തി വിജയം കുറിച്ച് കാർത്തിക്കും; നിർണ്ണായക മത്സരത്തിൽ ഓസ്‌ട്രേലിയയെ കീഴടക്കി ഇന്ത്യ; സന്ദർശകരെ തകർത്തത് 6 വിക്കറ്റിന്; അവസാന മത്സരം ഞായറാഴ്‌ച്ച

മറുനാടൻ മലയാളി ബ്യൂറോ

നാഗ്പൂർ: നിർണ്ണായക മത്സരത്തിൽ ഓസ്്‌ട്രേലിയയെ കീഴടക്കി ടി 20 പരമ്പരയിൽ ഇന്ത്യ ഒപ്പത്തിനൊപ്പം.എട്ട് ഓവറാക്കി ചുരുക്കിയ രണ്ടാം മത്സരത്തിൽ ഓസ്ട്രേലിയയെ ആറു വിക്കറ്റിന് തകർത്ത് ഇന്ത്യ.ഓസ്ട്രേലിയ ഉയർത്തിയ 91 റൺസ് വിജയലക്ഷ്യം നാലു പന്തുകൾ ബാക്കിനിൽക്കേ നാല് വിക്കറ്റ് മാത്രം നഷ്ടപ്പെടുത്തി ഇന്ത്യ മറികടന്നു.പരമ്പരയിലെ മൂന്നാമത്തെയും അവസാനത്തെയും മത്സരം 25ന് ഹൈദരാബാദിൽ നടക്കും.

മഴമൂലം നനഞ്ഞ ഔട്ട്ഫീൽഡ് കാരണം തുടങ്ങാൻ വൈകിയ മത്സരം പിന്നീട് എട്ട് ഓവറാക്കി ചുരുക്കുകയായിരുന്നു.20 പന്തിൽ നിന്ന് നാല് സിക്സും നാല് ഫോറുമടക്കം 46 റൺസോടെ പുറത്താകാതെ നിന്ന ക്യാപ്റ്റൻ രോഹിത് ശർമയാണ് ഇന്ത്യയുടെ വിജയശിൽപി. ഡാനിയൽ സാംസെറിഞ്ഞ എട്ടാം ഓവറിൽ ആദ്യ പന്ത് സിക്സും രണ്ടാം പന്ത് ഫോറുമടിച്ച് ദിനേഷ് കാർത്തിക്ക് ഇന്ത്യയെ വിജയത്തിലെത്തിക്കുകയായിരുന്നു.

ജോഷ് ഹേസൽവുഡിന്റെ ആദ്യ ഓവറിൽ തന്നെ മൂന്ന് സിക്‌സ് പറത്തിയാമ് രോഹിത്തും രാഹുലും തുടങ്ങിയത്. നേരിട്ട രണ്ടാം പന്ത് തന്നെ സിക്‌സിന് പറത്തിയ രോഹിത് അടുത്ത പന്തും ബൗണ്ടറിക്ക് മുകളിലൂടെ പറത്തി. ഓവറിലെ അവസാന പന്ത് രാഹുലും സിക്‌സിന് പറത്തിയതോടെ ആദ്യ ഓവറിൽ തന്നെ ഇന്ത്യ 20 റൺസടിച്ചു.

പാറ്റ് കമിൻസിന്റെ രണ്ടാം ഓവറിലും രോഹിത് സിക്‌സടിച്ചെങ്കിലും ഇന്ത്യക്ക് 11 റൺസെ നേടാനായുള്ളു. പവർപ്ലേയിലെ രണ്ടോവർ കഴിഞ്ഞപ്പോൾ ഇന്ത്യ 30ൽ എത്തിയിരുന്നു. ആദം സാംപ എറിഞ്ഞ മൂന്നാം ഓവറിൽ കെ എൽ രാഹുലിനെ(6 പന്തിൽ 10) നഷ്ടമായെങ്കിലും ഇന്ത്യ 10 റൺസടിച്ചു. ഡാനിയേൽ സാംസ് എറിഞ്ഞ നാലാം ഓവറിൽ കോലിയും രോഹിത്തും ബൗണ്ടറികൾ നേടിയതോടെ 11 റൺസ് ഇന്ത്യ വാരി. നാലാം ഓവറിൽ ഇന്ത്യ 50 കടന്നു.

എന്നാൽ അഞ്ചാം ഓവറിൽ ആദം സാംപക്കെതിരെ ബൗണ്ടറി നേടിയ കോലി അടുത്ത പന്തിൽ ക്ലീൻ ബൗൾഡായി. ആറ് പന്തിൽ 11 റൺസായിരുന്നു കോലിയുടെ നേട്ടം. കോലിക്ക് പകരമെത്തിയ സൂര്യകുമാർ യാദവ് നേരിട്ട ആദ്യ പന്തിൽ ഗോൾഡൻ ഡക്കായി. സാംപയെ സ്വീപ്പ് ചെയ്യാൻ ശ്രമിച്ച സൂര്യകുമാർ വിക്കറ്റിന് മുന്നിൽ കുടുങ്ങുകയായിരുന്നു.

സാംപയുടെ ഇരട്ടപ്രഹരത്തിൽ ഒന്ന് പതറിയ ഇന്ത്യക്ക് അഞ്ച് റൺസ് മാത്രമാണ് ആ ഓവറിൽ നേടാനായത്. ഷോൺ ആബട്ട് എറിഞ്ഞ ആറാം ഓവറിൽ രണ്ട് ബൗണ്ടറിയടിച്ച രോഹിത് ഇന്ത്യയെ ലക്ഷ്യത്തോട് അടുപ്പിച്ചു. കെ.എൽ രാഹുൽ (10), വിരാട് കോലി (11), സൂര്യകുമാർ യാദവ് (0), ഹാർദിക് പാണ്ഡ്യ (9) എന്നിവരാണ് പുറത്തായ ഇന്ത്യൻ താരങ്ങൾ.

നേരത്തെ ടോസ് നേടിയ ഇന്ത്യൻ ക്യാപ്റ്റൻ രോഹിത് ശർമ ഓസ്ട്രേലിയയെ ബാറ്റിങ്ങിനയക്കുകയായിരുന്നു.ആദ്യം ബാറ്റ് ചെയ്ത ഓസീസ് ക്യാപ്റ്റൻ മാത്യു വെയ്ഡിന്റെയും ആരോൺ ഫിഞ്ചിന്റെയും ബാറ്റിങ് വെടിക്കെട്ടിന്റെ മികവിലാണ് എട്ടോവറിൽ അഞ്ച് വിക്കറ്റ് നഷ്ടത്തിൽ 90 റൺസെടുത്തത്.

20 പന്തിൽ നിന്ന് മൂന്ന് സിക്സും നാല് ഫോറുമടക്കം 43 റൺസോടെ പുറത്താകാതെ നിന്ന മാത്യു വെയ്ഡാണ് ഓസ്ട്രേലിയയുടെ ടോപ് സ്‌കോറർ. ക്യാപ്റ്റൻ ആരോൺ ഫിഞ്ച് 15 പന്തിൽ നിന്ന് ഒരു സിക്സും നാല് ഫോറുമടക്കം 31 റൺസെടുത്തു. സ്റ്റീവ് സ്മിത്ത് എട്ടു റൺസോടെ പുറത്താകാതെ നിന്നു.കാമറൂൺ ഗ്രീൻ (5), ഗ്ലെൻ മാക്സ്വെൽ (0), ടിം ഡേവിഡ് (2) എന്നിവരാണ് പുറത്തായ മറ്റ് ഓസ്ട്രേലിയൻ താരങ്ങൾ.

രണ്ട് ഓവറിൽ 13 റൺസ് മാത്രം വഴങ്ങി അപകടകാരികളായ ഗ്ലെൻ മാക്സ്വെല്ലിനെയും ടിം ഡേവിഡിനെയും മടക്കിയ അക്ഷർ പട്ടേലാണ് ഇന്ത്യൻ ബൗളർമാരിൽ തിളങ്ങിയത്. ഓസ്ട്രേലിയക്കായി ആദം സാംപ രണ്ട് ഓവറിൽ 16 റൺസ് വഴങ്ങി മൂന്ന് വിക്കറ്റ് വീഴ്‌ത്തി.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP