Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202025Sunday

ശരവേഗത്തിലോടി കേരളക്കരയുടെ അഭിമാന താരം സൃഷ്ടിച്ചത് മിന്നും വിജയം; ഏഷ്യൻ അത്‌ലറ്റിക്ക് ചാമ്പ്യൻഷിപ്പിൽ പി.യു. ചിത്രയ്ക്ക് സ്വർണം; വനിതകളുടെ 1500 മീറ്റർ ഓട്ടത്തിൽ താരം നേട്ടം കൊയ്തത് 4.14.56 സെക്കണ്ടിൽ; അവസാന 300 മീറ്ററിലെ കുതിപ്പിൽ താരം പിന്നിലാക്കിയത് ബഹ്‌റൈനിന്റെ ഗാഷോ ടൈഗെസ്റ്റിനെ

ശരവേഗത്തിലോടി കേരളക്കരയുടെ അഭിമാന താരം സൃഷ്ടിച്ചത് മിന്നും വിജയം; ഏഷ്യൻ അത്‌ലറ്റിക്ക് ചാമ്പ്യൻഷിപ്പിൽ പി.യു. ചിത്രയ്ക്ക് സ്വർണം; വനിതകളുടെ 1500 മീറ്റർ ഓട്ടത്തിൽ താരം നേട്ടം കൊയ്തത് 4.14.56 സെക്കണ്ടിൽ; അവസാന 300 മീറ്ററിലെ കുതിപ്പിൽ താരം പിന്നിലാക്കിയത് ബഹ്‌റൈനിന്റെ ഗാഷോ ടൈഗെസ്റ്റിനെ

മറുനാടൻ ഡെസ്‌ക്‌

ദോഹ: ട്രാക്കിൽ വേഗതയുടെ തീപ്പൊരി സൃഷ്ടിക്കുന്ന കേരളക്കരയുടെ അഭിമാന താരം വീണ്ടും വിജയത്തിന്റെ തിളക്കത്തിൽ. ഏഷ്യൻ അത്‌ലറ്റിക്ക് ചാമ്പ്യൻഷിപ്പിൽ കേരളത്തിന്റെ അഭിമാന താരമായ പി.യു.ചിത്ര സ്വർണം നേടി. വനിതകളുടെ 1500 മീറ്റർ ഓട്ടത്തിൽ 4.14.56 സെക്കണ്ടിൽ ഫിനിഷ് ചെയ്താണ് താരം കേരളത്തിന്റെ അഭിമാനം കാത്തത്.

പക്ഷേ ഈ സീസണിലെ ഏറ്റവും മികച്ച സമയമായ 4:13.58 സെക്കൻഡ് ആവർത്തിക്കാൻ ചിത്രയ്ക്ക് കഴിഞ്ഞില്ല. അവസാന മുന്നൂറ് മീറ്റിലെ കുതിപ്പ് വഴിയാണ് ചിത്ര ബഹ്റൈനിന്റെ ഗാഷോ ടൈഗെസ്റ്റിനെ മറികടന്ന് സ്വർണം നേടിയത്. 2017ൽ ഭുവനേശ്വറിൽ നടന്ന ചാമ്പ്യൻഷിപ്പിലും ചിത്ര 1500 മീറ്റർ ഓട്ടത്തിൽ സ്വർണം നേടിയിരുന്നു.

ചാമ്പ്യൻഷിപ്പിൽ ഇന്ത്യയുടെ മൂന്നാമത്തെ സ്വർണമാണിത്. ഗോമതി മാരിമുത്തു, തേജീന്ദർപാൽ സിങ് എന്നിവരുടെ വകയാണ് മറ്റ് രണ്ട് സ്വർണം. നേരത്തെ ദ്യുതി ചന്ദ് വനിതകളുടെ 200 മീറ്റർ ഓട്ടത്തിൽ ഇന്ത്യയ്ക്കുവേണ്ടി വെങ്കലം നേടി. 23.4 സെക്കൻഡിലായിരുന്നു ദ്യുതിയുടെ ഫിനിഷ്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP