Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

ദേശീയ ഗെയിംസിൽ അത്‌ലറ്റിക്‌സിൽ നിന്നും കേരളം കാര്യമായൊന്നും പ്രതീക്ഷിക്കേണ്ടെന്ന് പി ടി ഉഷയും; ടീം സെലക്ഷൻ പ്രഹസനം; അർഹരായ പലരെയും ഒഴിവാക്കിയെന്നും ഉഷ

ദേശീയ ഗെയിംസിൽ അത്‌ലറ്റിക്‌സിൽ നിന്നും കേരളം കാര്യമായൊന്നും പ്രതീക്ഷിക്കേണ്ടെന്ന് പി ടി ഉഷയും; ടീം സെലക്ഷൻ പ്രഹസനം; അർഹരായ പലരെയും ഒഴിവാക്കിയെന്നും ഉഷ

കണ്ണൂർ: സംസ്ഥാനം ആതിഥ്യം അരുളുന്ന ദേശീയ ഗെയിംസിൽ വിജയം കൊയ്യാൻ കേരളത്തിന് ആകുമോ എന്ന ചോദ്യം വിവിധ കോണുകളിൽ നിന്നും ഉയരുന്നുണ്ട്. ക്രമക്കേടുകളുടെ മേളയായി ദേശീയ ഗെയിംസ് മാറുന്നു എന്ന വിമർശനം ഉയരുന്നതിനിടെ സെലക്ഷൻ ട്രെയൽസിനെ വിമർശിച്ച് ഒളിമ്പ്യൻ പി ടി ഉഷയും രംഗത്തെത്തി. ദേശീയ ഗെയിംസിനായുള്ള കേരളത്തിന്റെ അത്‌ലറ്റിക്‌സ് ടീമിന്റെ തെരഞ്ഞെടുപ്പ് വെറും പ്രഹസനമാണെന്ന് ഉഷ വിമർശിച്ചു.

ദേശീയ ഗെയിംസിനുള്ള ടീമിൽ നിന്നും അർഹരായ പലരെയും ഒഴിവാക്കി. ടീം സെലക്ഷൻ പ്രഹസനമായിരുന്നുവെന്നും പി.ടി ഉഷ ആരോപിച്ചു. മുൻകൂട്ടി തയാറാക്കിയ പട്ടികയാണ് പ്രഖ്യാപിച്ചത്. ട്രയൽസിനത്തെിയ പലരെയും ട്രാക്കിൽ പോലും ഇറക്കിയിട്ടില്ല. കഴിഞ്ഞ ഓപ്പൺ നാഷണൽ അത് ലറ്റിക്‌സിൽ യോഗ്യത തെളിയിക്കാനാവാത്തവരെ പോലും ടീമിൽ ഉൾപ്പെടുത്തിയിട്ടുണ്ട്. ദേശീയ ഗെയിംസിൽ കേരളത്തെ പ്രതിനിധീകരിക്കുന്ന നിലവിലെ ടീമിൽ പ്രതീക്ഷയില്ലെന്നും പി.ടി ഉഷ പറഞ്ഞു.

ദേശീയ ഗെയിംസ് ഫണ്ടിൽ നിന്നുള്ള പണം മറ്റ് കാര്യങ്ങൾക്ക് വകയിരുത്തുമ്പോൾ കായികതാരങ്ങൾക്ക് സൗകര്യം ഒരുക്കുന്നതിൽ വീഴ്‌ച്ച വന്നു എന്ന ആക്ഷേപം നേരത്തെ തന്നെ ഉയർന്നിരുന്നു. ഇക്കാര്യം ഉൾപ്പെടെയുള്ള കാര്യങ്ങൾ ചൂണ്ടിക്കാട്ടിയാണ് ഗെയിംസ് സംഘാടക സമിതിയിൽ നിന്നും കെ ബി ഗണേശ് കുമാർ രാജിവച്ചത്. കേരളത്തിന്റെ പ്രകടനം മോശമാകുമെന്ന ആക്ഷേപം മറ്റ് കായികതാരങ്ങളും രേഖപ്പെടുത്തിയിരുന്നു. ഇതിനിടെയാണ് പി ടി ഉഷയും കേരളാ അത്‌ലറ്റിക്‌സ് ടീം തിരഞ്ഞെടുപ്പിനെ എതിർത്തുകൊണ്ട് രംഗത്തെത്തിയത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP