Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Aug / 202212Friday

വിൻഡോസ് 8.1 സേവനം അവസാനിപ്പിക്കാൻ ഒരുങ്ങി മൈക്രോസോഫ്റ്റ്; ഉപഭോക്താക്കൾ ഉടൻ അപ്‌ഗ്രേഡ് ചെയ്യൂ

വിൻഡോസ് 8.1 സേവനം അവസാനിപ്പിക്കാൻ ഒരുങ്ങി മൈക്രോസോഫ്റ്റ്; ഉപഭോക്താക്കൾ ഉടൻ അപ്‌ഗ്രേഡ് ചെയ്യൂ

സ്വന്തം ലേഖകൻ

മൈക്രോസോഫ്റ്റ് വിൻഡോസ് 8.1 ഓപ്പറേറ്റിങ് സിസ്റ്റത്തിന്റെ സേവനം അവസാനിപ്പിക്കാനൊരുങ്ങുന്നു. 2023 ജനുവരി 23 നാണ് മൈക്രോസോഫ്റ്റ് 8.1 സേവനം നിർത്തുക. ഇത് സംബന്ധിച്ച അറിയിപ്പുകൾ താമസിയാതെ ഉപഭോക്താക്കൾക്ക് ലഭിക്കും. അതിനാൽ ഉപഭോക്താക്കൽ ഓപ്പറേറ്റിങ് സിസ്റ്റം ഉടൻ അപ്‌ഗ്രേഡ് ചെയ്ത് പുതിയ വിൻഡോസ് വേർഷനിലേക്ക് മാറുക.

2016 ജനുവരി 12 നാണ് വിൻഡോസ് 8 നുള്ള പിന്തുണ കമ്പനി അവസാനിപ്പിച്ചത്. വിൻഡോസ് 8.1 നുള്ള പിന്തുണ 2023 ജനുവരി 10 ന് അവസാനിപ്പിക്കുമെന്ന് കമ്പനി ഒരു അപ്ഡേറ്റിൽ പറഞ്ഞു. ഈ തീയ്യതികൾക്ക് ശേഷം മൈക്രോസോഫ്റ്റ് 365 ആപ്പുകൾ വിൻഡോസ് 8 ലോ വിൻഡോസ് 8.1 ലോ ലഭിക്കില്ല. ഇതുമായി ബന്ധപ്പെട്ട പ്രശ്നങ്ങൾ ഒഴിവാക്കാൻ പുതിയ വിൻഡോസ് വേർഷനിലേക്ക് മാറാനാണ് കമ്പനി നിർദേശിക്കുന്നത്.

മുമ്പ് വിൻഡോസ് 8, വിൻഡോസ് 8.1 ഓഎസുകളുമായി ഇറങ്ങിയിരുന്ന കംപ്യൂട്ടറുകൾ ഏറ്റവും പുതിയ വിൻഡോസ് 11 ലേക്ക് മാറുവാൻ യോഗ്യമാവില്ല. എന്നാൽ അവ വിൻഡോസ് 10 ലേക്ക് അപ്ഗ്രേഡ് ചെയ്യാനാവും. വിൻഡോസ് 10 ന്റെ ഫുൾ വേർഷൻ വാങ്ങി ഇൻസ്റ്റാൾ ചെയ്യേണ്ടി വരും.

2025 ഒക്ടോബർ 14 വരെയാണ് വിൻഡോസ് 10 ന് മൈക്രോസോഫ്റ്റിൽ നിന്നുള്ള പിന്തുണ ലഭിക്കുക. വിൻഡോസ് 8.1 ഉപയോഗിക്കുന്നവർ പുതിയ വിൻഡോസ് 11 പിസിയിലേക്ക് മാറുന്നതായിരിക്കും നല്ലത്.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP