Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202425Thursday
ഹോം സൈടെൿ സാങ്കേതികവിദ്യ

ഇന്ത്യയുടെ ഗതിനിർണയ ഉപഗ്രഹ വിക്ഷേപണം പരാജയപ്പെട്ടു; ഗതിനിർണയത്തിനുള്ള 'നാവിക്' ശൃംഖലയിൽ പുതിയ ഉപഗ്രഹത്തിന്റെ വിക്ഷേപണമാണ് പരാജയപ്പെട്ടത്; 2013-ൽ വിക്ഷേപിച്ച ഉപഗ്രഹം തകരാറിലായതിനെ തുടർന്നാണ് പുതിയത് എത്തിക്കാൻ ശ്രമിച്ചത്

August 31, 201708:44 PM IST Permalink
ഇന്ത്യയുടെ ഗതിനിർണയ ഉപഗ്രഹ വിക്ഷേപണം പരാജയപ്പെട്ടു; ഗതിനിർണയത്തിനുള്ള 'നാവിക്' ശൃംഖലയിൽ പുതിയ ഉപഗ്രഹത്തിന്റെ വിക്ഷേപണമാണ് പരാജയപ്പെട്ടത്; 2013-ൽ വിക്ഷേപിച്ച ഉപഗ്രഹം തകരാറിലായതിനെ തുടർന്നാണ് പുതിയത് എത്തിക്കാൻ ശ്രമിച്ചത്

മറുനാടൻ ഡസ്‌ക്

ബെംഗളൂരു: രാജ്യത്തിന്റെ ദിശാസൂചക ഉപഗ്രഹ ശ്രേണിയിലുള്ള ഐആർഎൻഎസ്എസ്-1എച്ച് വിക്ഷേപണം പരാജയപ്പെട്ടു. ആന്ധ്രയിലെ ശ്രീഹരിക്കോട്ട സതീഷ് ധവാൻ ബഹിരാകാശ കേന്ദ്രത്തിൽ നിന്നാണ് ഉപഗ്രഹം വിക്ഷേപിച്ചത്. ദൗത്യം പരാജയപ്പെട്ടതായി ഐഎസ്ആർഒ ചെയർമാൻ കിരൺ കുമാർ സ്ഥിരീകരിച്ചു.

പിഎസ്എൽവി സി-39 റോക്കറ്റ് ഉപയോഗിച്ചായിരുന്നു വിക്ഷേപണം. 29 മണിക്കൂർ കൗണ്ട് ഡൗൺ ബുധനാഴ്ച ഉച്ചയ്ക്കു രണ്ടോടെയാണ് ആരംഭിച്ചത്. ഇന്ത്യൻ റീജനൽ നാവിഗേഷൻ സാറ്റലൈറ്റ് സിസ്റ്റം ശ്രേണിയിലെ ഏഴു ദിശാസൂചക ഉപഗ്രഹങ്ങളിൽപ്പെട്ട ഐആർഎൻഎസ്എസ്-1 എയുടെ മൂന്നു റൂബീഡിയം ക്ലോക്കുകൾ പ്രവർത്തനം നിലച്ച സാഹചര്യത്തിലാണ് ഇതിനെ പിന്തുണയ്ക്കാനുള്ള ബാക്കപ്പായി 1400 കിലോഗ്രാം ഭാരമുള്ള 1 എച്ച് ഉപഗ്രഹം അയച്ചത്

ഉപഗ്രഹത്തിന് പി.എസ്.എൽ.വി സി 39 റോക്കറ്റിൽനിന്ന് വേർപെടാനായില്ല. ശ്രീഹരിക്കോട്ടയിലെ സതീഷ് ധവാൻ ബഹിരാകാശ കേന്ദ്രത്തിൽനിന്ന് ആയിരുന്നു വിക്ഷേപണം. ഗതിനിർണയത്തിനുള്ള 'നാവിക്' ശൃംഖലയിൽ പുതിയ ഉപഗ്രഹത്തിന്റെ വിക്ഷേപണമാണ് പരാജയപ്പെട്ടത്. 2013-ൽ വിക്ഷേപിച്ച ഉപഗ്രഹം തകരാറിലായതിനെ തുടർന്നാണ് പുതിയത് ഭ്രമണപഥത്തിൽ എത്തിക്കാൻ ശ്രമിച്ചത്.

ഗതിനിർണയ സംവിധാനത്തിന് തുടക്കമിട്ട് 2013-ൽ വിക്ഷേപിച്ച ഐ.ആർ.എൻ.എസ്.എസ്. -1 എ എന്ന ഉപഗ്രഹത്തിലെ മൂന്ന് റുബിഡിയം അറ്റോമിക് ക്ലോക്കുകൾ പ്രവർത്തനരഹിതമായിരുന്നു. ഇത് സ്ഥാനനിർണയത്തെ ബാധിച്ചതോടെ നാവികിന്റെ പൂർണതോതിലുള്ള പ്രവർത്തനം ജനുവരിമുതൽ നിർത്തിവെച്ചിരിക്കുകയാണ്. ഇതിനെത്തുടർന്നായിരുന്നു പുതിയ ഉപഗ്രഹ വിക്ഷേപണം.

പി.എസ്.എൽ.വി. സി-39 റോക്കറ്റുപയോഗിച്ചാണ് 1425 കിലോഗ്രാം ഭാരമുള്ള ഉപഗ്രഹം വിക്ഷേപിച്ചത്. ഉപഗ്രഹത്തെ 35,000 കിലോമീറ്റർ ഉയരത്തിലുള്ള ഭൂസ്ഥിര ഭ്രമണ പഥത്തിൽ എത്തിക്കാനായിരുന്നു ശ്രമം. കൗണ്ട് ഡൗൺ ബുധനാഴ്ച ഉച്ചയ്ക്ക് തുടങ്ങിയിരുന്നു.

 

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP