പുരാതനകാലത്ത് ചൊവ്വയിൽ നദിയുണ്ടായിരുന്നു; പ്രാചീന നദീമുഖങ്ങളുടെ തെളിവുകളുമായി ഗവേഷകർ...

പുരാതനകാലത്ത് ചൊവ്വയിൽ നദിയുണ്ടായിരുന്നു; പ്രാചീന നദീമുഖങ്ങളുടെ തെളിവുകളുമായി ഗവേഷകർ

October 09, 202107:14 AM IST Permalink

സ്വന്തം ലേഖകൻ

പാരീസ്: പണ്ട് പണ്ട് ചൊവ്വയിൽ നദിയുണ്ടായിരുന്നതിന്റെ തെളിവുകളുമായി ഗവേഷകർ. അമേരിക്കൻ ബഹിരാകാശ ഏജൻസിയായ നാസയുടെ ഗവേഷകരാമ് ചൊവ്വയിൽ പ്രാചീന നദീമുഖങ്ങൾ നിലനിന്നിരുന്നതിന്റെ തെളിവുകൾ കണ്ടെത്തിയത്. നാസയുടെ പര്യവേക്ഷണപേടകമായ പെർസിവിയറൻസ് ചൊവ്വയിൽനിന്നെടുത്ത മലഞ്ചെരുവുകളുടെ ചിത്രങ്ങൾ വിശകലനം ചെയ്തതിൽനിന്നാണ് കണ്ടെത്തൽ.

ഫ്‌ളോറിഡയിൽനിന്നുള്ള ബഹിരാകാശ ജീവശാസ്ത്രജ്ഞ ആമി വില്യംസും സംഘവും ചൊവ്വയിലെ മലഞ്ചെരിവുകൾക്ക് ഭൂമിയിലെ നദീമുഖങ്ങളുമായി സാമ്യമുണ്ടെന്ന് കണ്ടെത്തുകയായിരുന്നു. മലഞ്ചെരുവുകളിലെ അവസാനത്തെ മൂന്നുപാളികളുടെ ആകൃതി തുടർച്ചയായുള്ള ജലമൊഴുക്കുണ്ടായതിനെ സൂചിപ്പിക്കുന്നു. പ്രാചീനകാലത്തെ നദീതീരങ്ങളാണ് ഇവയെന്നാണ് ഗവേഷകർ ചൂണ്ടിക്കാട്ടുന്നത്. പഠനം സയൻസ് ജേണലിൽ പ്രസിദ്ധീകരിച്ചു.

ചൊവ്വ ഏകദേശം 370 കോടി വർഷങ്ങൾക്കുമുന്പ് ജലചംക്രമണത്തെ പിന്തുണയ്ക്കുന്ന രീതിയിൽ ചൂടും ഈർപ്പമുള്ളതുമായിരുന്നുവെന്ന് പഠനം കണ്ടെത്തുന്നു.മുകളിലെയും ഏറ്റവും താഴ്ഭാഗത്തെയും പാളികളിൽ ഒരുമീറ്റർ വ്യാസത്തിൽ പാറക്കല്ലുകൾ ചിതറിക്കിടക്കുന്നത് ശക്തമായ വെള്ളപ്പൊക്കങ്ങൾ ഗ്രഹത്തിലുണ്ടായതിന്റെ സാധ്യതകളിലേക്കും വിരൽചൂണ്ടുന്നുണ്ട്.

ചൊവ്വാഗ്രഹത്തിൽ ജീവൻ നിലനിന്നിരുന്ന പ്രദേശങ്ങൾ ഏതൊക്കെയാണെന്ന് കണ്ടെത്താൻ പുതിയ തെളിവുകൾ സഹായിക്കും. പാറക്കല്ലുകൾ ശേഖരിക്കാൻ എവിടേക്കാണ് പര്യവേക്ഷണ വാഹനങ്ങൾ അയക്കുകയെന്നതിലേക്ക് ഇത് ഗവേഷകർക്ക് സൂചന നൽകും.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: