15 വർഷം കൂടി കഴിയുമ്പോൾ ലോകം തണുത്തുറഞ്ഞുപോവുമോ? 2030-ലെ മിനി ഐസ് ഏജിൽ പ്രധാന നദികൾ എ...

15 വർഷം കൂടി കഴിയുമ്പോൾ ലോകം തണുത്തുറഞ്ഞുപോവുമോ? 2030-ലെ മിനി ഐസ് ഏജിൽ പ്രധാന നദികൾ എല്ലാം തണുത്തുറയുമെന്ന് റിപ്പോർട്ട്

July 12, 201508:03 AM IST Permalink

15 വർഷം കൂടി കഴിഞ്ഞാൽ ഭൂമിയുടെ പാതിയിലേറെ തണുത്തുറയുമെന്ന് ശാസ്ത്രലോകം. ലോകത്തെ പ്രധാന നദികളെല്ലാം തണുത്തുറയുകയും അതിശൈത്യത്തിൽ ലോകം വിറയ്ക്കുകയും ചെയ്യുന്ന മിനി ഐസ് ഏജാണ് വരാനിരിക്കുന്നതെന്നും അവർ മുന്നറിയിപ്പ് നൽകുന്നു.

നോർത്തുംബ്രിയ സർവകലാശാലയിലെ സൗരഗവേഷകരാണ് ഈ കണ്ടെത്തൽ നടത്തിയിരിക്കുന്നത്. സൂര്യനിലുണ്ടാകുന്ന വ്യത്യാസങ്ങൾ അന്തരീക്ഷത്തിലെ താപനിലയിൽ ഗണ്യമായ കുറവുവരുത്തുമെന്നും ഉത്തരാർധ ഗോളത്തിൽ കടുത്ത ശൈത്യത്തിന് കാരണമാകുമെന്നും അവർ പ്രവചിക്കുന്നു. സൗരതാപനില 60 ശതമാനത്തോളം കുറയുമെന്നാണ് പ്രൊഫസർ വാലന്റീന ഷർക്കോവയുടെ അഭിപ്രായം.

17-ാം നൂറ്റാണ്ടിലുണ്ടായ മിനി ഐസ് ഏജിന് സമാനമായ സാഹചര്യങ്ങളാകും താപനിലയിലെ ഈ മാറ്റം വരുത്തിവെക്കുകയെന്നും നാഷണൽ ആസ്‌ട്രോണമി യോഗത്തിൽ അവതരിപ്പിച്ച പ്രബന്ധത്തിൽ അവർ പറയുന്നു. 2030-നും 2040-നും ഇടയ്ക്കാവും ഈ മാറ്റമുണ്ടാവുക. സൂര്യന്റെ ഇരുധ്രുവങ്ങളിലുമുണ്ടാകുന്ന തരംഗങ്ങൾ പരസ്പരം കൂട്ടിമുട്ടുന്നതോടെയാണ് താപനിലയിൽ ഗണ്യമായ കുറവുണ്ടാവുക.

1645-നും 1715-നും ഇടയ്ക്ക് യൂറോപ്പും വടക്കൻ അമേരിക്കയും കടുത്ത ശൈത്യത്തെ അഭിമുഖീകരിക്കേണ്ടി വന്നിരുന്നു. മൗണ്ടർ മിനിമം എന്നാണ് സൂര്യനിലെ താപവ്യതിയാനം അറിയപ്പെട്ടത്. അതിന് സമാനമായ സാഹചര്യമാകും 2030-നും 2040-നും മധ്യത്തിൽ ഉണ്ടാവുകയെന്നും ഇവർ അഭിപ്രായപ്പെടുന്നു. അന്ന് തേംസ് ഉൾപ്പെടെയുള്ള നദികൾ തണുത്തുറഞ്ഞ് കിടന്നിരുന്നു. തെംസ് ഏഴാഴ്ചയാണ് ഉറഞ്ഞുപോയത്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

Stories you may Like

Readers Comments+

More News in this category+

MNM Recommends +