Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Oct / 202026Monday

എവിടെയും പ്രകാശിപ്പിക്കാൻ കഴിയുന്ന കടലാസുകൾ വരുന്നു; ലൈറ്റ് ബൾബുകൾ അപ്പാടെ അപ്രത്യക്ഷമാകുമോ?

എവിടെയും പ്രകാശിപ്പിക്കാൻ കഴിയുന്ന കടലാസുകൾ വരുന്നു; ലൈറ്റ് ബൾബുകൾ അപ്പാടെ അപ്രത്യക്ഷമാകുമോ?

വെളിച്ചത്തിനായി ഉപയോഗിക്കുന്ന ബൾബുകളുടെ അന്ത്യം കുറിക്കാൻ ഇതാ പുതിയ പേപ്പർ വരുന്നു! ഒരു പേപ്പറിന് എങ്ങനെ ബൾബുകൾക്ക് പകരം നിൽക്കാനാകുമെന്ന് ചോദിക്കാൻ വരട്ടെ. ഇതു സാധാരണ പേപ്പറല്ല. വളരെ ചെറിയ എൽ ഇ ഡികളുപയോഗിച്ച് പ്രിന്റ് ചെയ്‌തെടുക്കുന്ന ലൈറ്റ്‌പേപ്പറുകളാണിത്. ഇവ ചുമരിൽ പതിപ്പിക്കുകയോ മറ്റു വസ്തുക്കളിൽ പിടിപ്പിക്കുകയോ എന്തും ചെയ്യാമെന്ന് ഇതു വികസിപ്പിച്ചെടുത്ത ഗവേഷകർ പറയുന്നു. ത്രി ഡി പ്രിന്റിങ് സാങ്കേതിക വിദ്യയാണ് ഈ പേപ്പർലൈറ്റ് വികസിപ്പിച്ചെടുക്കുന്നതിൽ വഴിത്തിരിവുണ്ടാക്കിയത്. പേപ്പർ ലൈറ്റുകൾ എങ്ങനെ എല്ലാം ഉപയോഗപ്പെടുത്താമെന്ന് തങ്ങൾക്കു തന്നെ അറിയില്ലെന്നും നിർമ്മാതാക്കളായ കമ്പനി സമ്മതിക്കുകയും ചെയ്തു.

ലോകത്തെ ഏറ്റവും നേർത്ത ഈ ലൈറ്റ് നിർമ്മിക്കുന്നത് മഷിയും വളരെ ചെറിയ എൽ ഇ ഡികളും വൈദ്യുതചാലക ശേഷിയുള്ള പാളിയിലേക്ക് അച്ചടിച്ചാണ്. ഇവ പിന്നീട് രണ്ടു പാളികളിൽ കൂടി പൊതിയുന്നു. ചുവന്ന രക്ത കോശത്തോളം മാത്രമെ ഇവയിലുപയോഗിക്കുന്ന ഡയോഡുകൾക്ക് വലിപ്പമുള്ളൂ. വൈദ്യുതി ഈ ഡയോഡുകളിലൂടെ കടന്നു പോകുേമ്പാൾ പേപ്പർ ലൈറ്റ് പ്രകാശിക്കുന്നു. ഇതിന് എങ്ങനെയും വഴങ്ങുന്ന രൂപമാണെന്ന് നിർമ്മിച്ച കമ്പനിയായ റോഹിനി പറയുന്നു. സാധാരണ എൽ ഇ ഡികളെ സർക്യൂട്ട് ബോർഡിൽ പിടിപ്പിച്ചാണ് ലൈറ്റുകൾ ഉണ്ടാകുന്നത്. എന്നാൽ ഇഷ്ടപ്രകാരം പ്രിന്റ് ചെയ്ത് പേപ്പർലൈറ്റ് നിർമ്മിക്കാമെന്ന് കമ്പനി പറയുന്നു.

വാൾപേപ്പറായും കാറിന്റെ ലോഗോകളായും കമ്പനി പേപ്പർ ലൈറ്റുകൾ അവതരിപ്പിച്ചു. ഈ പേപ്പർ ലൈറ്റുകൾ ഏതെല്ലാം തരത്തിൽ ഉപയോഗപ്പെടുത്താമെന്ന് തങ്ങൾക്കു പോലും അറിയില്ലെന്ന് റോഹിനി സിഎംഒ നിക്ക് സ്മൂട്ട് പറയുന്നു. പുതിയൊരു ലൈറ്റ് നിർമ്മിക്കാനുള്ള വഴി കണ്ടെത്തിയെന്നു മാത്രമെ തങ്ങൾക്കറിയൂ എന്നും അദ്ദേഹം പറഞ്ഞു.

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP