Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jan / 202226Wednesday

'സകല മണ്ഡലങ്ങളിലും ഓടി നടന്ന് സ്ഥാനാർത്ഥികളെ തോൽപ്പിക്കാൻ പറ്റോ സക്കീർ ഭായിക്ക്?'; പിഷാരടി കോൺഗ്രസിന്റെ മാൻട്രേക്ക്; പിഷാരടിക്കെതിരെയുള്ള ട്രോളുകൾക്ക് മറുപടിയുമായി രാഹുൽ മാങ്കൂട്ടത്തിൽ

'സകല മണ്ഡലങ്ങളിലും ഓടി നടന്ന് സ്ഥാനാർത്ഥികളെ തോൽപ്പിക്കാൻ പറ്റോ സക്കീർ ഭായിക്ക്?'; പിഷാരടി കോൺഗ്രസിന്റെ മാൻട്രേക്ക്; പിഷാരടിക്കെതിരെയുള്ള ട്രോളുകൾക്ക് മറുപടിയുമായി രാഹുൽ മാങ്കൂട്ടത്തിൽ

സ്വന്തം ലേഖകൻ

നിയമസഭാ തിരഞ്ഞെടുപ്പിൽ യുഡിഎഫിന് കനത്ത പരാജയം ഏറ്റുവാങ്ങേണ്ടി വന്നു. ഇതുമായി ബന്ധപ്പെട്ട് കോൺഗ്രസിന്റെ താര പ്രചാരകനായ പിഷാരടിയെ ട്രോളി കൊല്ലുകയാണ് സോഷ്യൽ മീഡിയ. പിഷാരടി കോൺഗ്രസിന്റെ 'മാൻട്രേക്ക്' എന്നാണ് സൈബർ സഖാക്കൾ വിശേഷിപ്പിച്ചത്. പിഷാരടി മൗനം തുടരുമ്പോൾ രമേശ് പിഷാരടിയെ ട്രോളുന്നവർക്കു മറുപടിയുമായി എത്തുകയാണ് യൂത്ത് കോൺഗ്രസ് ജനറൽ സെക്രട്ടറി രാഹുൽ മാങ്കൂട്ടത്തിൽ. പിഷാരടി പ്രചരണത്തിനിറങ്ങിയ കുണ്ടറയും കരുനാഗപ്പള്ളിയും അങ്കമാലിയും തൃക്കാക്കരയും കോട്ടയവും പാലക്കാടുമടക്കം ഒരു പാട് മണ്ഡലങ്ങളിൽ യുഡിഎഫ് വിജയച്ചിരുന്നുവെന്നും ഇപ്പോൾ നടക്കുന്നത് സൈബർ ഗുണ്ടായിസമാണെന്നും രാഹുൽ പറയുന്നു.

രാഹുൽ മാങ്കൂട്ടത്തിലിന്റെ വാക്കുകൾ:
പിഷാരടി പ്രചാരണത്തിനു പോയിടത്തെല്ലാം തോറ്റു, അതു കൊണ്ട് പിഷാരടി മാൻഡ്രേക്ക് ആണ് പോലും! സൈബർ സഖാക്കളുടെ പുതിയ കണ്ടുപിടുത്തമാണ്. മാൻഡ്രേക്ക് എന്ന് പിഷാരടിയെ വിളിക്കുമ്പോൾ 'മാടംപള്ളിയിലെ യഥാർത്ഥ മാൻഡ്രേക്ക് ' യെനക്കൊന്നുമറിയാത്ത പോലെ ചിരിക്കുകയാണ്. സംശയമുണ്ടെങ്കിൽ ആദ്യം പറത്തിയ പ്രാവിനോട് ചോദിച്ചാൽ മതി. പാർലമെന്റ് തിരഞ്ഞെടുപ്പിൽ അദ്ദേഹം പ്രചരണത്തിനിറങ്ങി 20 ൽ 19 ഉം തോറ്റു, അത്ര വലിയ സ്‌ട്രൈക്ക് റേറ്റ് സാക്ഷാൽ മാൻഡ്രേക്കിനു പോലുമില്ല.
പിഷാരടി പ്രചരണത്തിനിറങ്ങിയ കുണ്ടറയും, കരുനാഗപ്പള്ളിയും, അങ്കമാലിയും, തൃക്കാക്കരയും, കോട്ടയവും, പാലക്കാടുമടക്കം ഒരു പാട് മണ്ഡലങ്ങൾ UDF ജയിച്ചു എന്നറിയാഞ്ഞിട്ടല്ല സഖാക്കൾ ഈ സൈബർ ഗുണ്ടായിസം നടത്തുന്നത്, അവരുടെ പ്രശ്‌നം പിഷാരടി കോൺഗ്രസ്സിനു വേണ്ടിയാണ് പ്രചരണം നടത്തിയത്.

കലാകാരനും സാഹിത്യകാരനുമായാൽ അവർ ഇടതുപക്ഷ സഹയാത്രികരും അടിമകളുമായിരിക്കണം എന്ന സഖാക്കൾ സൃഷ്ടിച്ച പൊതുബോധം വിട്ട് യാത്ര ചെയ്തയാളാണ് താങ്കൾ. സഖാക്കളെ സംബന്ധിച്ചിടത്തോളം അവരല്ലാത്ത എല്ലാം തെറ്റാണ്. അവരുടേതല്ലാത്ത രാഷ്ട്രീയം പറയുന്നവരെ ആക്ഷേപിക്കുകയും, തെറി വിളിക്കുകയും ചെയ്യുക എന്നതാണ് അവരുടെ സംസ്‌കാരം. നിങ്ങൾ ധൈര്യമായി മുന്നോട്ട് പോകു സഹോ, അവർ ശീലിച്ച പൈതൃക ഭാഷയിൽ അവർ സംവദിക്കട്ടെ....

നിയമസഭ തെരഞ്ഞെടുപ്പിൽ നടൻ രമേഷ് പിഷാരടി പ്രചാരണത്തിന് എത്തിയ എല്ലാ മണ്ഡലങ്ങളിലെയും സ്ഥാനാർത്ഥികൾ പരാജയപ്പെട്ടെന്ന് സമൂഹമാധ്യമങ്ങളിൽ വ്യാപകമായ ട്രോൾ പ്രചരിച്ചിരുന്നു. സംവിധായകൻ എം.എ. നിഷാദ് അടക്കമുള്ളവരാണ് ട്രോളുമായി രംഗത്ത് വന്നത്. തെരഞ്ഞെടുപ്പിൽ കോൺഗ്രസിന്റെ താര പ്രചാരകനായിരുന്നു പിഷാരടി. എന്നാൽ പിഷാരടി പ്രചാരണത്തിന് പോയ എല്ലായിടത്തെയും യുഡിഎഫ് സ്ഥാനാർത്ഥികൽ പരാജയപ്പെട്ടുവെന്നാണ് ട്രോൾ.

'സകല മണ്ഡലങ്ങളിലും ഓടി നടന്ന് സ്ഥാനാർത്ഥികളെ തോൽപ്പിക്കാൻ പറ്റോ സക്കീർ ഭായിക്ക്?'എന്ന അടിക്കുറിപ്പോടെ പിഷാരടി പ്രചരണത്തിനിറങ്ങിയ ചിത്രങ്ങൾ പങ്കുവച്ചായിരുന്നു നിഷാദിന്റെ പ്രതികരണം.

സുഹൃത്തും ബാലുശ്ശേരിയിലെ കോൺഗ്രസ് സ്ഥാനാർത്ഥിയുമായിരുന്ന ധർമജൻ ബോൾഗാട്ടിയുടെ പ്രചാരണത്തിൽ പിഷാരടി പങ്കെടുത്തിരുന്നു. തിരഞ്ഞെടുപ്പിന് തൊട്ട് മുമ്പുള്ള ചെന്നിത്തലയുടെ കേരളയാത്രയിലും പിഷാരടി ഭാഗമായിരുന്നു. തിരുവനന്തപുരത്ത് വി എസ്. ശിവകുമാർ, അരുവിക്കരയിൽ കെ. എസ്. ശബരീനാഥൻ, താനൂരിൽ പി.കെ. ഫിറോസ്, തൃത്താലയിൽ വി.ടി. ബൽറാം, ഗുരുവായൂരിൽ കെ.എൻഎ. ഖാദർ എന്നിവർക്ക് വേണ്ടിയും പിഷാരടി വോട്ട് അഭ്യർത്ഥന നടത്തിയിരുന്നു. ഇവരെല്ലാം തിരഞ്ഞെടുപ്പിൽ പരാജയപ്പെട്ടതോടെയാണ് സോഷ്യൽ മീഡിയയിൽ പിഷാരടിക്കെതിരെ ട്രോളുകൾ പ്രചരിക്കാൻ ആരംഭിച്ചത്.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP